لمَ اعلم إلى اي مَدى احببتك!!".

ب"٩".

...
دحوم: جواهر مين؟
ديفد: جواهر صديقة ترف ماغيرها.
دحوم بضحكة: ذيك الي تحرشت فيها؟
ديفد متنرفز: ماتحرشت.
دحوم : طيب وش مضايقك فيها.
ديفد: مو عارف جالس الاحق وراها بدون م احس نفسي اساعدها كل الوقت واكون معها مو عارف وش يصير فيني .
دحوم : كلنا مو عارف وش جالس يصير فينا.
ديفد : طيب والحين وين نروح؟
-
ترف جالسه تاكل بهدوء.
عهد: احمم
ترف طالعت يمينها وكانت عهد واقفه.
عهد: ممكن اجلس ابكلمك بموضوع.
ترف ساكته وتجاهلتها وكملت اكل.
عهد: وش تبين ب دحوم كله تحتكين فيه.
ترف ساحبة عليها وكنها م تسمعها.
عهد: تعرفين انه حبيبي وهو يموت فيني ف لا تتعبين نفسك وتلاحقين وراه.
ترف: مناف انا طالعه(وقفت وشالت جكيتها)
طلعت تمشي وقفت عهد بعصبيه ولحقتها لقدام المطعم بالشارع.
عهد : هيههه!!!!
-
ديفد: شوف م كنهم ترف وعهد؟؟؟
دحوم وقف السياره بسرعه وقرب لهم بسياره.
ديفد جا بينزل ومسكه دحوم من يده وقاله يصبر عشان يشوفون وش جالس يصير.
-
ترف لفت لها: وش تبين؟
عهد: لمى اكلمك ماتتجاهليني فهميني شايفه نفسك على وش!!!
ترف: الشي الوحيد الي جالسه اشوفه هو اني مو ملزومه ارد عليك ابدا.
عهد : اسمعيني بس ! شكلك ماتعرفيني شخصيا!!
ترف: ومين انتي ان شاء الله!؟؟
عهد: عهد المحسن!
ترف ساكته بصدمه ومو عارفه تحكي.
عهد: كيفك بعد هال13 سنه؟تحسبيني م عرفتك يالمريضه النفسيه انتي لسه زي ما انتي حتى الي سواه لك ابوي م يكفي.
ترف بدت تحس بدوخه وجلست على الارض.
دحوم بخوف نزل من السياره وصار يركض لترف ومسكها من كتفها وصار ينادي بأسمها يحاول يخليها تصحصح ويرفع شعرها من على وجهها وكانت كأن روحها برا جسمها وفاتحه عيونها التعبانه بصعوبه.
ديفد نزل بسرعه.
ديفد: وش فيها؟
عهد: اها...حلو
دحوم خلا ديفد يمسك ترف وراح ل عهد ومسكها من بلوزتها بقوه: عننن ااايييي 13 سنه تحكين!! وش سوا اببووككككك!!!!
عهد: حبيبي اتركني ترا يعور
دحوم: انا مو حبيبك اخلصي وش قصدك بهالحكي.
عهد وهي تضحك: متأكد تبي تعرف وش صاير؟
دحوم: اي بس مو الحين مو فاضي لك.
راح من قدامها وشال ترف من على الارض وركبها سيارته ومشا بسرعه .
ترف: وقف السياره!
دحوم مكمل ومايرد عليها.
ترف بتعب وبصوت مرتفع شوي: قلتتتللككك ووقفف!!
دحوم وهو معصب: بنروح المستتشففى!!
ترف: م ابغا.
دحوم: اجل بنروح بيتي .
ترف: ابفتح الباب!
دحوم : افتحيهه جالس امشي 130 ورينا كيف بتنزلين.
ترف سكتت بسبب ثقل لسانها ومو قادره تحكي من التعب .
ديفد: امم ي دحوم.
دحوم وهو جاي بيلبق بلمواقف حقت المستشفى:ها؟
ديفد: خلاص انا بدخلها جوا وانت روح ل عهد.
دحوم: لا انا الي بدخلها.
ديفد يمسك يده بقوه: جالس اقولك روح شوف وش السالفه انا بنتبه لها لين م ترجع وبدق على اخوها.
