قعدت على كرسي المكتب وهي بصاله وهو بدأ يحكيلها كل حاجة عنه , حس انه كل ما بيحكيلها اكتر كل ما بيخفف من حاجة كابسة على نفسه ,
وفي الاخر اتنهد بابتسامة وقال : بالرغم ان دي اول ليلة ليا من فترة طويلة اصحا مفزوع من كابوس مش فاكر منه اي حاجة بس ده اكتر وقت حسيت فيه اني مرتاح - حاجة حلوة ان يبقا ليا حد احكيله كل حاجة من غير اي تحفظات عشان عارف انه هينساها مع طلوع الشمس ويـ (بصلها باستغراب) انتي مش هتنامي فجأة زي عوايدك؟ انتي فيكي حاجة غريبة الليلـ
فجأة ليلي نامت عالمكتب اللي قدامها
سونجمين ضحك وهز راسه بقلة حيلة (لا) : شال اللابتوب واخد من جمبه الباروكة والجاكت الواسع اللي مينج على طول لبساه , لبسهم ونام
اما ليلي ف عنيها ماغمضتش ~
في الحقيقة ليلي مكانتش ماشية وهي نايمة زي كل يوم , هي كانت صاحية وف كامل وعيها , في الوقت ده من كل شهر ليلي بيجيلها الام في المعدة بتخلي نومها خفيف وبتقوم من اقل حركة , واما حست بحركة سونجمين قامت تعمل حاجة دافية تشربها , خبطت فيه اما خرج من الحمام واما عينها جت ف عينه صوتها اتخرس مقدرتش تصوت كمان حست انه مهما كان الشخص ده شكله ميترعبش منه واول ما اتكلم عرفت انه مينج برغم من صعوبة تصديق حاجة زي دي , سألته انت مين وهي بتتمنى انه يفهمها كل حاجة من غير ماتضطر تستجوبه , وبعد ما سمعته وحطت راسها على المكتب سمعت كل اللي جواها بيقولها متفضحيهوش , وبكده قررت ليلي تساعده بسكاتها
*وفي صباح اليوم التالي*
ليلي طبعا مكانتش نامت طول الليل , سونجمين بيفتح عينيه لقاها قاعدة ف الارض وقدامها كيس اسود زي اكياس الزبالة وبتقفله ,
اتمطع وهو بيبص للساعة لقاها 1 الضهر , بصوته الطبيعي كالعادة سألها : مروحتيش محاضراتك ليه؟
اول ماسمعت صوته اتنفضت وبصتله بخضة , بصلها باستغراب من النظرة الخوف اللي بصتله بيها
بلعت ريئها وبارتباك ردت : ها؟ لـ لا انهاردة اجازة الجامعة
سونجمين نام على جنبه وهو باصصلها : يا سلام - وعندكو اجازة كمان؟
هزت راسها (اه) وهي بتشيل الكيس الاسود ف دولابها
قام بكسل ونزل من سريره وهو متجه للحمام , محستش بيه وهي واقفة قدام دولابها , واما لفت ولقته وراها رجعت لورا هبدت ضهرها ف الدولاب
بصلها بتعبير استغراب : في ايه شوفتي عفريت؟
هزت راسها (لا) : ا انا بس محستش بيك بـ بيكي اما قومتي
سونجمين هز راسه (اه) ودخل الحمام ,
ليلي كانت مريبة طول اليوم , زي متكون بتبص لسونجمين من تحت لتحت ولو بصلها بتدير وشها ,
أنت تقرأ
صديقتي & حبيبي
Fanfictionلا يستطيع تصديق ما يقترحه عليه والديه لكنه الحل الوحيد و عدم العمل به يعني الهلاك
