البارت 10
امير: صح منحس بقيمة الناس الي نحبهم الايبتعدون عنة..
ايام ..حسيت حيلي كلهة نهد..
كل شوي اباوع ع الباب بلكي جتي..
ويفوت يوم ويرجع يوم وهي ماكو..
اخر مرة حجيت وياها حجي قاسي..
يمكن هو اذاهة حيل..
اكيد بعد متحبني..
اكيد..زعلانة مرح سامحني..
كل شوي اريد اطلع من البيت وخايف ماطالع وحدي.. اخاف.. بس من شنو اني اخاف..
لازم مااخاف.. لازم اتشجع واروحلهة..
اريدهة ترجع.. بس للاسف.. ارادتي ضعيفة ومكدرت..
كل يوم افوت لغرفتها..اذكر لمساتها اذكر حجيها حتة خبالها احبة.. يمكن ايام نمت واني ع فراشها وحاضن مخدتهة.. وبجيت وذكرت يمكن هي هم نزلت دمعاتها..واني اغثها واني اذيها.. تعبت كد مالمت روحي..
ابوية انقهر علية .. كلش..
وكالي خابر مرتك وكللهة ترجع.. لاظل معاند روحك..
ابوية يمكن بحياتة ما مسح راسي ولاباسني.. دوومة مشغول وجدي..وعصبي..من جنا صغار اذا فتح باب البيت كلنا نتطشر..
بس يمكن اني تعبتهم هواي وايسو مني..
وايام قليلة هالي جتي.. غيرت حياتي ..شعلت الظلمة الي بداخلي خلتني اتعلق بالحياة بعد ماكرهتهة..
بيوم كعدت مثل كل الايام كعدت الصبح ..لكيتها كاعدة ودتتريك.. نفس شكلها وهوستها...
بس وجهه ثقيل علية..
وعيونها كلها حقد..
من شفتها مو بس وجهي تبسم روحي اكلهة ابتسمت ردت الية فرحتي..
هااااالي..
شوكت ..رجعتي..
هالي:البارحة بالليل..
امير : محسيت بيج من جيتي..
مامريتي ...
هالي: مو مشكلة جنت نايم ومردت اكعدك..
تتريك..
امير:رح سويلي ريوك..
هالي:طبعا لازم اسويلك..
امير :تتريكين ويايا..
هالي :تريكت..
امير:ميخالف .. بس كعدي يمي..
هالي:ماشي..
انطتني ظهرهة ..وكلي اشتياق.. لما فاطمة موجودة جان حضنتها وطفيت نار شوقي صار اسبوع.. متت وهي ماموجودة..
ظلت هادئة ..شفت فاطمة تاشرلهة ع الدوا..
هالي: ماكو داعي.. امير من اليوم ..احطلك الدوا ويا الريوك..
انت تشربه.. مو صغير انت..
امير:ماشي ..خلي وتعاي رح اروح لغرفتي.. جيبي هناك..
هالي: ماشي..
راح امير وظلت فاطمة تلومني..
وج يمة هالي ..هسة يشمرة العلاج وينكلب علينا متوبتي من ذيج المرة..
هالي:هسة مو مثل ذيج المرة ..اني رح اتابعة من اليوم..
حجية فاطمة : بكيفج يمة بس نبهتج..
هالي : اروح قبل.. لايبرد الجاي..
امير حضرت روحي..
فاتتت.. ودكات كلبي صارن الف جني مشايف بنات الا هي..
هالي :يلا تعال تريك..
خل افتح البردات.. خ تفوت الشمس..فتحتهم رجع سدهم..
لف ايدي داير مدايري..وحط شفافه ع ركبتي.. تعالي ..ياوجعي انتي ..جكد مشتاقلج..
هالي: الدكتورة كالتلي مو اقل من شهر يلة تتقرب لي.. واذا عندك راي ثاني بكيفك متفرق عندي..
وخرت ايدي..ومشت فتحت كنتوري..
طلعت كل ملابسي دا تغسلهم..
هالي شبيج متحلفة بالشغل.. تحلفة عوفي هم يشتغلون انتي ارتاحي..
