لمَ اعلم إلى اي مَدى احببتك!!".

ب"٦".

.. يدق جواله.
دحوم: الو؟
عهد: اهلن.
دحوم: اهلين عهد كيفك؟
عهد: انا تمام يعني.
دحوم: يعني؟
عهد: لا..بس اشتقت لك.
دحوم ابتسم بسكوت.
دحوم: تبين نتقابل؟
عهد بسرعه وبدون تفكير: ايه!
دحوم: خلاص اليوم عندك شي؟.
عهد مره متشققه وجالسه تنطنط بمكانها من الحماس.
دحوم: الو؟
عهد تعدل صوتها: اي اي اوك ماعندي شي وين تبي نروح؟.
-
فتحت الباب..
مناف: ترف.
ترف تلقط انفاسها بصعوبه.
مناف يدخل ويسكر وراه الباب ويحضنها.
ترف تبكي.
مناف: في شي صاير؟علميني ي بابا.
ترف تحاول تبعد مناف عنها بس مو قادره بحكم انه اقوى منها.
ترف: اتركننيي!!
مناف: بتركك بس ماتطرديني ابي اجلس معك شوي.
ترف: منااف!!
مناف: علمتك.
ترف: خلاص م راح اطلعك بس ابعد عني.
مناف يبعد بهدوء.
ترف تعدل ملابسها وتعطيه ظهرها وتمشي.
مناف يطالع المكان .
مناف: ليه غيرتي الاثاث.
ترف ماترد عليه وجلست على الكنبه ومسكت كتابها.
مناف: ليش صاير كل شي اسود ب اسود ترا يخوف، لايكون تسوين سحر اسود انتي.
ترف تطالع بطرف عين.
مناف: امزح(جلس).
مناف: وش فيك كنتي تبكين حصلت حاجه.
ترف ماترد.
مناف يرجمها بعلبة المنديل: اتكلم انا ياحيوانه!
ترف : وش وضعك انت!!
مناف وهو يضحك: اكلمك انا ردي على كلامي.
ترف: م ابغا.
مناف يقوم ويجلس جنبها على نفس الكنبه.
ترف: نعم؟
مناف ينسدح ويحط راسه على حضنها.
مناف: من زمان م حسيت اني جالس مع اختي.
ترف ساكته.
مناف: صاير شي؟ احسك متغيره شوي.
ترف تطالع فيه: شلون؟
مناف: م ادري احسك شوي كويسه... وهذا شي حلو .
ترف تضربه على جبهته بقوه.
مناف: اح! غيرت رأيي ماتغيرتي ولاشي.
ترف: هه.
مناف رفع راسه : يمه!!
ترف تطالع بصدمه.
مناف: ذيك الي قبل شوي ضحكه؟
ترف: هاذي عطسه.
مناف بأستغراب: عطسه؟.
ترف تتجاهله.
-
كان يمشي.
شافها من ورا.
فستان اسود طويل الى نص ساقها وشعرها مرفوع ، ولابسه شوز سبورت، بساطه مو طبيعيه ب ستايلها.
دحوم وقف مكانه يطالع فيها من ورا.
عهد لفت.
عهد ابتسمت على طول: دحوم؟
دحوم مشا لها.
عهد نظارتها له تموت وودها تحضنه بس ماتقدر وماتدري شلون تبدا.
دحوم: ايوه ندخل نشوف فيلم.
عهد : ايه.
مشو جنب بعض وكانو كأنهم كبل مناسبين بعض ، كل واحد احلا من الثاني وعيون الناس عليهم.
واقفين يشترون بوبكورن.
عهد: ماتحس انو في ناس يطالعون فيني؟
دحوم وهو ياخذ البوب كورن : لانك حلوه..(وكان جدي وماكان يبتسم وهو يقولها حتى).
عهد تحاول تخفي ابتسامتها: اها.
دحوم ياخذ الاغراض ويطالع فيها: ايش فيك شي؟
عهد تبي تبتسم بس ماسكه نفسها: لا يله ندخل.
-
اكلت لين م شبعت.
مناف: تبين عصير حاجه؟
ترف وهي تقوم: لا.
مناف: طيب انتبهي لطريقك كويس ولاتضربين احد ينرفزك خلي فيك انوثه شوي.
ترف سحبت عليه ومشت وتركته.
مناف يتنهد بتعب وهو يشيل الصحن والملاعق من على الطاوله.
..
تمشي راجعه للبيت وتفكيرها بمرض دحوم الغريب.
