لمَ اعلم إلى اي مَدى احببتك!!".

الاخيَر"٢٣".

بعدَ ٣ شهور.
نزلت ترف الصبح قدام البيت بلبس الرياضه وقررت انها تركض شويَ، الجو كان جد حلو وماكان في شي شاغل بالها غير شوقها ل دحوم، لان صارلها ٣ شهور تقريباً ماشافته وماكان يكلمها ومختفي.
-
دحوم: خلصتي كل الاوراق مابقا شي صح؟
نارمين: ايه نعم ، بس قدامك تقريباً اجتماعين مع الرئيس ونكون حلينا الاوضاع هنا.
دحوم: زين انا طالع اكل شوي وابدل ملابسي من البيت واجي.
طلع دحوم بيركب سيارته وقابل ابوه وهو نازل من سيارته وسوا نفسه مايشوفه وبيركب السياره.
ابوه: دانا.
التفت دحوم وسكر باب السياره: وش تبي؟
ابوه: ممكن نتفاهم؟
دحوم وقف وابوه صار يمشي رايح له .
ابوه: كلمتوقع رجعتي اوضاع الشركه زي ماكانت وتستاهلين هديه .
دحوم: شكراً بس لان الشركه من جهدي مو محتاج منك هدايا.
ابوه: دانا وقفي هنا وخليني اتكلم معك زين.
دحوم: راجع بعد بكرا عند اختيَ.
ابوه: كنت بقولك اني برسل اختك هنا معك وتكمل دراستها هنا، والجامعه اقدر اكفل اي احد فيها مو شرط تمسكينها وتعالو عيشو عندي.
دحوم ابتسم: وليش ان شاء الله؟ انا اسوي الي انا ابيه مو الي تبيه انت اننا نسويه ، لاطلقت المتخلفه الي مسميها زوجتك تعال كلمني.
ركب سيارته ومشى بدون مايسمع شي.
وصل للبيت وطلب من الخدم يسوون له اكل على ماياخذ شور.
-
جلست على الرمل قبال البحر وشوي الى نط عليها احد.
بخوف دفته.
ضحكت جواهر: شفيك ياخوافه تدقين علي عشان اجيك وتخافين لمى اجي.
ابتسمت بتعب.
جلست جواهر: وش هالوجه؟ مو عاجبني.
ترف: وين ديفد؟
جواهر: راح يوقف السياره بعيد وبيجي.
ترف: زين.
جواهر: لا جد وش فيك؟.
ترف : مافيني شي.
جواهر: بنت بنقال انا؟!
ترف: مدري يا جواهر لاتضغطين علي احس بروحي انا بنفجر.
انسدحت ترف بشكل كامل على التراب وصارت جواهر تطالع فيها شوي بعدين انسدحت جنبها ومسكت يدها.
جواهر: ادري انك مشتاقه له، بس تحملي مابقا شي ويجي.
ترف بسرعه تمسح دمعتها الي نزلت وتبتسم.
جا ديفد وبالغلط رمى عليهم رمل .
ترف تكح وتقوم وجواهر معها.
جواهر: ههيييههه!!!
ترف: ترا بجلد حبيبك ذا.
ديفد: اهدو شفيكم بالغلط.
جواهر قامت بسرعه بتضربه وهو صار يبعد عنها.
وقفت ترف تضحك وتبعد التراب عن ملابسها وشعرها.
راح ديفد وراها.
ديفد: احميني .
ترف مدت يدها تحجب جواهر عن ديفد.
ترف: بعدي عنه(وغمزت).
جواهر وهي تبتسم بعدت على ورا: طيب مافي مشكله.
شوي الا ترف لفت ومسكته وجواهر ترمي عليه التراب وكلهم يضحكون.
-
طلع دحوم بعد ما اكل وبدل ملابسه ومسك جواله ويبغا يدق على ترف لانك ماكان يقدر، يخاف يسمع صوتها ويرجع على طول قبل ما يخلص شغله، كان صعب عليه انه يتجاهل مكالماتها له، كان يحس بكميه وجع وشوق ووده يرد لاكن مايقدر.
بهالحضه وهو جالس يفكر بسياره دقت شيماء.
شيماء: دودو.
دحوم: هلا؟
شيماء: كيفك.
دحوم: الحمد الله يا امي قوليلي وش صار بالمدرسه؟
شيماء: ماصار شي ، جالسين نحضر لحفل التخرج وما اخذنا دروس.
دحوم: زين ، اسمعيني.
شيماء: سم؟
دحوم: ايش رايك تدرسين جامعه هنا؟ تجين عندي ونسكن عند بابا.