هالي: عالاقل اتلهى بشي بدل كعدتي...
امير : عوفيهم وتعاي ..مو كلتي تكعدين وياي.. واني اكل..
تعاي كعدي وكليني...
هزت براسهة مو عاجبهة ..
كملت اكل وهي طعمني..اخر شي طتني دوايا والمي.. جنت مااقبل اخذه بس هسة ماطول هي بحياتي لازم اتعالج..لازم اطلع من هاي البورة...
شربتة..
وكتلهة لهالي تبقى يمي .. لحد ماانام..
انجطلت وجتي يمي..
الله ..يامحلة حضنها..
ظليت حاضنها لما غفيت ..
كعدت ملكيتها..
كلت اغسل وابدل اكول ل اكرم.. يفرني شوي خل اشوف عالم..
تعبت من البيت..
غسلت فتحت كنتوري..
مابي ولا لبسة ..
افتح مجر الداخليات هم ماكو...
شو القصة ..دكيت على هالي..
هالي: هااا امير.. خيرك..
امير: ممكن تكليلي هدومي وين..
هالي : انغسلن وانشرن..
امير : حتة النظيفات..
هالي: محسيتهم نظيفات ..غسلتهن..
امير:وهسة اني شسوي برايج..
هالي: مااعرف.. انتظر ينشفن..
امير : هالي احنا بشهر الواحد ..هسة اتمرض..
هالي: احسن تقوى مناعتك..
امير:هاااالي.. تعرفين اكره اتمرض..
اتمرض.. بلكي تحس بمعانات غيرك ..
امير:مااريد...
هالي:نام.. واتدفى بالفراش.. مو هذا نشاطك..
اليومي...
امير: انام واشبع نوم اذا حبيبتي بحضني..
بس سلامتها عندي بالدنيا..
ابتسمت..
وطلعت.. صح بدت الحرب علية ..
بس ضحكت..
رجعت ع ملابسي ..ممسويهة قبل بس من لاجارة..
جتي هالي واني نايم علكت ملابسي وصفطتهم.. حسيت بيهة غطتني..خافت لااكون بردان وتفاجات بية..
وطلعت..
هالي: بالمستشفى صرنا اني ونغم صديقات..
كلش واخذت اذنة ...
وكمت اطلع وياها لو اروح يمهة..
خابرتها ورحت..
تعالي يلة سولفيلي شسوى امير من رجعتي..
هالي: جان فرحان..
نغم:اي..وبعدين ..
كام يكبسل بس عمودي.. فرضت علي ياخذ دوا بدل ميحطو هم..
نغم:ولج..هاي بلوة عليج.. ليش بكيفج.. ترة سنين هم هيج..
امير عنيييد..
خاف يشمر دوا.. لا..حاسة امير يريد يتغير...
نغم ..صدك انتي شون تعرفتي عليهم..
ليش امير ما كلج..
هالي: ليش..هو يكلي شي..
نغم: اني زوجة اخوهم الجبير انور..
هالي : ليش.. امير عندة بعد اخ غير اكرم..
نغم: الله يرحمة..
واكرم شنو فلمة وياج..
نغم:شنو ..شنو فلمة وياي..
عادي اخوية..
هالي: لاعبالج صغيرة ومااعرف..اشتم ريحة الحب..عن بعد ميل.. فاايسي..
وكليلي دامة يحبج ..ليش مزوجج مو عدكم مرة الاخ. ..عادي يزوجهة حماهة..
واذا كانت من غير ملة..
هالي: شون..
يعني. اهلي من مذهب واهلة من مذهب..وتوفى انور يم اهلي غدرو ..
ومن يومهة محمليني موتتة..
ماعدا اكرم وكف وياي..
هالي : واكف وياج لو مزوجين..محد يعرف..
نغم:شبيج..
هالي : حجي اكرم ميطخ بنية مو حلالة.. وشفتة بيوم تخربطت ..
جان حاط ايدة ع جتفج..
نغم:ولج شون شفتي..
هالي ..شفت ومعلية..