وقفت مكانها وهي تضرب راسها بهدوء : انا ليش افكر فيها الحين.
-
عهد: راح اوديك مطعم مره حلو.
دحوم: امم يعني بناكل على ذوقك.
عهد: تعال (وهي تمسك يده ).
دحوم يطالع بيدها الي ماسكه يده ويشد عليها.
عهد تبتسم وتسحبه معها.
دحوم: وش وين رايحه السياره من هناك.
عهد: خلينا نروح مشي ، م احب السياره.
دحوم: مافي مشكله.
كملو مشي رايحين للمطعم.
دحوم بدا يحس ان الطريق مألوف.
دحوم يوقف عهد: وينه المطعم؟
عهد: قريب من هنا.
ولمحها .. لمى وقفت تطالع فيهم بمكانها.
دحوم يطالع بدون م يشيل عينه عنها.
ترف تتجاهلهم وتمر من جنبهم.
دحوم بصوت عالي: يالله ياحبي نمشي لانتأخر.
ترف تمشي بدون م تعطيهم وجه.
ودحوم برضو يمشي وهو يسحب عهد معه.
عهد ب استغراب: شفيك؟ تعرفها ؟
دحوم: لا
عهد: شكلها يخوف كأنها ايمو وش هذا
(تتنهد): هلناس غريبه والله.
دحوم يسكت.
-
ترف دخلت بيتها ورمت شنطتها بالارض وراحت سريرها على طول وانسدحت وهي تتقلب وتحاول تنام بأنزعاج من الي شافته.
-
جالسين ياكلون..
عهد: المكان جامد هاذي ثالث مره اجي.
دحوم مسرح.
عهد: دحوم؟
دحوم ينتبه: هله؟
عهد بأنزعاج: من الطريق وانت متغير شفيك؟.
دحوم يمسك الملعقه: مافيني شي ، وش كنتِ تقولين؟.
عهد تمسك شنطتها وتقوم: اذا مخك مو معي ما ابغا اجلس معك.
دحوم يوقف بسرعه وراها ويسحبها لحضنه ويضغط عليها بقوه.
عهد م تحركت.
دحوم يبعد شوي ويمسك وجهها بيدينه ويبعد خصلات شعرها من عن وجهها.
عهد بدون تردد قربت منه وباسته بوسه سريعه على شفايفه.
دحوم يطالع بعيونها ويبتسم بدون م يحس.
-
ترف جالسه على البلكونه وتدخن بينما الهوا يحرك شعرها الطويل من على وجهها ويبين ملامحها الغير مرئيه.
كانت تطالع للشارع الي قدام بيتها والي يطل من بلكونتها، وشافتهم..
كانو يمشون وماسكين يدين بعض ..
ترف ب انزعاج قامت ورجعت لسريرها .
-
الساعه٨:٢٣ الصباح.
دخلت ترف والبنات يستنونها عند الباب.
جواهر: شفيك تأخرتي.
ترف كلعاده م ترد، فمشو لداخل وكل وحده راحت فصلها.
طلعو البنات بعد م سمعو الجرس.
سمر: اممم بما انو ويكند خلينا نهيص.
جواهر وهي تشيل اغراضها: وين تبين تهيصين.
سمر: م اعرف بس خل نهيص.
سمر: تر( قاطعتها ترف).
ترف: ما ابغا اروح مكان.
سمر تنهدت.
جواهر: خلاص براحتك كل ويكند نفس السيناريو ليش نغصبك.
ترف تتلفت يمين ويسار.
سمر: مين تدورين.
ترف: محد.
سمر: مو حماره انا اخلصي من اليوم وانتي تطالعين بلمكان.
جواهر تحط شنطتها على ظهرها: تدور دحوم.
ترف لفت على جواهر تطالعها بعين حاره.
سمر تضحك.
جواهر: هذا الي واضح لاتطالعيني كذا من اليوم وانتي تدورينه بعيونك.
ترف انزعجت ومشت.
سمر: اف جواهر شفيك انتي!!
جواهر: سمر م قلت شي غلط طالعي شلون تحسينها مهتمه فيه.
سمر: اك بس برضو.
-
ترف وصلت للباب وطالعه، شافته ركب سيارته وكان بيمشي.
وصارت تمشي هي بدون اهتمام، ومر من جنبها بسيارته بسرعه بدون م يشوفها.
ترف تتنهد وتطلع الدخان من جيبها ، وتمشي، م تدري هي وين رايحه بس المهم انها تمشي وتوصل لاي مكان.
