لمَ اعلم إلى اي مَدى احببتك!!".

بَ"١".

-رأيت عيناكَ.
...
قامت مفجوعه من نومها، على صوت موسيقى عالية.
بصوت رجولي وصاخب : يييههههييييههههه!!!! بنتتتت!!!
شيماء ترقا فوق السرير وتنطنط.
رفع راسه: شيماء تبين اموتك؟
شيماء: يالله قوم ياخي وديني المدرسه وروح جامعتك.
دحوم بكسل : خلي سواقك يوديك!
شيماء بصوت مخذول: كل هذا عشان بابا؟
دحوم يرفع راسه ويجلس ويمسك بيد شيماء:شيماء هذا مو بابا حقنا، احنا بابا حقنا توفى تفهمين؟ .
شيماء تمتلي عيونها دموع وهي تطالع دحوم: بس قوم داوم هذا اول يوم لك يالله خلينا نروح مع بعض.
دحوم يبتسم ويمسك خدودها:عشان عيون نتفتي انا بروح الجامعه.
شيماء : صح! امل تحت.
دحوم : قولي لها تجي.
توه مخلص جملته الا امل فاتحه الباب: يعني كل هذا عشان تقوم من النوم.
دحوم يضرب شيماء بشويش : قومي يالله يالله وسكري وراك الباب.
قامت شيماء وسكرت الباب.
ودحوم يقوم من السرير وامل بكل هدوء تروح له وتشفشفه وهو داخ بمكانه وماعرف يتحرك بعدها دحوم دف امل على السرير وصار فوقها.
امل: شفيك؟
دحوم: لابس احبك.
امل: اعرف.
وهو يبوسها بهدوء على رقبتها: اموت انا على الي يعرفون.
-
بعد كم ساعه.
امل تقوم: خلاص بعد! ترا تأخرت على جامعتك.
دحوم: كم الساعه.
امل وهي تلبس: ٨ ونص .
دحوم: اوف الحين قايم.
-
بعد مالبس وخلص وركب سيارته .
دحوم: يالله اركبي لا اتأخر.
امل: لا خلاص بروح مع اخوي.
دحوم: اقولك اركبي انا ابيك معي.
امل: اسفه والله هو مهاوشني يبيني ارجع معه.
دحوم يتنهد: خلاص روحي بس دقي علي اول ماتوصلين جامعتك.
امل: اك.
انفتحت بوابة بيت دحوم الشبيه با القصر وطلع.
...وصل الجامعه بسيارة اللمبرغيني والكل يطالع فيه وهو ينزل من السياره بكل هدوء ويمسك مفاتيح سيارته وبوكه بيده وجواله بيده الثانيه والهواء يلعب بشعره الذهبي ويبتسم بغمازته المحفوره بخده وعيونه العسليه الكبيره ورموشه الكثيفه والطويله.
اول ماوصل لباب الجامعه وكل العيون عليه جت مديرة الجامعه.
': يا اهلاً وسهلاً والله كيفك يارب بخير، تفضلي معي المكتب.
تمشي وكل العيون عليها.
جلست على الكرسي قدام المديره وهي تطالع فيها وهي ساكته والمديره تطالع ب دحوم وتبتسم بهدوء.
دحوم عرف انها خاقه.
دحوم : ايوه؟
المديره: اي صح! تفضلي.
دحوم: انا متفضل من زمان.
المديره تضحك: وش اسمه ايوه وين حابه تكونين ووش تخصصك واتجاهاتك.
دحوم: عندكم دورات؟ مدارس وكذا؟
المديره سكتت شوي: اي اي في طبعاً!.
دحوم: ابغا اروح دوره ،مابي اداوم بالجامعه.
المديره ترفع سماعات التيليفون: اوك استني.
-
سمر تقابل جواهر بوجهها.
سمر: مالقيتي ترف؟
جواهر: لا ما ادري وينها.
سمر: مو ورا المدرسه تدخن كالعاده؟
جواهر: لا مالقيتها ياخي.
سمر بصوت تعب: احنا مشكلتنا نحبها.
جواهر: شوفيها!!
سمر لفت ولقت ترف تتجه لهم.
