أشرقت شمس يوم جديد تحديداً بمكتب للقوات الخاصه ...
حيث كان يجلس رجل يظهر علي ملامحه الوقار يتفحص الأورق ويحاول فك طلاسم القضيه لكي يحل ألغازها ويرتشف بعض من فنجان القهوه الموضوع امامه ...
إنه اللواء أيمن رجل في العقد الخامس يتميز بالحِده والذكاء والعقليه الثاقبه ،متوسط الطول يكتثي بعض شعره الشيب ذو عيون بنيه ..
سمع طرقات علي الباب وامر الطارق بالدخول ..
- فارس:- تمام يافندم، حضرتك بعتلي.
- اللواء أيمن:- أيوة يافارس اتفضل.
جلس فارس امام الكرسي الموجه للمكتب ..
- اللواء ايمن :- مخبيش عليك الموضوع كبير فوق ماكنت اتخيل وعشان كده بعتلك انت بالاخص لانك من الضباط الكفؤه وتاريخك المشرف يشهد بكده ..
- فارس :- وانا تحت امرك ياسيده اللواء ..
ومن ثم اصغي الي كل ما سوف يخبره اللواء به في صمت تام ..
- اللواء أيمن :- انا لسه كنت بطلع عالقضيه وهي كالأتي ..
«من أسبوع او بالاخص الاسبوع الماضي ، كان في عامل شغال في مصنع أدويه وكان لي زميله تعبان دخل يشوفله مُسكن ، واثناء ما كان بياخد علبه المُسكن ايده زقت من غير قصد وَقعت بعض العلب وتناثرت علي الأرض نزل يلمهم وكانت المفاجاءه بعض العِلب اتفتحت ووقع ما بها تخيل بودره بيضاء «هيروين» كان من المفترض يبقي بداخلها كبسولات !! دخل زميله يشوفه لما لاقيه اتأخر ومن نظره واحده عرف بس طلع جبان قاله مليش دعوه بيك وباللي ناوي تعمله انا عندي عيال عاوز اربيهم ، طبعا العامل دا طلع محترم وقرر انه يبلغ مدير الشركه بكل اللي حصل .. ترك زميله وراح الي مدير الشركه وحكالو كل حاجه واتفاجئ ان المدير مش علي علم بحاجة زي دي ، المدير شكر العامل علي اخلاصه ووفاءه وامر بصرف مكافئه لي ، اتصل بالعضو المنتدب وحصل بنهم حوار وعلي حسب كلام المواظفين قالوا انهم سمعو مشده كلاميه بينهم ،
بعدها بيومين العامل ده مات في حادثه عربيه ، المدير شك ان الحادث دا مدبر وقرر انه يتصل بالعضو المنتدب للشركه ويهدده انه لو موقفش عن اللي بيعمله هيكون سجنه علي ايده ، وانه هيروح يبلغ عنه بالمعلومات اللي حصل عليها ، جهز الاوراق والمستندات اللي تثبت صحه كلامه واتصل باللواء «مختار فوزي» واطلعه علي القضيه ، واتفقو انهم يتقابله ... بس للأسف ملحقش ، بعتوله قناصه اطلق عليه النار من مكان بعيد ، الرصاصه دخلت من شباك المكتب حتي استقرت اعلي جبهته ، توفي في الحال وتم سرقه الادله والمستندات ... ولكن قبل وفاته اخبر ابنته بكل شيء يخص الموضوع ، عشان كده هي شاهد اساسي في القضيه .. و دا هدفك حمايه البنت دي لانها هتبقي مستهدفه في الأيام المقبله .. ومن ثم انهي حديثه»
أنت تقرأ
أراك بقلبى - حصرياً (قيد التعديل)
Romansaشخصيه متعجرفه ومغروره لا يعجبه شيء إعتاد ان يأمر فيطاع يغضب ويثار لا يعترف بخطأه مطلقاً عنيد مستفز في بعض الأحيان ، يُكلف بحمايه بنت رجل اعمال ليحميها من المافيا بعد ان اكتشفت سرهم من والدها الذي اخبرها قبل قتله بساعات ، وتدور الاحداث الي ان يقع في...
