البارت17
ظلينا اني وامير..مزاعلين حتة طلعت ماحجيت ويا..كعدت الصبح رزلت زهراء فتتني ..عبالك هي ست البيت ومن يوم جيت ماحبتني..
حسيت روحي كبرت ب٦سنوات راحت..
وتغيرت اطباعي...يمكن مااذكر اخر مرة ضحكت..تغيرت حتة ملامحي صرت اخاف اباوع بالمراية..
واشوف شبحي الي بدا يختفي تخدرت من الالم...
يمكن تعودت...
طلعت..وصلت كليتي.. كملت ..مبقة شي ..خابرتني فاطمة كلتلي ريم مصخنة ..الظاهر اخذت برد من سبحتهة ..
خابرت السايق ..كلي نور مخابرتة ..ديروحون للمطار..
نسيت اكللكم اهل نور انتقلو لعمان..
الو..ها فايق..تكدر تجيني هسة..
ست هالي ..هسة ..عندي مشوار للمطار..
هالي: شعندك ..بالمطار..
ست نور ..اختها جاية..ورح نجيبها..
هالي: جكد احبهة نور عمود احب خواتها..
لحظة ..بس ..لا رشا..
اكلك فايق رح اسالك سوال وجاوبني اي لو لا...
هاي البنية بالتلاثين ..
فايق: نعم...
هالي؛ اخذت نفس..وكلت روحي.. استلمي ست هالي
المصايب ..فوك ..راسي.. ناقصة..اني امير وبنتة مرضى..
خابرت امير وكتلة خل يجي..ياخذني رووح سوا..
امير: اول مشفت رقم هالي.. كلبي طار من الفرحة..
الحمد لله هالي شما اسوي بيهة داىما سامحني..
لهذا ..مو ..احبهة ..لا مااتخيل حياتي بدونها..
الو..
هلو هالي..
هالي: انت بالبيت..
امير: لا بالشغل..
هالي..تعالي ..اريد ارجع للبيت..
امير: ليش مخابرتي فايق..
هالي: نور ..ماخذتة مشوار...
امير: شعدهة كاعد تفرفر..
هالي:اني ..شعلية بيهة بنتي مريضة..
اريدك تجي..عمود نوديهة طبيب..
امير: ريم.. شبيهة...
هالي: امير ..ريم مصخنة ودتستفرغ.. رح اخذ تكسي وارجع ..شكلك مطول.. لما تجي..
امير: هالي..هسة اشوف ..علي..يجي وامرلج..
هالي : امير.. مااكدر انتظر ..رايحة..
امير: هالي..
هالي: سديت تلفون ...من امير واجرتلي..تكسي..
للبيت..ازدحام الشارع...وابو التكسي يفوتني.بشارع يطلعني من شارع..
يعني لو منتظرة امير احسن من هذي البهذلة..
المهم..وصلت لكيت امير جاي قبلي..
ورشا شايلة بنتي.. وجايبة اينها وياها..ردت اكون طبيعية..
سلمت وابتسمت بوجههم..
مرحبا..
نور:هااا ..هالي.. تذكرين رشا اختي..
هالي؛ طبعا مو هاي خطية طلكت..
شون ..انساها..هلو رشا شونج.باوعتلها بطرف عيني..
اهلا وسهلا بيج..
اخذت ريم من عدهة..
ها ..ماماتي.. حبيبتي..وين بابي عنج..
نور : فات ..سلم.. وسال علبج صعد فوك مانزل..
هالي: تعرفين القواعد مال بيت من ايام عمو حيدر..الولد ميكعدون ويا بنات غرب ..والولد هم...
ولدنا يستحون..ويستحرمون بنفس الوقت..
وهي بنية حلوة وصغيرة وسافرة..ومطلقة..
بعدين تجيها حجاية الها والنا..
مطولة هي..
نور: شنو...
هالي : يعني اذا باقية اخذ امير وريم وروح يم نغم..صارلهة كومة تتوسل..
هالي : ظلت نور تاكل بروحهة..اعرف نقطة ضعفهة نغم..
واني متاكدة جايبة رشا عمود ضوج امير..او يمكن تريد ترجع رشا الة ..مااعرف ليش محملتني زواج نغم..من اكرم..
لو تريد الكل مثلها..
لا..يامثلها..هي شبعت ونسة وسفر وطلعات.. اني كضيتها مدارا وتعب..وسهر وعمر راح من عمري..
يوو...هالي لاتقارنين روحج بيهة ...اني امير مو يحبني يعشقني..
