البارت 6
هواي حجي ريد نحجي بس لمن نكون بساعة منعرف احنة وين صفينة ..بر الامان.. او الجحيم الي صنعنا لاانفسنا..كلشي صار بسرعة ..
دخلني حجي اكرم للبيت وداخلي خوف جبير ..الي عشتة بذاك البيت والظلمة هجوم امير علية ..خلاني عايشة بخوف.. خاف يبردني ..عمود يكتلوني لو يسوون بية شي عمود مااحجي ويهددوني بي..
اني شفت وجوههم كلهم..
يعني اذا اعترفت عليهم.. كلهم اذبهم بالسجن..
وشنو يعني اخوية علي وراهة يخلص علية عمود يغسل عارة..
اووف من الزمن الي شمرني هيج شمرة كشرة..
ظليت يومين..
لااكدر اكل ولا اشرب ولاانام..
ومكرفصة رجلي ..مذقت طعم النوم..
كل مااغفى افز ع امير ومنظرة وهو يريد يغتصبني..
لو منظر علي شايل سجين يريد يكتلني ..
ان تعيش بالخوف من شي مجهول اسوء من تعيش المجهول نفسة..
ثاني يوم سمعت صياح امير وهم جارينة ..لغرفتة..
وهو يصيح..
عوفوني..
عوفوني..
كتلكم مااريدهة..
مااريد ازوج..
لاجبروني..
مااريد..مااكدر..
هالي: اول مرة ابجي ع روووحي..
يعني لو ساترة ع روحي.. ومزوجة سعد مو احسن..
مااحكم روحي اعيش بسجن ويا شخص عقلة مو براسة ..ومو رايدني..
وراها هدا الصوت..
جتني حجية فاطمة ..يومة لاتخافين..مبين عليج خوش بنية ووحيدة..والي رح سوي تكسبين بي اجر ..
ترة امير خوش ولييد..
بس حسبي الله عالايام خلتة هيج والله عقلة جان يوزن بلد .. لحد ماعافتة ذيج ..ومن يومهة حابس روحة بالغرفة وميحجي ويا احد...
هالي:صارلة كم سنة هيج..صار ٣سنوات..
دمر ياعيني..
لما الله يباوعلة جان مات....
هالي: الله يموتني..واخلص من الدنيا الي شمرتني هيج..
حجية فاطمة: شنو يمة.. شبيج..
هالي:ماكو شي..
حجيةفاطمة:يمة وجهج اصفر..
مو على بعضج..
متاكلين ولاشربين بيج شي..
هالي: لامبية شي ممشتهية..
هذا البيت مبي احد بس انتو..
حجي اكرم وياكم ساكن..
زوج نور لعد وين..
حجيةفاطمة:حجي اكرم رجلها نور..
هالي:لا ..مبين فرق جبير بينهم بالعمر..
اي يمة اخذهة عن حب.. ولاعبالك فرق بينهم..
ومن يوم زعلت هي بيت اهلهة .
امير يشوف الموت ولايشوفها..
هالي:ليش شنو ذنبها نور..
حجيةفاطمة:مو ...هي...
حجي اكرم:حجججحية فاطمة.. فاطمة..
هاي انتي هنا.. واني ادور عليج..
حجية فاطمة:ها يمة خير ..خو ماكو شي ..امير بي شي..
اااشرلهة وطلعو سوا..
حجي اكرم:مااريد امير يشوف هالي .. لحد يوم العقد ..اخلص كم شغلة ..ونعقد الهم.. دير بالج عالبنية..
اكلج صدك..يحتاجلها ملابس.. شوفيلي قياسها ادز واحد من الولد يجيبلهة..
خلي هدى تخابر ام الصالون ع اسبوع الجاي تحجز يمهة..
لازم الكل يعرف امير زوج..
والي يسال.. تكولين.. بت ندى عمتي الله يرحمها...
جتي من ايران..
وخطبناهة لاامير..
يعرفون زوجهة مناك وميكدر يجي..
ولما توفى اامني عليهة وصي..
حجية فاطمة:حاضر يمة على امرك ..بس هي وين لكيتهة مبينة فقيرة ومسكينة..
حجي اكرم:شكلنة .. فاطمة.. سوي مثل مكتلج..
هالي :ورا مسمعت هالحجي خفت اكثر..
