سونجمين بكسل وهو بيقوم : ليلي !
مشي ناحية الحمام وهو بيندهها بس لقا الحمام مفتوح وفاضي
ومفيش محاضرات انهاردة ومش سيباله اي ورقة تقول فيها انها خارجة
فضل رايح جاي في الاوضة مش عارف يتصرف ازاي
اما جاتله افكار وحشة شد زعبوط الجاكت على راسه وخرج من الاوضة وهو شايف قدامه
وعلى جانب اخر ليلي فتحت عنيها لقت يورا ف وشها راحت مصرخة ويورا صحيت مفزوعة لقت ليلي بتصرخ راحت مصرخة هي كمان
ليلي وهي بتبص حواليها : انا فين وجيت هنا ازاي
يورا بطلت صريخ واتتاوبت : صباح النور
ليلي خبطت على راسها وهي بتكلم نفسها : ايه اللي خلاني اجيلها وانا نايمة – غبية غبية !
يورا : استني افهمك طيب
ليلي مشيت عشان ترجع اوضتها
وهي ماشية شافت سونجمين عالناحية التانية من المبنى بيجري في الممر
ليلي لطمت : يخربيتك ازاي تطلع كده !!
طلعت تجري عشان تلحقه بس طلع ف وشها واحد خلاها تتجمد مكانها
شيوون بعنين بتطء شرار : فاكراني هعديهالك بالساهل ؟
ليلي بلعت ريئها : قـ قصدك ايه
شيوون بجدية خشنة : فين صحبتك ؟؟
ليلي بصت الناحية التانية ملقتش سونجمين رجعت بصت لشيوون وهزت راسها (لا) : انا معرفش انت بتتكلم عن ايه – اوعا من قدامي
جت تمشي راح شادد دراعها ومشاها معاه : هتقوليلي هي فين ولا هتزعليني منك
ليلي وقلبها بيدق اوي وخايفة تصوت عشان متعملش شوشرة ويسألو شيوون جاي ليه ويعرفو موضوع سونجمين
وهو ماشي بيها بيبص يمينه وشماله عشان ياخدها ف مكان هادي ويستجوبها
شاف اوضة بابها مفتوح ومكتوب غرفة الكشف الطبي
طل براسه جواها : حد هنا؟
محدش رد راح داخل وهو شادد ليلي معاه وقفل الباب وراه
زق ليلي قعدها على كرسي
شيوون : بصي بئا – انا مش هسألك على سبب اللي عملتيه امبارح – بس مش هسيبك تخرجي من هنا غير اما اعرف اللي انا عايز اعرفه
ليلي حست ان جسمها بئا حتة تلجة وبدأت تترعش لا اراديا - قالتله : انت عايز منه ايه
شيوون رفع حاجب وبعدين ضحك بسخرية وهو بيهز راسه (لا) : انتي بتـ
يورا خرجت من الحمام وهي بتدندن – شافت ده ف وشها جت تصوت راح كاتم بؤها
شيوون : انا خاطفها بقالي ساعة ومفتحتش بؤها وانتي اول ما تشوفي وشي تفضحيني !
أنت تقرأ
صديقتي & حبيبي
Fanfictionلا يستطيع تصديق ما يقترحه عليه والديه لكنه الحل الوحيد و عدم العمل به يعني الهلاك
