هديل .....
طالبة جامعية تروي لنا احداث قصتها مع زميلاتها ع مدى الاربع مراحل
القصة فيها نوع من الغموض مع قصص واقعيه تحدث في مجتمعنا
نتمنى لكم متابعة شيقه
الدنيا ليل ونايمه بغرفتي واني فرحانه هواااي لان باجر اول يوم الي اداوم بالجامعه محظره ملابسي والسجلات ومبتسمه اريد انام مااكدر من الفرحه طبعا اني الوحيده من بنات العائله سمحولي اداوم كليه من دون مااكون مخطوبه او مزوجه اسمي هديل من عائله معروفه وغنيه بابا وعمامي سلمان وماجد يشتغلون بالتجاره والعقارات اني اصغر وحده باخواني ومدللة بابا علاقتي بابويه اقرب من علاقتي بامي
ابويه وعمامي هواي يخافون علينا احنه البنات ممنوع نختلط مع اي احد دايما يراقبونه واذا لزمو او حسو باي وحده من البنات عدها علاقه او احد حاول يتقربلها ياويلها وياسواد ليلها وتنحرم من كل حقوقها ومن ضمنها تنحرم من دراستها بيتنا وبيت عمامي واحد بصف الاخ بيحث جنا احنه البنات بنفس المدرسه وماجرينه سياره تودينه وتجبنه من المدرسه للباب البيت طبعا هذه الشك والخوف والحرس يشمل بس البنات اما ولد العائله فلا كلشي عدهم عادي
اني الوحيده الي قبلو اكمل كلية من دون مااكون مخطوبه والسبب ابن عمي سلمان وياي بنفس الكليه اكو سر بالعائله هو الي خله عمامي وابويه هيج حرصين علينه ومحد يعرف هذا السر
هذي مقدمه بسيطة كعدت الصبح من وقت بس ماشبعانه نوم وبنفس الوقت متلهفه للدوام
اجه ليث ابن عمي اخذني بسيارته وصلنا لكليه العلوم اول ما دخلت للكليه شفت لافته مكتوب عليها " نجتمع غرباء ونفترق احباء" لفتت انتباهي وعجبتي هذه المقوله
طلع قسمي كيميا واني جنت هواي احبه هذا االاختصاص ليث حصلي خط نقل ويه بنات ٢ بمرحلته وحده منهم حبيبته سرى والثالثه اخت حبيبته اداوم كليه تربيه وهمين مرحله اولى وجانو حبابات واخذني ليث للقسم و منزلين اسماء مرحله اولى ومسوينا شعبتين اني طبعا بشعبه باء .. وشفنا الجدول ورحت للقاعه احس بروحي كانما طالبه اول ابتدائي كلشي مااعرف ولا اندل وراها ليث عافني وكلي بينا اتصال دخلت للقاعه وبديت اتعرف ع البنات البنات معزولات عن الولد
لفتت انتباهي بنيه جميله جدا شكرى وعيونها خضر كاعده لوحدها ومبين عليها الحزن ولابسه اسود بس الون الاسود ماماثر ع جمالها ... رحت يمها .... سلام اني اسمي هديل هلو هديل اني لمى عاشت الاسامي ليش كاعده لوحدج مااعرف بس مالي خلك اختلط حاليا الظاهر الشخص الي لابسه عليه اسود عزيز عليج دمعت .،، اي اختي مسحت دموعها وانقهرت عليها بنفس الوقت لزمت ايدها حبيبتي البقاء لله كلنا ع هذا الطريق والنعم بالله بهلاثناء اجنت بنيه اسمها نورا جانت مزوجه قبل شهر يعني عروسه قصيره جانت وتارسه وبشرتها حنطيه وملامحها حلوى وبعدها اجت طالبه ثانيه اسمها هند طبعا هند الانوثه الطاغيه انيقه لبسها كله ماركه والميك اب والعدسات جسمها حلو ومخصر وهي اطول وحده بينا وجانت طفوليه ومرحه ودلوعه ع الرغم ان لمى احلى منها بس هي ملفته للنظر اكثر بدينا نتعارف وحده ع الثانيه هند ... لمى شلون اتوفت اختج لمى ... اثناء والولاده نورا ... وطفلها الي ولدته لمى ... ولدت بنيه زينه واحنه جاي انربيها انه وماما ماصرلها هواي من توفت توها طلعت من الاربعين اني ماردت اسالها لان حسيت كل كلمه تكولها عن اختها تاخذ الف حسره ودموعها ماوكفت وهي تحجي رسا غيرت الموضوع ... نورا زوجج ازوجتيه عن حب لا وين خطبة اهل لاحب ولا بطيخ هند ... يمعوده هو اكو حب بهلوكت كلهم كلاوجيه ليش هند لسه الدنيا بخير مو كل اصابيعج سوى يمعوده يجي اليوم واذكرج بكلامي اوك ان شاالله شويه واجه استاذ دخل للقاعه وظل يشرح
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مر شهر ع دوامنا وزادت علاقتي اكثر ويه صديقاتي وتعودنا ع الدوام ع الرغم دراستنا صعبه بس الدوام كان ونسه وضحك وسوالف ونقلد ع الكبلات وع ولد المرحله يعني بالفعل الكليه حياة جديده وحلوى طبعا اني رافضه رفضا تاما اكون علاقات لعده اسباب اولا ما اريد افقد ثقه بابا بيه وبالاخص همه عدهم تحسس من هذا الموضوع وثانيا اني طموحه احب اكمل درسات بعد التخرج فاذا نشغلت بالحب اكيد ما راح اكمل ثالثا شلي بوجع الراس وسهر اليل هيج مرتاحه واذا بالي اعيش هاي التجربه فاحب اعيشها ويه شريك حياتي المستقبلي خلال هاي الفتره تعرفت ع البنات اكثر وعن مشاكلهم نورا جانت يتيمه الاب ومن عائله فقيره ازوجت حته تخفف العبأ عن اهله وحته تكدر تكمل جامعه زوجها جان موضف وحالته زينه بس المشكله يحب النسوان ودايما يخونها وماكو بينهم اي مشاعر بس مجرد زوجه وام جهاله جانت تكسر الخاطر دايما تجي تبجي وتشكي من معامته ويها وضربه الها ويعيرها بفقرها ماجان بيدينا وسيله بس نواسيها اما لمى فزوج اختها تقدملها للزواج وهي رافضه الموضوع
وهند جانت طيبه وفقيره والي بقلبها ع لسانها بس دائما بينا سوء تفاهم لان جنت احاول انصحها بسبب اختلاطها ويه الشباب .. امها وابوها منفصلين عن بعض
فد يوم جنا كاعدين انه وصديقاتي بالحديقه اتصل عليه رقم غريب مخازنته بجهازي بالبدايه مرديت عفته بعدين دزلي مسج ... هديل ردي ... انه كلت اكيد وحده من صديقات الاعداديه فتحت الخط الووو.. الووو.. ( صوت ولد ) كلت اكيد واحد من اولاد عمامي منو انته.... معجب بيج من واول نضره اخذتي عقلي وقلبي وروحي .....