بس ليش حبس روحه ..اكيد نقطة ضعفة رشا.. وهسة كبالة هي..
صعدت اني وريم..
امير قافل الغرفة..
دكيتة ...
جاوبني بعصبية ..
منووو....
هالي: امير ..اني هالي.. افتح..
طبعا ..مرات احس امير مو زوجي..ابني ..كانو طفل صغير اخاف علي حتة من قفلة الباب ..
ريم..كلتلي ماما اني زينة رح العب ويا هذا الولد الصغير قصدها ابن رشا..
نزلتها..كتلهة روحي لان خفت لاتشوف ابوها ..بوضع..
مااريدهة تشوفة..او تواجهة..
فتحلي ..امير الباب وحضني..
امير: شو تاخرتي ..خفت عليج هواي..
هالي: امير شبيك..
مابية شي ..
تعال فوت ..
سديت الباب..
كعدت يمة..
شبيك امير..ايدك باردة..
امير : مابية شي..
هالي: اميييير..
امير: كتلج ..مابية شي ..خفت عليج..جرمت..من كتلج..
هالي: حركت راسي يمين ويسار..
نسيت زعلي منة ..
هالي: خلص امير...باوعني..اني صديقتك ..انسى اني زوجتك..بس باوعني..
ممكن اسالك سوال وجاوبني..
امير : ماشي..
هالي: ضجت ..لان رشا موجودة..
امير: هاي ..شنو ..واضوج ..منها..
بس كل مااشوفها..
اكره نفسي من جنت ضعيف وخايف.. وخسرت عمر من عمري...
بسببهة وهي متسوة..
قصبة مطيرجي...
هالي: ههههه..الة ياامير..لزم ايدي..وكالي..
امير: رب العالمين كرمني بوحدة ..عوضتني عن كل شي..
مسحت همومي وحزني..تحملتني بااخطاءي ..يومية اسال روحي ع شنو باقية ويايا واني واحد مخبل..
ويومية ااذيج..
بكلامي وتصرفاتي..هاااالي..
قرب راسة علية وحط كصتة ع كصتي..وباوع بعيوني ..غمض عيونة..
شايفة النفس الي اتنفسة ...انتي سببة .. من بعد رب العالمين..اكيد
مااكدر بدونج..سمعت انفجار بالجادرية وخفت عليج لمن شفتج ..تاخرتي..
خفت ..لا اخسرج..والله اموت وراج..
هالي: امير..اريد منك شغلة ..هي مو شغلة ..وانما لازم سويهة ..لازم تواجه مخاوفك ..بس تكسر هذا الحاجز..صدكني رح صير طبيعي..
واكثر من الكل ...
ولازم تتعلم ..انو ماكو شي يدووم..
الحياة لازم تفاجئنا..بمطبات..
لازم تقوينا مو تكسرنا..
وانت قوي ولازم تؤمن بذاتك..
وشخصيتك..ومتخلي امور تافهة تكسرك..
امير: حاااااضر الفيلسوفة هالي..بعد شتنصحيني..
هالي: اول شي رح سوي ..
رح تواجه رشا وتدرب روحك..انو هي فد شي ميخوف ..فد شي مو مهم..
لاتخليهة تحس انت ضعيف..
رجع امير ..حط ايدي ع خدي..
هاي منو دتحجي مرتي..
هالي: مو كتلك صديقتك ...لو مرتك غير جان ذبحتك كاعد تحجي بماضيك كدامي..
امير: مخبلة..
هاااا..
اموت عليج..
هالي: يلة نواجه مخاوفنا..
وقفت جرني كعدني..
امير..اول شي اخذ حبايتي عمود اتشجع..
هالي...بعدك ..على سوالفك..
امير: غير ..انتي اشوف الدنيا كلها تكبر..الا انتي ..تظلين بعيني ذيج البنية المخبلة الحبيتهة..
هالي: يعني هسة اني ماضي..
دفعني ..وهمس بااذني..
انتي ماضي وحاضري ومستقبلي..
نسيت ريم.. ونسيت كل شي..ويا امير.. كعدنا نسولف..
هالي: امير ..ليش تكسر كلمتي كدام ريم..تعرفها مو صغيرة لازم تتعلم..
امير: كضيت عمري ..كله اتعلم واخاف..مالي راي ..ممنوع تحجي..ممنوع تسوي عيب..لحد ماصرت هيج بدون شخصية..
هالي: لاتكول هيج..ليش احبك اني..لعد..
