لمَ اعلم إلى اي مَدى احببتك!!".

ب"٢٠".

الساعه١٢:٣٠.
طالع الساعه وقام.
دحوم: اسف والله وراي دوام بكرا انتبه لها ونام انت بعد ولاترهق نفسك اكلمك بكرا .
ديفد بتعب: اي ماعندك مشكله حبيبي روح ارتاح.
طلع .
رجع ديفد جلس عند راس جواهر وغاطاها زين بالحاف وحط راسه عند راسها ونعس.
-
صحى الصبح بدري عن العاده وتجهز وركب سيارته ومشى للجامعه.
-
ترف ترد وهي النوم ذابحها: نعم؟
هيلدا: نعم انتي! اسمعي صحصحي معي.
ترف ترفع راسها: وش تبين !
هيلدا: برزنتيشن حقي اليوم اسمعيني نسيت الاب توب بالصاله وصليه لي للجامعه.
ترف بعصبيه: وانتي بس تنسين اغراضك! انا وش يصحيني الحين اجيبلك لابتوبك ومناف وينه؟
هيلدا: يختي مناف اليوم بالمطعم من الفجر رايح تكفين ترف بسرعه.
ترف : طب يله قفلي.
قفلت منها ورفعت راسها بتعب ، راحت تتجهز وبعد م اخذت شور لبست شورت قصير مره اسود مع تيشيرت اسود ولبست فوقه جاكيت ابيض وغطت شعرها بقبعة الجاكيت ولبست شوز سبورت اسود وبدون م تحط ميكب لبست نظاراتها الشمسيه وطلعت .
-
رقا مكتبه على طول وصار يشتغل.
دخلت السكرتيره.
ليسا: دكتور؟
وكان دحوم معطيها ظهره على الكرسي ويشتغل قدام الشباك.
ليسا: معليش دكتور بس مضيع الاتجاهات؟
لف عليها دحوم: وش تبين؟
ليسا: ممكن اطلع نص ساعه واجي؟.
دحوم: روحي.
طلعت.
-
دخلت الجامعه وصارت تدور وتدور ومضيعه مكان هيلدا وصارت تدق عليها وهيلدا ماترد.
وقفت شوي وهي منفسه ومو عارفه وش تسوي، مرت من جنبها بنت.
ترف: لو سمحتي؟
البنت تطالع .
ترف: تعرفين هيلدا امير؟
البنت: لا.
ترف: طيب شكراً.
وقفت تطالع يمين ويسار ولقت اصنصير.
ترف: واو جامعات الطب عندهم اصنصير، والله من البطره.
راحت وركبت الاصنصير وكان محطوط دور واحد بس ودور تحت الجامعه وكانت مستغربه ، ورقت فوق.
دخلت وكان سيب طويل فيه بابين باب يوم فتحته كانت جلسه فيها كنب وبلستيشن وطاولت بلياردو وفيها بار.
ترف مصدومه وتطالع ب استغراب: وشذا؟
طلعت من الغرفه وسكرت الباب ولقت غرفه ثانيه وفتحت الباب.
كان مكتب مره كبير وفخم وكان الكرسي يتحرك شوي ومقلوب على الشباك الي قدامه.
ترف: عفواً؟ بس انا وين الحين؟ كيف اروح مكان القاعات او الكافاتيرا.
رد: ماادري روحي انتي دوري ولعد ترقين هنا.
ترف تطالع بطرف عين وتسكر الباب وهي تمشي : يع ورا شايف نفسه كذا ذا.
دحوم لف الكرسي: وش تبي ذي مضيعه اف ياشين المستجدات .
نزلت بسرعه وهي نازله من الاصنصير فتح الباب ولقت هيلدا كانت متوجهه للأصنصير.
هيلدا: هييي!!
ترف بخوف: خوفتيني شفيك!
سحبتها هيلدا بسرعه .
هيلدا: وين رحتي؟ كيف رقيتي هناك!
ترف: مدري كنت ادور عليك ورقيت في غرفه فيها واحد مدري شوضعه ينرفز.
هيلدا بتوتر: مين؟
ترف: مدري كان معطيني ظهره بالكرسي ماشفته سألته وين القاعات وقالي "تقلد صوته بطقطقه": روهي لعد تجين هنا.
هيلدا تاخذ نفس بهدوء: هذا المدير ياحلوه.
