لمَ اعلم إلى اي مَدى احببتك!!".

ب"١٨".

وقف بعد م اتصل جواله وطلع برا من عند الازعاج.
ديفد: الو؟ الو؟
دحوم: هلا حبيبي، ها وصلت؟
ديفد: راجع انا، رحلتي بعد ساعتين.
دحوم: راجع ليش مجنون انت؟.
ديفد: جواهر تعبت.
دحوم: وش جاها!
جت هيلدا: دكتور؟
دحوم يلف عليها ويرجع يكلم: اسمعني ياديفد انا الحين مع هيلدا بس تجي تركب الطياره دق طمنني عشان استناك بالمطار.
ديفد: اوك،.
وقفل وحط الجوال بجيبه ومشا لداخل مع هيلدا، ووقف عند الباب لمى شاف ترف الي كانت على المسرح.
وقتها قد انتهت الاغنيه ووقفت ترف تطالع بالجمهور وهي تبتسم والكل يصارخ ويصفق والهواء القوي يحرك شعرها ثم مسكت القيتار ورفعته لفوق بحماس والكل يصارخ.
ودحوم يطالع وهو واقف وهيلدا تطالع فيه .
نزلت القيتار ومسكت المايك ثاني.
ترف: مره شكراً على الحضور ماتوقعت ابد..
ضحكت وجلست على ارض المسرح بتعب والكل يصارخ بحماس ويصوت ب اسمها"ترف"!!.
دحوم واقف بصدمه ولسه يطالع.
رجع على ورا بشويش.
هيلدا: دكتور.
دحوم امتلت عيونه دموع فجأه: من متى تعرفين؟.
هيلدا: اعرف وش؟.
دحوم: من متى تدرين اني ادور على ترف؟مين انتي!.
هيلدا: دكتور انا اعرفك اكثر من ما تتخيل.
دحوم مو قادر يحكي من كثر دموعه ولسه يطالع بترف الي كانت على المسرح:كيف صارت كذا؟
هيلدا : صارت كذا،طلعت من الي طلعت فيه.
دحوم شال عينه عنها وطالع بهيلدا بصدمه: كيف؟
هيلدا: صارت وبسَ،المهم ان روحها رجعت لها الحين وصارت حياتها كويسه مره، وانا م سويت كذا الا اني ابي اساعدك،ترجع تمسك يدها.
دحوم : مين انتي؟
هيلدا: مو لازم تعرفَني، المهم تعال معي شوي.
دحوم يعطيها ظهره ويمسح دموعه .
هيلدا: ماتوقعتك طفل يادكتور!.
دحوم يلف بسرعه وبعصبيه: ودك تنفصلين؟
هيلدا بخوف: شدعوا امزح، تعال.
مشت هيلدا لقدام ودحوم يطالع فيها وهي تروح طالعت وراها وكان دحوم لسه واقف.
هيلدا وهي جايه له: يالله.
دحوم : لسه م ابغا اروح.
عطاها ظهره وطلع من الحفله.
هيلدا واقفه مكانها متضايقه، شوي الا جت ترف تركض ونطت على هيلدا بينما كان في ناس كثير ورا ترف يبون توقع لهم والصحافه بينهم ويصورون.
ترف بحماس: شفتيني؟
هيلدا: اكيد شلون م اشوفك.
ترف: شفيك شفيه وجهك؟
هيلدا: مافيه شي(وتبتسم).
ترف مسكت يد ترف ومشت معها بين الزحمه والصراخ ودخلتها ورا المسرح.
هيلدا تحاول تفك يدها: ترف يوجع تكفين فكي.
ترف فكتها: انتي شفيك!
هيلدا: مافيني شي كنت اشوفك من بعيد وفخوره.
ترف: فخوره ووجهك كذا؟
هيلدا: ترف انا وربك مبسوطه عشانك ، شوفي كيف جالسه تصيرين مشهوره والصحافه برا تنتظرك.
ترف: اساساً ا......
ماكملت كلامها الا جا معلمها .
اليكس: ترف؟
ترف لفت وابتسمت على طول.
اليكس يصفق: انتي فنانتي، دايماً بتكونين فوق بمكان عالي غير عن اي طالب هنا يطمح يكون مشهور، انا فخور فيك مره.
