كال يله لا تبقين اتصفطين تره مااقتنع كتله لالا تقتنع وغصب باوع عليه 😏 رحنه اكلنه وسولفنه بس ابد مو مثل قبل قبل جان يباوع ع عيوني اهواي هسه ماكو احس صدك اتغير بس اني شسوي لازم اخضع يستاهل لان اهواي تعب وياي واهواي جرحته كملنه اكل افترينه شويه ورجعت للبيت بس ضجت من جموده
بقيت اصفن اتصل علي ميفتح خط ضجت يعني شوكت يقتنع ويرجع مثل قبل
نمت واني مختنكه
ثاني يوم ماداومت بقيت نايمه ساعه ب12اجت ام انس سوسو بنيتي كومي كتله ها يوم شكو كالت كومي كومي اكو مفاجاه تنتضرج كتله مااريد اريد انام كالت ولج عيب كومي رفعت البطانيه شكو من منو عيب كالت خطابه جايينج كتله منو كالت بيت عمج كتله منو بيت عمي كالت لؤي طفرت كتله جذب كالت والله كمت كبل للحمام فرشة اسناني وغسلت وجهي وخليت مرطب لوجهي وحمره قليل ولفيت شعري ولبست تراك رصاصي وبي بنفسجي ع وردي ونزلت ام انس كالت يمه بالعافيه علي لؤي كتله اني بالعافيه علي كعدت ع الكرسي بالمطبخ واجه منذر كال عيني عروسه يردونج كتله ما استحي كال كومي كومي تستحي دخلت ويه منذر سلمت ع عمو وع لؤي بس ميته من الخجل ولا عبالك البارحه الساني شطوله اباوع ع لؤي ولا يمه يكلب بالفون كلت هذا شبي ميشوف كدامه انسانه عابت اشكد مكروه
عمو سألني كتله بكيف منذر منذر كال اي عمو بكيفي مو اني راح اعيش ويه ملؤي كله ماشي مدام بكيفي اني موافق
قرينه الفاتحه وكمت سوينه موعد الخطوبه وره يومين ولؤي ولا عبالك
اني هم كلت هو اول وتالي راح ننجمع صارت الخطبه وىبيناتنه لان جان رجل عمه ام عصام مريض
وراها بشهرين العرس طبعا فترةالخطوبه يوم اضوج ويوم اضحك لان لؤي كولش اتغير واهواي اشياء كال تغيريهه
اوي ماارفض ابد ميخالف ميخالف
صار العرس عاااا ورجل عمه ام عصام بعده مريض كالت معليكم سوو الي تردونه واني راح احظر صدك ذبينه افلاك مو فلك واحد هه جبت سبع بدلات وجبت ملايات ولؤي خابر ها ولج شلونج كتله زينه كال فرحانه كتله راح يوكف كلبي طبعا راح اتكولون شلون هيج صار لؤي
هو راح يحجي الكم
ؤي : من بعد كل الي صار من استبرق اني ماحبيت ابين اله بعدني احبه حبيت اضبه بس حبيت طريقة اكتسابها بس اكو شغلات ملزمه للتعديل بقيت امتحن بيه مثلا اسولف اقاطعه تحجي حجي �حب ماارد عليه تبجي كدامي مااضعف نفسي واخظع اله كبل يعني اني لبست شخصيه وهميه بس اني منداخلي ميت فرح واسعد بشر بالدنيا وحبيت غلاوتي عدهه احسه صدك حبتني وبالخطبه طلعت اتجنن لالا ومن اجت بالتراك الرصاصي ماكدرت اباوع عليه لان عيونه جايات ترس ويه التراك خرب روحج يمكن بس اباوع يبين بيه الاعجاب كمت اتحسس منه بهيج سوالف احب اشوف منه مااحب ابين اله المهم صارت الخطبه وره الخطبه اتكول ليش ما نطلع مثل المخطوبين اكله لا هيج احسن احس ظاجت بس اني اريد اوصل لنقطه بس بعد مجاي توصل اتكولي تعال علينه ظايجه اكوله مشغول تتصل انطيه رفض ردت صدك اغربله لان هو اني منجرح منجرح عاد هسه يكمل الجرح ولا وره الزواج وتعال صارت حامل وتعال ما ناسبتني وتعال طلكني والطفل يصير ضحيه بقيت اغربل بيه لحد قبل الحنه بيوم دزتلي رساله الي هي لولوه اريد اشتري كم حاجه محتاجته واريد اطلع وياك هالمره اشتريهم كتله مابيه حيل خابرت فتحت خط كالت يعني اني كل شي اشتريت وحضرت ولا كتلك اريدك وياي وتعال شوف صديقاتي من يروحن ويحضرن النيشان حته الابره هو يختاره واني ردت منك بس هالطلعه حته من احجي كدام صديقتتي اذكر هذا اليوم شبيك لؤي انته ما تريدني كول ليش مخليني فرحانه بيك وانته كارهني بقت تحجي واني ساكت بس ضوجتني حيل صح قصرت وياها بس جان امتحان اله كالت احجي كتله نعسان اريد انام يله باي انتي يرادلج خلك كالت والله هيج يعني انته وين كتله بالمشتمل كالت ها اوك طبعا ابويه يزوجنه بالمشتمل يله يخلينه وراها نطلع ببيوت وحدنه يكول هذا المشتمل حته اعرف انته كد المسؤوليه لولا كالت ماشي نام ارتاح سدت الخط واني ضجت عليه بقيت اكلب بالفون نص ساعه واسمع الباب انفتح مالت المشتمل عبالي واحد من البيت بقيت اكلب بالفون ومااشوف الا استبرق واكفه يمي كالت نعسان امبين ماردت منك شي بس اعيش دور المخطوبه حته متبقه بنفسي وانته اتكول تعبان ع شنو تعبان بله انطيني فونك اشوف ويه منو تعبان كتله شنو جابج كالت هذا الي هامك بس ما هامك اني شنو اريد وشنو شفت كتله اخذي ام انس وروحي خلصي حاجاتج كالت والله مو اني ام انس عاقده عليه بقيت تبجي كالت مو كافي تعبت والله واذا انته هالكد كارهني كلمن بطريق هنا وكفت هذه النقطه الي ردت اوكف يمه جنت مصور اطلعه من البدايه بس طلعته بااخر لحظات وكلت حقه لان لحيت وياها كتله عادي كلمن يروح بطريق كالت والله تعبت اني اريدك وانته كارهني ادور بيك لؤي القديم مجاي الكاك وين رحت كعدت
كدامي
