#متمردة_عشقت_مجنونا
البارت16
اسوا شعور ممكن تحسة الزوجة هو احساس الشك.. بس مو شكي بعلاقة او اغيرة شكي الدائم انو زوجي مو حابني محتاجني.. وهذا الشعور يومية ٠
يتضاعف..
بكل موقف يخيب املي بي..
ويعوفني هايمة وحدي..
وارجع اكول..لا..هو يحبني وميكدر يعوفني..والي كبر هذا الاحساس..
كل مااريد اروح لااهلي.. ريم متقبل تروح..
ماما..كتلج..يلة دروح بيت جدو..بدلي..
ريم: مااروح ..ما اريد..مااروح..
هالي: لج..ماما كومي..
ريم: ما..مااريد اروح ..بيتهم محلو..ماعدهم العاب..
هالي: ميخالف..رووح ..ونرجع..منتاخر بس خل جدو يشوفج..
ريم: جدو ...مات...
هالي: صمالله ماما..هذا جدو طارق مو جدو حيدر الله يرحمة..
ريم: ما مااروح بيت طارق..
هالي: ولج..عليمن..بيت طارق.. اضربج اذا كررتيهة..
اسمة بيت جدو...
ريم...ما ...ركضت وصيح..بابا..بابا..
شالها امير...
امير: شبيها ..اميرتي الحلوة...
ريم: ماما ..تريد تضربني..
امير: اموتة غير..يمد ايدة ..ع بنوتي..
ريم: مااريد اروح بيت طارق..
امير: ههههه..ولج ..يمة..مين جيبين ..هالحجي ام لسان..
هالي: ريم..ريم..
وينج..
امير: هالي.. كم ..مرة اكلج..ممنوع تصيحين..او ضربين.. ريم..
هالي: اولا..مضربتها ولاصيحت عليهة..داا ريد اروح لااهلي..ابوية ..يريد يشوفها..
امير: وهي مترتاح هناك مجبريهة..
هالي: امير ..طفلة عمرهة..اربع سنوات..مااكدر اتحكم بيهة..
امير: روحي..وحدج..لاتاخذيهة تتعارك ويا ولد اخوج..
هالي: امير ..ميصير تكسر كلمتي ..كدامها..لازم تعرف كلمتنا وحدة..والمكان بي اني.. لازم هي..
امير: هي تعلمت انتي مموجودة..
حايرة بدراستج وعايفتها زين من عدهة ساكتة..طفلة بعدهااا..زين مااتعقدت..
هالي: امير ..شتحجي..صديقاتي موظفات وجهالهم حضاين وروضات..
امير: هي ..هم عايزة بنتي..تروح حضانة..عمود ..راتبج.
كعدي وتفرغي بيتج وبنتج..
انتي كلتي صار اربع سنوات..مفكرتي جيبيلها اخ..
هالي: امير وين دنحجي وانت وين..تلومني لان مموجودة..اسال روحك..انت نهارك ليلك شغل..وينك بالبيت..عمود اجيبلك طفل..
امير: اجي بالليل الكاج نايمة..
هالي: قصدك اي ليل..يعني ساعة ٣ ليل..
شنو معناتة انتظاري..
اذا تلف راسك وتنام..
بعدين وين وديتنة انت..
امير..كلمتين سمعها ريم..اسمعي كلام امج.. باجر تكبر..وميهمها لاراي ولارايك..
اامير: لاتخافين متطلع عليج...
هاي بت حيدر الورار..
هالي: كرر الي كلتة..
ليش شبية اني..
عمود متطلع تشبهني..
شكرا الك..ع ذوقك واخلاقك هاي الي متعجبك تحملت كل هاي السنين مذكرتك..كم ليلة نمت بالحسرة مو مثل غيري ولاتونست..ولاطلعت..
جكد صبرت يلة هالي..هذا حبيتي هذا يستاهل مو بيدة..كتمت كل معنى سعادة بحياتي عمودك ٦سنوات من عمري راحت..بدون مااحس بيهة..
هسة جاي تعيرني بشنو..انت شنو يااخي ..شنو ..انت..
دفعتة وكتمت دموعي ..
هالي..هالي..انتضري..
هالي: طول الطريق..واني حاسة بضيق مو طبيعي..
ابوية وخالي..رح يسافروون..