الظاهر ذولة ناس واصلين ويخوفون..
رح يسجلوني بااسم عمتهم الي باايران..
الخوف ينخر جسم الانسان وياكل بي..
ورا ٣ ايام مبقة بية حيل.. حسيت الدنيا تفتر بية وخربت..
حجي اكرم:حجية فاطمة صعدي هاي للبنية..
وفهميها بيتنا وشنو لازم سوي خصوصا ابوية لازم تعرف ..
حجيةفاطمة:فتحت الباب لكيت البنية واكعة من طولهة ومثل العصفور الي بااخر رووح..
ححححجي اكرم"بصوت عالي..
حجي اكرم سمعت صيحة ..فاطمة الحكلي.. وصعدت ركض فوك..
امير:من يوم ..الي ردت اعتدي ع هالي..وصورتها متختفي من بالي ولا توسلهة اكتلها لو اخلي احد يكتلهة ومغابت عن بالي اخوية كالي رح تتزوجني.. واني رفضت مااريد.. تزوجني جبر لو شفقة..
من سمعت صوت فاطمة ..كلت هاي كتلت روحهة هي كالتلي متكدر..
تعيش ويا العار.. طلعت من غرفتي ركض..
شفتها واكعة وكانو مابيهة نفس..
امير:هااا ..ماتت.. اني كتلتها ..اني موتتها باايدي..
كعدت بالكاع كرفصت وحطيت ايدي ع راسي ..اني.كتلتها..هي مالها دخل ..اني موتتها..مالها دخل..
حجي اكرم:لك اسكت مبيها شي..
اسكت..
جيبيلي عطر..
شممتهة..بدت تصحى..
شفت امير ..عايشة مبيها شي..
حجية فاطمة:يمة ..امير لاتخاف.. مبيها شي..هاي لان متاكل..هيح صار بيهة..
حجي اكرم: ليش مكتيلي..
صيحي زهراء..وتعالو شيلوها...
حجية فاطمة..حجي اكرم كلش رجال..يستحرم..وميكدر يطخ بنية بالحرام..
حجي اكرم..يلة امير امشي..لغرفتك ..مبيها شي..
هسة اعلكلها مغذي.. ترجع تمام..
حجية فاطمة خابري نغم تجي.. تشوفها.. وتعلكلها مغذي..
حجيةفاطمة:ماشي يمة ..هسة اخابرهة..
امير: عايشة هي..اقبل ازوجهة لاتموت .. لاتموت..
حجي اكرم: مو كتلك..متموت..
هي هم تريدك.. اموري..صير رجال..هاي المرة رح صير مرتك..
يلة روح ارتاح...
هالي..ورا كم ساعة صحيت ع صوت بنية..تصيحني..
هالي.. هالي..
كوة صحيت...
امممم..اممم... باعي..انتي صار جكد مماكلة زين تلاحكنالج..
صاير عندج جفاف..
مين جيتي ماما..
بااابا..
امير...
نغم:تعرفين امير:وين شفتي..
حجي اكرم: بعدج نفس ماانتي لازم سالين..
نغم:هاي شنو اكرم.. هاي البنية مين جتي..
حجي اكرم:سالفتها طويلة.. بس احب اكلج..عن قريب رح نزوج امير وهاي حبيبتة..
نغم:لا ..حجي اكرم يعترف بالحب هاي يحتاجلهةكعدة وجاي..
حجي اكرم:نغم..مو فاضيلج.. بس اني تعبت.. من امير ومشاكلة .خل اربطة بمرة بلكي ينعدل حالة..
نغم:يعني هاي البنية جاية جبر..
غصبا عنها تزوجة..
حجي اكرم:مو كتلج حبيبتة ..
نغم: تعرف .. بوضع امير..
حجي اكرم:طبعا تعرف..ترة اني اخاف الله.. تعرفيني..
نغم: الحمدلله.. بس سولفلي سالفتها شنو..
حجي اكرم...تعالي لعد..
خ نكعد واسولفلج..
هالي..ضليت دايخة لما شدولي.. المغذي..حسيت ببرودة بجسمي..
محسيت الاالليل يلا كعدت...
بس بعدني مو كلش ..الغرفة جانت ظلمة..جانت فتحة صغيرة بالباب.. يدخل منها الضوء..
اكو كانو ثقل ع صدري..