ترف بحماس حضنت اليكس وهي شوي وتبكي من الفرحه.
طبطب على ظهرها بلطف وبعد عنها.
ترف: استاذ ودرجاتي؟
اليكس: بكرا بتطلع النتيجه، وبتعرفينها.
ترف بتوتر: طيب شكراً.
جو اصحابها كلهم يحضنونها بحماس .
طلعت هيلدا من المكان وركبت سيارتها وارسلت رساله لترف تقول فيها " انتي اجلسي مع اصحابك وانبسطو ودقي على بعدين اجي اخذك ، لازم ارجع ل مناف".
مشت راجعه للبيت.
دحوم: الو؟
ديفد: انا توني نازل من الطياره.
دحوم: ديفد! (وصوته متغير).
ديفد: دقيقه شفيك انت! ليه صوتك كذا.
دحوم: تعال.
ديفد: خلاص انا عند البوابة ٩ تعال لي بسرعه.
مشا ديفد قدام شوي وشاف دحوم وهي ماشي له ببطئ قرب منه بسرعه وشاف خشمه الي صار احمر وعيونه المدمعه.
ديفد لا ارادي حضنه بدون م يسأله شفيك.
بعد عنه بهدوء ومسك ايدينه وصار يطالع فيه وينتظره يحكي.
دحوم: لقيت ترف.
ديفد شد عليه بحماس: صدق؟؟؟
دحوم وهو يرفع راسه عشان دموعه م تنرل وبنفس الوقت يبعد عيونه عن ديفد.
ديفد: طيب لقيتها مفروض تبسط وتروح تحاكيها وش فيك كذا؟.
دحوم ياخذ نفس بصعوبه: بس تغيرت ي ديفد .
ديفد: تغيرت شلون؟.
-
فتحت الباب ودخلت على طول للصاله وكان مناف جالس هناك.
مشت بخطوات بطيئه له ووقفت قدام وجه وحجبت عنه التلفزيون.
مناف يطالع فيها.
هيلدا: خلنا نتكلم.
مناف: نتكلم؟ عن؟
هيلدا: مناف لو سمحت.
مناف وقف: ماعندنا شي نتكلم عنه هيلدا، غير دحوم صح؟.
هيلدا: مناف انت شفيك! كله تغار على واحد مايصيرلي شي وانا مو جالسه اسوي كذا الا عشان اختك شوف صارلي سنه ادور على هالانسان ويوم لقيته تقوم تزعل انت.
مناف: مايهمني مين هو ي هيلدا الي يهمني ان وقتنا صار يضيع معه وعليه وكل الوقت تحكين عنه م تحسين انتي.
هيلدا: انت مريض؟ احبك لحالك انا احبك انت بس!.
مناف يبتسم: صح.
هيلدا: متأكد انك تبي تزعَل!.
مناف: انا م ازعل بس انتي روحي راجعي نفسك وشوفي وش كنت احس فيه كل ذيك الفتره!. يالله.
هيلدا مشت وراحت غرفتهم وسكرت الباب بقوه .
مناف جلس وولع التلفزيون وتجاهلها.
-
ديفد ياخذ نفس ويرجع يطالع ب دحوم.
ديفد: والله مدري وش اقولك.
دحوم: احس ان دخلت حياتها بتعبها مدري ليش يعني البنت ماتحبني اساساً واحتمال تكون نستني، مو احتمال الا اكيد!.
ديفد ابتسم: انت جرب ماراح تخسر شي خل عنك شعور الخوف هذا، هي شافتك؟
دحوم: لا.
ديفد: وبعدين هيلدا هاذي كيف تدري! تروع كيف تعرف كل ذا.
دحوم: م ادري هذا الي ابي افهمه بعد ومو قادر.
ديفد تنهد: اهم شي لقيتها.
سكتو شوي.
دحوم رفع نفسه: الحين صدق! وش صار على جواهر؟
ديفد: ادق بالطريق ماترد ، راح اروحلها بعد شوي.
دحوم: صح! اعلمها عن ترف؟
ديفد: اي انا بقولها بعدين اذا ضبطت الامور انك لقيت ترف واخليها تشوفها.
دحوم: ايه ممكن تنبسط اذا شافت صحباتها القديمات.
