البارت13
دخل حارث للبيت واني ملابسة حجاب..
وبدخلتة سمع امير...
وانكلب صوتة علية ..انتي لابسة حجاب..
طبعا ملابسة..
هالي:امير شبيك..
ترة اني وحارث رابين سوا ..يعني مثل اخوية..هو..
أمير:اني من اول..كتلج لاتباتين..وخليتيني كدام الامر الواقع..
يلا حضري روحج رح ادز احد يجيبج..
اااميير...شنو يجيبج ..شااتفقنا احنا..
وبعدين شنو هالعصبية..
ترة ..اني مو مال هيج وع شنو هالمشاحنات بينا..
امير هي بيتة والصبح ارجع..
لاسوي هيج..
كتلج ..حضري روحج..رح اجي اخذج..
انت تجي..
مااصدك..
امير:شنو قصدج ..انو اني مااكدر اجي..
اجي ..واسحلج من بيتكم..خاف عبالج خايف..
اااامير:هاي شدتحجي انت ..وين جنا وين صرنا..
اني رح احضر روحي.. وتعال اخذني..
هالي: هواي اشياء تغيرت بية ورا مزوجت عنادي غروري ..تكبري..كلهم راحو..مو لان امير ابن عائلة غنية..
وانما الحياة كسرتني..
بعد ماعفت اهلي...ولفيت عليهم القصة حاسة روحي مذنبة كدامهم..
مو حاسة هذا مكاني..ولافراشي..
صدك من جنت اسمع عمتي سعاد.. تكول مرة خالي..
اذا مو بيتي ماارتاح لو مو زعلانة..
لو عمر تعيشين بيت اهلج مترتاحين الا بيتج..
خبرت ابوية اني راجعة..
ولج..ليش بابا..مو اتفقنا تبقين ..شجاج..
بابا..حارة الدنيا..مااتحمل والله..وبعد اني كل مااريد اجيكم..
خل ارجع بيتي وزوجي.. احسن..
طارق: سوي الي يريحج باباتي..
ولاتكطعين..
ماشي بابا..
علي: ها ولج..هالي ...شو بدلتي..
هالي: رح ارجع للبيت..
علي: لا..يمعودة شوكت جيتي..
هالي: حارة الدنيا..مااتحمل..ارجع بيتنا احسن..
حارث: حقها يابة حقها..تعلمت..عالتبريد والدلال صرنا منعجب ...
هالي: اني شما كبرت مااكبر على اهلي.. حارث..
من رخصتكم..
دك موبايلي.. امير...
امير: يلة ..طلعي.. واكفيلج بالباب..
جاييية..
بابا ..عمتي.. اني رايحة..
اجة السايق..وامير..
طارق: ليش ..مفات..
حارث: عمي..ميعجبة كوة..
هالي: زوجي ميفوت بيت ويضايق اهلة بنصاص الليالي. ..
عندة وكت.. يجي ويسلم ويطلع..
بسمار معدل...
ع كد مجنت احبة واحترمة ع كد مضايقني بهالكلمتين..
طلعت وطلع وياي..ابوية ..وعلي ..وحارث هم..
سلمو علي..وحارث رجع بيتهم..
واني صعدت..امير سلم عليهم ..ورجعنا..
محجيت ويا ولا حجاية ..
ولاتعاتبنا..
ظليت ساكتة وهو هم ساكت..
وصلنا للبيت.. فتت غسلت وبدلت وصليت..
واجيت نمت..
تقربلي..
اني اسف.. تعصبت عليج..
بس ضجت من حارث..
اكو واحد يدخل بيت بهيج..وقت ابوية يكول بس يااذن العشا..المفروض واحد يصلي وينام مو يكعد يسامر ..بنص الليل..
هالي: متكدر ..الاتجرح..
امير ..ويامن يتسامر ..هو
هاي شبيج ..حجاية دا اكولها ..
حسبتيهة علية..
اميير..تعرف وكت ماانخطبت..لحارث ..ماجانت عندي اي مشاعر بس لان خالي مرجعتة ..وانتهى..موضوعنا..
ولو كايلي امشي.. مشيت..
اني مكسرتلك كلمة ..بيوم..
بس انت استغليت خضوعي الك.. عبالك ضعف..
امير: مو كتلج.. بس تروحين لااهلج.. راح ترجعين مكلوبة..
هالي: لاعبالك ..لان رجعت لااهلي ..
دا احجي هالكلمتين..
لو عندي شك بيك دقيقة متحبني..
ماابقى بيتك عسى مااصفى بالشارع..
درت وجهي ..وكمت ابجي..
حضني من ورا ..واني احبج بكد النفس الي اتنفسة..
سامحيني.. توبة مااعيدهة والله..
اصلا اني سويتهة حجة ..عمود ارجعج لحضني..
من انتي ماموجودة كل اموري...
تنكلب..
واخلاقك..
حتة اخلاقي ..هالي.. اوعديني.. مزعلين مني شما سويت.. اعتبريني طفل ..من يغلط..
شرح سوين ..