رفعت راسي شفت امير حاط راسة ع صدري.. خفت رجعت ليورى بس خوفتة اكثر من شافني راسا طلع...
خايف يمكن اكثر مني..
امير:همزين بعدهة عايشة...
هالي:ثاني يوم ..اجة حجي اكرم ..اطمن علية.. وكالي هذا بيتج صار ..لازم تعرفين كل الموجودين بخدمتج..انتي امري وهم ينفذون..اهم شي دير بالج ع امير.. شغلج وهمج..لاتستفزي ولاتعبي.. هو وضعة خاص.. انتي لازم تقدري.. بالمقابل كل شي تريدي يجرالج لان هو ميقبل اي ممرض يدخل عليه ..وابوية واني نستحرم ممرضة غريبة تدخل بيتنا.. فاانتي.. هسة تعرفين.. شنو مريود منج..
لاتخافين مرح نسوي وياج شي حرام..
افهمي..
هالي: ماشي ..فهمت..
حجي اكرم: لازم تلبسين حجاب خصوصا كدام الغربة بوجود ابوية..
هو مو هواي موجود بس يجي يطمن ع امير.. بين فترة وفترة..
لهذا خلي يشوفج بااحسن صورة والباقي علية ماشي..
هالي:بكلبي .. كلت هو اني تعاركت عركة ويا علي.. عمود بس اشمر حجاب فوك راسي.. هسة استلمي هالي اتحجبي غصبا عنج..
حجي اكرم:فهمتي.. عيني..
هالي:فهمت..
حجي اكرم: اني وصيت يجيبولج كلشي من النعال تكرمين للحجاب براسج..
هالي: استلمي هالي..رح يلبسوج جبة ..وانتي اذا شوي عريض تقلدين..
راح حجي اكرم..
فتحت الكنتور.. لكيت اللبس انواع..
كله مال محجبات بس فد شي راقي ومرتب..
حتة ملابس بيت جايبيلي.. بجايم ردان وطويل..
يلة الحمدلله..ملييت من ملابسي..
اكو حمام داخلي.. فتت سبحت..وظليت جوا المي..
هسة بابا مقهور علية لو نساني..
اكيد نساني..
هالي احسلج.. هيج.. بالقليل مامنة مكان وناس زينين.. واامير.. اخ امير مين طلعتلي.. راح طلع فيوزاتك الشاخطة بية كلهة..
كملت غسلت وبدلت.. طلعت ..ضجت من الغرفة فتحت الشباك..
اييي. .. صار جكد مامتنفسة هوا.. جان شهر ال١١..بدا البرد يهجم.. غرفتي مطلة ع حديقة .. باوعت جوا الله شنو هالخضار الحلو جنت محرومة منة.. بيت اهلي كلش صغير.. مبي حديقة ..
حط نظري.. ع امير كاعد ..ويدخن..حطولة ريوك..اباوع علي من فوك..
يشيل الصمونة ويرجعها يرجع يرفعها وينزلهة ..كرر الشغلة بالجاي.. هم يشيلة ويرجع يرجعة..
هالي:هذا شبي..
اكيد خبالات قابل شبي..
اوووف.. باوعت علي طلع نستلة وكعد ياكل.. كل هذا الخير مامد ايدة علي..
هذا شبي..
بطر نعمة اكيد...
واني ميتة جوع..
شسوي هسة واني سمعت حجي اكرم يكول لفاطمةلاتطلع ولاتخلي..
امير يشوفهة..
زين اني جوعانة.. شسوي..
انزل احسن شيصير خ يصير..
فتحت الباب يمنة.. يسرة..
ماكو احد..
نزلت ع كيفي..
اكو مطبخ مقابيل.. الدرج.. بنزلتي..
باوعت حجيةفاطمةهي وهاي البنية زهراء يحجون ع امير ..
هاا.. مااكل شي..
لا مثل كل مرة..
الصينية مثل ماراحت رجعت..
فتت بتردد..
صباح الخير..
صباح الخير...
حجيةفاطمة: هلة يمة ..
هالي:ترة اني ضجت من الكعدة وحدي فوك.. كلت انزل ..اشوفكم..
وبصراحة جوعانة عبالك حاطين بالمغذي مشهي..
حجيةفاطمة:والله نسيتج يمة..
سامحيني..