احبك لان حبك صافي مثل قلبك..
امير : صار جكد ممسمعتني حجي حلو..
هالي: هاي ..اني..
امير: اي ..انتي..
مرات احسج بس تريدين تنتقديني..
او احس..انتي مجبورة علية..
هالي: امير.. اني اذا مجبورة فمجبورة بحبك..
حضنتة حيل..
امييير ..اني هواي احبك..حتة اذا مكلت انت لازم تعرف..
امير ..خليج هيج ..
ظلينا للمغرب بغرفتنا..
نام امير واني فتت سبحت وبدلت..ملابس مرتبة...
نص ردن بنفسجي..
وبنطرون شكري ضيق..
حطيت مكياج ...
شسورت شعري..
باوعت بالمراية يو ياهالي صدك ..صار جكد ممباوعة بروحج..
شعري اسود طويل..
مااحس الا امير حضني من ورا..
امير: يعني شون اليوم اني ويا هذا الحلو.. وهم يدلع..
تعالي.. اكلج ..فد شغلة..
هالي: امير.. شسورت شعري..
خليك ..
خطية حجية فاطمة كبرت..والتعب عليهة..
وانوب سليمة جايبة اخوتها..
امير: اه منجن يالنسوان من تكرهن احد..
هالي: مااعرف ع شنو حابهة هالنور..
امير: اكرم انجبر يزوجهة ..لمن انور ازوج نغم..
هالي: شنو..
امير: ابوية خطب لاانور اخوية نور..
صح صغيرة ..
بس هم تجار وهيج بينهم من صير قرابة صير اقوى..
بس انور شلع ويا نغم وازوجهة..
هالي: عفية عائلة متحبون الا..خطف.. وهوسة يلة تتزوجون..
امير: مخابيل ..بعيد عنج..
تعرفين انور اخوية بعد اخبل مني..
خصوصا بالحب..
رجع حضني..
ولج اموت ع عطرج..
تعاي..
امير..كملي القصة..
ياقصة..
قصة انور اخوك...عائلة كلها اكشن..
ماكو..ابوية كال لااكرم ازوجها عيب لان اطيت حجاية لاابوها..
انور راح كعد بديالى وبالطائفية انكتل ونغم لزمت عدة عدنا..
خطية اكرم..تحمل هواي من ورانا..
هالي: اي ..والله جكد احبة ..اني..
امير..مو عيب عليج تحجين كدامي هالحجي..
هههه..امييبببر ..مثل اخوية ..احبة واحترمة ..اي ..وبعدين..
ابوية ورا مخلصت العدة ..اطاها حقها.. وكاللهة انتي غريبة ..وخلص الرباط الي بينة تكدرين ترجعين لااهلج ..بس هي مقبلت ..كالت دام انكتل بنصهم بعد مالي نفس..بيهم..
هالي: عرفت الباقي..اكرم المسكين تورط بيهة وبسكنها وصارت قصة حب ..خهههه..يامكرودة يانور حقها تكره نغم ..اخذت رجالين منهة..
امير: ايا فطيرة ..ولج لاتشمتين..
هالي ..لاوالله مو شمتانة ..بس والله ضحكتني ..هواي..
هالي: طبعا ...ضحكت ضحك ..وصل ..راس الشارع يمكن..
وامير يضحك بية بالزايد..
ويبوسني..
اندكت الباب..
ريم ..
ماما..
ماما..
فتحلها امير..
هلو بنوتي الحلوة ولزمها ويكزكز عليها ويبوسها..ولج والله نسيتج..اني..
فدوة ريومة الحلوة..
نزلنا اني وامير ..خايفة ع امير شايل ريم باايد وكايدني باايد..
سلم ..ع نور ..ورشا..
كاعدين يتفرجون ..رشا كامت على حيلهة..
ونور شلكت حلكهة..
هااا يمعودين نسيناكم والله ..
وشكلكم انتو هم نسيتو بتكم..
هالي: اي.. والله نسيت..
تعرفين ..
لما ريومة ذكرني..
جان منزلنا اني واامير..
لعد ..حجية فاطمة وينها ..
دسوي ..عشا..
يااا خطية ..وحدها.
هالي:صح..جنت متكبرة وشايفة روحي..
بس بعد مدخلت بيت حيدر الورار تعلمت البساطة والتواضع..
حجية فاطمة امهم مو وحدة تشتغل..عدهم...
واني ايدي وياها بكل ..شي..
لان امير ..هم تعلم علية..
