لمَ اعلم إلى اي مَدى احببتك!!".

ب"١٣".

..
صباحَ جديد حلو، صحى مروق وبيده الكوفي ودخل الجامعه وجت السكرتيره بسرعه ومشت وراه وصارت تعلمه عن المستندات الجديده.
ليسا: شوف دكتور صاير مشكله كبيره شوي بالجامعه ولازم تدخل عشان اهل طالبه طلبو يقابلونك.
دحوم وقف وطالع فيها: انتي شايفتني انسان فاضي عشان اقابل اهل مشاكل اطفال تافهه؟
ليسا : لا طال عمرك مو فاضي.
دحوم كمل مشي.
ليسا: و ان شاء الله بوقت البريك ووقت تجمع الطالبات راح انزل واعرفك عن كل شي بالجامعه وملحقاتها والحرم الجامعي بعد.
دحوم: اوك.
ليسا: والرئيس بمكتب ينتظرك.
دحوم وقف: ابوي؟
مشا بسرعه للمكتب ودخل بهدوء.
بدر: الساعه الان ٩ وش مأخرك؟
دحوم: ما تأخرت.
بدر: الدوام يبدا ٨ ، ساعه وش جالس تسوي بالبيت.
دحوم: وصلت شيماء.
بدر: شيماء مدرستها اقرب من ابطي ليش متأخر.
دحوم: دام مدرستها ب ابطك وصلها انت.
بدر: دحمي!
دحوم: نعم؟
بدر: امش اجلس، انا م رجعتك من هناك عشان تجيني هنا تخبعلي!
دحوم: الحين انت وش تبي؟ اعطيتني الشغل وهذا انا جالس اسويه.
بدريسكت شوي.
تطق السكرتيره وتدخل معها الكوفي وتحطه قدام بدر.
بدر: راح اجي البيت الليله.
دحوم: ليه؟ خير؟
بدر: بيتي اتوقع يمديني اجي واروح.
دحوم: فلوسه من وين ان شاء الله؟
بدر: اي صح تذكرت.
دحوم: خلاص اجل، لاتجي احسنلك.
بدر: اوك الساعه١٠ الليل وانا عند الباب سلام.
دحوم يتنهد بطفش ويجلس على الكرسي ويطقطق على جواله لين مر الوقت.
دخلت ليسا بعد ساعات، وقبل ما تتكلم فهمها دحوم وقام على طول وطلع من الباب.
ليسا بصوت واطي غير مسموع: انسان غريب.
دحوم: بسرعه.
ليسا تركض: ان شاء الله!.
-
ليسا: وهنا زي ماتشوف الكافاتيريا.
دحوم: احسها صغيره.
ليسا: لا دكتور البنات اصلاً مايجلسون فيها اغلب وقتهم يكونون برا يجون هنا يطلبون ويمشون.
دحوم: ووش الاكل الي يكون هنا.
ليسا تعال معي اوريك دكتور.
دخلو الكافاتيريا.
دحوم: اممم، كويس والله ، كل شي مرتب ومقبول للأكل.
ليسا: من حسن ذوقك دكتور انا الي كتبت منيو الاكل.
دحوم: اختيار كويس.
طلعو من الكافاتيريا.
وصارو يمشون .
ليسا: كتبت لك قائمه بطالبات الي لهم تأثير بالجامعه.
اخذ الورقه من يدها.
دحوم: كارمن؟ وش وضعها.
ليسا: دكتور تشوف الشله الي هناك .
دحوم يطالع: ايوه؟
ليسا: هاذي البنت الي لابسه ازرق دايماً توقع على تعهدات لانها تدخن بمرافق المدرسه وينطلق جرس الانذار وتخرشنا.
دحوم ضحك: استغفر الله بس.
ليسا اول مره تشوف دحوم يضحك طالعت فيه شوي وشالت عينها بسرعه وابتسمت.
دحوم: وو..( طاحت عيونه على ذيك البنت الي كانت بين البنات، كانت تضحك بحماس وصحباتها الي حولها كثير، والي يمر جنبها يسلم عليها، كان لونها برونز وشعرها لنص ظهرها ولونه عسلي، ملامحها حاده جداً وجميله بشكل جذاب ويوجع القلب، كانت لابسه جينز مشقق وبلوزه بيضه ضيقه ومفتوحه من قدام ولنص بطنها، لاكن الجينز كان يغطيه).
