لمَ اعلم إلى اي مَدى احببتك!!".

ب"١٧".

نزل من السياره وصار يدق الباب ويرن الجرس .
فتحت الباب.
انجل: هلا ؟
ديفد: جواهر داخل؟
انجل: لا ماجت مو هي كانت معك؟ يمه لاتكون اختفت ياويلي من امي.
ديفد: لا لا م اختفت بس هي مو داخل صح؟
انجل: ايه لسه ماجت احسبها معك.
ديفد: خلاص انا اروح لها الحين.
وصار يركض لسيارته وركب بتوتر ومشى بجنون.
انجل وهي تسكر الباب: خلاص راح.
جواهر: شكرا نونو.
انجل: شدعوا وش شكراً خوات احنا.
جواهر: انا بروح انام ، تصبحين على خير.
انجل : اوك، وانتي بخير.
-
وقفت البنت فجأه .
ولف دحوم وصار يمشي بالطريق المعاكس وكن ماكان يلحقها ورجع لسيارته.
هيلدا تمشي لها: شفيك؟
ترف: مدري حسيت ان في احد يلحق وراي وخفت.
هيلدا تطالع: مافي احد.
ترف شالت يدها من على قلبها: اه يربي كنت خايفه.
هيلدا: امشي بس نرجع البيت الوقت تأخر.
ترف تمشي مع هيلدا ويروحون.
-
بعد م ركب السياره صار يهوجس.
دحوم: وش جاني انا قمت الحق الادميه.
دق جواله،وكان ديفد.
دحوم : الو؟
ديفد: دحوم جواهر اختفت!
دحوم: اختفت شلون؟
ديفد: م ادري ي دحوم انا خايف ماكان قصدي ، بنت الكلب ذيك اكيد ضايقتها.
دحوم: شوف انا مو فاهمك تعال.
ديفد: خلاص وينك انت الحين؟.
-
دخلت غرفتها وحطت راسها على مخدتها وحطت سماعاتها بأذنها وصارت تسمع اغنيتها المفضله قبل م تنام،..
غمضت عيونها وقررت م تفتحها ثاني،وتحاول تمحي كل شي في بالها .
-
دحوم ينزل من السياره ل ديفد الي كان جالس عند بيته.
دحوم: ليش جالس برا امش جوا.
قام ديفد بهدوء ولحق دحوم لداخل وجلسو بالصاله.
دحوم: وش فيك؟ وين جواهر؟
ديفد: ببيتها ولمى جيت اشوفها خلت اختها تصرفني.
دحوم: طيب وش دراك انها صرفتك يمكن هي مو موجوده صدق.
ديفد: دحوم سمعت صوتها وهي تهمس ل اختها.
دحوم: طب ليش سويت نفسك اهبل .
ديفد: لاني م ابي اخرب كل شي واخليها تزعل زياده اخليها لحالها الحين واكلمها بكرا.
دحوم: انت حمار،تاخذها معك ببارتي كل الي فيه الاكس حقينك.
ديفد: تبي تزيدني هم انت يعني!
دحوم وهو يسند ظهره بقوه على الكنبه: انا الي مهموم والله.
ديفد: ماراح اعاتبك على الي سويته معه، يستاهل ابن الكلب.
دحوم: اخيراً استوعبت انه ابن كلب.
ديفد: كلمت اختك؟
دحوم: م ابغى اشوفها حتى.
ديفد: دحوم غبي انت! اختك وش دخلها.
دحوم: م ادري يا ديفد انسى.
ديفد سكت وصار يشرب كوفي بهدوء ودحوم ساكت ويفكر.
ديفد: صح!
دحون لف.
ديفد: بكرا بتطلع مع الحلوه ذيك؟
دحوم : مادري، شكلي بكنسلها.
ديفد: لا شدعوا تستهبل انت! واضح ان البنت تحبك عطها وجه هالمره بس.
دحوم: مالي خلق.
ديفد: يالله عاد!
دحوم: اشوف.