[ترف؟ انسانه غير عن اي انسانه هاديه كثير ماتكلم احد ولاتسولف مع احد كئيبه لدرجة الجنون، ماتحب احد وماعندها اهل وساكنه لوحدها، وداخلها عواصف محد يقدر يشوفها او يفهمها ، وماتسولف ابد وطول وقتها شعرها يغطي على وجهها وعمره محد شاف ملامحها زين...انسانه غامضه منجد، بس لاتجرب تقرب منها او تحاكيها لان الكل يخاف منها ومحد يقرب منها وماعندها غير جواهر وسمر الي متقبلينها بعيوبها.]
جواهر: وين كنتي؟.
ترف تطالعهم بسكوت.
سمر : امشي ماراح ترد عليك.
مشو كلهم وترف كالعاده ساكته.
سمر تاخذ شنطتها هي وجواهر.
جواهر: يالله نطلع.
سمر: ترف بترجعين لوحدك؟ ولا نوصلك.
ترف تشيل شنطتها وتطلع.
سمر: اوك بترجع لوحدها.
جواهر تمسك سمر من كتوفها وهي تطقطق: جبهتك يالله!
-
دحوم يدخل غرفته وينسدح وتدخل على طول شيماء تركض وتنط عليه .
شيماء : ليه جيت بدري؟ تكذب علي.
دحوم يرفع نفسه: وانتي ليش غبتي ؟ مافي مدرسه اليوم يامعفنه؟
شيماء: صديقاتي زعلانين مني مابي اروح عشان يحزنون علي .
دحوم فيه ضحكه: منجدك؟
شيماء: دحومم لاتضحك!.
دحوم: اسف شوشو بس يعني انتي سادس ابتدائي وش هالحركات بدري حبيبي.
شيماء: اف منك ليش جيت بدري؟!
دحوم: ماراح ادرس اول باخذ دوره ب ثانويه بعدين بداوم بالجامعه.
شيماء: اهااا اوك.
دحوم يدغدغ شيماء: يله قومي قومي روحي نامي!
شيماء تضحك: طيب .
دحوم يحط ظهره على السرير ويتنهد وهو يدق على امل.
امل: وينه حبيبي؟
دحوم: ب البيت.
امل: بدري؟
دحوم: مافي دوام بحظر دوره ب الثانوي.
امل: يع الله يعينك على الاعجابات ورسايل الحب حقت مبزرة الثانوي.
دحوم: م هموني.
امل : لاتطالع احد تفهم!
دحوم: وهو في احد احلا منك عشان اطالع.
امل تضحك: يمه منك .
دحوم: يله انا رايح انام حبيبي.
امل: طيب يله باي.
دحوم يقفل.
ويخش بنوم عميق.......
-
الساعه٧:٥٥ الصباح.
دحوم يقوم على المؤقت المزعج والخادمه تطق الباب.
قام دحوم بسرعه يركض ويطلع ملابس وياخذ شور سريع.
نزل بعد م اخذ اغراضه بيده بسرعه.
الخادمه: مدام صغير راحت مدرسه مع سواق.
دحوم: زين سوي لها اكل اول ماترجع وخليها تاكله كله.
الخادمه: طيب.
طلع دحوم وركب اللمبرغيني حقته بسرعه ومشى بأسرع ماعنده.
-
وصل ثانوية شاهين ونزل بسرعه .
دخل من الباب وبوجهه معلمه وطالبتين.
المعلمه غطت وجهها : خير ان شاءالله!!!
دحوم تكتف وهو يطالع بطرف عين.
المعلمه تشيل الطرحه عن وجهها بهدوء: اها، ومين انتي ؟
والبنات يطالعون ومفهين ب دحوم.
دحوم سحب على المعلمه ودخل جوا .
وصل وهم واقفين ب الطابور واول مادخل من الباب كل البنات طالعو فيه وصار مره هدوء.
سمر: امبيه طالعي جواههر!!
جواهر تلف: مين؟ وين؟
سمر: هناك!
جواهر: يممممههه تمبوويي!!
سمر: طالعي مره حلو اف .
جواهر : بس وش جابه هنا؟
جت الاداريه : ياهلا والله ببنت اكبر تاجر بالمدينه.
دحوم يطالع وهو ساكت.
الاداريه: شوفي هناك غرفة للراحه خاصه حق بنات الجامعه و بيصير فيها اجتماع مع المديره تعالي.
دحوم مشا بعد ماخلصت الاداريه كلامها وراح للغرفه وجلس ياخذ نفس بطفش وهو يحط راسه على طرف الكرسي بتعب.
دخلت المديره بعد دقايق ومعها كل البنات الي جاين دوره وجلسو كلهم على طاولة الاجتماع وبدو يحكون ويتناقشون عن المدرسه.