وقفت نهاية الشارع ،بداية البحر ، كان هدوء، والوحشه تسكن هالمكان، م كان يهمها كثر م انه مكان مريح بالنسبه لها، لان صوت امواج البحر كانت قريبه من اذنها، وجلست على الارض ، وغرست اطراف يدها داخل المويه وصارت تلعب فيها كأنها طفله.
سمعت هالصوت من وراها.
دحوم وهو يمشي لها: ترف.
ترف م لفت راسها وتضاهرت انها م تسمع وطلعت يدها من المويه.
دحوم جلس بالارض جنبها: وش جالسه تسوين هنا ماودك ترجعين بيتك.
ترف: عفواً ولي امري؟ مو قلتلك تبطل شفقتك هاذي تخليها لاحد ثاني، وخليني انا الفقيره المريضه اعرف كيف اساعد نفسي.
دحوم: وعشاني اشفق عليك لازم اسوي كذا.
ترف: شكراً بس م احتاج هالشفقه الي مافي شي مبتذل كثرها.
دحوم عصب: تحسبيني الحق وراك عشانك؟ ترا عشان هاذي دراستي ولا مايهمني اساعد مريضه نفسيه م ساعدوها اطباء.
ترف بسرعه جت بتضربه بقبظتها على وجهه بس بردت فعله السريعه مسك يدها .
دحوم: مو انا الي تمدين علي يدك اك!
ترف: صح مفروض امد رجلي لانك ماتستاهل المسك بيدي اصلاً!.
وقفت وعطته ظهرها والدموع بدت تملي عيونها وهي تمسحها بسرعه.
دحوم بمكانه يتنهد.
-
يدق جوالها..
سمر: ترف تعالي جواهر تعبانه.
ترف بخوف: طيب.
وصارت تركض بسرعه بخوف.
-
دحوم: عهد تعالي اشتقت لك.
عهد: من عيوني، بس انت وينك الحين.
دحوم: قدام بيتك.
عهد بخوف : امماا!!!
عهد توترت وصارت تزين شعرها بسرعه وتطالع فيه من الشباك قبل م تنزل، حطت عطر واخذت نفس ونزلت له.
فتحت الباب.
ودحوم بدون احساس طاح بحظنها.
عهد بخوف: دحوم شفيك حبيبي؟
دحوم بدون احساس : تعبت منها.
عهد : من مين؟
دحوم: منها.
عهد: دحوم مميينن!!
دحوم: محد بس خليك كذا قريبه مني، محتاجك.
-
ترف بعصبيه: وش حركات المبزره ذي!!
سمر: شنسوي كنا نبيك تجين تجلسين معنا.
جواهر تحضن ترف: اه اشتقت لك.
ترف تبعد جواهر عنها بقوه.
ترف: لا تلمسيني، عندكم اكل؟
جواهر: عندنا كل شي ياعيوني تعالي بس.
-
دحوم وهو نايم بحظن عهد.
دحوم: عهد.
عهد: هم؟
دحوم: كيف انسانه تطلع فجأه كذا وتخليني اتعلق فيها.
عهد تبتسم: عشاني حلوه؟
دحوم رفع راسها من على حظنها.
دحوم: صادقه!
عهد تضحك.
-
الساعه٢:٣٣ الظهر.
دحوم مو قادر يقوم من على السرير من قوة الالم الي يحس فيه.
شيماء تطق الباب: دحوم تسمعني؟ ددحوممم قوومم!!
ودحوم مو قادر يتكلم حتى ويقولها انها تعبان، واليوم اجازة الخدم يعني مافي اي احد بالبيت غير شيماء ودحوم.
شيماء تبكي عند الباب: دحوممم !
دحوم يستجمع قواه ويحاول يقوم من على السرير وبقوه يطيح على الارض ويحاول يقوم ثاني ويطيح برضو لين وصل للباب.
وفتحه بصعوبه وطاح على الارض ومعد قام ، شيماء تبكي وهي تهزه ومو عارفه وش تسوي وتدق على مين لان جوال دحوم فيه باسورد.
شيماء: صح!! جوال البيت! بس مافيه ارقام احد ايش اسوي.
قامت تدور يمين ويسار وهي تدور داخل جكيته لقت ورقه فيها رقم.
بدون تردد اخذته ودقت.
رد.
شيماء وهي تبكي: الو الو؟؟؟
ساكت.
شيماء: الو انت مين! تعرف دحوم تعرفه؟ الله يخليك رد!
..
يتبع؟