ليلي بصتله باستغراب : اه صحيح انا ايه اللي نيمني فوق؟
سونجمين بتريأة : أمي
ليلي شالت الكتاب حطته ف شنطتها بارتباك ومشيت ناحية باب الاوضة , وقفت فجأة وبصت لسونجمين : ماشي من حقك تعرفي برضو - انا بمشي وانا نايمة - واي حاجة بعملها او بقولها في الوقت ده بنساها تماما اما بصحا - انا لو منك هدور على مكان تاني اقعد فيه
خرجت ليلي وهي بتقول ف سرها : امشي زي اللي مشيو قبلك انا مكتوبلي اعيش واموت لوحدي
سونجمين قام قفل الباب بالمفتاح وقلع الباروكة رماها ف الارض
اترما عالسرير وفضل يرفص برجله زي المجنون , في اللحظة دي تليفونه رن ,
(( دونجهي )) , فكر في الاول انه ميردش عليه عشان اكيد اكيد بيتصل يغلس لكن فيه احتمال ولا 0,5% انه يكون حاجة مهمة
رد : عايز ايه؟
دونجهي : بتردي على اخوكي كده ليه؟
سونجمين : لو بتتصل تهزر هقفل
دونجهي : ماما قالتلي اتصل بيك اتطمن على احوالك عشان هي خايفة تتصل بيك بنفسها
سونجمين : قولها اني متزفت عايش
دونجهي : اه قصدك عايشة هههههههه
سونجمين : انا كلب اني رديت اساسا
دونجهي : لا بجد - ايه الاخبار عندك؟ الاوضة بتاعتك حلوة
سونجمين : مطلعتش بتاعتي لوحدي
دونجهي اتنطط ف مكانه بحماس : متقولش ان فيه بنت معاك ف نفس الاوووووضة
سونجمين بملل : تخيل؟
دونجهي بصوت مسرسع : ياريتني مكانك
سونجمين : ياريتك
دونجهي : انت عارف يعني ايه تبئا قاعد مع بنت وهي فاكرة انك بنت؟
سونجمين بتلقائية : يعني قمة القرف؟
دونجهي : لا يا غبي - (صوت مسرسع تاني) يعني هتغير هدومها قدامك وممكن تنام جمبك
سونجمين بعد التليفون عن ودنه باشمئزاز : هتفضل حيوان طول عمرك
دونجهي : طب قولي قولي البت حلوة؟
سونجمين : كل اللي اقدر اقولهولك عليها انها بتمشي وهي نايمة وبتصحا مش فاكرة اي حاجة من اللي عملتها
دونجهي برأ وسكت ثواني وفجأة قال : كده ممكن تعمل معاها اي حاجة ومش هتفتكر
سونجمين كان هيرجع فقفل السكة ف وشه ,
دخل الحمام اخد دش وغير هدومه بلبس وااسع ولبس الباروكة غصب عنه وخرج على مكتب رئيسة المسكن
أنت تقرأ
صديقتي & حبيبي
Fanfictionلا يستطيع تصديق ما يقترحه عليه والديه لكنه الحل الوحيد و عدم العمل به يعني الهلاك