دحوم: هاذيك؟
ليسا: مين؟
دحوم: ام ابيض.
ليسا: اها هاذي هيلدا من افضل الطالبات بالجامعه، وكل سنه من سنواتها هنا كانت تفوز بمسابقات الجامعه، من رياضه للغه انجليزيه وحولها، غير كذا ماشاء الله الله يحفظها جميله.
دحوم طول يطالع .
هيلدا انتبهت وطالعت.
دحوم شال عيونه وكمل يمشي مع ليسا ويحكون.
هيلدا :وش فيه؟
ليلى: مين؟
هيلدا: مدري ذا يطالع فيني، مو هذا المدير الي ازعجونا فيه الجديد الي يقولون حلو؟
ليلى: اي اي يلبيه وينه.
هيلدا: راح ، ماعلينا تقولين...
كان يمشي دحوم وطلع للساحه الخارجيه.
ليسا: وش بعد تبي تعرف؟
دحوم: خلاص بس جمعيهم بقاعة عشان بتكلم مع الطالبات من جميع تخصصات الجامعه
ليسا: ابشر.
دحوم جلس على الكرسي الي كان بحديقة الجامعه وكان يطالع بالطالبات الرايحه والجايه.
طلعو هيلدا وشلتها يتمشون ويسولفون ويضحكون.
دحوم يتأمل هيلدا وهي تمشي .
جت بنت ل هيلدا.
وكانو قريبين ل دحوم كفايه عشان يسمع وش يحكون عنه.
البنت: هيلدا هاذي دعوات لك انتي وصحباتك عشان تجون البارتي حق يوم ميلادي.
هيلدا ابتسمت: شكراً.
البنت نزلت راسها وراحت وهي مستحيه.
دحوم يعقد حواجبه بأستغراب .
هيلدا لفت وشافته.
ليلى: يمه شوفوه المدير!
هند: غريبه مو من النوع الي يختلط مع البنات .
ليلى: بروح اسلم.
ليلى مشت بسرعه له والبنات يضحكون عليها.
ووقفت قدامه.
ليلى تمد يدها: السلام دكتور.
دحوم مد يده وسلم عليها: وش المشكله؟
ليلى: بس حبيت كذا اسلم على مديرنا الجديد.
دحوم ابتسم بخفه: اوك.
وكانت هيلدا تطالع فيه بدون ماترمش حتى.
طالعها دحوم ب استغراب.
وابتسمت بهدوء بوجهه وشالت عينها.
ليلى: يمه يجنن يجنن من قريب عنده غمازات.
هيلدا سلكت لليلى ب ابتسامه.
ليلى: وش فيك؟ قد شفيته بمكان.
هيلدا تشيل شنطتها: مو كذا بس يشبه احد كنت اعرفه .
شالت كتباها ومشت رايحه لقاعتها.
هليدا تمشي بخطوات سريعه رايحه للقاعه كنها تتهرب من شي.
دحوم وقف قدامها فجأه.
هيلدا ترفع يدها بشويش: وش فيك دكتور؟
دحوم: مافيني شي ، انتي طلعتي بوجهي.
هيلدا تنحني شوي: اسفه ماشفتك.
دحوم مر من قدامها بعدم مبالات وطلع ل مكتبه.
هيلدا تاخذ نفس بخوف.
ليلى: وش فيك مارحتي؟
هيلدا : يله رايحه.
-
ديفد: طيب؟
دحوم: م ادري جمالها غريب ، كأني شفتها بمكان.
ديفد: ياكثر الي شفتهم منجدك؟
دحوم: انا داق عليك عشان ترفع ضغطي.
ديفد: طيب اذا شاك انك تعرفها دور بملفها بالجامعه.
دحوم: ماله داعي هي مو هامتني، الي هامني هو امس حاولت اكلم امير يشوفلي ترف بس برضو مالقاها.
ديفد: ممكن ماتجلس تدور عليها خلاص ترا ماراح تلاقيها.
دحوم يصرخ: انت وش في امك تحطمني.
ديفد بخوف: مو قصدي والله بس حاول تدورلك بنت ثانيه، ترا من ٤ سنوات وانت ماتيكنت عشان ترف بس، ترا شكلها انتحرت .
دحوم بخوف: بسببي؟
ديفد: لا يحمار مالك دخل انت.
دحوم: اجل وش يعني م فهمتك! تكفى قفل قفل انا وراي شغل.
