وفي مساء هذا اليوم ,,,
كل البنات و طبعا سونجمين راجعين الخيم مهدودين لدرجة ان بعضهم كان راجع زحف من كتر ما مش قادرين يمشو ,
سونجمين اترما عالفرشة اللي ف خيمتهم وغمض عينيه
ليلي بصتله وابتسمت , وطت قلعته الجزمة وغطته
يورا بتريأة : حسستيني انها بنتك
ليلي هزت راسها (لا) : عادي متحطيش ف دماغك
يورا قلعت وغيرت هدومها وليلي كمان عشان كانت متطمنة انه سونجمين نام بجد
يورا جت تنام جمب مينج (سونجمين) ليلي برأت ونطت جمبه
ليلي وهي بتتاوب : يااه الواحد تعب اوي
يورا بايموشن اذبهلال لثواني وبعدين هزت كتافها whatever ونامت عالحرف
ف نص الليل سونجمين قلق اما حلم ان ليلي مشيت وهي نايمة وخرجت برة الخيمة وفضلت تمشي ف الصحرا دي لحد ما تاهت
فتح عينيه بخضة ولف لقاها نايمة جمبه , اتنهد براحة وبص ف الساعة لقاها لسة مش الفجر ( مش الوقت اللي ف العادة ليلي بتصحا فيه )
فضل باصص لوشها شوية وبعد تردد لف دراعه على وسطها وشدها ليه , حس انه كده هيغمض عينيه من غير قلق عشان لو اتحركت هيحس بيها ~
وفعلا بعد وقت محسش بيه لقاها بتتحرك فتح عينيه لقاها بصاله , حضنها اكتر وهمس : كملي نوم
ليلي وهي بتحاول تبعده بالراحة وهمست : سونج انا صاحية بجد
بعد عنها شوية وبصلها بتفاجؤ : ايه اللي صحاكي دلوقتي؟
ليلي بكسوف : الحر خلاني اشرب كتير ودلوقتي عايزة ا ا
سونجمين ابتسم بتريأة : قومي
ليلي قامت وقفت قدام الستارة اللي بتفتحها عشان تخرج م الخيمة وبعدين لفت تبص لسونجمين بتردد
سونجمين بكسل : عايزاني اجي معاكي
ليلي هزت راسها (اه) بكسوف
قام معاها وبعدين حرك راسه بانزعاج : احساسي بالخصلات دي سخيف اوي
ليلي بوشوشة : مش احسن من الباروكة؟
سونجمين شد زعبوط الجاكت على راسه : كله زفت !
جم يخرجو ليلي قالتله : استنا
جريت جابت ال mp3 بتاعها بسماعاته
سونجمين مفهمش هي جابتهم ليه , خرجو وفضلو ماشيين شوية وليلي حسة ان وشها من كتر سخونية الاحراج من الموقف الصهد طالع منه
(( حمام في الصحرا )) مش محتاجة توضيح ,
سونجمين وقف : مش كفاية مشي كده؟ احنا بعدنا
أنت تقرأ
صديقتي & حبيبي
Fanfictionلا يستطيع تصديق ما يقترحه عليه والديه لكنه الحل الوحيد و عدم العمل به يعني الهلاك