شيماء تلعثم لسانها وماعرفت ترد على دحوم.
دحوم: ادري اني صدمتك وقلتلك فجأه بس ابي اشوف رأيك.
شيماء: وحبيبتك؟
دحوم: ترف ماراح اخليها.
شيماء: مدري ،خلني افكر وبكلمك بعدين.
دحوم: طيب انتبهي لنفسك.
قفل منها ومشى لدوامه مره ثانيه.
دخل المكتب وعلى طول بدا شغل.
السكرتيره: دكتور هاذي الملفات الي طلبتها، اتوقع خلاص لازم ترجع للجامعه .
دحوم: ليه وش صاير هناك بعد؟
السكرتيره: سكرتيرتك اتواصل معها كل فتره عشان توصلي الاخبار واليوم صار شي كبير بالجامعه ووحده من الطالبات اعتدت على طالبه ثانيه وكسرت لها رجلها ورفعت قضيه والمحامي حط المشكله على ادارة الجامعه انهم مو مسؤوله ومن هالكلام وهالشي بيئثر على صورة الاداره والجامعه.
دحوم يضحك : منجدك؟ هاذول طالبات جامعة بالله؟
فجأه رفع صوته وهو معصب: طالبات متوسط ذول!!
السكرتيره: اهدى دكتور.
دحوم: تخيلي اترك شغلي هنا عشان اروح الاحقهم! دقي على المديره وخليها تتصرف عشان ما اجي اشيلهم كلهم من مناصبهم واعلمهم.
-
ترف: ابغا اروح بيت دحوم.
ديفد: ماعندك مشكله بوديك، بس وش بتسوين فيه؟
ترف: ابي اروح بس.
ديفد: خلاص انا بكلم شيماء عشان يكون عندها خبر وبوديك.
ترف: زين.
جواهر: وش مشتهيه عشان نروح ناكل؟
ترف تقوم وهي تمسح ملابسها: مو جوعانه برجع البيت الحين.
ديفد: طيب خلينا نرجعك.
ترف تأشر على سيكلها: جايه بالسيكل برجع فيه ماعندك مشكله.
جواهر تقوم: انتبهي لنفسك.
ترف تروح وتلوح لها بيدها يعني باي.
-
هيلدا: ماتحس ان نفسية ترف صايره غريبه؟ شوي تنبسط شوي تتضايق؟
مناف: ما اعرف صراحه.
هيلدا: لاجد حاول تركز بتصرفاتها، شكل دحوم معد يدق عليها.
مناف يتنهد: ترا اقدر ما اخليهم بعض اذا شفت الموضوع يتعبها كذا! لاتخليني اتصرف تصرفات مو حلوه!
هيلدا: يمه منك تخوف الصراحه.
مناف : ما استهبل ياهيلدا، يخليها تحبه بعدين يختفي بعدين يرجع ويحبها بعدين يختفي ثاني.
هيلدا تجلس على الكرسي : اوف.
..
دخلت ترف .
ترف: هلا.
مناف يحظنها: هلا حبيبي.
ترف تبعد: وش فيك؟
مناف: مشتاق لاختي فيها مشكله؟
ترف: طالع وجهك شلون .
هيلدا: سويت اكل، وربي تاكلين ايدك وراه.
ترف: مالي خلق اكل والله تو البنات يبوني اكل معهم ولا بغيت.
هيلدا: حتى وانا تعبانه وانا اطبخه من الصبح عشانك؟
ترف تبتسم: طيب مافي مشكله باكل.
هيلدا تبتسم : يالله اجلسي.
جلست عشان تاكل .
-
ديفد ينسدح.
جواهر: فيك النوم؟
ديفد: لا بس بحط راسي على المخده شويات.
جواهر: كثر منها ذي ، شوي الا وانت نايم.
ديفد: ماراح انام وانا مشتاق لحبيبتي.
جواهر: كويس وش صار معك بشغلك.
ديفد: مو عارف، صاير كركبه بجدولي ومو عارف وش اسوي الصراحه.
جواهر: وسكرتيرتك وينها؟
ديفد: موجوده بس مو قادره تتصرف بجدولي، عندي مواعيد كثيره لدرجة انو مافي وقت انام وارتاح، قامت كنسلتها، وتبيني ارتاح.
جواهر تاخذ نفس وتبعد نظرها عن ديفد بنرفزه.
ديفد يلف: شفيك؟
جواهر: مافي شي.
ديفد يرفع راسه ويسحبها لحضنه .