هالي:ماكو داعي..هياتهة الصينية راح اكعد اكل..
حجيةفاطمة:لا يمة ..هاي مال امير هسة اسويلج.. وحدة..
هالي:ليش شبي امير مرض معدي.. شفتة مامد ايدي عالصينية..
ولا اني استنكف منة..
حجية فاطمة:اي والله يووم من يوم يومة ميقبل ياكل..
هالي:ليش..
حجية فاطمة:عبالة نحط العلاج بالاكل.. ومياكل..
هالي:ليش مياخذة هو ..
واذكرت لمن كالي ..يحطولي بالشربت ماامن..اشرب مااثق بااحد..
واحنة نحجي.. فات امير بسرعةالتفت شافني كاعدة..
كاللهة لفاطمة..هاي شعدهة هنا مو بغرفتها..
هالي: والله ..حجي اكرم كالي هذا بيتك واخذي راحتج..
امير:فاطمة ..كليلهة ..مااريد اشوفها..
هالي:الي ماعاجبة يشوف لايطلع..
امير:بعصبية..
باوع علية دا اكل..
هاي صينية مو الي...
ليش كاعدة تاكل..بيهة..
هالي:احسن متنذب بالزبالة نعمة حرام..وانت مامديت ايدك..كلنا ناكل..
امير:تاكلين فضايل..
هالي: فضايل..دتشوف شي ملزوم.. كله بعدة مثل ماهو..
وبعدين مابيها شي اكل فضايل رجال.. راح يصير زوجي..
هالي ..نزلت الخاولي براسي..
وخليت شعري مفتوح ودااكلك زهراء وفاطمة انسحبو وحسيتهم يراقبون من بعيد..
هو اجة كعد عالكرسي يمي..
يعني انتي مصدكة رح صيرين مرتي..تعرفين شنو اني..
هالي: اعرف...
داا اكل.. وهو يكلي..لاتاكلين..
حاطين بي.. دوا..مال..
هالي:مخابيل... شنو يعني مو اني مخبلة كتلك..خل تهديني شوي..
اكو لقمة باايدي...
حطيتهة بحلكة..
واخذهة بتلقائية..
واكلهة..
شفت حتة لو سم نتشاركة سوا اني وياك..
امير: هسة يصير بيج شي..
هالي: ليش شنو مصار لحد هسة..
امير: هسة تتخبلين.. هذا دوا.. يخليج خدرانة...
هالي:يعني كبسلة وبلاش...
وين لاكيتهة ..ههههه..
بصوت عالي ضحكت..
امير :ابتسم.. انتي صدك مخبلة..
هالي: رسمي.. بس محد شخص المرض بعدة..
اصبلك جاي.. تشرب..من القوري..خما البيت كلة يكبسل لخاطرك امير..
امير: باوعت عليهة بملابس البيت.. وشعرهة بعد يقطر ..واني اباوع عليهة..
هي هاي رح صير مرتي.. وهي ضحكت علية.. لا اني جلبت بيهة وشفتها طوق النجاة..
شكلها ..رح تعبني مخبلة مثلي..
هاك اموري..اشرب جاي..
هالي:امير..يلة اكل..
شفتك من فوك..محطيت شي..بحلكك..انت خايف.. لاحاطين شي بالاكل..هااك.. اني اكل لحد هسة مدوخنت.. عمود اضمنلك...هههه..
هالي: اول مرة انتبه.. لوجهة جكد حلو..ابيض ووردي ومدبدب.. يمكن ماانتبهت وكت مجنت بالبيت....
جان وجهة احمر من العصبية..
بس هسة هادي.. وحباب ...بس بعدهة دك بكلبي الي سوا بية..
واحنا كاعدين ع ضحكنا فات رجال جبير ملتحي ولابس عمامة..
صيح شافة امير وكف.. شافني وصااح اكرم تعااال..
امير راسا عافني وراح لغرفتة.. هذا شبي..منو هذا الرجال الي سوة ضجة بالبيت ..
فاطمة كومتني ..وخلت خاولي ع راسي.. كومي يمة روحي غرفتج اني اصعدلج الاكل..فوك...
هالي:هذا منو خالة ..
لج يمة صعدي ..الله يستر..
وهذا الرجال هو ابو امير.. الي كان الي ويا جلسة خاصة وحديث اكثر خصوصية...
للقصة بقية...