ترف تحط يدها على فمها بخوف: امااا!!
هيلدا: اي يازينك هاتي بس.
ترف تعطيها الاغراض: لعد تخلين شي بلبيت وتجين تبثريني بعدين.
هيلدا: شكراً يختي والله.
ترف: انا ماشيه بس خل اروح اكل شي على مايبدا الدوام.
هيلدا: عمري ماقصرتي (توها بتكلم كلامها الا جو صحباتها ركض).
ترف تبتسم .
افنان: يا هلا والله.
ترف تحضن افنان ورغد .
رغد: وراك ساحبه علينا ومعد نشوفك.
ترف: تعرفون مشاغل وكذا.
هيلدا تدف ترف بشويس: يالله ترف رايحه.
رغد: لا عاد اجلسي شويا.
هيلدا وهي تغمز لها وتعصب : يللهه.
ترف : طيب خلاص بشويش مع السلامه.
عطتهم بوسه من بعيد ومشت.
رغد: اف انتي كريهه خلينا نشوفها.
هيلدا: انتو نواياكم مو كويسه وذي بنتي يالله هش.
افنان: خشي بنوايانا ونتفاهم.
وهم يحكون نزل دحوم وطلع من الاصنصير وكلهم توترو ووقفو مكانهم.
افنان: اهلاً دكتور.
ابتسم دحوم ومشا من قدامهم .
هيلدا تطالع فيه بأنزعاج اخذت اغراضها ومشت ومشو وراها البنات.
افنان: وش فيك صاير شي بينكم؟
هيلدا: مافي شي.
رغد: ترا نشوف احنا! .
هيلدا توقف وتطالع فيهم: امانه؟ من وين.
رغد تضحك: ياكرهك قسم.
تبتسم هيلدا وتمشي.
-
ركب سيارته ومشى لأقرب كوفي جنب الجامعه عشان ياكل .
نزل وجلس وطلب له اكل وجالس قدام جواله ويطقطق فيه.
-
دخلت وطلبت واخذت طلبها، طالعت كل الطاولات فيها ناس الا طاوله كان جالس عليها شخص واحد.
تقدمت للطاوله وكان حاط كاب البلوفر على راسه ومو واضح شكله.
ترف: معليش بس ممكن اجلس هنا؟ اكل يعني واقوم؟.
دحوم: ايه .
جلست ترف وحطت اكلها، رفع دحوم راسه وطالع فيها وكانت عيونهم بعيون بعض.
تشتت ترف انتباهها وشالت عينها وخذت الكوفي حقها وصارت تشرب.
دحوم كان قلبه ينبض بسرعه ومو كان عارف وش الموضوع،افكاره تدور حور عرفتني او لا؟ كيف وصلت هنا؟ ووش صاير.
رفعت ترف عينها مره ثانيه وكان دحوم لسه يطالع فيها بنظرة مصدوم.
طالعت ترف بأستغراب: عفواً في مشكله؟.
نزل دحوم الكاب من على راسه.
صارت تطالع ترف اكثر بعيون مستغربه .
ترف: شفيك تطالع؟ عشاني حلوه؟ (ضحكت) ادري والله.
دحوم ابتسم شوي: ترف.
ترف سكتت شوي واختفت ابتسامتها على طول بعدين صارت تطالع بخوف ، وبدون م تحس دمعتها نزلت.
دحوم يطالعها: شفيك؟
ترف: حلوه الثقه الي فيك والله؟.
دحوم: ثقة ايش؟
ترف: راجعلي بعد ٣ سنوات وتقولي ترف؟
دحوم ساكت ومو عارف وش يقول وبنفس الوقت متوتر.
ترف ابتسمت: امزح شفيك؟ كيفك استاذ.
دحوم: انا كويس وانتي؟ كيف صرتي حلوه كذا.
ترف ترفع شعرها بغرور: من اول وانا حلوه تعرف.
دحوم ضحك وصار يطالع بعيونها لثواني بعدين نزل عينه: صح حلوه.
ترف بلعت ريقها بوجع .
وقفت: يالله انا لازم اروح وكانت صدفه على الصراحة(مدت يدها).
دحوم يطالع فيها بهدوء ومو عارف وش يقول ووش يسوي وبنفس الوقت مايبيها تروح ومتوتر ومو عارف وش يسوي.