المديره: الاستاذه ساره واستاذه دانا راح يكونون مشرفات اجتماعيات بحكم انهم طالبات علم نفس ، وعندي لكم طالبات معينات عندي هنا بالمدرسه محتاجه تساعدونهم وتحاولون تتقربون منهم وتفهمون وضعهم يمكن يتقبلون منكم ويتحسنون.
وقف دحوم واخذ شنطته وطلع بعد م عرف مهتمه.
لحقت وراه ساره .
ساره: اا دانا!
التفت دحوم عليها : اسمي دحوم؟.
ساره بخوف: شسمه اك اسفه دحوم .
دحوم يطالع فيها بسكوت وينتظر منها تتكلم.
ساره بدلع: يعني بمى اننا بنشتغل مع بعض وكذا حبيت اسلم عليك وكذا (مدت يدها).
دحوم سحب على يدها : انا بشتغل بلحالي هاتي الملف اختار بنت .
ساره عصبت واعطته الملف .
دحوم يفتح الملف عشان يشوف البنات الي اختارتهم المدرسه عشان يساعدهم ، وبدون م يركز سحب سجل بنت واعطاها الملف وراح يمشي بدون مبالات.
دخل دورت المياه ، الي كانت ممتليه بلبنات الي يسولفون واول ماشافوه عمّ السكوت .
وحده تدف صاحبتها عليه.
البنت: هاي؟.
دحوم يطالع فيها وهو ساكت.
البنت: شسمه عادي اخذ سنابك اذا ممكن؟
دحوم: على فكره انتو جاين هنا تدرسون (ابتسم)مو تشبكين الجاي والرايح .
واعطاها ظهره وطلع.
-
مو دقايق حتى انتشر موضوع وجوده بالثانويه ومكانته ومكانت ابوه ووش كثر هو مغرور وشايف نفسه ومو معطي وحده وجه،ومابقا مزه بالمدرسه ماحاولت تشبكه بس لاحياة لمن تنادي.
-
نهاية الدوام.
جواهر: يعني الحين ما اخذتي حاجه من السوق رحتي على الفاضي؟
سمر: لا ، ياخي مافي شي عجبني لازم نروح كلنا مع بعض
جواهر: ماعندك مشكله والله قدام ! هاه ترف تجين معنا؟
ترف وهي جالسه بلزاويه وماسكه كتابها ماعطتهم اي جواب.
سمر: لا اكيد ، هي عمرها طلعت معنا.
ترف طالعت ب سمر بهدوء.
سمر: على زق لاتطالعين كذا تراك تخوفين.
جواهر ميته ضحك عليهم ، وقاطع ضحكها مرور دحوم الي لفت نظر كل الي كانو جالسين بالساحه الخارجيه.
جواهر: ياخي سبحان الخالق كيف هالانسانه حلوه وملامحها كنها ولد منجد.
سمر: منجد، شي يخوف.
ترف وقفت وصارت تشيل اغراضها.
جواهر: ياخي امانه تعالي معنا لاترجعين البيت بس.
ترف بدون م ترد على جواهر شالت شنطتها وطلعت رايحه لبيتها.
...
تمشي بالشارع بخطوات بطيئه وسماعاتها ب اذنها ، وصوت الميوزك يعزلها عن العالم الي يوجع.
وصلت لمطعم صغير بزاوية شارع بدون انوار رغم وجود الصباح.
دخلت وجلست على الطاوله تنتظر طلبها المعتاد والي كل يوم تمر تطلبه.
حط الاكل على طاولتها وجلس قدامها.
مناف: ترف ماتبين ترجعين البيت.
ترف تاكل بدون م ترد عليه.
مناف: ترف انا اخوك ماراح اكلك، وانتي شايفه عندي مطعم وفي زباين اقدر ادفع حق دراستك ان دخلتي الجامعه واساعدك بس ارجعي عندي البيت.
ترف حطت الملعقه وهي راسها على الطاوله بسكوت.
ترف: تبي تضايقني بس صح؟
مناف : لا لا والله لاكن.
ترف: انا قايمه.
شالت اغراضها من على الكرسي الثاني وحطت شنطتها على ظهرها وطلعت من المطعم بكل عصبيه وهي راجعه لشقتها.
تمشي على رصيف الشارع مقتربه من شقتها .
وتسمع ذاك الصوت من السياره الي مرت من جنبها وهي تهدي........)
يتبع؟