-
قامت من النوم واخذت شور وضبطت نفسها.
دخلت هيلدا عليها : يمه قلبي.
ترف لفت.
هيلدا: خير ليش لبستي شي ثاني غير الفستان.
ترف: مدري حسيته ضيق مره م عرفت اتحرك.
هيلدا: ستيل الي لابسته كيوت مره، يمه بنتي الحلوه.
حضنتها بقوه.
طلعت ترف .
وقف مناف مكانه يطالع فيها.
كانت مسويه ويفي بشعرها الاشقر وكان مره يجنن وكأنه صار اقصر وبين رقبتها اكثر ولابسه دريس اسود بدون اكمام الى نص فخذها وكعب فضي طويل ،وكانت تجنن غير الميكب السمبل الي حاطته وعيونها الحلوين.
مناف: تعالي احضنك مو قادر اتحمل انك حلوه.
ضحكت ترف وراحت حضنته.
مناف: احبك والله.
ترف بغرور وهي تشيل شنطتها: ادري.
مناف: ترا عندي مره شغل كثير عشان كذا م اظن اني بقدر اجيك الحفله، بس بخلي هيلدا تصورك لي.
ترف وهي تحضنه قبل م تطلع وتبوسه على خذه: يع لاتحسسني اني بيبي.
مناف وهو ينغزها: اي انتي البيبي حقي.
هيلدا وهي تحط شنطتها على ظهرها: ترا سمعت!.
وجت بتمر من عند مناف وهي ساحبه عليه، سحبها من يدها وحضنها.
هيلدا: ابعد ياشينك.
مناف وهو قريب من وجهها مره ويتنفس عندها: بطلي تغارين.
هيلدا وهي متوتره: ما اغار.
مناف: جالس احس ترا.
هيلدا تحاول تبعد ويرجع مناف يسحبها له ويشد جسمها على جسمه.
مناف: من امس وانتي ماتبين تكلميني شصايرلك.
هيلدا تتنفس بصعوبه: اه..ما...
مناف: ما وش؟
هيلدا: بتأخر على الجامعه فكني.
مناف: متأكده افكك؟ ماحتندمين بعدين؟
هيلدا: اندم ليه؟.
مناف وهو يفك يده يده ويعطيها ظهره ويمشي.
هيلدا حست بضيقه بس مشت وتركته وراها وطلعت مع ترف الي كانت بسياره وتستناها.
ركبت هيلدا وشغلت السياره وتعابير وجهها متغيره.
ترف: شفيك؟
هيلدا تبتسم: مافيني شي.
ترف: صح انا م اشوف م عندي عيون.
هيلدا: لا جد مافيني شي.
ترف وهي تتنهد: ترا اليوم حفلتي الي صار لي ٣ شهور متحمسه لها، بيحظر فيها حوالي ٥٠٠ شخص ! وانتي كذا منفسه.
هيلدا: مو منفسه ياترف بالعكس مبسوطه عشانك مره اخيراً بشوفك تغنين احد اغانيك قدام هالكثر من الناس.
ترف تضحك: ياربي انا كذابه اذا قلتلك اني مو خايفه.
هيلدا: اهدي بالعكس بيكون كل شي حلو، واساساً انا عندي لك مفاجئه(وقالتها وهي تغمز).
ترف ب استغراب: ايش؟
هيلدا: خلاص تشوفين وقتها.
ترف ابتسمت وحطت سماعاتها وضلت هاديه للطريق.
-
هيلدا تنزل من سيارتها بعد م وصلت ترف وشالت اغراضها وبالمواقف جو صحباتها يركضون لها.
افنان: هلا ابوي.
هيلدا تحضنهم بتعبت.
هيلدا: كيفكم؟
رهف: كويسين وانتي؟
هيلدا: الحمدالله لسه اتنفس.
رهف: وش عندك كاشخه اليوم؟
هيلدا بضحكه: اليوم حفلت ترف.
افنان : لا وربي انتي كلبه.