ورح اظل وحدي..واني لاكادرة اعوفة لاامير..ولاكادرة ابقى ويا.. احساس داخلي الة بالرفض..ويومية يزيد..
كانو دا اكتشف..بي اشياء مشفتها قبل ..كلبة تحجر..
الله يرحمك عمي..جان شما اكول ..ينصرني..
ولا بنتي..
شنو ..
هالي..دا ..تشوفين صورتج بنتج..لاتعلوم ولاشي ..جينات..كانو اني..
نفس دلالي..نفس تكبري..وعنادي...
بس اني ويني بنص هاي الهوسة..
وين هالي الوكحة الي بس تفوت...تهز جبال مو رجال..
كبرت..وانطفت شمعتي..
استاهل اني..
اني جبتهة روووحي.. بس الى متى...
تعبت ياربي تعبت..سامحني اعرف هذا عقاب الي..
عقاب ع تقصيري...قبل..
وصلت بيت..اهلي..شفت النعي مال اخوية مرتضى ..مراهق كلة١٤ سنة..راح يجيب وثيقتة بالاعظمية وانكتل..هي هاي الحرب..هواي ناس راحت بالرجلين..
فتت..كل غصة بكلبي طلعتها..لمن شفت ابوية حضني..
ومرة ابوية هم الله يساعدها..
ورا مزوجت.. وشفت حنيتها علية..تمنيت الزمن ينعاد..
واصير ذيج البنية الحبابة المطيعة..
ولااتعب اهلي.. ولااعاندهم..مجان هذا حضي ولانصيبي..
وارجع الوم روحي لان احجي ع امير ..لااامير حبيبي ويحبني..
اااه ..جم.. اه ...احمل ..داخلي وساكتة..كاني..اني شادة روحي بالحبل واكلها روحي تعذبي..بلكت تخف ذنوبج..
طارق:كافي بابا ..كافي بجي..
وين رايحين عنج..
لج تلفون منج ..اجي..عندي اغلى منج..
علي: اخوية الطايش..الي جنت اتمنى يختفي ...الي الحزن مرسوم ع وجهة ولحيتة مازينهة من حزنة ع مرتضى اخوية...شو حاسة بكسرة ظهر ...بس شفتك ناوي تغيب عني..
اول مرة احس هذا الاحساس.. يمكن لان مقهورة..
لا هاي ..غيبة الاخ..تكسر الظهر..اخوية ..اذا توجعت ..صحت ..اخ...
علي: كافي..ولج..كافي عيارة..
سنتين غايبة مكلتي خطيةاهلي.. جرالهم..جاية تبجين جف رح نسافر ونعوفج..
ورح اروح سوريا على عنادج ..وظلي بحسرتج..
حاول يضحكني.. بس كل كلمة يكولها ...اشتعل نار.. وكلبي يحترك..
ودموعي وصوتي.. يطلعون..
نزل للكاع وحضني..ولج ..كافي..ولج..مطلعت..سفر ..هاي..ولج بس كولي اخ..تلاكيني يمج..
حدة اليمسج بكلمة..
لج..زنوبة..كافي ...حبيبتي لاتبجين..
واني...ابجي..مو كادرة اوكف..
كاني محتاجة شي ..صار سنين منتظرة..عمود ابجي وافرغ ..كل حركتي وحزني..
ورحت بيت خالي سعيد..
الولد نفس الشي..
حارث فسخ خطوبتة مشاكل ويا اهل خطيبته..
هو الجبير..
خالي ورا وفاة علي اخو حارث..هم هدة المرض..وصعد عندة السكر...
هم ذولة اهلي بلحظة صفيت بلايا اهل..شون جنت ناوية مااشوفهم عمر..شون كلبي انطاني افكر انساهم ذولة قطعة من روحي..
خالي ..انشل..ورا وفاة ابنة..
نزلت عالكرسي ...وحضنتة..خالو انت هم ..رح تعوفني وتروح..خالو بعد منو يدللني..منو يدلعني هلول..
منو يشتريلي..
هيج مرة وحدة تروحون وتعوفوني وحدي..
هو يبجي بلايا صوت..واني انبح حسي..
جرتني مرة خالي..وحارث..
حبيبتي...هالي ...والله خالج مو ناقصة تعبان لاتقهري ويصعد سكرة..