جواهر تحاول تبعد: فكني.
ديفد: ليش ماتحبينها؟
جواهر بعد تعب وهي تحاول تبعد عنه استستلمت ومعد تحركت.
ديفد: علميني ليش ماتحبينها؟
جواهر بعد سكوت لثواني: لانها تحبك.
ديفد: بس انا ما احبها.
جواهر: حتى لو.
ديفد يحط ايده بهدوء على خدها ويبوس عيونها بهدوء ويبعد.
ديفد: تدرين ياجواهر؟انك الوحيده الي حبيتها من قلبي، مين كان بيتصور بيوم ممكن الاقي الي احبه، كنت امشي واي وحده حلوه اتيكن معها كم يوم بعدين اسحب عليها.
جواهر تغمض عيونها : انا خايفه.
ديفد: من؟
جواهر: من اني اصير مو الوحيده الي حبيتها.
ديفد يشد عليها: اسكتي الله لايقوله.
جواهر دفنت راسها بصدره .
ديفد يبوس راسها ويحضنها اكثر، لمى دق جوال ديفد.
ديفد بعد شوي وقام يرد على المكالمه.
ديفد: الو.
ترف: يالله .
قفل ديفد وقام يلبس جاكيته وياخذ مفاتيحه وجواهر تطالعه بأستغراب.
جواهر: خير وين؟
ديفد: راح اودي ترف بيت دحوم، انتي نامي على ما اروح وارجعلك.
جواهر : اوك.
-
ركبت السياره وطول الطريق وهي ساكته.
ديفد بيكسر حاجز الصمت شوي قام تكلم.
ديفد: ترف انتي وش تدرسين؟
ترف: فنون.
ديفد: اي نوع من الفنون؟
ترف: موسيقي.
ديفد: تعزفين؟
ترف: واغني.
ديفد بحماس: مره مره حلو ماكنت ادري انك تحبين الموسيقى.
ترف: الا احبها من كنت صغيره، الموسيقى الشي الوحيد الي يهربني من الواقع والعالم، تخليني ابعد عن الناس وحياتهم.
ديفد: حلو.
وصلو بهالدقيقه .
نزلت ترف واخذت شنطتها وشكرت ديفد انه وصلها ومشت لداخل البيت.
اخذو الخدم شنطتها وجاكيتها وهي رقت لغرفته على طول.
دخلت وسكرت وراها الباب وجلست على السرير وصارت تطالع بالمكان، كانت ريحة عطره بكل مكان، واللوحه الي عليها صورته كانت قدام عيونها، وهي تطالع باللوحه انسدحت على السرير وغطت نفسها بلحافه وغمضت عيونها ، نامت.
-
الساعه٨:٥٧ الصباح.
وصل دحوم للمطار بعد رحله طويله ومتعبه ، وبسرعه فتح جواله وصار يدق على جوال ترف الي كان مقفل، بخوف وقلق دق على ديفد وركب سيارته متجه لبيته.
ديفد: الو؟
دحوم: هلا ديفد.
ديفد: بالله!! هلا!! انت وينك مجنون! لاتدق علي ولا ترد وفوق ذا ماترد على ترف ماتدري انها انهبلت؟؟؟
دحوم: تكفى طمنني عنها مو قادر استحمل ماهي جالسه ترد علي.
ديفد: انت جاوبني وين كنت اول!!
دحوم: طول الوقت بالشغل، واذا دقت ترف احس بضعف ابي ارد عليها واذا رديت برجع بدون ما اخلص شغلي.
ديفد: انسى الموضوع اساساً وش عقبه بعد ماشلعت قلب البنت.
دحوم بعصبيه يصرخ: وهي ويييننهههااا!!!
ديفد : ما اعرف (وقفل.
رمى الجوال جنبه وصار مركز على الطريق.
-
فتحت عينها ترف بعد ماكانت عيونها مليانه دموع وحست بحر وصارت تدور ريموت المكيف عشان تولعه لانها كانت معرقه من الحر، مالقته بعد بحث لوقت طويل شالت ملابسها وبقت لابسه بس تيشيرت ورجعت نامت بتعب.
-
فتح الباب وقامو يرحبون فيه الخادمات.
خادمه: السيده فوق تنتظرك ، معقوله تعرف بجيتك واحنا ماندري.
دحوم: مين؟ قصدكم شيماء؟ليش هي مو بمدرستها.
محد رد عليه واعطاهم شنطه ورقا لغرفته ، فتح الباب وصار يطالع يمين ويسار بس ماكان فيه احد.
دحوم تنهد: وش هالحر.
