فاعل خير

بارت 1

#فاعل خير
#بقلمي طيبة الربيعي
البارت الأول

قصة تختلف عن باقي قصصي بعض الشي
اتمنى تنال اعجابكم، كالعادة اريد تصبرون وياية
وهل قصة اريد اطول بيهة
لحد يستعجلني ارجوكم
علمود اكتبهة براحة وانتو همينة تستمتعون وياية بكل حدث
لتنسون التصويت حبايبي😍

(للكاتبة طيبة الربيعي)
صدمتآن في آنٍ واحد
"صدك الداكولة حقيقة ليش الفق كلام مراح يدخل شي بجيبي"
"مو داخابر ليش مجاوب، بس كلي منو انتة وشعرفك بيهة"
"مو مهم منو اني، فاعل خير، راقبهة وتأكد بنفسك اذا حقيقة لو تلفيق"
تخبلت شنو الفلم، رجعت اتصلت طلعلي مغلق
ضل راسي يفتر
منين يعرفهة، منو هذا او هاية
اني سامر
طالب جامعي مرحلة ثالثة
عمري 23
تارك سنتين عناداً بأهلي
جانو يلحون علية بالدراسة وحتة ليلحون
بطلت سنتين(للكاتبة طيبة الربيعي)
تالي رجعت لان حسيت بفراغ بحياتي
والدي متوفي واني المعين
الوحيد لأهلي
عندي اربع اخوة صغار
واحد 16 والثاني 17 والثالث 20
والبنية 5
والدي توفة بانفجار
هو تاجر ويروح ويجي ويسافر
وبيوم راح للنهضة يجيب بضاعة
ومارد، الله يرحمة مرينة بمواقف حرجة
وفترة حيل صعبة
بس عمامي وكفولنة وكفة زلم
شغلوني عدهم وساعدوني بالمصروف
لحد ما بديت اعتمد علة نفسي
وعساس اخوتي هم بس مارضيت
بس اخوي صالح، العمرة 20(للكاتبة طيبة الربيعي)
هسه بدة يشتغل وياي لان مقرر ارجع افتح محل ابوي
بس هل مرة محل عبي
لان ابوي جان مفتح مال كماليات
وكمت اتشائم منهة
ورة الدوام اطلع للشغل
ومن ارجع تعبااان منتهي حتة مالحك اتعشة
ابقة عالغدة بالمحل
بس هسه من صالح بدة وياي
كمنة نتشارك الاوقات
المهم
احب بنية وياي بالجامعة
ونيتي وياهة زواج بس اتخرج
وارتب اموري
تعجبني البنية الثكيلة وهية حيل حبابة
ماشفت منهة زايدة ناقصة
صارلي سنتين وياهة(للكاتبة طيبة الربيعي)
بس هل رقم من دزلي هل رسالة
"دير بالك، دتنخان والمي تجري من جواك، نور تخونك من زمان"
ضليت صافن، منو هذا
وشدرا، خابزهة وعاجنهة نور
مستحيل تخون، بنية شريفة وحبابة
بس هواي يغارن منهة واكيد وحدة منهن
وهواي ينجذبلي ويحاولن رغم يعرفن
بعلاقتي بنور
داومت ثاني يوم راسي مسطور
كعدنة بالكافتريا بس اني وياهة
طلبت منهة احاجيهة(للكاتبة طيبة الربيعي)
نور: شبيك سامر خوفتني
سامر: ليش مسوية شي وخايفة لا اعرف؟
نور: هاي شبيك، معقولة هذا انتة؟
سامر: نور اذا ضامة علية شي احجي
نور: سامر شبيك شضم عليك، كلي شصاير ترة اني نور سامر لتنسة
شفتهة ضاجت: هذا هو، روحي محاضرتج راح تبدي، من تخلصين خابريني
كامت: انشاءالله
راحت ضليت اباوعلهة
