#نازك الملائكه
البارت 18
هااالي..هاااالي..
لا ..اميييير...
امير: شبيج حبيبتي..شبيج..
هالي: فزيت من كابوس مزعج...باوعت على امير وبعدني بصدمة من الحلم..الي شفتة..
امير..انت شجابك هنا...
امير: شفتج طولتي..يم ريم جيت اطمن..عليج..
شفتج نايمة ..جيت نمت يمكم..
هااالي...
شفتي..
عوفج..خ يولي كابوس وراح لحالة امشي يلة نام بغرفتنا...
هالي: اشرتلة ..ماشي..
رحنا نمنا والكابوس بعدة بالي..
معقولة يتحول لحقيقة معقولة امييير يخوني...
لا مستحيل.. يسويها..
هو ..يحبني اني متاكدة..
امير: هااا ..هلول...بعدج ..مضايقة من الحلم الي شفتي..
مد ايدة جوة راسي..وحضني قوي...
احس ..روحي ضعيفة كلش..
كد مجنت مضايقة قبل وتعبانة واريد اطلع من هالوضع..
ع كد مااتمنى ارجع ..ويرجع امير ..مريض ومحتاجني..ومحد يقبلة..
رشا راجعة تريد تاخذ امير مني..
بعد كل تعبي ..وعذابي وسهري..
جاية..عالحاضر..
لا...مستحيل..اخليهة..
قاطع افكاري..امير..
هااالي...هااالي..
هالي: هااا..امير..
شبيج سرحانة..
شنو المضوجج..
هاالي: ماكو ..شي..
امير ...ديري وجهج ..علية..
لزمني باايديه..خل اقراج..اباوع بعيونج..واعرف..حبيبتي بشنو تفكر..
هاالي..امييير...
اني اعرف المضوجج شنو..
بس شايفة عيني ..مابيهة بس انتي..
لاعبالج..اكو احد يجي يااخذ مكانج..انتي..
باعي...
باجر اذا اكرم محل سالفة نور واختهة ..
اني اريحج..لاتعبين نفسج وتفكيرج بشي ميسوة..
هالي: ابتسمت وفرحت من كل كلبي..
امير مرات احسة يتصرف بوعي ماكو رجال مثلة ..ماكو بعقلة ..حنين بشكل..مااكدر حتة اعبر ..عنة ..بس عندة هفوات حالة حال اي زوج ..يمكن يجرح.. بس يظل يداوي بية لحد مايندمني زعلت..
لهذا اني عمري مزعلت منة ..اني محتويتة ..ويمكن ادوس ع روحي..عمود ..اسمعة شو حاس وشنو مشاعرة القديمة..
صرت سرة ..ميكدر يفوت شي اذا ميكولة الي..
يمكن اني علمتة يظل كتاب مفتوح..
واني اعرف كل كلمة بي..
ظليت كاعدة للفجر مكدرت انام..ولاكدرت اتحرك..
امير حاضني..
مااعرف ..حسيتة خايف..
او يمكن راد يحسسني بالامان..
كمت ماافرق..بين هو محتاجني..لو فعلا هو يحبني..
صدك ..احساس يمرض..
لان اذا محتاجني وخلصت حاجتة ..رح يعوفني..
بس اذا حابني..رح يظل يحبني طول عمرة..
اذن الفجر..كمت صليت..
وقريت قران ودعيت ..رب العالمين يهدئني ويطمن كلبي..
رجعت غطيت امير ونمت..محسيت روحي الة ويا دكة المنبه..كعدت فازة أمير ماكو..
كمت غسلت وجهي..
بدلت ونزلت ركض..
الشك رح يموتني ..
حتة حجي امير.. مكدر يطمني..
فتت..لكيت امير ..كاعد هو وريم ..ديحضرون الريوك..
حجية فاطمة ماكو..
باوعلي امير..
امير : كعدت ماما المكفوشة..
هالي: عدلت شعري ..حتى مباوعت ع روحي..
هاي شكاعد سوون..
ريم: سويلج ...مفاجاة..
تقربت ريم وبستهة وحضنتهة وشنو هي المفاجاة تقربت سيد امير..
باسني من خدي..
امير..
دنحضر ريوك..
هالي: اميييير ..يحضر ريوك..
لا ماصدك..
لا صدكي...
تعالي يلا كملنا..
ريم: لا..ماما ..غسلي ..وجهج..
هالي تعاجزت ..اصعد فوك..غسلت وجهي ع السنك..
وكعدت..
امير كعد..
يلا خل اوكل بناتي...
هههههه..
هالي: امير..شكاعد سوي..
تذكرين ..لمن جيتي هذا البيت ..اول ..يوم كعدنا ..سوا..واني اكلج..لاتاكلين..وانت تكليلي ..شنو يعني كبسلة وبلاش..
هالي: شذكرك ..بيها. ..
ههه..
واجة ابوك..
وانت شلعت وعفتني من الخوف..
ريم: بابا ..انت ..تخاف..
أمير: جنت ..بابا اخاف..
