البارت21
لحظات من عمر الانسان تمر بدون ميحس..مااتندمت ع كل سويتة ..اتندمت ع اشياء جنت كنت اكدر اسويها واتراجعت..
كان ممكن اتركة ..وكان ممكن ..اتعامل ويا كااي زوجة.. تكتشف خيانة زوجها..
بس جنت هادية ومااعرف شنو ورا هدوئي هذا ..ليش الواحد يتحمل كل هذا الالم ويسكت..
أكيد الحب...
هالي: الحب اله خطوط ..الة حدود..بس الي بيني وبين امير جاوز الحد... حاسة روحي عايشة بدوامة ساعة ترفعني ..وساعة تنزلني..
كل ماانوي اتركة ...
يتمسك بية مو راضي يتركني..
صرت مريضة بي..
وحاسة شكي الي كبر مو اجة من فراغ..
ممكن انتي فسحتي المجال الها..عمود تاخذ امير منج؟
هالي: هى.. هى..امير عمرة مكان الي..كان الهة من البداية ..بس هي مجانت تتحمل انو مو كامل ومرتب..وحاضر ..
اني عدلتة ورتبتة ..واجتي اخذتة مني..كانو امانة رجعت اخذتهة..
واني سكتت..لاني طماعة..
هااالي..انتي مو طماعة..انتي انسانة طموحة والي صار جان بدايتة غلط..بس ماكو وحدة تتحمل..واحد هيج..
هالي: لاحبيبتي..تتحملين ..دامج حبيتي تتحملي..اقصد عشقتي..
والعشق ..فد شي مثل الهوا والماي..
متكدرين تعوفي تموتين..
لعد شون ..شسويتي..
هالي: اكلج..
ورا مدخلت البيت.. والكل جان كاعد..
امير: جان يصيح علية بخوف مدري بشك..من شاف حارث ويايا..
لحظة..حارث مو مسافر؟
بعد ٣ايام كضيتها بالبيت..
وصل الخبر لااهلي اني ماكو ..وعلي خبر حارث..
حارث اجة..
بهالسرعة اجة حارث..
تخيلتهة ٣ايام بس الظاهر جانت اكثر...
كم يوم يعني..
مااذكر..البيت جان اظلم..مجنت اعرف الليل من النهار..
وبنتج...
المهم..لمن اجة حارث.. عرف وين يلكيني..
حارث:هالي... هالي..
هالي: حارث..محسيت بروحي شون وكعت بااحضانة..جنت حيل تعبانة..
حارث: هالي ..صارلج جكد هنا..ليش مكتيلي مكلتي لعلي..
لج سعد خابرني.. كال لمحت زينب بيتكم.. ولمن سمعت مضيعيج..
اجيت ..بسرعة ..
حارث..امير ..خاني .امير ..ديخوني..من زمان..بنتي رادت تموت..بسببهم..
حارث: خلص..حبيبتي ..امشي..امشي الكل يدور عليج..وامير عوفي علية ..
هالي : قنعني ..اروح واواجهة..صح.. اني ضعيفة كدامة..بس ..هذا هو هالي..
لازم اواجهة..
بعد ماابقى ويا..
الكل جان خايف ومتوتر ومحسيت الاهزت امير ..وهو يصيح ويكلي وين جنتي واعصابة نار..حارث انسحب..وبقاني بنصهم..وكلهم يعاتبوني ويصيحون..
بلحظة حسيت اذني انسدت مااحس الا بطنين قوي رح يزرف اذاني حطيت ايدي بلحظة كمت ووكعت..
حسيت الكل يحجي بصوت ناصي ..
مفهمت شيحجون..
الطبيب طلب تحليل حمل ..قبل لايطيني دوا..
طبعا النتيجة ايجابية ..يعني حبس ٩اشهر مااكدر اطلك منة لحد مااجيب..
ابوية وعلي ..اجوي ..حاولو ياخذوني..بس بيت حيدر الورار شايلة ابنهم مرح يقبلون يخلوني اروح..اهلي انسحبو ..اكيد هددوهم..
كل شوي احس احد يفوت..
نغم: هالي..ليش هيج سوين بينا..متدرين شسوو الولد عمود يلكوج..وامير دمرت اعصابة..
هالي: فقدت ثقتي بالناس..والعالم..
مكدرت احجي حجاية..
حضنتني وكالتلي ..رب العالمين يريد يفرحكم بها..الطفل..
هالي: اشرتلهة باابتسامة جذابية..انتظرت بس اكوم ع حيلي..
اجمع شتات افكاري..
وافكر شسوي..
ظليت وحدي ..مااعرف كل شوي كوابيس..
اخرها كابوس الحريق..هالمرة شفت روحي احترق. ...
لمن فزيت لكيت امير ..يمي..
كعدت ابجي حسيت بالم عبالك صدك جنت احترك..
هالي..هالي..شبيج..
