مر كم يوم واستبرق ابد متحجي وياي واني بعد هم مااحجي وياها اجت عمتي ام امير كالت راح اخذها بالكي ترتاح كتله اخذيها واحجي وياها مره لمره اني تعبت صار اسنين احجي وهي ولا ولا كالت ماشي عفته وطلعت رجعت لكيته رايحه بس مختنك كولش صدك تعلمت عليه عبالك بنتي مو مرتي قفلت باب الشارع والمطبخ والاستقبال وكعدت اصرخ اصرخ اكو شي بيه بصدري حار احس جمره غاص بيه دخلت ع الكاروك الي جهزته والملابس احضن بيهم وابجي ابجي لكيت قطعه اله تلبسه بالبيت وبيه ريحتهه حضنته وكتله مو كافي ولج كافي والله جاي اكل بروحي اكل ع مودج كافي نمت بنص ملابس البيبي فزيت ب12 بالليل جًٍْ ـٍْـوٍَْٰ😔😔عٍْـاٍّْن كعدت مشتاق لاستبرق بدلت ورحت لبيت عمتي ام امير فتحت الباب عمتي ضحكت كالت ها كتله جًٍْ ـٍْـوٍَْٰ😔😔عٍْـاٍّْن واريد اتعشه كالت يا فوت عمه يبعد روحي دخلت كتله وينه كالت بالغرفه رحت عليه لكيته لازمه فانيله مالتي ومخليته بحضنه وممطوله اجيت حمحمت فزت كتله بدل هذه الفانيله احضني راعي الفانيله ضحكت حضنتني بسته كتله يله كومي حضري نفسج اتعشه وانروح لان مشتاقلج بكد رحمة الله كالت اوك حياتي فدوه الكلبج اشكد احبنج بكلبي حجيته بدلت واجينه يم عمتي لكيته اتگلي كعدت بالمطبخ واتعشيت وحته هي اكلت عمه كالت الاسبوع الي يجي روحو سافرو الاربيل غيرو جو كتله ان شاءالله رجعنه لبيتنه وارتاحينه استبرق استسلمت الامر الله واني بعد مكتفي بيه وامي يوميه يمه لكيتلك مره واني اي اي ان شاءالله واستبرق كامت اتشك عباله عندي علاقات لو افكر ازوج اني اصلا ما خنته بداخلي بتفكير اشلون اتفكر اخونه ماادري رحنه زرنه الامام الكاظم عليه السلام طبعا اني ابوي سني وامي شيعيه انحب اقتداء الشيعه بااهل البيت واني هم اقتدي بيهم
وخلينه امرنه يم الله بعد رجعنه وعشنه طبيعين وهي قدمت ع قناة وتعاقدت وياهم واني مستمر بدوام ومرت 6اشهر واستبرق جابوهه للبيت متخربطه خابروني اجيت لكيته حالته كولش زفت شكو كالو ماندري جاي تحضر نفسه وكعت راحن صديقاتها وكتله شكو شبيج كالت ميته جوع اكل واسولف اكلنه لان هي تسوي اكل بالليل اتضمه من نرجع تحمي
اكلنه وكذا لعبت نفسه كتله شكو شبيج كالت ماادري خابرت عمتي وسولفتله ع وضع استبرق كالت عمه روحو للدكتوره العصر وشوف شكو رحنه العصر لدكتوره كالت سوو تحليل دم رحنه نسوي كال ربع ساعه ويطلع لان جان هوسه ع المختبر صاحو استبرق منير نعم مبروك حامل اني كتله متأكد كال اي ليش غير اسمه استبرق كتله اي كال وابوه منير كتله اي اباوع استبرق ماكو ابو التحليل كال وكعت التفت الكاها واكعه وراي خاب ولج كومي شهرتينه كالت منير صدك حامل كتله اي اي منير طلع من الكبر كالت اهو لؤي كتله لالا صار بيج زهايمر كمنه ميتين فرح وضحك صعدت بالسياره كالت وين كتله للبيت اريد احضنج اريد اموتج ولج اتكلبين اسمي منير هيج بس سمعتي بيج بيبي نسيتي اسمي هي ميته ضحك كتله الحوله كالت عيونه وروحه انته كتله شسوي بيهم عيونه الحول وصلنه وكمت اهلهل وخابرت عمتي اجت واهلي ومنذر طبعا ماكتلكم منذر ازوج من جانت حامل استبرق
اجه هو ومرته وصارت الفرحه عالميه ويا بيت ما دخلج شر والحمدالله الله فرجهه علينه من بعد هالسنين والوجع والتعب يعني 2013 زواجنه جان بدايت السنه وخلصناها وناسه ومو بالنه بيبي من جانت سنه 3اله و2014 سنه اخيره بشهر الرابع بشهر السابع حللنه طلعت الصدمه خلصت 2014 ورحنه سافرنه ونتظرنه البيبي ومات 2015 بشهر التاسع من 2015 ومن استسلمنه امام الله 2016 صارت حامل سوسايتي وبشهر العاشر 2016 صادف والحمدالله الله تممه علينه بخير وصرت ابو كرم والحمدالله وياحلاة الدنيا بالاثنين مرتي وابني
اتخيلو استبرق شلون تصرف ويه كرم حته متقبل تتطلع وخلصناها مكابيلينه وكاعدين
الحمدالله وشكر ع كولي
( كولشي يبقه يم الله ينقضي بالاجمل ومو اي شي يوكعك تستسلم ضربت بني ادم مو مثل امتحان رب العالمين ضربت بني ادم من يضربك لا تسكت وتستسلم صارع حته تثبت قوتك مو كدام الناس كدام نفسك والي يظلمك لا عبالك الله يسنى ربك يمهل ولا يهمل والي اتحبو قربو لا تتعززون علي والي مايجي من الله لا ادورون علي اليوم ماانطاك هالشي اله بيه حكمه يا ينطيها بوقت مناسب لو هالشي مو صالح فالخاتمه للروايه هو الله يمهل ولا يهمل يطينه ع كد نوايانه
استودعكم الله ياارقى متابعين صديقتكم واختكم Shefaa Al Siaday احبنكم😘 وعذراً عن طريقة نشري بس ظروف صادفت I am sorry