قفل بوجهه وحط راسه على مكتبه بتعب.
دق الباب.
دحوم رفع راسه: مين؟
دخلت الانسانه الي م توقع انها بتجي.
هيلدا: استاذ.
دحوم فها: ادخلي .
هيلدا: المرشده طلبت مني اجي اخذ الملف الي قالتلك عنه .
دحوم: ا ا. دقيقه.
هليدا تمشي لمكتبه وهي تلعب بشعرها وتعلك.
دحوم وهو رافع حاجبه: طلعي العلك.
هيلدا: ليه؟
دحوم: لانه مقرفني شكلك فيه، احترمي المكان، انك جايه تدرسين.
هيلدا وهي تطلع العلك: ان شاء الله.
دحوم يعطيها الملفات : خذي.
هيلدا تاخذ الملف وتعطيه ظهرها وتمشي طالعه.
دحوم: ترف! اقصد اسف هيلدا!!.
هيلدا وقفت مكانها وماتحركت ولا طالعت فيه حتى .
دحوم: معليش بس كنت افكر، تعالي خذي هالملفات بعد.
هيلدا طيحت الملفات من يدها وصارت تشيلها من على الارض بتوتر .
هيلدا: اسفه.
دحوم: وش فيك؟
هيلدا بدت تنزل دموعها لا ارادي وصارت تمسحها وتحاول م تبين وتشيل باقي الملفات.
دحوم صار يمشي لها ويشيل معها الملفات.
هيلدا: انا اسفه دكتور م كان قصدي م انتبهت .
دحوم: هيلدا؟ انتِ وش فيك.
هيلدا: م ادري بس اسفه دقيقه اشيل.
رفعت راسها وطالعت دحوم وابتسمت وطلعت من المكتب.
دحوم وقف مستغرب مره، ومو فاهم هالبنت ابداً، بس ماكانت شاغله تفكيره ابد ، كان بس يبي يعرف هو وين شاف ملامحها من قبل.
هيلدا تنزل من الدرج بسرعه وهي ترفع شعرها كله عن وجهها وتربطه وتخليه ذيل حصان.
ودت الملفات وصارت تمشي بأسياب الجامعه.
نداء!.
كان صوت سكرتيرة المديره تتكلم وتعلن عن اجتماع للجميع الطالبات في قاعة الاجتماعات، بالمبنى المقابل.
جو صحباتها واخذوها وراحو للقاعه.
بدت تتجمع القاعه واصوات البنات العاليه وهم يحكون.
مشا دحوم ووقف قدام المايك، وقتها الكل سكت.
ابتسم.
واصوات البنات كانت شوي شوي تعلا.
دحوم: انا مجمعكم اليوم هنا عشان اتكلم عن كم موضوع مو عاجبني، واضن انتو عارفين مين انا ولا؟
نزل يده عن المايك وبعد شوي وصار يطالع فيهم ورجع ابتسم.
دحوم: م شاء الله واضح انكم كبار وعاقلات، وش تبون الناس يقولون عن الجامعه وطالباتها؟ كل يوم جايني تقرير عن قروبات متهاوشين عصابه انتو؟
-
رهف: هيلدا تجين نطلع بس؟
هيلدا وهي مفهيه بدحوم وهو فوق المسرح: لا انتظري نشوف وش بيقول.
-
دحوم: انا عن نفسي اي تقرير بيجيني م راح اقراه بس بقول افصلوهم وبس، احنا مو بثانويه، اكثركم عندكم عيال هنا ولا؟.
-
رهف: هيلدا انا بطلع.
هيلدا مفهيه بدحوم وهو يحكي وماردت على رهف .
طلعت رهف وخلتها واقفه .
-
خلصت المحاضره والكل صار يروح واصوات البنات من كل مكان الي تتكلم عن جماله، والي تتكلم عن وش كثر هو ثقيل وصارم معاهم.
جو يركضون لها.
افنان: انتي وش وضعك؟
هيلدا: مافي شي.
افنان: الا ذالفتره متغيره صاير بالك مو معك كله مفهيه.
هيلدا: ياخي المدير، يشبه احد.
افنان: مين؟
هيلدا: مدري، انا لازم ارجع البيت بدري .
افنان: اوك انتبي لنفسك.
مشت وهي مفهيه .
ركبت مع سواقها ومشا.
مرت من جنب سيارة المدير الي كان واقف قدام السياره على جواله وماسك جواله.