شبية اني صدكت، هاي نور
مو هالله هالله
مشت الايام، ورجع نفس الرقم دزلي
"اذا متصدك اخذ جهازهة وشوف، مراح تطيكيا اذا مأخذتة بدون علمهة"
تخبلت منو هذااا
اتصلت سدة(للكاتبة طيبة الربيعي)
"مو داكلك فاعل خير، اتمنة تشوف الي يجري حواليك، لتنعمي بحبهة وتنصدم بعدين"
دزيت "اذا بيك خير لو بيج خير تعاي قابليني واحجي هذا الحجي كدامي حتة اعرف شلون اتصرف"
مجاوب بعد، السالفة دوختني
وحاولت انساهة بس الشك موتني
مر اسبوع واني افكر
ما فد يوم سويتهة وفتشت جهازهة لان واثق منهة
راقبتهة من تفتحة وعرفت كلمة السر
اسمهة واسمي ومواليدنة
وبيوم كاعدين وكالت
نور: حبيبي جيبلي مي
سامر: كومي انتي راح اخابر الولد علمود المحل
نور: ماشي
سويت نفسي اخابر، من شفتهة ابتعدت
اخذت جهازهة وفتحتة
ضليت اكلب اكلب
لكيت رقم ممحجوز(للكاتبة طيبة الربيعي)
متصل بيهة
دكيت عليه
وكلبي يدك الف دكة بالثانية
طلعلي صوت بنية
كبل سديتة
ضليت اكلب واكلب
رسائل بينهة وبين صديقاتهة عادية
ماكو شي يثير الشك
دخلت علة صورهة
ماكو شي طبيعيات
نور: شدتسوي؟
باوعتلهة: هيج(للكاتبة طيبة الربيعي)
كعدت: سامر شنو سالفتك، اذا اكو شي فهمني ليش دتبحوش وراية، ترة ملاحظة هل شي لا عبالك غبية
سامر: ماكو شي، مو من حقي الزم جهازج لو شنو
نور: من حقك، بس مو بهيج طريقة، قابل شعندي، انتة شنو تشك بية؟؟؟
سامر: ماشك لا، بس فضول
اخذت جهازهة والجنطة وكامت
سامر: وين
نور: لمكان انتة وشكك مموجودين بي
وراحت، شسويت اني البنية ماعدهة شي
خرب بيك، منو هذا راح اتخبل
ضليت شهر
حسبة اجيبني وحسبة توديني
بس لو اعرف منو
نور ضايجة مني وتبجي لان سويت هيج
وشكيت بيهة(للكاتبة طيبة الربيعي)
سامر: عمري ماشكيت، بس فضول ليش تبجين
نور: مابية شي روح سامر، خليني بحالي
صديقتهة روى: كومي نبأ خل نشتري مي عطشت
راحن واني ضليت كاعد احاجيهة
لحد ماقتنعت
نور: شنو الي خلاك تشك بية، مدافتهم ليش هيج صرت سامر
معقولة بطلت تحبني
سامر: اش لج، شنو بطلت احبج، ولج انتي ماي عيوني، بس الشيطان لعب بعقلي ماقصدي شي صدكي
واستمرت الايام
نور حتة ماعدهة هواي صديقات
شكم وحدة مجرد زميلات
وروى ونبأ مقربات
وحبابات ماشايف ولا سامع عليهن شي
وصديقي احمد يحب روى وحاجي وية اهلهة
بس يتخرجون يخطبهة
ونبأ صاحبي انمار رايدهة والبنية حتة متنطي مجال
وبيوم كاعدين(للكاتبة طيبة الربيعي)
مجموعة
ونور كاعدة بصفي وصديقاتهة موجودات
وجماعتي وبنات ثنين صديقات اصدقائي
وحدة منهن مارتاحيتلهة
تباوعلي وتبتسم بصورة مو حلوة
ابتسامة بيهة اغراء
وضلت هاي البنية تحاول تتقربلي
