ولابس تيشيرت جوزي وبنطرون كابوي وجسمه معوظل اتمنيت ابقه بحضنه بس بعدني عايشه دور ابن العم بس وخرت منه وهو يعتذر وبقيت احجي وابجي وهو شكله ذبلان بس مو بكد مااني ذبلانه اصلا اني احس صغرت اكثر من كال احبج حبيته منه بس حبيت اعيشه ويه شخص مامأذيني عيوني تبجي ماادري ليش كال شكو ليش البجي كتله ماافيدك وقريتو الردمني هو سكت اني حجيت وتورطت حسيته حجايه طلعت من لساني م و من كلبي وحتى القسم جان مو محله احس جذبت اوي لؤي اوكف اعتذر بس بكلبي هو انسحب بهدوء وطلع بقيت ابجي ابجي شسىويت اكيد خسرته لؤي لحظه زلت السان استعجلت لا تروح اوكف بس هذا الصوت بقه يصرخ بداخلي بس اني ما كمت من مكاني لحد مااجت ام انس كالت شبيج شسوالج كتله لا اني هالمره سويتله اذيته خلي يتأذه مو بس اني كالت الولد ميحجي كتله ماادري بي بس اني اختنكت ماادري شكو عطره بقه باانفاسي ردت احبس انفاسي خاف يخلص عيونه السود غركني بلهفتهم ايده الي ضمت اديه بجف واحد صدك معالم رجال وزلمه حضنه الي من حضنته كلبه الي من سمعت دكاته حسيت اكتملت بس شسوي الي صار بيه خلاني مااعرف المشاعر من الكرهه من الاوادم بقيت ابجي رجعت للحمام واذكر من حبسني وبقيت اطلعله اعذار اكيد لان صدك يحبني غار عليه وحبسني لالا هو يضحك عليه مو يحب وحده ويحجي وياها بالتليفون اوف دخت دخت
مرت ايام ورجعت لبيت اهلي من بعد ما اجه منذر اعتذر وعمامي وعماتي ورجعت الحياة الطبيعيه وداد جذذب اهله موجودين وهدرو دمه ويه العشيره وتبرو منه واخوان عدهه 3 اجو سألو عليه وطلع منذر ومنذر كلهم انتو منو كالو اخوانه واصلا حتى ميدرون ابوي ميت لان جانو بسفره وعمامي انقبت عدهم ماعدهه اهل لان محد اجه بالفاتحه وهمه طلعو مسافرين الجماعه
واني رجعت لجامعه من بعد ما قدمت العذر انو جنت بالمستشفى مريضه
ومنذر يداوم بمستشفى واني داومت طبيعي بس لؤي ماراح من بالي ابد بذات من حضني وكولشي كمت اذكر من حماني من بالمستشفى وكاعد يمي من نتناكر من انباوع ع اللعبه اذكر كلبي يوجعني احس جاي اشتاق وابد ما انعجبت بواحد من بعده بقيت تقريبا خمس اشهر ع الوضع وكلت كافي شنو اني يوميه اتمنه اسمع صوته واتمنه حته لى نرجع مثل قبل بس نگره اتصلت علي فتح خط وكلبي راد يطلع من القفص الصدري سمعتو الحوار من سد الفون بدون مااحجي هو وحده كال باي بقيت ابجي ابجي اكول حقه اني اهواي اجاسرت بس لازم احصل علي لان مااعتقد الكه مثله حبني واني متهميني وحبني واني كارهته
بقيت لحد الفجر ونمت ثاني يوم ضربت الدوام ورحت ع بيتهم وكفت بالفرع ساعه 7 الصبح والجو صار بارد لابسه بوت اسود وكوت اسود وبنطرون كابوي وبرنيطه سمائي ولفاف والدخان يطلع من خشمي وحلكي وجهي جمد واشوف طلع صعد سيارته حرك السياره راد يطلع من الفرع صرت قريبه ع سيارته وكف كال هاي شنو شجايبج كتله اصعد عادي كال متأخر كتله واني هم واريدك توصلني صعدت كتله شلونك كال البارحه كتلج شنو كالساع كتله وليش عصبي كال لا طبيعي شكو ليش هنا كتله ردت اشوفك كتله وشنو المناسبه كالت مشتاقتلك واني من اشتاق اعبر سبع قارات حتى اشوف المشتاقتله كتله عااا ولا ادري بيج هيج بطله باوعت علي كتله ولا ادري بيك هيج صاير حلو كال شكراً كتله ولو حقيقه كتله صدك تره منو يشوفني يكولي صايره سوده كال ليش كتله ماادري من يوم الي خليت من دمك واني صرت سوده باوع علي 😏😏