هيلدا: هدي شوي يا ياسين.
هدا السواق وصارت هيلدا تطالع فيه بتمعن.
مشت وراحت للبيت.
فتحت الباب وبهدوء مشا لها وحضنها بقوه.
هيلدا: اكلت شي؟ اسويلك شي تاكله.
مناف: نو ، بس ابي اجلس مع زوجتي شوي.
هيلدا تشد عليه : وين ترف؟
مناف: داخل نايمه.
هيلدا: قومها عشان تاكل.
-
جلسو مع بعض على الطاوله .
مناف: تراك ازعجتيني بالحفله! بسببها ماتبين تاكلين.
ترف: لاني من اول اجهز لها لاتسوي بزر.
مناف: هيلدا تفاهمي معها! ماتبي تكمل دراسه ، وبس همها تغني .
ترف: مالك شغل.
هيلدا تضحك: بالله انا وش مفروض اسوي وانا جالسه اشوف زوجي واخته يتهاوشون.
مناف: المشكله ان حتى زوجتي بزره بعمرها.
هيلدا ترمي عليه علبة المنديل.
ترف: هيه هيه مو بزران احنا! خل يجيني شي بس.
هيلدا : ترف اليوم ابحكي معك بشي تعالي بعد الاكل.
ترف بأسلوب طقطقه : شفتيلي واحد حلو وتبين تزوجيني.
هيلدا: بنت!
ترف تضحك من قلب: خلاص اسفه.
مناف يتنهد : اه ياربي، قدامي اكبر نعمتين احبهم.
هيلدا: عفواً؟ انا بس بلحالي.
ترف وهي تقوم وتحط سماعاتها: خلاص لاتموت ذي ، بس هي ، اما انا بالسر(وهي تغمز له).
هيلدا تقوم بعصبيه: تترف!
ترف تركض وتروح لغرفتها.
مناف: وش تبين تحاكينها فيه؟
هيلدا : مالك دخل، شي بيني انا وصاحبتي.
مناف: قومي قومي لا اشيلك مع الاكل الحين.
هيلدا قامت ولحقت ترف لغرفتها.
-
دحوم ينسدح بتعب.
شيماء تجي جنبه: هي!
دحوم: وش تبين؟
شيماء: ياخي وشو! مو كل م اجيك يعني ابي شي .
دحوم: هذا الواقع عاد، قربي احضنيني.
شيماء تقرب وتحضنه وتحط راسها على كتفه.
شيماء: ليه رحت هذاك اليوم؟
دحوم: رحت وين؟
شيماء: رحت بدون م تودع ترف.
دحوم سكت .
شيماء: تبيني اقولك وش سوت يوم رحت.
دحوم: وش؟
شيماء: تعرف دحوم، اول مره اشوف وحده تبكي كذا.
دحوم رفع راسه: بكت؟
شيماء : وبقوه بعد.
دحوم ابتسم بخوف: الحمد الله.
شيماء تقوم: وش الحمدالله؟
دحوم يتنهد: هي تعبانه؟كانت محتاجه تبكي من فتره طويله، مو حلو انها بكت عشاني ، لاكن حلو انك طلعت الي بقلبها.
شيماء: طيب اذا انت تعرف انها تحبك هالكثر ليه تركتها؟، انا شفت الفانزات حقاتك مره كثير، تذكر الي قطعة وردها عن باب البيت؟ ولاذيك الي ماصارت تاكل بسببك؟
دحوم ابتسم: شرايك تقومين تنامين، عشان المدرسه!.
شيماء: مع نفسك! ابقوم، بس جرب تدور عليها .
دحوم: قومي قومي!.
شيماء تقوم وتمشي لباب الغرفه: خلاص انا رايحه، بس جد دور عليها، بدال م انت جالس تحارب كل شي لوحدك،حتى مرضك الي الى الان م انتهى.
دحوم: ... اوك.
طلعت وسكرت الباب.
حط راسه على المخده بتعب، وعيونه لا ارادي امتلت دموع وغمضها وهو يحاول ينام.
-
يتبع؟
"انا اسفه مره على التأخير،لاكن صارت ضروف اكبر من صعبَه،وتوفت والدتي الله يرحمها اتمنى منكَم تدعون لها وماتنسونها،وراح اعوضكم عن غيابَي وراح احاول اكتب اكثر شكراً❤️❤️❤️".
-اكتبولي حاجه تحفزني؟..