هالي: انت ..شجابك يمي..
أمير: هالي...كافي..ليش رحتي..
هالي: امير..مااريدك..مااريدك..تعبت..
خلص..عوفني...
أمير..عوفني..كافي..جذب علية..
امير: هالي..شون اعوفج هالي..بس خليني افهمج ..
هالي...كافي كذب ...كافي..
أمير : هالي..اهدي..اهدي وكليلي..وين ..جنتي..
أمير ..تذكر مرة ..كتلك..اذا خنتني..
اخونك..
امير: شدتحجين..
هالي..
هزني..هزة قوية عبالك ديصحيني..
أني خنتك مثل ماخنتني..
أمير: اني اعوفج احسن..
انتي عقلج مو براسج...
هالي: ظليت ايام محبوسة بغرفتي..
مااكدر اطلع ميخلوني..
يدزولي نغم..لو فاطمة..
ويظلون يحجون وياي ويقنعوني ..بس بالي ...
لازم اطلع منا..
حجي اكرم:كالة لاامير يتركني..علما اهدا..
وحجة وياية..
حجي اكرم : هالي..فتي هذا البيت ..وصارت معزتج معزة أمير..وانتي لااول ولااخر وحدة تصير بهالضرووف..
وأمير.. مو ذنبة ..الي صار...
هالي : حجي اكرم..تعرف معزتك بكلبي بس اني مااكدر اكمل ويا امير..
انت تخاف الله..ومتقبل بالظلم..
ودتشوفة يظلمني..وساكت..
حجي اكرم: معاذ الله ..اقبل..
بس انتي شايلة ابنة..
جيبي..والي تريدي يجرالج..
بس انتي دير بالج ع روحج..وع ..ابنج..
واني نبهتة ميوصلج ...
هالي..انتي اختي..واني مااسمح لااحد يمسج..
وهذا بيتج..
هالي: مااريدة..مااريد اي شي منكم..
بس اريد اطلع...اني..وبنتي..
ظليت ابجي.. وعلى صوتي..
عافني وطلع..ودز فاطمة..
توسلت بيهة ساعدني...اطلع...
هالي: حجية فاطمة بداعت جهالج طلعيني..مااكدر فدوة ..خل اطلع منا..تعبت..الله يخليكم..عوفوني بحالي..
انقهرت علية ..كالتلي ..اكلي يمة اكلي..رح تموتين..وخطية هالطفل شنو ..
ذنبة..
هاي روووح..
هالي... يمة..هواي نسوان مثلج..بس مشت حياتهم..
ومصار شي..
وراهة كطعت الحجي..والمشتكى..
بطلت اتوسل بيهم..
عفت الاكل ..والشرب..
يطبون ويطلعون يحجون ويايا ماكو ..
أمير..مختفي..اكيد ..يفتر ويا رشا..
وديعيدون حبهم ..
الي ماعاشو...
مر شهر ع هالحجي..
ضعفت حيل..
عايشة عالمغذيات..
وبدا وحام..قوي..حتة ريم مجان هيج وحامها..
نمت مستشفى ..دارولي دم..
صار عندي فقر ..دم..
ايسو مني..
هالمرة اجوي ابوية وحارث..وعلي..
هم طلبو من حجي اكرم ياخذوني وهم مقبل..
بيوم دخلي امير..ونسة وعدة ل اكرم..
هالي...هالي..
باوعي علية.. ليش سوين بروحج هيج..
هالي..
لزمني..حاسة حتى مو كادرة اجر ايدي منة..من التعب مابية حتى ارد..
هالي..حبيبتي..باوعيني..
رفع راسي..
باوعي ..وين هالي حبيبتي القوية..
وين لسانج..
مشتاقلج ..
مشتاق..لوجودج بحياتي..
هالي: واني مااقبل بشريك..مااقبل خيانتك الي..
طلكني ..طلكني..امير ..خليني..اروح لحال سبيلي..وانت كمل ويا رشا..
كمل حياتك..جنت ..تتمناها...
هالي..
انتي شتحجين..رشا ..منو..
اني احبج ..الج..عمري ماحبيت غيرج..
هالي: كافي امير..كافي دخيلك..
تعبت سوي بية هيج..
كافي ..اعتقني..
ظليت ..ابجي..
امير: هالي..اكلي..تعاي ..مثل ايام زمان..من جنتي تقنعيني اكل..
هالي..رح تموتين..اذا مو لخاطري..لخاطر ابنا الي رح يجي بالطريق..
شنو ..ذنبة..
ابنة..ابتسمت..
هذا مو ابنك..أمير..
اني خنتك..كتلك..
هزني ..من جتفي..
هالي..شكاعد تحجين..
هالي: شعبالك انت..
اني خنتك..وهذا مو ابنك..
وانت كاعد تربي طفل جوايا مو ابنك..
امير: مسويها انتي جذابة..