مسحت دموعي..سحبت ايدي جرهة وباسهة ورجع حضني..ووباوع علية بنظرة كانو مرح اشوفة بعد..
حارث: هالي..اني رايح..بس ابريني الذمة..سامحيني..اتخليت عنج بلحظة ضعف..وتندمت عليهة سنين..سامحيني جرحتج بالحجي..
سامحيني ع كل لحظة الم..سببتهة الج..
بس اذا ردتيني اواحتاجيتيني..
لو بااخر العالم اجيج..
انتي مو بس بنت عمتي..
تعرفين مكانتج بكلبي من زمان..هاج..
هالي: شنو ..هذا..
حارث: هذا مفتاح البيت..
بيتج انتي..
لاتكولين ماعندي مكان..اني رح اخلي هيج..يمكن يجي يوم..ونرجع..
اني اعرف انتي ممرتاحة وتكابرين..
بس مثل مكتلج..
بس دكيلي ..تلاكيني يمج..
هالي: تسلم حارث والله مالة لازمة..واني اموري ماشية لايظل بالك ..امير خوش ولد..
حارث: طبعا..ويا انتي.. اكيد هو واحد محظوظ..
وحظة وكع بيج..
سالمنا🤝وظل يااكد علية لاتنسين..
وكت متحتاجيني خابريني..رح اطي تلفوني لعلي..
هالي: تسلم ..حارث..نعم الاخ ..انت..
حارث: ياريت ابادلج نفس الاحساس حاستة ..
هالي..
رجعت للبيت وكلي حسرة وتعب تلكتني ريم ..وكالتلي تاخرتي ماما اشتاقيتلج..
هالي: والي يشتاق لماما..غير يسمع كلامها..
تعاي خ نغسل ونبدل ونام ..
تعشيتي..
لا ..ماما..
مو كلت زهراء..شون ممعشيتج..
تعاي يلة نتعشى وبعدين نعاقب زهراء..
كملت نومت ريم..وقررت انقل غراضي بغرفة بنتي..
وخل امير يتعلم..بعد ماكو مسامحة عالاخطاء...
فتت لكيتة دينزع ملابسة..
امير:هالي..اهلج سافرووو..
هالي: اي ..الله وياهم..
وبيت خالج..
هم..
هالي..جريت نفس..اييييي..
امير: تقربلي..حضني..
لاتنقهرين..اني موجود..
حبيبتي..
درت وجهي وبعدت ايدة عني..يووو..
صار جكد مسامعة الكلمة هاي..
خل انفض..تراب..
امير: صوجج ..انتي..
هالي: صوجي..
اي صح ..اي شي خطا بهذا البيت سببة اني..
لميت كم غرض..وكلت باجر اكمل الباقي..
امير: جكاعد ..سوين..
هالي: مثل مشوف ..دا الم هدومي..
امير: بلا خبال وين تريدين تروحين..
بنص الليل..
ابتسمتلة ..صح ..اني ماعندي مكان قصدك اروح علي..
لهذا احترم نفسي واروح انام يم بتي..وانت اخذ راحتك..
وكت..كمت ..مااعجبك..ولاتريد بنتي تطلع مثلي..
ليش شقصرت وياك اني..تجازيني..بهالحجي الي يسم..
امير: لزم الهدوم وذبهم..
هالي ولج صار جكد ويايا متعرفين طبعي..ولج متعرفين مكانتج..
انتي...
هالي: النفس مالي ..وانتي حبيبتي..بدونك مااكدر اعيش..
كلة حجي..تقشمرني بي..عمود تريح ضميرك ويايا..
بس مرح ترتاح..
اني بعد مااتحمل..
تعبت..
امير... خلص ..نامي..والصباح رباح..
اني وياج نحجي..
لاتخلين احد يشمت بينا..
امير: طول عمرك حاسب حساب للناس الي متسوة وناسينة احنة..
امير..هالي ..وين جان هذا الحجي مضموم هلكد حاقدة علية..
هالي: ياريت اكون حاقدة عليك بلكي ارجعلك ربع الاذى الي اذيتني يااا.
تصبح على خير..
نمت بغرفة ريم....
....ثاني يوووم الصبح رحت بدون مااشوفة ..
بدلت ورحت كليتي..دا اكمل ماجستير....
ومن رجعت جان عدنا ضيف غير مرغوب بيه..
للقصة بقية..