ريم: مو عيب..انت جبير وتخاف..
امير: لا..مو..عيب بابا.. لمن نخاف..عالناس نحبهم..يروحون..هذا مو عيب..
تخاف..تتاذى هم مو عيب هذا يسمو حذر..عمود لانتاذة ..
بس من جتي ماما نستني الخوف كلة..ههه.
هالي: اي..حبيبتي.. بس شنو جدو حيدر جان كلش شديد..وميقبل احد يسوي وكاحة..
ولازم نسمع كلام الاكبر منا..
ريم..صدك ..بابا..
هالي: ريم نسخة..مني..عنيدة ..وذكرني بروحي..حنت حيل احب ابوية ومااثق بااحدمثل مااثق باابوية..
امير: اي ..مثل مكالت ماما..
ظلينا كاعدين اجة اكرم..
الكلاو ع راسي..
هالي: يلا ..تعال..عالواهس..
اكرم..شنو هاي..عزيمة مصلاوي ..هاي وين احطهة..
هالي: دتعال..اكعد ..هاك ..تفضل..هاك ماعوني..
اكرم..لا ولج كعدي..
متريك..
بس شهيتوني بالمخلمة..
دكعد ..عاد ..يلة بلش اكل..
وهسة اصبلك ..جاي..
اكرم..اي رحمة لااهلج..يحتاج جاي معدل لان نغم لو احجي منا باجر هم مسوي جاي سوي انتي..
ههه..ليش خطية ..والله اكلهة يخبل..
اكرم: جان يخبل..
جنت من اجي..هيج تتمنالي الرضا ارضة ...وجيبلي.الي اشتهيه..
بس من صرت سهل..وبين يوم ويوم..
كلة مكضي اكل من برة..وتتحجج..
متريد ضيع وقتها وياي..
اوف يالنسوان..وحدتجن تموت من الضرة وتموت روحهة من الغيرة ..بس صير صدك..بعد ماتهتمن..
كعد ياكل..
لك..شنو هالملح ولج هالي..
سكم والله..
ريم : هاي ...بابا سوا..
لماما..
امير: خرب ..اهلك..حاط جيس الملح كلة..
هيج هالي ميغزر بيج.. حاط كومة..
هالي: لاصدك... هاي شورت بيك نغم جف تحجي عليهة ...عالنيات سبحان الله..
هههه...
امير:ههههه...
هالي: ههههههههههه..
اكرم ..وانتي ريومة ..مضحكين ويا ابوج وامج ..ست هههه..
اجة شالهة ويحضن بيهة ويبوس..يمة فدوة جنتي..الحلوة..
هالي: ابنك اصغر منهة..وبعدين خطية ريم هاي مو شكول حجاب والتزام تتعقد.. ليكدام..
حجي اكرم: امهة هم جانت هيج..
بس ماشاء الله عليها هسة ولاجنهة ذيج الهالي..
هالي..يمكن لحظات السعادة لمن نذكرها تمر بلمح البصر.. منحس بقيمتها ..الا لمن تعبر علينا...نتمنة بس نرجع..
حجي اكرم ..ظل يعزني ويحبني..عمرة مقل اهتمامة بينا اني وامير..
دائما من اشوف حنيتهم ع بعض..اكول الله يرحمك عمو حيدر..
زرعت وحصدت..والنعم مما حصدت...
الناس تدعيلك واولادك بارين بيك..
كلت اذا جاني اخ ريم اسعى يكونون مترابطين من الداخل..ميفرق بينهم لافلوس ولامصالح..
المصلحة وحدة ..
والاخ ميتعوض..
يمكن ابوية لان جان يفرقني عن اخواني..جانو يضوجون مني ..ويمكن..صوجي اني..عمري محسستهم اني اختهم الجبيرة مع هذا يبقى علي اخوية ورا مارجعت
لااهلي..حسنت علاقتي بي..وهو هم..ودائما ع تواصل ويا..
كل يوم..نتخابر..اذا مو اني هو..
ويومية اكتشف انو الي صار ويايا نعمة ..مو نقمة..صلحت حياتي..
صلحت حياة امير مع انو هو متدمر..الحمدلله ياربي..الحمدلله..انك ابتليتني عمود تنعم علية هذي النعمة..رغم التعب..
قاطع صفنتي..
حجي اكرم..ها هالي...سالمين..
الصفنة مو الج..الماخذ عقلج يتهنى بي..
امير: عوف هالي بحالها..
هاليومين ..تاخذ صفنات..
هالي: احتمال سالفة بالي..
شبيكم..
حجي اكرم: باعي عيني..
اليوم فرغي روحج النا...
دنروح للطابو..
سوينا وكالة..
مو كل مانبيع ونشتري..لازم نفرج ويانا..
هالي: ليش متفضها..واحول كل شي بااسم امير..قبل جان ميكدر..
هسة الحمدلله..
حطيت ايدي ع جتفة..
الحمدلله غمة وانزاحت..
امير: طلعيني من السالفة..ابوية الله يرحمة سجلة بااسمج..