ديفد: خلاص انا قايم اروح لها لن زودتها وانا خايف عليها! وانت بطل تفكر وروح شوف البنت! ما اخبر دحوم الي اعرفه يحب من طرف واحد! خلها تخق معك روح.
طلع ديفد ودحوم حط راسه على مخدته وحاول م يفكر ونام.
-
دخلت البيت وصارخت : مومووو!!!
مناف يطلع من المطبخ: هلا هلا بحلوتي.
راحت حضنته بقوه وبدون م تحس نزلت دموعها.
مناف يبعد ويمسك وجهها.
مناف: خلاص ابوي ،انتي مره سويتي شي زين.
ترف وهي تضحك: ادري اني مسويه زين.
مناف: وه الواثقين والله.
-
مسكت جوالها وبتردد دقت، ثم رجعت قفلت ورمت الجوال.
حاولت ترجع تدق بس ماقدرت وانسدحت وتنهدت بقوه.
دخلت ترف.
ترف: وش فيها الزعلانه؟
هيلدا رفعت راسه بتعب.
ترف: شفيك يمه؟.
وجلست على السرير قدامها.
هيلدا فجأه دموعها بدت تنزَل .
ترف قربت منها ومسكت يدها : شصار؟
هيلدا: مناف زعل مني يا ترف.
ترف سكتت شوي تستوعب بعدها رجعت تطالع بهيلدا: ماكان فيه شي يوم اكلمه.
هيلدا: ماتعرفينه هو لاصار بارد!
ترف: طيب انتي هدي وش مسويه!.
هيلدا: مو شي كبير.
ترف: اي علميني وانا بحكم.
هيلدا جت بتحكي بس شهقت ورجعت تبكي.
ترف: لاحول الله.
شوي الا دخل مناف وبدون مبالات وكأنه مايشوفهم اخذ لحافه وجا بيطلع.
ترف: مناف!
مناف وقف ولف لها: نعم؟
ترف : وقف مكانك.
مناف وقف يطالع فيها.
وهي مشت بسرعه وسحبت المفتاح من الباب وطلعت وقفلت الباب من برا.
مناف: افف، بنت! امشي افتحي ياترف ترا مو وقت مزحك.
ترف: م امزح انا بهالسوالف انا طالعه مع اصحابي باي.
وراحت بسرعه تركض وطلعت من البيت.
مناف بهدوء لف على هيلدا وهيلدا لفت وانسدحت وعطته ظهرها.
مناف جلس على الارض وحط لحافه تحته.
والهدوء كان سيد المكان.
-
طلعت حتى وهي ماعندها شي تسويه وصارت تمشي على الشاطئ القريب من بيتهم ، تمشي وبس ، جلست على التراب واخذت نفس قوي وهي تبتسم بحماس وهي مغمضه عيونها وتحس بالهواء البارد.
ولا ارادي لقت ابتسامتها تختَفي بشويش لمى بدت تتذكر دحوم.
كان فبالها وكأنه تركها قبل امس مو من ٣ سنين.
نزلت راسها وحطت سماعتها بأذنها تحاول تتجاهل الموضوع وتنساه.
-
رفعت هيلدا راسها وطالعت بالارض ولقت مناف كان نايم على الارض وراسه مسنده على الدولاب.
رفعت لحافها عنها واخذت مخدتها وقامت عنده ونزلت راسه من على الدولاب وحطته على المخده وهو تحرك وكأنه منزعج ورجع نام بدون م ينتبه لوجود هيلدا ، وهيلدا جلست عند راسه وصارت تطالع فيه بهدوء وتتأمل ملامحه ، مدت يدها بهدوء وجت بتحطها على شعره .
فتح مناف عيونه وسحب يد هيلدا وخلاها تنسدح جنبه على نفس المخده وحضنها بقوه وغطاها بلحافه ورجع نام.
وهيلدا متوتره وماتدري وش تقول ووش تسوي وصارت تطالع بعيونه وهي مغمضه وانفاسهم بوجيه بعض ، ومابينهم حتى شعره.
هيلدا بتوتر: انا اسفه.
مناف يشد هيلدا لحضنه اقوى بهدوء ويبقى ساكت.
هيلدا: سامحتني.
مناف بهدوء فتح عيونه وضل يطالع بعيونها شوي وبعدها رجع حضنها بقوه بدون م يتكلم.
هيلدا غمضة عيونها وبهدوء حاولت تنام.