ومن صديتهة اكثر من مرة
كامت تبسمر
هالة: حظ القبايح بالسمة لايح
واني مطنشهة، اعرف تقصد نور
ونور ماتدري ماحجيلهة
لان عادي غيرة بنات
ومن فتحت المحل وكونت نفسي
بديت اجمع يم امي حتة اخطبهة
بس بعدهة مرحلة ثانية واهلهة ميقبلون
الة تتخرج، اهلهة حيل مثقفين
وبنية نشأت بين هيج عائلة ماكو شي
يوحي عدهة هيج سوالف تعبانة
والاهم اني اعرف طينتهة شنو(للكاتبة طيبة الربيعي)
وضل هل رقم يدولب بية
خبلني، وبيوم دزلي رسالة وكفت شعر راسي
"شوف النظرات بينهة وبين الولد الوياهة، زيد"
دزيت "اذا ماجوز اطلعك من جوة الكاع، ولك اذا بيك خير تعال حاجيني وجه الوجه يا مرة"
"والله انتة غشيم"
اشتغفرالله يا ربي
هواي مشاكل كامت تصير بيناتنة
وماشفت عليهة شي
البنية تحبني واحبهة
عليمن ضالة وياي سنتين اذا ماتحبني
ضل الرقم يومية يدز شي يوكف شعر راسي
وضليت اراقبهة النور
ماكو شي ياربي ماااكو
خليت صاحبي احمد هم يحاول
يجر لسان روى(للكاتبة طيبة الربيعي)
يكول من حجيت هيج وياهة ضاجت
وكالت اذا صديقك يشك بيهة خل يعوفهة
ماعرف شنو القصة ليش هيج
يعني الغيرة توصل لهل درجة؟
نسيت السالفة والرقم حضرتة بس ضليت حافظة
كلشي يصير
ورجعت علاقتي بنور مثل قبل
وصرت اني مرحلة رابعة وهية ثالثة
كامت تجيني رسائل من غير ارقام
وهاي البنية التغمزلي وتسويلي حركات
ضل كلبي يلعب منهة
وقررت اروح احاجيهة(للكاتبة طيبة الربيعي)
سامر: ترة اني احب نور ونيتي وياهة زواج، كافي تشوهين بصورتج كدامي، ثكلي شوية
رشا: ليش عيني، ترة نور متفيدك صدك
حاولت اتحكم بغضبي
ومامد ايدي عليهة لان بنية
سامر: ترة اعرف بيج انتي الدزين، مامليتي صارلج سنة، ترة تصير مو خوش اذا عدتيهة
رزلتهة رزالة معدلة ورحت
وصدك هل رقم بعد مادزلي
اختفة شكي بيهة
اذا اني من هسه امشي بكلام الناس
واشك بالانسانة الاحبهة
باجر عكبة شسوي
استمرت الايام والرقم ما ظهر بجهازي بعد
وبيوم ضارت مشكلة بين روى واحمد
سامر: شكو شبيكم
احمد: ماكو شي
سامر: هو شنو الماكو، شوية وتتماخلون، احجي ولك
احمد: ختولي ماريدهة بعد
سامر: ااه؟ وليش ماتريدهة، شسوت البنية
احمد: سامر سد الموضوع، ماحبهة ولعبت روحي منهة
سامر: وزن كلامك، البنية حبابة شنو ماحبهة شنو لعبت روحي منهة
احمد: اي مليت منهة هذا هو سد الموضوع ترة اكوم
سامر: براحتك
يكول ماحبهة وعيونة تراقبهة
وهية اشوفهة مقهورة
نور تكول متقبل تحجيلي تكول ممتفاهمين
واختارينة نفترق(للكاتبة طيبة الربيعي)
حاولنة اني ونور نرجعهم بس مافاد
ثنينهم قافلين
بس احمد اكثر
سامر: انتة شبيك ليش هيج راسك ياابس!