دحوم وهو متردد: اك.
نزل من السياره ونادا الممرضه وركبو ترف على الكرسي المتحرك ومشو لداخل، مشا دحوم متجه لبيت عهد.
بعد دقايق...
-
كانت واقفه عند الباب.
دحوم نزل من السياره.
عهد تطالع فيه بتوتر.
دحوم: ممكن تجين معي ؟ ابي احكي معك .
عهد وهي تبتسم: عن ترف؟
دحوم يسحبها: تعالي.
-
ب الكوفي جا دحوم وحط كاس القهوه على الطاوله قدامها وجلس.
عهد: ايوه؟
دحوم: وش السالفه، اشرحي كل شي.
عهد: وش اشرح؟.
دحوم: هالحركات م تنفعك ترا.
عهد: اي حركات.. كل هذا عشانها؟ تحب المعقده والمريضه النفسيه ذي؟
دحوم اخذ نفس وهو متنرفز منها وجلس يطالع فيها بعصبيه .
عهد: تبي تعرف وش صاير روح لها.
دحوم: انا ما ابغا اكلمها ابي اعرف منك انتي!
عهد: انا ماراح احكي.
دحوم توه بيتكلم الا دق جواله.
رد بسرعه.
دحوم: ها؟
ديفد: تعال بسرعه تراها راحت!.
دحوم: وينن!!
ديفد: مدري قامت بسرعه وفكت المغذي بقوه من يدها وطلعت.
دحوم قفل الخط وقام بسرعه من قدام عهد كنه م يشوفها .
وبسرعه ركب سيارته وكان متوجه لبيتها.
..
وقف السياره بعيد عن البيت وصار يكمل ركض لبيتها وكانت هناك..
كانت واقفه قدام باب العماره وتطالع ب الارض.
وبدون م يتمالك نفسه مسكها من يدها الي كانت تنزف والدم على الارض.
دحوم بعصبيه: انتي مجنونه! وش في امك!!!
ترف ترفع راسها بتعب بدون م تتكلم صارت تحاول تسحب يدها بخفه لان مافيها قوه.
دحوم: ممكن تبطلين تكابرين يامريضه!! ترا تعبتت!
ترف تبتسم: وليه تتعب؟
دحوم انربط لسانه .
ترف تسحب يده وتمشي لداخل.
دحوم لحقها ووقف قدامها.
دحوم: خلاص اسمعي!.. يصير بس لين ١٢؟ لين نهاية اليوم لاتكابرين وماحصرخ عليك اوك؟.
ترف: وش تبغى.
دحوم: م تقولين لي لا! واي شي اسألك عنه تردين!.
ترف: وتتركني؟.
دحوم بصعوبه وبعد سكوت لثواني: ايوه.
ترف: وتطلع من مدرستنا ومعد اشوف وجهك!.
دحوم سكت شوي وبتردد: ايوه.
ترف سكتت عطته ظهرها وصارت رايحه لفوق.
دحوم مسكها من كتفها عشان يوديها ، ووصلو لين باب الشقه.
دحوم: وين المفتاح؟.
ترف: هنا.
وكانت تأشر على الفرشه الي كانت قدام الباب.
رفعها ولقى المفتاح تحت وفتح الباب وكمل يمسكها لين داخل وجلسها على الكرسي.
دحوم يطالع الساعه وكان باقي ٤ ساعات على الساعه١٢.
وقف: بجيب مويه واي حاجه تاكلينها واجي.
مسكت يده، وهو بصدمه وقف ولف لها على طول.
ترف: ما ابغا، بس وديني سريري.
دحوم جلس جنبها: م يحتاج سرير.
سحبها من يدها وحط راسها على حضنه وصار يطبطب على راسها بهدوء.
ترف م عرفت تتحكم بنفسها وجلست هاديه .
دحوم: طيب؟ احكيلي كل شي، من اول يوم طلعتي فيه من بطن امك لهنا.
ترف ساكته.
دحوم: ترا م اغصبك بس اظن احنا قلنا م نك....((ماكمل كلامه الا قاطعته ترف).