-
دخلت البيت وبهدوء رقت لغرفة هيلدا ومناف وفتحت الباب وخلت المفتاح وراحت غرفتها عشان تنام.
-
الساعه٩:١١ الصبح.
دخل بسرعه على طول على مكتبه وبدون م يكلم السكرتيره.
لحقته السكرتيرة.
ليسا: دكتور شفيك؟
جلس دحوم على طول وحط راسه بتعب على الطاوله.
ليسا: تعبان؟
دحوم: اي بالله اطلبيلي بلاك كوفي بدون سكر مع كورواسان اي شي.
ليسا: ابشر.
طلعت ودحوم رجع رفع راسه وطلع جواله.
دقت هيلدا.
ضل يطالع بالجوال ومتردد يرد او لا.
رد على اخر ثانيه بعد م هيلدا فقدت الامل ونزلت جوالها.
دحوم: الو؟ الو؟
هيلدا ترجع تطالع الجوال وبسرعه حطته على اذنها .
دحوم: الو؟
هيلدا: دكتور؟.
دحوم: نعم؟
هيلدا: دكتور لو سمحت ممكن تسمعني.
دحوم: هيلدا بسرعه.
هيلدا: يصير اجيك؟ انا عندي محاضره وحده اليوم بس وجيت بدري يصير ارقالك؟ بقولك شي امانه.
-
صحت ترف بتعب ورفعت راسها بثقل ومالها خلق .
فتحت جوالها على اشعار واتس ، كان من معلمها.
كان كاتب لها " لاتجين اليوم اعتبريه راحه لك ومكافئه على الي سويتيه امس ورفعتي راسي قدام كل مدرب بالجامعهَ ، فخور انك طالبتي".
وبحماس ضحكت ورمت جوالها جنبها ورجعت انسدحت وغمضت عيونها.
-
دخلت بهدوء وفتحت الباب.
دحوم طالع فيها بعدم مبالات وصار ينتظرها تتكلم.
هيلدا بتوتر ماسكه ورقه بيدها .
دحوم: نعم؟
هيلدا اعطته الورقه ورجعت على ورا.
دحوم: وش هاذي؟.
هيلدا: هاذا عنوان بيت ترف ورقم جوالها وجامعتها الي تدرس فيها .
دحوم: انا ما ط...
قاطعته بسرعه: خذه وبس بتحتاجه انا عارفه.
دحوم: هيلدا ترف انسانه اعرفها من زمان ومايهمني امرها، بنهايه هي مجرد طالبه كانت عندي واحاول اساعدها وشعور حلو اني شفتها تغيرت وصارت شي كويس بسببك.
هيلدا ساكته وتطالع فيه.
دحوم: ف تفضلي خذي الورقه.
هيلدا: يالله سلام.
وطلعت وهي متجاهلته وبدون م تاخذ الورقه .
دحوم ترك الورقه على الطاوله وكمل شغله بدون اهتمام.
-
ترف خلصت لبسَ، وكانت لابسه جينز وبلوزه بيضاء وكانت ضيقه وقصيره شوي وفتحه بالصدر وبضهرها وكانت تاركه شعرها الاشقر ستريت ومو حاطه ميكب ولبست نظاراتها الشمسيه وطلعت.
ركبت مع مناف عشان يوصلها ويروح دوامه.
مناف: هلا بالحلو.
ترف: انت الحلو.
مناف: وين تبيني اروح.
ترف: الجامعه.
مناف: الجامعه ليش؟ ماعندك انتي اليوم.
ترف: راح اخذ اليان وبنطلع نتمشى هي بالجامعه شوي وتخلص محاضرتها.
مناف: اوكيه.
-
خلص شغله وصار يشوف موفي بجواله وهو طفشان، رجع يطالع الورقه الي على الطاوله، مسكها وصار يطالعها ، فتحها.
كانت جامعة سكايلر للفنون مع رقم جوالها وعنوان بيتها.
اخذ الورقه وحطها بجيبه وقام طلع من المكتب.
ليسا: ايش المشكله محتاج شي؟
دحوم: لا بس خلصت شغلي وطالع وان جا شغل ارسليه على الايميل.
ليسا: ابشر.
نزل بسرعه وبأستعجال ركب سيارته ومشى.
-
يتبع؟