عالعموم خل ارجع هسة يكعد امير واني ماكو..
نغم:يمة ..كولي ميتة علي انتي.. اذا تفهمين سوي طفل منة..وانتي مرح طلعين من بيتهم للابد..
هالي: بطرانة ..مكملت الحجي وياج.. نكملة بعدين..
رجعت لكيت امير بعدة نايم..
جنت ميتة نعاس..
جيت اكعدة مد ايدة دافية وجرني..
ولج مجرشة انتي تعاي ادفيج..
وظلينا نايمين للمغرب..
كعدنا ..
وحجي اكرم كالةحضر روحك..
عمود باجر رووح للطبيب صار كومة مرايحين..
هالي: جيت وشفت امير ضايج..
واكرم يحجي ويا ميقبل..
هالي: شبيك ..امير ..مو على بعضك...
ميقبل يروح طبيب..
ليش امير موكلت اريد اروح..
امير : رح تجين ويايا..
هالي: اذا تريد طبعا اريد اروح وياك..
هالي :مرت ٦اشهر ع زواجنا اني وامير كل شهر نروح للطبيب ويكتبلة نفس العلاج ماكو تحسن..صح متجي نوبات.. بس شنو الفائدة وهو اصلا مديتفاعل..ويا العالم..ولايطلع.. بس. حاستة خدران وطول الوقت يريد ينام..
وحقة من يكلي مااريد علاج يخليني طول الوقت خدران...
هالي :حجي اكرم.. ها ..هللو.. شونج..شونة امير..
هالي:هو الموضوع ..امير.. اني حاسة هذا الطبيب مدا يفيدة والله الدوا ياخذة بس عمودي..
بس.. اني..اريدة يطلع ويطب..مو يظل هيج..
حجي اكرم:هالي.. هذا الطبيب قديم بمهنتة قابل ميفتهم..
هالي :هاي صارلي ٦اشهر..نفس الدوا.. شنو التحسن..
اني مااريدة خدران..لازم يتفاعل ويا الناس.. ويكسر هالحاجز..
حجي اكرم:هالي مو كتلج لاتدخلين.. بدوا وطبيبة ولاتاملي وتصعدي فوك..وبعدين يوكع ع ملة وجهة..
هذا وضعة ومرح يتغير هالي..
اتقبلي واني كتلج من اول..
هالي: اني ..شايفة ..نشوفلة طبيب ثاني ناخذ راية..
حجي اكرم:هالي ليش زعليني..
سيد حيدر:شبيهة هالي..
اليوم..
حجي اكرم:احسن اسلمج لاابوية هو يسدلج الموضوع من النهاية..
طالع اني..
عمو اريد اغير طبيب امير..
اريدة يتحسن مو يظل خدران..
سيدحيدر:اي شكو بيهة ..واحد ميظل ع راي واحد..
هالي فرحت بدعم عمي الي.. بس مااعرف اكرم الة وجهة نظر ثانية..
حجي اكرم: يابة انت تكول هيج...
متخيلتك..
سيد حيدر:اي ..لان ..هو كال امير راح يظل عاجز بسبب الدوا.. وشوف ماشاء الله.ع ايد هالي..رجع احسن من اول..
حجي اكرم:ومنو كال امير يقبل..
هو كوة نودي للطبيب..
هالي: طبعا لان حاسس الادوية بس تخدرة..
حجياكرم: اني متاكد امير مرح يقبل..
امير: ع شنو مااقبل..
هالي:امير.. شنو رايك نغير طبيبك امير..
نشوف راي طبيب ثاني..
امير:لا ..مااريد..هذا الطبيب..صار ٣سنوات ويا..
مااريد اغير عافنة وراح..مثل كل مرة يخاف..
ويهرب..
حجي اكرم:مو كلتلكم..
يلة مع السلامة.. هالي مااوصيج ع
زوجج..
سيد حيدر:قنعي واني وياج بابا.. الله يبارك بيج..
هالي : من رخصتك بابا..
رحت لاامير لكيتة ياكل بااظافيرة..
هالي؛ امير شكاعد سوي ..ايدك ..يمعود..