ترف: انا؟ م اعرف امي وابوي ، لاني جيت وهم مو متزوجين، بالعربي لقيطه ، الموضوع م وقف هنا ذبوني عند باب الدار وجلست تحت الشمس يومين محد يدري اني موجوده حتى، انتبه لي واحد واخذني معه، وداني بيته، كان هناك زوجته وبنته وولده، تدري كيف؟....
سكتت ومعد تكلمت.
دحوم : شفيك؟
ترف حاولت تشيل راسها من حضنه وتقوم بس رجع سحبها ثاني لحضه ومسكها بقوه عشان م تتحرك.
دحوم: كملي..
ترف: خلاص مو لازم.
دحوم بهدوء: ترف؟ يصير تبكين؟ ترا كذا مايصير.
ترف بسخريه: انا يوم كنت طفله واحتاج اكل م كنت ابكي.
دحوم وهو يلعب بشعرها ويبعده عن وجهها عشان يبين ملامحها ووجهها بلكامل: ارجعي طفله ، طفلتي.
ترف ونبض قلبها الي صار متسارع بشكل مو طبيعي وانفاسها المتسارعه برضو خلتها بقوه تقوم من على حضنه.
ترف: انا رايحه.
دحوم: وين؟ م كملتيلي وش صار بعدين.
ترف وهي تشيل ملابسها من على الارض واغراضها: خلاص اطلع ابغا انام انا تعبانه.
..
....DAY2.
صحى من نومه والابتسامه شاقه وجهه وواضح انه مروق.
شيماء دخلت فجأه: هي!
دحوم يرفع راسه عشان يطالعها.
شيماء: بسم الله!
دحوم: ايش؟.
شيماء: ليش تتبسم ايش صاير يالله صباح خير قوم دوامك!.
دحوم وهو يقوم ويرفع نفسه ويتمغط وهو يبتسم: قمت.
-
سمر: نفس الي شفته اول مره.
جواهر: لا طالعي هذا صاير ٣ بنفس الوقت.
سمر: خلاص نروح السوق انا وياك ونشوفه.
ترف جايه من بعيد لهم.
سمر: اخيرا!!
ترف ساكته كلعاده وجلست على كرسيها.
جواهر: وحشتيني تراك! كلذا ويكند فرقنا.
سمر: انتي وش صايرلك متغيره! امشي صارحينا بلا مبزره.
جواهر بحماس: شوفو شوفو! شرايكم نلعب لعبه! ثنتين مننا بتخسر ووحده بتفوز الي يخسرون يجاوبون على اي سؤال مهما كان.
سمر: اي اي يله!!.
قدمو الكراسي وطلعو الورق.
ترف: وش هي؟ ما ابغا العب.
سمر: مو على كيفك(سحبتها من كرسيها بقوه).
ترف وهي تتنهد: لحول.
-
ركب ديفد السياره .
ديفد: هلا والله.
دحوم: اهلين!! سكر الباب.
سكر الباب ومشو.
دحوم شغل اغنيته الي يحبها وبدا يدندن معها بحماس.
ديفد: تراك جالس تخوفني.
دحوم يوطي الصوت: ليه؟
ديفد: وش عندك مروق لهالدرجة.
دحوم يتنهد ويبتسم: زين انك سألتني.
ديفد يعدل جلسته: ايوه؟.
دحوم: امس(وسكت).
ديفد يرجمه بعلبة المنديل: امسسس ووششو!! وشو!.
دحوم: شفيك انت انتظر.
ديفد بطفش: اخلص!.
دحوم: امس ي ديفد رحت لترف وحكت معي، عن كل شي، مو كل شي يعني لسه م كملت بشرط اني اترك المدرسه ومعد اجيها ابد، وتخيل برضو اني صرت اشوف وجهها بدون م هي تتضايق، ونومتها على رجلي ي ديفد.
ديفد طالع ب دحوم بخوف.
دحوم: شفيك؟
ديفد سند ظهره بتعب على الكرسي: صارت ي دحوم.
دحوم: وش الي صار.
..يتبع؟.

"اسفه وربي بس انا عندي صيفي وكليوم دوام وما هالفتره اختبارات ومايمديني ارتاح او اكتب على راحتي الا شي صاير ومخرب علي، بس ان شاء الله اني معد بطول،احب الي يقولي اكمل وربي بوسات لكم❤️❤️❤️❤️".