كالت بداعت امك انته عندك حبيبه والله عادي احجي عاد احترم نفسي واعوفك ولا ابقه هيج مامفتهمه شنو مصيري احتمال حته من راح اجي يمك راح تبقه هيج واني متعوده ع لؤي الي يدور عليه بعيوني كتله هالكد مغروره بعيونج تره هنه عمص كالت والله انغريت من وراك بقت تبجي قربته عليه كتله خلصت خلصت كالت شنو يعني كتله موال براسي غنيته وخلاص كالت مافهمت حضنته كتله يله انتظري ابدل واجي هي تباوع متفاجاه شكو لؤي
كتله مو ترديني القديم كالت اي كتله اي راح ارجع بس شايفه اذا رجعتي مثل قبل لالا هالمره يصير اسلوب بعنف خاف هسه اسلوب بااهمال طفرت عليه لولوه صدك رجعت كتله اممم تقريبا شفقت عليج كالت اشفق استخصيني اعتبرني عابره سبيل بس ارحمني بيك كتله هيج صرتي كالت واكثر بس صف وياي كتله يعني شتردين هسه مني كالت مااريد بس شغله وحده كتله اممم وهي كالت حبنه يتحد كتله وننطلق اكلاندايزر ضحكت حضنتهه كتله ابدل واجيج جاي ابدل كالت تره عيب عليك تعوفني وتفوت تبدل فاتت كالت الله هذه غرفتك باوعت عليه كتله دوري وجهج موعيب كالت يعني مو لابس ملابس داخليه ع شنو عيب كتله وبعدين شنو غرفتك غير غرفتج كالت صدك ولا ادري اجت حضنتني كتله طبعا انتي اهواي متأثره بالتركي وجاي اتسوين سوالف مال مسلسلات كالت ولك هو احنه انعلمهم اني اذا يكعد يمي مراد احوله من عنف الى رومانسي كتله والله شنو الثقه الحوله هذه كالت مو جناب حضرتك جنت اقسه من جذع النخله وشوف هسه تبوس بيه كتله والله هيج انغريتي يعني كالت انغر بيك وعليك ومنك يعني مااعبر خطك بنوب حضنته وووووو ووووو وووووو مال مخطوبين
وطلعنه كتله والله عيب هسه يشوفج اهلي كالت اي عادي يشوفون كتله ولج انتي زحتيه كولش كالت ليش هو الي يوكع بحبك حته كصته تتفطر كتله ليش كالت مايبقه بيه مستحه ومي خرب روحج ع هالوصف هذا الارضي ضحكنه وصدك احس رجعت بس احسن من قبل والهواء يدخل يركص بريتي كتله شنو تشترين كالت اشتريت كتله ها شوكت كالت قبل شويه اشتريت سوالف حلوه وحاليا بعدهم مطبوعات كتله بت منير كافي لا واللله ارجع بيج واسوي العرس اليوم ضحكت كالت ماتسويه كتله اسويهه كالت ماتكدر كتله اول شي لا تتحديني تره اطك براسي وانعل عشيرتج نفر نفر كالت لالا يمعود شقه مو تحدي استمر بالسياقه يله كتله نسوان ما يجن الا بالعين الحمره رحنه اشترينه كم حاجه وفلسنه ورجعنه لو ما سيارتي جان رجعنه مشي
ثاني يوم الحنه رجعنه طبعين وصارت حنه ومن رحت لاستبرق لكيته ملكه كتله خاطر دينج انتي كافره لو محمديه كالت لالا مسلمه عاشقه مخبله بواحد يجنن
مر يوم الحنه يجنن وكالساع اتروح اتبدل ومطيره عقلي شاورته كتله استحي منا النسوان كالت لعد اني غير الك شمسويه
ومن العصر لحد 7اني كاعد خرب ولكم يله
نروح للقاعه ساعه ب8 ونكمل الحنه اهناك رحنه للقاعه ولحد 10 وصارت عالميه ومريتي لابسه بدله تفاحي واني لابس قاط اسود يسمو قاط مراد