احمد: سامر اكلك انسة الموضوع، كمت ماحبهة مثل قبل
سامر: والله انتة ماتستحي علة نفسك، لك بنية درة مال الله
احمد بعصبية: احمد اسكت، انتة تعرف شي واني اعرف شي كافي
سامر: شسامع عليهة، اي غير تفهمني
احمد: ماسامع مابيهة شي، اني ماريدهة بعد، مع السلامة
وراح، عفتة براحتة
اذا يحبهة وتحبة يرجعون
بس اذا اكو جذب ونفاق بواحد من الطرفين
فهذا مو حب حقيقي
وبيوم لعب كلبي من نور
سوت شغلة اثارت شكي
كاعدين واجتهة رسالة(للكاتبة طيبة الربيعي)
شفت بس من قرتهة كبل سدتة
سامر: شكو
نور: ماكو شي حبيبي، هاية بسمة كالت ماما تخربطت نزل ضغطهة
سامر: سلامتهة، ضربي اخر محاضرة وروحي شوفيهة
نور: لا هسه مابيهة شي، الصبح متخربطة، من ارجع اطمن عليهة
الكاتلني الشغلة تكررت
واني ضليت ملتهي بين المحل والدراسة
التهيت كلش
ونور مساندتني بكل خطوة
وبيوم كاعدين
اني وياهة ونبأ
نعادت الشغلة(للكاتبة طيبة الربيعي)
جريت الجهاز منهة
نور: هاي شبيك!
قريت رسالة من روى
البنية كامت مداوم ماعرف السبب
بس نور كالت مقهورة علة احمد حيل
قريت "هذا هو مدام تخلة عني، اني راح اتخلة عنة، بس كلبي راح يبقة مجروح"
اجت رسالة ثانية
نور بعصبية: سامر جيب شنو هل تصرف!
خزرتهة: اوكفي
"بس لتكليلة راح انخطب، ماريدة يسويلي مشاكل لان اعرف مراح يخليني اتهنة"
ضجت كلش، باوعتلهة
سامر: ليش ماكتيلي
نور: اكيد ماكلك باع تصرفاتك
جرت الجهاز وكامت(للكاتبة طيبة الربيعي)
ونبأ البنية ساكتة تباوعلنة
سامر: نبأ تعرفين شي؟ صاير شي؟
نبأ: لا، ليش
سامر: يعني صديقتج وماتعرفين ليش افترقت عن حبيبهة؟
اخذت جنطتهة وكامت
نبأ: من رخصتك بدت محاضرتي
وراحت، راح يخبلني ذني
اكو شي، وجبير همين
توترت علاقتي بنور
ويومين ماجت للدوام
سامر: احمد تعرف بروى راح تنخطب؟
شفت لونة انخطف: شنو؟ منو كلك
سامر: نور، شنو فلمك يعني تخليهة تروح من ايدك؟
اخذ جهازة وخلا علة اذنة(للكاتبة طيبة الربيعي)
يهز برجلة ووجهة صار احمر
ضل كلسع يدك بس الظاهر ماكو جواب
من الشخص اليدك عليه
احمد: خرررب، لك سامر شلون تنخطب فهمني، متأكد انتة لو بس سمعت
سامر: يابة قريت الرسائل بينهة وبين نور، وكالت خطبوهة وراح توافق
احمد تخبل وضل يروح ويجي
اني كوة لازمة
راد يروح البيتهم واجر بي
احمد: وين نبأ، خل احاجيهة
سامر: ليش
احمد: بس تعال وياي
رحنة ندور علة نبأ(للكاتبة طيبة الربيعي)
لكيناهة توهة طالعة من المحاضرة
نبأ بخوف: خير شبيكم
احمد: تعاي احاجيج، سامر هسه نجي
اخذهة وراحو
واشوفة من بعيد يحاجيهة والبنية وجههة كام ينطي الوان
اوف شهل الغاز هاي
اول تالي يضمون علية
شوية وراحت وهو رجع
سامر: لك شتريد تسوي فهمني
احمد: اروح احاجيهة
سامر: تخبلت؟ لك واهلهة؟؟
احمد: نبأ راح ادبرهة
وثالث يوم داومت نور
ضليت افور، شلون ماحاجيهة
مشتاقلهة حيل(للكاتبة طيبة الربيعي)
واشوف نظرات العتب بعيونهة
ورحت احاجيهة
بالكوات صالحتهة
وكامت تبجي
نور: يعني تشك بية وتتصرف هل تصرفات ومتريدني انقهر؟ سامر بطل ترة تعبتني والله تعبتني
سامر: نور عيوني ماتنعاد، فرديهة عاد

يتبع...🌺