واني ماعندي مشكلة بالموضوع..
هالي: عمي الله يرحمة قبل لايتوفى ..سجل البيت الي بالشعب بااسمي..
كال هذا ضمان الج ولبنتج..ووزع الورث بين امير واكرم وهو عايش..
عمود لايختلفون وخلة بيت الة وقف..لحد ميموت..
وحجي اكرم اقترح علية ادخل وياهم شريك بالفلوس مال بيت بدل ماواكفة فلوسة..
وصدك حجي اكرم ..تاجر شاطر..والفلوس بسنتين ضاعفت..
رح تكولين حصلتي الشي تردي..
بس مو بعيني..الفلوس مو مثل قبل..
اني الحمدلله حصلت عائلة..وحياة مرتاحة..
والفلوس مصرفت منهم..لان كل شي جان يجي يمي..
واني وامير طلعاتنا قليلة..منصرف ذاك الصرف..
بس الي شاغل بالي هاي العوبة رشا..
ويا حجينا دخلت نور ..وجانت ضايجة..
اشرتلة لااكرم..
طبعا ايام عمو حيدر..جان ميقبل احد يجي يبقى يبات الامظطر ..
وعندة وجهة نظر البيت الة حرمة..
ميصير يبقى مفتوح اكو وكت للراحة وكت للاستقبال..
وميصير احد يجاوزها..
حتة اهلي يجوني زيارة ..واني هم اروحلهم زيارة ..مابيهة بيتة..
مااعرف وجهة نظرة ..بس هسة صدك عرفت.. اكو خطاطير يخربون صفو حياة اهل البيت وتخليهم متوترين ..
الله يرحمك عمو حيدر دماغك يوزن بلد..
حجي اكرم: هااا..نور..خيرج..
نور: ياخير يجي من اخوك وزوجتة..
حجي اكرم: ليش شسوولج..
امير من جتي رشا ..وهو كالب خلقتة..وهالي شمر بسامير..
يعني ..لو مسويلي بيت مثل الاوادم..مجان هسة كاعدة بيتي ومحد يكدر يكلي سوي ومسوين..ومشيخة حجية فاطمة..
هي شنو شغلها ..مو خدامة تخدم بالبيت..
ست هالي..تكلهة لاتشتغلين ولاسوين عشا ..اعرفهة تكرهة رشا..
وهيج دتسوي قسطني..
حجي اكرم: كملتي..
نور: جنة حجي معجبك..
اكرم: طبعا ميعجبني..
تعرفين بسبب اختج صار بااخوية..
الحمدلله ..صار زين..والفضل لهالي..
عالبيت..الشقة بالاردن كاعدين بيهة اهلج منو يدفع ايجارها ابوج خسر فلوسة اني مو مسوول اتحمل خسارتة..
لاصيرين طماعة..
هالي ..بفلوسها..
متصرف ربع الي تصرفي..
وحقها المرة..اختج ..شعدهة..جاية..
نور: مو كتلك دتكمل اجراات الحضانة مال ابنهة.. طلع هويات..
حجي اكرم: لج كافي عيارة اعرف مايهة..اني..هسة شافت امير صحى تريد ترجع ويا..
نور..فهميهة لااختج...
دربهة مسدود..
ترة اذا صار بااخوية شي تحرمين عليه..وهاي كتلج..
نور لو لافية وياي مكان جان اشتريتلج..بس ايامج كلها يم اهلج..
نور..اني مصدكت..اخوية يستعدل..
لاسوين مشاكل..ع كلن..
اني لازم اسويلج بيت..بس قابل تبقين وحدج..
نور: هو لازم عندي بيت يلة استقبل ضيوف..
اكرم: تعرفين..قواعد هذا البيت..
هالي ذاك اليو اجت حفظتهة ومشت عليهة..
سلام..
نور: وين ..رايح..
اكرم ..عندي شغل..
نور ..محتاجة فلوس..
اكرم مو قبل يومين انطيتج..
نور..خلصت..
اني عندي مصاريف..
اكرم..متفهميني مصاريفج شنو..
مو هاي نغم..وهالي وياج..وعدهم جهال..ميصرفون صرفج..
نور : شون اثنين تقارني بيهم..
وحدة بت فكر لفيتهة من الشارع..
والثانية تريية مستشفيات..
اكرم: اش..كلمة ثانية وتحرمين علية..
حسج عينج..تجاوزين عليهم..
فهمتي..
هالي..
نور ..وحدة استغلالية مبذرة متعرف تتصرف..وشايفة الكل بنص عين..ممكن تهدم اي شي بس عمود تحصل ع راحتها..
حتى ..رشا..كلبتهة ع امير بسبب نور..
وهسة رجعتها..هم بسبب..نور..
بس وين توصل..مااعرف..
هالي: مرت ايام واني امير امورنا كلها تمام..ونطلع ونطب سوا...
جان امير محرلي مفاجاة ..بس صار شي خرب..كل شي بينا..
للقصة بقية..