هيلدا: كلبه ليه؟
افنان: خير ليش معيه علينا نروح معك؟
هيلدا : لأنكم تبون تشبكونها انا عارفه.
افنان: طيب واذا نبي نشبكها؟
هيلدا تضربهم وهم يضحكون.
هيلدا: شفتو انا داريه وش نيتكم.
افنان: الحمدالله والشكر.
هيلدا: اي والله الحمد الله!
وهم يمشون لسه بالمواقف جا دحوم ووقف سيارته، وقفو كلهم يطالعون فيه وهو ينزل من سيارته، وهيلدا تطالع فيه ب اهتمام.
اخذ اغراضه وانتبه ل هيلدا الي كانت تمشي ببطئ وهي تطالع فيه.
م عطاها اهتمام ومشا للأصنصير الي يرقي لمكتبه.
هيلدا انزعجت وصارت تمشي بسرعه عشان تدخل الجامعه بسرعه.
-
دخلت وكانت عيونهم عليها كلهم.
فتون تصفق: لا لا كذا انتي تفوقتي علينا.
ترف تضحك: شدعوا كلكم حلوين.
فتون: بس مو بحلاوتك! وبعدين احنا بنعزف ورا محد بينتبه الا للقمر الي بيغني.
ترف: ياشينك يالله عاد.
دخلت ارجوان.
"ارجوان كانت اشهر بنت بمدرسة الفنون من ناحية رقص ل غناء لعزف ولجمال برضو كانو كل شباب الجامعه يتمنون يصادقونها وعمها صاحب الجامعه".
ترف بأستحقار لفت وماعطتها وجه.
ارجوان: اوه اليوم عاهات الجامعه عندهم حفله، وعند الاستاذ هيراز وبأكبر قاعه بالجامعه، تطورو المشردين.
ترف تبتسم: وش تبين انتي الحين.
ارجوان: جايه اشوفك وانتي تفشلين.
ترف: ارجوان!
ارجوان: ترف! لاتضنين انك بتوصلين لمكاني حتى بأحلامك م ظنتي بتجيك هالفرصه.
ترف: نشوف! بعد الحفلة مين فايز، والحين اطلعي تراك جالسه تشغليننا وسط التدريب.
ارجوان بضحكه تلف وتتركهم.
اليان: اوف لو اقدر اقتلها.
راين: اوف لو نكمل تدريب وتسكرون الموضوع.
فتون: من جد توتو لاتتعبين نفسك عليها.
ترف: ماعليكم يالله نكمل.
-
وهو جالس على مكتبه ومنهمك بالشغل.
طق الباب.
وقف شغل وصار يطالع بالباب.
فتحت السكرتيره الباب.
ليسا: دكتور في طالبة اسمها هيلدا تبي تحكي معك، ممكن ادخلها؟
دحوم وهو يتنهد : ايه.
ثواني ودخلت هيلدا من الباب، وصارت تبتسم ووقفت قدام مكتبه.
دحوم: ايه؟ شفيه
هيلدا: نسيت يعني وعدنا،حق اليوم؟.
دحوم: وعد؟.
هيلدا: ايه يعني قلتلك تجي معي حفَله وكذا،حفله غنائيه،في شي مهم فيها.
دحوم: والله شوفي هيلدا!.
قاطعته بسرعه وماعطته فرصه يحكي: لا! احنا اتفقنا اساساً يعني خلاص مايمديك تغير رأيك.
دحوم بتعب: بس انا جد مالي خلق اسف.
هيلدا: الا لك خلق، الساعه ٧ تجهز عشان امرَك.
دحوم توه بيتكلم.
هيلدا بأبتسامه: يالله باي.
طلعت بسرعه بدون م تسمع منك شي.
دحوم يطالع بالباب بضيق ويرجع يمسك اوراقه الا دق ديفد.
ديفد: الو؟
دحوم: هلا؟
ديفد: شفيه صوتك؟.