هالي ليش بكيفج تاخذين قرار عني..
اني شنو هنا..مو بعينج..
هالي: امير تعرف انت شنو بالنسبة الي.. لاتخرب علاقتنا بحجي يغث..
اني مااريدك تبقى بس خدران..لازم تطلع وتشوف العالم تمارس حياتك لو عاجبك ظل محبوس بالبيت..
اني علمودك..واذا معجبك اعتبر مكتلك وانسى اني مهامني غير صحتك..
اروح يلة باي..
وين رايحة..
هالي: امير ..رح اسوي تحاليل تعبانة كلش..
ونغم كلتلي تعاي واني اسويلج..
امير: شو زايدة علاقتج بنغم هالايام..
شنو السالفة..
هالي:لا.. سالفة ولاموضوع..
البنية زينة وياي.. واني ماعندي احد اعرفة ونور مااحبهة ولاتحبني..
امير..روحي.. رح انجطل..
هالي ماشي..
تعال..
اغطيك..
باس ايدي..ربي مايحرمني منج ..ولامن حبج..
هالي: ولايحرمني منك اموري.. حبيبي..
هالي رحت لنغم ..وسويت تحاليل ..وكعدت يمهة.. لما تطلع التحاليل..
وكعدت احجيلها..
وكالتلي اكو طبيب اعرفة بشارع المغرب.. كلش زين ويفتهم..
لو تروحون عليه..ومينطي ادوية هواي...
هالي:غير يقتنعون امير واكرم..
اكرم شكو..
غير زوجج ميقبل ..نغم ..
هالي ..سكتي..محد ..يعرف.. مزوجين ..
هالي: ماشي خية مطلعت التحاليل اريد ارجع للبيت..
يلة امشي نشوفهم..
تعاي اقرالج التحاليل روح هاي طبيبة صديقتي..
هلو دكتورة..هاي زوجة امير كتلج عليهة ..صدك يمة صدقة حلوة وصغيرة..
يوو...مبروك حبيبتي انتي حامل..
تذكرين اخر موعد دورتج..
هالي:حامل..
لا..دكتورة لاتكوليها...
خنكتني العبرة وطلعت..هو اني بلا طفل ثقيلة ومهمومة انوب طفل يجي....من غير شي تعبانة..
ظليت ابجي ..ونغم تسكت بية وتقنعني هسة شوفين هالطفل شون وجهة خير عليج وعلى ابو..
حسيت روحي اندفنت واني بعد مكملت ال٢٢.
رجعت للبيت..
وفتت غرفتي امير بعدة نايم..
صارت بية صفرة من الطريق..
واستفرغت..يمكن اعراض الحمل.. طلعت فتت للمطبخ ريحة الطبخ هم موتتني..
صار وكت الغدا..
واجة حجي اكرم فرحان..
واحنة عالغدا..ويكلي اكلي ..شو صايرة متاكلين تغذي انتي محتاجة هالوكت..اكل زين..
سيد حيدر : شنو قصتك اكرم ..خل البنية ع راحتها..
اكرم: مبشرتي ..ابوية وزوجج..بالخبر..
امير: ياخبر..
اكرم: هالي حامل..ورح يشرف ولي العهد بيت سيد حيدر..
سيد حيدر:خوش خبر ..اكوم اصلي ركعتين لوجه الله بالخير عليكم يابة.. تتربة بعزكم.. يمكن هم فرحانين اكثر منا بالخبر مشفت ردة فعل.. امير...
محجة وياي ..بس عرفت امير ميريد جهال ويصير مسووول يريد الدلال الة وحدة..وهيج نفر زايد بركبتي رح يصير..
بالليل حسيت اختنكت طلعت للحديقة..وبجيت وفرغت كل همومي..
محسيت الا ايد انمدت ع جتفي...
انداريت:اميييير..
هالي...اني قابل رووح طبيب ثاني .. بس عمودج وعمود ابنة..
حضنتة ..صدك حبيبي صدك تحجي ..
ان شاء الله تتحسن . وترجع لحياتك ..
للقصة بقية ..