هالي: امير ..انت مو طفل انت زوجي..
امير: حبيبتي..اغلط ويا الناس كلها..
الا انتي ..اذا غلطت من حبي الج..
صدكيني..
يلة شوفيني ضحكتج الحلوة..
ابتسمت..
اللله..يسلملي هالوجه .. يخبل...
مرت ايام..وامير حالتة كلش تحسنت..
كام يطلع ويطب بس لازم اكو احد ويا..
حجي اكرم كام ياخذة للشغل عمود يساعدة.. اني ..ويا فاطمة وزهراء بالبيت..شغلات امير ع ايدي..
بدت بطني تكبر..
امير نفس حبة الي..
وعمي واكرم هم يحبوني ويدارووني..
نور ..كامت تشك بااكرم..
واكرم ..فتح موضوع نغم..وعمي رافض..بالنهاية نغم حملت..
وصار لازم عمي يعرف..
ومن عرف زاعلو واكرم اخذ نغم وراحوو للشمال.. نور زعلانة بيت اهلها...
وراها جنت بشهر السابع..
بيوم جنا اني وامير طالعين مطعم..
جانو اهل نور كاعدين بالمطعم ..كلهم ٣ بنات.. وابوهم وامهم..
من شفت نور ..كتلة اروح اسلم عليهم.. عيب..
شافتني نور..
امير: اكعدي ماكو داعي..
سلمي وانتي كاعدة..
هالي: لاا مير شون عيب.. يلة خلص..لازم..تصير اجتماعي..جريتة من ايدة ..وصايرة بطة اني..
سلمنا عليهم..
نور: هلو ..هالي..
بابا ..ماما..هاي ..هالي صديقتي..
ابو نور:هلو امير..
نظراتهم مريحتني..
يمكن من ورا اكرم..
سلمت ع خوات نور وصلت ..نور دتعرفني..
هذي رشا اختي.. مااعرف وين هذا الاسم سامعتة.. بس مبوستني..
وكالتلة ...شووونك ..امير..
لزم ايدي ..قوي..
زين الحمد لله ...
باوعت ع نظراتها ..وماارتاحيت..
امير: يلا حبيبتي..
نرجع مكانة من رخصتكم..
ابو نور: تفضلو ..ويانا..
امير: لاعمي ..طالبين وهسة يجيبون طلبنا للطاولة مالتنا..
يلة حبي..مشينا..
هالي: ضحكت.. اي مشينا.. من رخصتكم..
امير ..كعد مكاني ..وكعدت اني مكانة..واطاهم ظهرة..
وجان متوتر مو على بعضة ..
وحتة من جان يقدملي الاكل كانو مستعجل عمود نكوم..
رجعنا للبيت وحسيتة متعصب شوية..
بالليل عادي..
تقربلي..وسمع بنتة شكم كلمة مثل كل يوم ..وكام..غسل.. وطلع برة.. يدخن جكاير ..
بس ظل كلبي يلعب..
ظل الشك يلعب بداخلي..
اجة امير.. ها حبي بعدج كاعدة..
هالي.. منمت..احس عندي اوجاع..
امير : بعدج وين يمعودة..
لاحبيبتي ..مو وكتج هسة..
ظلي بطن ماما..
هالي:حجي اكرم.. مناوي يرجع مرتة..
صار هواي..
منو نور.. هو مرتاح ويا نغم.. وهي.. شرطت..علي..يطلك نغم ترجع..
وهو مقبل..
انعل ابوهم لابو ..شلنا علاقة..
اول مرة اسمع امير يشتم..
عمو حيدر ميقبل ..
لا امير ... لاتغلط..
مو انتي..عصبتيني..
ليش تتعصب.. امير شكلت اني..
من جينا من المطعم وانت متعصب.. شكو ..شبيك..
امير: هالي ..هذولة الناس مااحبهم..
ولاا اريد اسمع ذكرهم بالبيت.
هالي..تعرفين ...رشا ..اخت نور ..هي هاي البنية .. جنت احبهة..
هالي: شنو..
اخت نور..هسة ..ذكرت..
امير: انسيها.. خ تولي.. اسف..
اتمنى اكرم يطلك نور ونخلص من هاي الصفحة نهائي..
هالي: لا.. امير.. كلة ولاهجمان البيوت..
بعدين انت كلت جنت تحبها.. يعني.. ماااضي..
واني حاااضرك..وراح تجينة بنوتة..
امير: اي حبيبتي صح..
تعالي لحضني.. اموووت عليج هالي ... تعرفين شنو اموت عليج..
انتي مو بس زوجتي.. انتي امي وحبيبتي وصديقتي.. انتي دوايا.. مو كتلج انتي حبايتي..
هالي: كبرت..عقلي.. واحتويتة..ونسيت كل الي صار..نمت بحضنة..
وظلينا هيج لحد مافي يوم فتحت تلفونة وشفت مسجات من رقم غريب.. نهاية المسج ..مكتوب حبيبتك رشا..
هنا.. انصدمت صدمة وكان الي ويا اميرر حديث...
للقصة بقية..