دحوم: مافيه شي، كلمت جواهر؟
ديفد: دقيت ٧٣ مره بس لسه ماترد.
دحوم: بلاها ازعاج خلها وشوفها بوقت لمى تروق.
ديفد: الحين نرجع لصوتك؟.
دحوم: جد مافي شي بس مرهق من الشغل.
ديفد: هاه بتطلع مع هيلدا اليوم صح؟.
دحوم: امم اتوقع.
ديفد: استمتع يارجل ومن اليوم جرب تطالع للجزء الموجود وحبّه،وبطل تحب الي موموجود وتدور عليه.
دحوم سكت وماعرف وش يرد عليه.
ديفد: يالله انتبه لك.
قفلو.
وقف ديفد وشال اغراضه وحطها داخل شنطة السفر عساس راح يروح يزور اهله با كالفونيا ، بعد م ارسل اكثر من ١٠ رسالات ل جواهر يعتذر فيها منه ويقولها انه مسافر، وهي ولا شافتها حتى.
ركب سيارته رايح للمطار .
-
طلعت من دورة المياه وهي تجفف شعرها .
مسكت جوالها،وشافت الاشعارات.
شافته وهو يقولها "ودي لو نقدر نحكي بس رحلتي راح تروح عليَ،انتبهي لك لين ارجع وانتبه لك انا بنفسي،اسلملك نفسك امانه،اسف".
رمت الجوال على الارض ورجعت على ورا وطاحت .
دخلت انجل بسرعه بعد م سمعت صوت الطيحه وجت تمسكها.
انجل: جواهر شفيك؟!
كانت جواهر ساكته وبس تطالع ب انجل وعيونها مليانه دموع.
انجل تصرخ: جواهر كلميني! وش صاير.
جواهروهي يتقطع نفسها وكلامها مو مفهوم: ا ا را ح بدون م راح.
انجل: جواهر يمه مين الي راح شفيك!.
جواهروهي تطالع بعيون انجل وبتعب: ديفد راح.
-
ليسا: هذا كل شي لليوم،.
دحوم وهو يشيل جاكيته واغراضه : زين خذي كل الملفات وديها لأعضاء مجلس الاداره، وكذا بنقدر نحل المشكله الي صارت مع الشركه الثانيه.
ليسا تبتسم بوجهه ؛سويت زين.
دحوم: حتى انتي، كويس.
ليسا تاخذ الملفات وتطلع.
-
واقفه وتنتظر وكل شوي تطالع الساعه، وتعدل فستانها .
طلع وهو يمشي بأستعجال لسيارته.
هيلدا تمشي له بسرعه: وين وين؟
دحوم وقف يطالع فيها: وش تبين؟
هيلدا تضحك بأستهتار: وش ابي؟
دحوم وهي يحوس بشعره: صح! تذكرت.
هيلدا تتكف.
دحوم: خلاص بس اروح البيت ابدل بعدين نمشي.
هيلدا: خلاص راح اجي معك.
دحوم سوا نفسه ماسمعها وركب السياره وهي لحقته وركبت وحطت الحزام وصارت تطالع فيه وهو يطالع فيها.
تجاهلها ومشى .
-
انجل وهي تكلم نفسها وتدور بالغرفه: افف مايرد على جواله.
وجواهر نايمه على السرير.
انجل تدق ثاني.
رد.
ديفد: الو؟
انجل: الو؟ ليش توك ترد مجنون انت!
ديفد: معليش بس كنت بطياره وتوني وصلت كالفونيا.
انجل: بالله؟ كان رحت وانت ساكت! ليش تعلمها حيوان انت!.
ديفد: اعلم مين! وش تقولين انتي!.
انجل: ديفد ليش علمت جواهر انك رايح! انت ماتدري وش سويت فيها.
ديفد وقف: وش صار!
انجل: هذا مو موضوعنا.
ديفد يصرخ بعصبيه وقدام كل الناس: قلتلك وش صار!!! وش صار لها!.
انجل: مو كذا بس.
