بقيت افكر شسوي واذكرت حابسه بالحمام كلت اروح افتح عليه كتله يسر اطلع كبل بيه ع الشقه لان ٲٍنٍـٍّМ̳Ế̳ـٍْي مااسوق دخت جاي نحجي وماادري شلون اجت سياره صفح وداعمنه وخرب بالحظ نزلت اشوف السياره الامام كله انشال ركضت ع الي تلاكينه ويا هجمت علي احس آللـْ•̣̣̥·̩̩̩̥•̣̥ دزه اليه لان افور حتى يسر ردت اتعارك ويا من نحجي بالسياره وهذا طلع صفح نزلت هجمت علي وماادري شلون اجه المرور ويسر لزمني اخذونه لنقطه مالت المرور وبقو يحجون ويانه الولد فقير وزغير كال خويه كولشي خرب اسوي الك ضجت علي لان هجمت علي وفوك كل هذا يحجي وياي باأدب رحت علي بسته كتله اعتذر ع الي سويته بيك كال لا خويه حقك ٲني جديد بالسياقه يله امشينه ناخذ السياره للمصلح كتله لا يمعود فدوه الك واعتذر مره ثانيه ع تهجمي عليك يسر يباوع عليه منصدم ويخلي ايده ع حلكه ويضحك فضت السالفه وطلعنه صار تسعه بالليل كال وين كتله لشقه رحنه قبل لا اوصل اشو عجبني ابقيه محبوسه اذكرت من رفضتني حسيت اني حاقد عليه اهواي كال يسر ها كتله ارجع كال صدك تحجي والبنيه كتله عوفه محبوسه حته تاخذ درس من هسه كال والله انته بيك شي مثل مساعه هجمت ع الولد وراها اتبوس بي اعتذر الله يساعد الي تاخذك متعرف انته ستريد باوعت علي 😒 كتله مااريد شي اريد يصير عندي حظ بس
كال موجود بس انته ماعندك اكتساب كتله الاكتساب شعلي بالحظ كال اكسب الي اتحبهم شوف شلون راح يكعد حضك كتله خرب حضك ع الواهس بقينه نضحك وحركنه السياره وهي غلست عليه ردت تاخذ درس وعبر من معاشرتي مو عباله احبه ومااذيه
رجعت للبيت اريد اهدء ماكو مااكدر ردت اروح اله بس مااكدر غلست بدلت وطلعت هذا الحجي ساعه عشره بالليل رحت ع جماعتي اتونست وياهم دومنه و اركيله مااكول نسيته بس اتناسيت بقيت للوحده رجعت للبيت تعبان نمت فزيت الصبح كلت هذه شلون خطيه وين هسه شتاكل خابرت ع عمه ام امير كتله روحي ع استبرق كالت شبيه وانته وين كتله اني بيت اخلي وهي البارحه حبسته بالحمام بقت تحجي عليه واتصيح سولفتله الموضوع كالت ماشي اخلص شغل واروح لان ابو امير اليوم موجود كتله ماشي نهيت المكالمه عشر دقايق وخابرتني فتحت خط كالت انته اتريده لولا سكتت كتله ماادري كالت احجي حته اليوم اخصمه وكافي من هذا الموضوع شنو ذنب البنيه اتحصل هيج حياة ع شي هي ممسويته كلتله عمه اني اريده بس هي تتمضيك كالت يعني ذاك اليوم جذبت علينه كتله اي جبرتني من حجيه الجن اني شنو واكف عليه صح اخبه واعشقه بس مو معناها ادوس ع رجولتي وترفض رفض تام كالت معليك يجيك الصافي من اتصل عليك واكولك تعال معناها قبلت واذا ما اتصلت ابد كول ماقتنعت كتله هه لا تعبين نفسج خلي اتولي لا تفشلج كافي تتوسلن بيه اريده هي تجي وتطلب كالت ميصير عمه خطيه مكسور خاطره ع ابوه ومن مرة ابوه واخوه زاد الطين بله كدام خلگ الله شهرهه وانته هم عليه اذكرت من كتلته وكالت انته هم صرت مثلهم كتله الله كريم الي الله كاتبه يصير سديت الفون واتريكت واتغديت وصار الضهر وعمه ماكو كلت اكيد راحت عليه ورفضت مثل عادته واني مااكدر اخابر عليه لان مااتحمل بعد ترفضني صار العصر وعمه ماكو ايست وكرهته اكثر حته ماطلعت من البيت بقيت منتظر جان يوم جمعه وكاعد كالمره الجمعه اروح للمتنبي اروح لابو نؤاس نفتر اني جماعتي هالمره قلق عشت حاله متوتر كولش يمكن بس الي عايش لحظه رد من شخص يحبه يحس بحالتي وبذات الانتظار اتعس شي بالوجود جاي اكوم كلت كافي هي امبين هم رفضتني ابدل واروح ع جماعتي كمت جاي اطلعلي ملابس واتصلت عمتي ام امير كلبي راد يطفر خرب وكتج مو ادري رفضت فتحت خط وكلبي صار بركبتي
