من بعد مرور هالسنه رحت الاهلي وامي بقت اتلح جيب مرتك اني اخذهه وكل ساع وكالت انته مابيك خير مره قايدتك ومن هاي سوالف كتله الدكتوره اتكوله لازم اتسافرون وتسوون حمل لان حمل عادي ميصر امي بقت تحجي شيوديك وع شنو ذاب فلوسك الفلوس الي اذبهم عليه ازوجك بيهم ومن هاي السوالف ضجت وطلعت رجعت لابيت قررت انسافر استبرق فرحت بس اني ضٰـٰـٰٰ♀ـًٰآيچ ماادري ليش كعدت ويه استبرق كتله حياتو تره ماصار اهواي من ازوجنه ب2012وهسه 2013 انته الي قررت وكلت انسافر ماكتلك اني كتله ع مودج والله كالت اوك نبقينه ننتظر خلي ننتظر كم شهر اذا نفس النتيجه نسافر كالت اوك رجعت لدكتوره كلتله جاي يصير تطور
بقينه ع امل ونتهت الشهرين ونفس الشي قررنه نسافر سافرنه وسوينه طفل وبقينه 3اشهر رجعنه ومااخليهه تتحرك ابد وفرحانين كولش وهي رجعت طبيعيه وبس تضحك واني فرحان بضحكته اكثر من البييي مرت اشهر وصارت بشهر 8 طبعا يوميه يم دكتوره اخر شي كتله عوفج بعد لاتروحين لايصير شي بالبيبي منا ماتجيبين مدام عبرتي الخامس الحمدالله صدك دخلت الثامن كالت لؤي الطفل صارله 9ساعات ميتحرك كتله حيييل هيج مخليه بالج ويا كالت اي مو تعلمت ع دفراته كتله ان شاءالله هسه يرفسج رجعنه طبيعين بالليل وهم عادته عليه الطفل ميتحرك بقت تبجي ولج شبيج لؤي الطفل مجاي يتحرك متعلمه علي كل ساع يظربني بقت لازمه بطنه وتحجي ويا ماما حبيبي تسمعني اتحررك بداعت بابا اشتاقيتلك حبيبي اتحرك كتله لالا انتي تخبلتي رسمي كومي انروح للمستسفى رحنه دخلوها جوه مخلوني ادخل وطلعت دكتوره وين لؤي زوج استبرق كتله اي هنا كالت عيني منو وياك كتله محد كال مرتك يرادله عمليه كتله ليش كالت الطفل ميت اني احس رجلي نملت كتله شنو ميت شتحجين البارحه يتحرك كالت عيني هذا امر االله هو شباب جاي تروح بليله وضحاها
كلت الله يساعد كلبج يا استبرق اكيد راح ترجعين اتعس من قبل لا نوب عاشت ويا كل لحظه الحمدالله ياربي ليش هيج جاي تعذب استبرق بس الك بيه حكمه خابرت عمتي ام امير وخابرت ام انس وامي واجو اني بعد مافتت للمستشفى طلعت من بعد التوقيع افتر بالسياره وظايج ع الطفل ع استبرق ماادري طلعت حيل ابتعد صارت ب2بالليل رجعت للبيت كبل نمت حته استبرق ما نويت اروح عليه لان اني محتاج شخص يقويني اجذب اذا اروح واصنع اله بقوه اصلا هي ماموجوده
نمت فزيت بالسته خابرت عمتي ام امير كتله وين انتو كالت صدك تحجي وين رحت وعفتنه كتله عمه اروح فدوه لكلبج ماابيه حيل الكولشي والدنيا طافره من عيني كالت يااا عمه صدك تحجي كتله واكثر خليني هيج كاتم ع كولشي تره بس احجي اصير اتعس من حالت استبرق كتله اجيب ريوك كالت اي وامك شيبت راسي كتله جاي جاي رحت للمستشفى كالو انتضر انتظرت
انتضر انتظرت جنت جوه همه فوك خابرت امي كتله وين انتي كالت يم مرتك كتله وشلونه كالت زينه واتريدك كتله اي جاي صعدت لكيته تبجي اجيت عليه كتله الحمدالله ع سلامج حبي ماحجت بس تباوع وعيونه تجري عمتي ام امير كالت يله نطلع امي اجت كالت تره ماصايره هيج البارحه تعوفني هنا والبرد اكل اضلوعي ومرتك بس تصرخ كتله ها يوم حگج عليه كالت اي هاي هي لو بس تاخذ احجايتي ما هيج تبهذلت كتله الله كريم كعدت يم استبرق وجبت ريوك اله وهنه هم اخذن ريوكهن وطلعن كتله يله حياتي عمعم كالت لؤي المفروض هسه هو بين ادينه وانته جاي اتشوفه وتشيله وتأذن بااذانه موهيج لازم كتله يله كافي بس بطلي احلامج هذه الي عمت علينه كالت لؤي ماهامك شي كتله اي ماهامني بس انتي فكيهه كالت شفك واني بالكوه صار عندي ركعت الميز باايدي والشاي اتبده كتله كاااااااااااااافي والله دمرتيني يعني شلون هذا الله هيج كاتب علينه فوك حكم الله انتي لا وتكول مامهتم يعني شسوي اكعد كدامج وانوح هي تبجي عفته وطلعت اجت عمتي وامي شكو شبيكم كتله كافي خلي اتفكني من البجي طلعت الدنيا محتركه بصدري رحت لدوام متأخر وكل يوم عقوبه جايتني لو قطع راتب