هالي: تذكر ..جكد جنت اغيب وجكد جنت اتاخر ..كلة جنت اخونك وانت تستاهل...
ضربني ..راشدي..
اصحي هالي..اصحي...
وج ..شدتحجين..
ظل هايم..انت وقنع روحك..
وخل يجي هذا الولد انت مو ابو..
ظل لازمني من ايدي..واعصابه متهستر من الحجي الي يسمعة..
انتي وحدة مخبلة..مخبلة هالي...
اني تعبت منج..
بس شايفة شنو رح اسوي بيج...تحلمين تشتمين الهوا ..قبل ماينولد هالطفل ساعتها اذا جان حجيج صح..دفنتج ع ايدي..
بس قبلها..لا اخليج تتمنين الموت متحصلي..
رح اشوفج الويل..
عمود بس ارحمج..
باجر ازوج رشا واخليج ...تشوفين الموت بعينج..
لاا اخليج تبوسين ايدي..ومااطلكج..
هالي..حاسة باانهيار وضعف مو حاستهة وهو يحجي هالحجي..
امير..امير..ابوس ايدك..عوفني ..بحالي..
عوفني بحالي كعدت ع ركبي..منهارة..
دخيلك ..عوفني..
بس ..ماسمع..مني..ولاذاك امير الي يحبني..
اني اعلم ابن خالج..اني اعلمة..
هالي: بهدوء . ..امير..رح تتزوج..مبارك عليك..بس هم متطفى نارك..اني ..خنتك..امييير..
ظل اذكر وعهد عليه ..اقدملك هدية ..متنساها طول حياتك..
سد الباب بعصبية وقفلة..
بس نسى..شي..مهم..شغلة ممكن اسويها..انتهيت اني..وانتهى ..كل شي حلو بحياتي..بعد مااتحمل.. ضغوط واصوات براسي..صور متداخلة..
امير: توني..
دا انزل الدرج وسمعت صيحة قوية..
فاطمة: ااامييييير الحك هالي..
شسويتي..
هالي: شمرت روحي..من البلكونة..
لا ..انتي مستحيلة..
وشستفاديتي..
هالي: شنو استفاديت..
اني خسرت الطفل..ونمت بالعناية المشددة..
امييير انصدم..
واهم شغلة خرب العرس..
هههه..
بسسسسس..
بس شنو...
شفت بعين امير نظرة عشت ٧سنوات.. اتمنى اشوفها..
فرحت..وحزنت ساعتها..
شون يعني..
باوعي..من جنت صغيرة ..
جنت اشوف ابوية..يتمنة لمرة ابوية الرضا ترضى..
ويساعدها بس عمووود..
عمود شنو؟
تعررررفين..بين الرجال ومرتة..يمكن توصل درجة المذلة...
جنت حيل اضوج من مرة ابوية لان تخلي ابوية بهالوضعية ..عمود يحصل حاجتة..
عزة عزاج هالي...لهالدرجة تراقبيهم..
طبعا..ابوية كل شي بحياتي لازم اراقبة...
لهذا عمري مخليت امير يتوسل بية قبل لايطلب الحاجة اطيهيا..احب اشوفه واخلي جهالي يشوفي مكانة عالية مو نفس ابوية..بالنتيجة علة وداسني..
وجانت هاي اخر مرة ..اشوفهة..
هالي..انتي وحدة مريضة..
هالي: اكيد ..لعد شنو جابني هنا..
داخل كل انسان..خيال مريض ..يحاول يطلع..يمكن يتعب منالانتظار التحمل..ميكدر يتقبل واقع..
او هو مولود مريض..بس ينتظر تكب الجنونة بوقتها..
قاطعنا صوت ولد
هالي طارق..يلة فوتي ..الطبيب ينتظرج..
ابتسمت بوجهي ..الي تجمد من الصدمة..
فرصة سعيدة تعرفت عليج رفيقتي بالنضال..دا تشوفين هذا الولد الحلو ...هذا علاوي اخوية ..وهاي بنتة زوزو ..زينب..كتلج..عليهة..
يلة باي ..باي..
ان شاء الله مااشوفج هنا مرة ثانية..
شنننوو؟
هالي: شبيج..تشافين وتصيرين زينة..
بس اني مو مريضة..
كلنا مو مرضى لحد منوصل مرحلة مكتشف انو احنا مرضى ونحتاج علاج..
هالي يلا حبيبتي تعاي..
اشرتلي باايدهة وابتسمت وفاتت..
سالت السكرتير...
ياسر..هذي..مريضة ..
ياسر..ههه..شفتج مندمجة محبيت اقطع سلسلة افكارج..
لا مااصدك..متكلي شنو قصتها الله يخليك..
لا هاي يحتاجلها كعدة طويلة واسولفلج..
او خلي دكتورنا يحجيلج احسن ..
للقصة بقية..