ترف تمد يدها اقرب وتبتسم: مع السلامه.
وقف دحوم وسلم عليها، عطته ظهرها وطلعت.
صارت تمشي بسرعه وفجأه صارت تركض بعيد، لين م وصلت لنهاية الشارع وبدون شعور جلست على الارض وصارت تبكي وهي ضاغطه على قلبها.
دقت اليان.
اليان: الو؟
ترف وهي تبكي بكل قوتها: بموت يا اليان راح اموت من قلبي.
اليان بخوف: ترف! قلبك شفيه!
-
واقف دحوم ومو عارف يرجع يجلس ولا يطلع من المطعم ومتوتر وبنفس الوقت منزعج من برود ترف، وحس وقتها ان جد ترف ماتحبه وماتبيه وماكانت تعتبره شي.
اخذ اغراضه وطلع بسرعه وكان يتلفت يمين ويسار ويدور عليها ويتأكد وين راحت.
-
اليان تمسكها.
اليان: ياترف وش صايرلك.
ترف: لقيته يا اليان .
اليان: لقيتي مين.
ترف تكمل تبكي وتشهق بقوه والكلام مو راضي يطلع من فمها.
-
دحوم رجع للجامعه ودخل وهو ساكت ومو عارف وش يقول وقعد على مكتبه بأرهاق ويحس كأنه قلبه يتقطع، ويتسائل هي ليش كانت بارده معه كذا.
>>
الساعه١٠:١١ الليل.
دخلت البيت.
وقف مناف يطالع فيها وهي تمشي .
مناف: دقيقه وقفي.
طالعت ترف فيه بأرهاق:نعم؟
مناف: ليش وجهك كذا؟ وعيونك حمراء مره وخشمك؟بكيتي؟ولا مسخنه.
ترف تنزل يد مناف من على راسها: مافيني شي بس ابغى انام.
مناف يطالع بهدوء وهي تروح من قدامه وتدخل الغرفه.
طلعت هيلدا من دورة المياه: وش فيك؟ شفيه وجهك.
مناف : ما ادري ترف وش فيها شكلها بكت كثير بس ماحكت لي.
هيلدا: انا اروح اشوف الحين.
مناف يمسكها: لا خليها تقعد لوحدها.
-
حطت اغراضها على شنطتها وطلعت البكت حقها وصارت تطالع فيه .. صارلها سنه تاركه التدخين وبنفس الوقت عندها رغبه انها تدخن، حطته بجيبها ولبست بلوفرها وحطت الكاب على راسها وطلعت من الغرفه ، وهي توها بتوصل لباب الشارع.
هيلدا: وين؟
ترف: البحر، ابغا امشي ممكن اخذ سيارتك؟
هيلدا ترمي لها المفتاح: ارجعي قبل ١٢.
ترف طلعت وركبت السياره.
-
ديفد: دقيقه منجدك!؟؟
دحوم: ايه.
ديفد: مدري وش اقولك احس توترت معك.
دحوم يسند ضهره على السرير بتعب: ملامحها وجعتني، كنها مو مهتمه حتى مافي ذرت حماس انو شافتني، معقوله انها جد ماتحبني.
ديفد: انت لسه ماتدري حتى، استنى عليها، حاول تخلي هيلدا تساعدك بأنك تقابلها.
دحوم: الي ابي اعرفه هيلدا كيف تدري معناته ان ترف تقولها مدري مدري مو قادر افكر زين.
ديفد يلتفت على جواهر ولقاها من قبل نايمه .
دحوم ينتبه ل ديفد: كيف صحت جواهر؟
ديفد: مدري ياخي، تنام كثير.
دحوم: عادي ماهي مشكله كبيره خلها تنام.
ديفد: ودي اقولها عن ترف تروح تشوفها.
دحوم: اي ماعندك مشكله انا عندي رقمها راح اعطيك اياه تعطيه جواهر.
-
نزلت وصارت تمشي وجلست على الارض وكان الهواء بارد مره وكانت بس تطالع البحر. ومو قادره تفكر بشي وماتدري وش تسوي، لمى شافت حبها الاول قدامها بدون ماتحضنه ولا تقول له انها اشتاقت له لانها متأكده انه مايحبها .
وصارت تحس بخطوات احد وراها يمشي بهدوء .
لفت بخوف لوراها.
-يتبع؟