وهاي الغبية ..نور كاعدة الخانم..
وهي تكرب..
لكيتها مطلعة الثلاجة كلها..
هالي: هاي ...شنو..حجية فاطمة..
عدنا وليمة..كلنا ٦ انفار .
وانتي ويانا ٧..
حجية فاطمة..يمة هم عيب.. جايتنا خطار..
هالي: حجية ياخطار هاي جاية مقيمة هنا..
وانتي تعبانة مابيج حيل ...
هاج..اخذي الكليتي ..لجهالج..
وروحي ارتاحي..
انتي تعبانة من الصبح لليل تشتغلين..
فاطمة: لايمة عيب ..عشاهم..
هالي: يمة ..امير ..دز فايق..يجيب عشا..
هسة يجي ويوصلج سلميلي ع الحجي.. والولد..
فاطمة: يومة ..ربي يوفقج ويطيج الصحة والعافية..دمعت عيونهة وكالت..الله يرحمة عمج..جان يكول بس اشوفهة الصبح واشوف امير ..ارتاح اكول ربي..ماااضيعت تعبي وجازيتني خير الجزاء..
امير ..ع ايدج ..صحى..
دير بالج من العقارب السود ..
دخل امير..المطبخ كله دخان..
شو صار الموضوع بي عقارب...
فاطمة شنو هالدخان ..دتحضرين ارواح..
هالي: ههههه. هووو.
امير...حجية بعدج هنا مرحتي ..هسة يزعل..
هالي:تقرب مني.. ويحجي ويا فاطمة ..واحنة منكدر ع زعل الحجي..
هالي:ههع. اهم شي الحجي😍😍
فاطمة: ربي يسعدكم يمة ويخليكم لبعض..
امير: ويرزقنا الذرية الصالحة...
كمليها حجية...
هالي : ياذرية مو عدنا ريم..
امير: اريد فد ١٠ بعد...هههه.
هالي: لاحبيبي..احمل انت بدالي..هو واحد ورا مااتخرج حدك لهنا..
امير : مو بكيفج..
هالي: لعد بكيف منو..
بكيف رب العالمين يكرمنا...
جتي نور..ها فاطمة صار من العشا..
أمير: اسمها حجية فاطمة..
دزيت عشا من برة ..ماكو داعي تتعب..
واختج شكلها مطولة عدنا..الايام الجاية تدلل نمدلهة صفر..
نور: يجي اكرم ويصير خير..
أمير: اي صح يصير خير بااذن الله..
هالي ..رح ..اطلع للحديقة ..ريوم ..تعالي بابا.. من يجي العشا جيبيلي برة..
نور :مرح نتعشا سوا..
أمير: حجي حيدر مات ..بس الي خلا بهالبيت يبقى مثل ماهو..
يلة حجية فاطمة فايق دز اخو رح يوصلج عمود لاتتاخرين ع ولدج..
ورجلج..
هالي : مي بارد نزل ع كلبي..
بس الي موكفني ليش نور تسكت ..هي تكدر تفرض حالها من حالنا ..يلة هي من زمان تخاف من امير ..واكرم مو يمهة..
كملنا عشا وتعشينا.. لملمت المطبخ ..باوعت ع الميز الاكل بعدة..
هالي: نور ..البيت ..بيتنا ..اكيد مرح ننتظر زهراء تجي تلم الميز الصبح ..انتي ورشا من اهل البيت ..
لملمي حبابة الميز..
نور: ع شنو عدنا خدم لعد..
هالي: حجي اكرم كال ذولة اهل مو خدم.. وبكيفج ..حجي اكرم يجي الصبح..خ.يشوف ..بعينة تعرفين جكد نحس ووهواسي.صعدنا اني وامير ..نومت ريم ..ورحنا..لغرفتنة.
هالي: مو مرتاحة ..لكعدة رشا هنا..
باوعلي امير..
لاتباوع..اني اضوج منهة مو بيدي..
ضحك...
لاتضحك..كل مااشوفها اذكر بسببها صارت عندي ولادة..جبت ريم قبل وكتها..
امير: خ ..تولي. ..اصلا باجر اكرم يجي وهو يصرف ..ليش تطلع منه احنا..
ماشي..
يلة خ نام..ورانا كعدة الصبح..
نمنا ..بنص الليل جتي علية ريم فازة من النوم...
رحت انيمهة بغرفتها ..اخذتني الغفوة.. رجعت لغرفتي وشفت أمير ورشا بغرفتي سواااا..
للقصة بقية..