ولع المكيف وبهدوء اتجه لدورة المياه عشان ياخذ شور
خلص وطلع وهو بدون ملابس وعليه الروب ، قرب من السرير وصار يحس ان في احد  تحت الحاف، توتر وصار يطالع بخوف ووده يرفع الحاف.
وصل للسرير ورفع الحاف بشويش، وبكل براءه شافها نايمه على سريره.
وبسرعه بعد يده عن الحاف بخوف وصدمه من وجودها وماتكلم وماعرف وش يسوي.
فتحت ترف عيونها بتعب لمى حست بلمست الحاف.
وصارت تطالع فيه بدون ردت فعل.
دحوم ساكت وبرضو يطالع فيها وهو مبتسم.
دحوم: وش تسوين بغرفتي.
ترف بصوت واطي جداً وهي تكلم نفسها: انا انجنيت وصرت اتخيله الحين.
دحوم: مو خيال.
ترف توسعت عينها وقامت على طول من السرير وصارت تقرص نفسها عشان تشوف اذا حلم ولا صدق.
وكان دحوم جد واقف قدامها.
ترف الدموع ترجع بعيونها.
وتختفي ابتسامة دحوم: وش فيك؟
ترف اخذت شنطتها وجت بتطلع من الغرفه وواضح عليها العصبيه.
بسرعه يسحبها من يدها ويحضنها بقوه وهي تحاول تفكه وشهقتها قويه من البكي.
دحوم: اسف اسف اسف اسف خلاص
ترف وهي تضرب: فكني فكني خليني اروح.
دحوم: لاتضربين طيب جالسه تعوريني، ومافي فايده لني ماراح افكك لين توعديني انك بتسمعيني وماراح تطلعين.
ترف: وعد بس اتركني.
بعد دحوم بهدوء.
وفهت ترف لثواني بجسمه وشعره الي كان مبلل ومغطى بالمويه، والتاتو الي بيده.
ترف بعدت عينها عنه.
دحوم: اوك انتي بتروحين ماقلنا شي ، بس ليش مو عليك ملابس.
بخوف نزلت بلوزها لن كلوتها كان طالع وحاولت ماتبين شي وتغطي جسمها بيدها.
دحوم: لاتغطين شفت وخلصت.
ترف: مالك دخل انا بنزل كذا.
دحوم وهو يسحبها من يدها لحضنه: تخسين.
ترف: خلاص اتركني ابي اروح.
دحوم وهو يمسح دموعها من على وجهها: انتي تعرفين انه ماكان بيدي اني ما اكلمك، كنت انتظر الوقت الي اخلص فيه عشان اكلمك، واذا كلمتك كنت بصير ابكي كني طفل وماراح اخلص شغلي.
ترف : بس هذا مو سبب.
دحوم: ادري انه مو سبب تعالي( شدها من يدها وقعد على الكرسي وحطها بحضنه).
ترف: طيب انا ابغا ارجع البيت.
دحوم: لا انتي ماتبغين،طالعي انتي شكلك الحين ماراح يخليك تطلعين من الغرفه.
ترف: بقوم البس.
دحوم: لامايحتاج.
دحوم صار يشدها اكثر له.
ترف وبدون ماتحس بنفسها مسكت وجهه بيدينها الثنتين وصارت تلعب بشعره: اشتقت لك.
دحوم يمسك يدها ويبوسها: انا اكثر.
ترف تبوس شفايفه بشويش وتبعد.
دحوم: لا ، ارجعي ماعجبتني.
ترف: مابغا اساسا بروح البيت.
دحوم يقومها ويقوم : خلاص روحي
عطاها ظهره وراح .
ترف حست انه من جد زعل وجت بتتجاهله بعد مالبست جت بتطلع.
بعدها رمت الشنطه وراحت له ودفته على الجدار وصارت تشفشفه بدون ماتوقف.
مسكها من كتفها ودفها على السرير.
دحوم: ليتك مالبستي، صعبتي الموضوع.
ترف تضحك: خليها علي.
-
بعد٥ شهور.
-
جواهر وديفد وهيلدا ومناف واقفين كلهم بالمطار.
هيلدا تمسح دموعها: لازم تروحين.
ترف تبتسم: يصير ماتبكين ؟ والله بجي ازوركم.
مناف: انتبه على اختي مره زين.
دحوم: من عيوني.
جواهر تحضن ترف بقوه: دقي علي دايماً.
ترف: اكيد.
وديفد يحضن دحوم.
سمعو النداء الاخير لطيارتهم ومشو للطياره.
-
انتهى.