ديفد: انجل تكلمي.
انجل: جاها انهيار وطاحت! وتوني عطيتها ادويه مهدئه عشان تنام! يعني زود م انت حارق قلبها تكب عليه زيت!.
ديفد: انا جاي الحين!
انجل: لاتجي مانحتاجك.
ديفد: انا الحين بحجز على اقرب رحله ! لاتعطينها خبر اني جايه وبس! وخلي عنك هالحركات ي انجل.
-
دخلو البيت.
دحوم: انتظري تحت هنا على م اخلص.
هيلدا: طيب.
جلست على الكنبه وصارت تطالع بالبيت يمين ويسار وتتأمل .
بعد ربع ساعه نزل من فوق وكان لابس .
هيلدا: خلاص؟
دحوم: ايه يالله.
كان ستايله مره سنبل طقمَ اديداس اسود وشوز نايك ابيض، ورابط شعره .
طلعو وركبو السياره وهيلدا بيذبحها الحماس عشان تتأكد من شكوكها وتخليهم يلتقون ثاني.
وهم بالطريق..
دحوم: وش المميز بالحفله عشان تصرين اني اجي معك؟.
هيلدا تبتسم: م اصر، انا اقولك هالشي عشان مصلحتك.
دحوم: مصلحتي؟
هيلدا: ايه،صدقني لك مصلحه هناك.
دحوم سكت شوي..
دحوم: لايكون متفقه انتي وديفد تشبكوني؟!
هيلدا: مين ديفد.
دحوم: انسي.
هيلدا سكتت وصار تطالع بالطريق وتسرح فيه ودحوم كمل يسوق بهدوء.
-
وصلو ونزلو من السياره وكان زحمه مو طبيعيه.
هيلدا مبتسمه .
دحوم يطالع: وش سالفتك انتي؟
هيلدا: مغنيتي المفضله اليوم هي الي بتحيي الحفل.
دحوم: مغنيتك؟ مين؟.
هيلدا: الحين بتشوفها ، حلوه مره! .
دحوم مستغرب: طيب.
وهم يمشون للداخل.
دق جوال هيلدا وردت بحماس.
هيلدا: الو؟
ترف: هيلدا انا جالسه اموت من الخوف.
هيلدا: انتي مجنونه لاتخافين.
دحوم يطالع فيها ويسمعها.
هيلدا: لاتتوترين ولا بتخربين كل شي قلتلك من قبل انتي اطلق وحده.
ترف: انتي وينك؟.
هيلدا: انا جالسه على البار مع صديق بيعجبك بس انتي اطلعي وادي زين وبطلي دلع.
ترف تتنفس بصعوبه: طيب.
قفلت.
دحوم يطالع ب استغراب وينتظر منها تبرر.
هيلدا: شفيك؟
دحوم: انتي الي شفيك.
هيلدا: مافيني شي كويسه.
دحوم يتجاهل ويشرب وهو يطالع ب المكان.
-
ترف جالسه وتعدل المايك حقها .
فتون: مستعدين مو؟ بقا عشرين دقيقه.
ترف تصرخ: لا تعلميني! لاتعلميني كم باقي!.
فتون: هذا وانتي حلوه وتسوين كذا ! شلون احنا!.
راين: من جد! ثقي بنفسك شوي انا بروح اكل لي حاجه عشان تتجمع الطاقه .
فتون: بجي معي استناني .
راحو وترف لسه جالسه وتعدل شعرها بتوتر وتشوف الميكب حقها.
-
طفت الانور على المسرح والمكان صار ضلام..
وصوت الات الي بدت تنطلق بصوت عالي.
بحماس كان اشبه بالروك، وتولعت الانوار على المسرح.
وترف تمسك المايك وبعيونها نظرت الجرئه وابتسامتها اختفت..
وبحماس بدت تغني بكل ثقه وبدون م تحس بشي.
واعتلى المكان بصوت صراخ الجمهور وحماسهم..
-
يتبع؟