#فاعل خير
#بقلمي طيبة الربيعي
البارت الثاني
(للكاتبة طيبة الربيعي)
ورجعنة، شوية شوية
نسيت الشك وحلفت بعد ماشك بيهة
واي رقم يدز كبل حظر بدون ماشوف
محتوة الرسالة
احمد رجع روى بالدفرات
وراح خطبهة واهلهة وافقو
بس العرس ورة التخرج
رجعت حياتنة طبيعية
تخرجت اني وبدة الاشتياق لايام الجامعة
ثنينة اني واحمد منتظريهن يتخرجن
وبيوم دك رقم(للكاتبة طيبة الربيعي)
جاوبت، اصيح الو الو ماكو صوت
وضل هل رقم بس يدك
اذا ماجاوبت يضل يدك لحد مارفعة
ومن اجاوب ورة اسبوع اسبوعين يلة يرجع يدك
واني ونور متواصلين
بفراغي اروح اشوفهة واكعد وياهة
بس بديت احس بتغيير بنور
كامت تهملني
ومن ادك عليهة الكاهة مشغول
ومن ترجع تخابرني تكلي وية روى لو وحدة
من البنات، وانوب دراستهة صعبت
وصارت تلتهي عني
بس اني عاذرهة اعرف اخر مرحلة صعبة
ويرادلهة تركيز(للكاتبة طيبة الربيعي)
ضليت اشتغل وحدي بالمحل
ومرات اخلي اخوتي بمكاني اذا التهيت
دعوات امي وفقتني
لو ما دعواتهة اني ماتوفق
وبيوم دك الرقم نفسة
فكرت، دخلتة بالفايبر
بالواتساب ماكو
ماكو الة حساب بأي برنامج
المهم
جاوبت، سمعت بجي
بجي بنية
سامر: يمعودة منو انتي فهميني، خل اعرفج منو
سدتة
وهم استمرت تخابر
مرات اسمع بجيهة
واضل وياهة عالخط احاول اميز الصوت
بس ماكو نتيجة، صوت البجي ميجيب نتيجة
حاولت احجيهة ماكو(للكاتبة طيبة الربيعي)
لحد ما جزعت وصلت لزردومي
سامر: ولج اذا ماتحجين اخذ الرقم واروح للشركة اعرفج اعرفج، يجيب عنوان بيتكم والله
سدتة وبعد ابد مخابرت
وبيوم رحت لنور للدوام
ماخبرتهة حبيت اسويهة مفاجأة
لكيت نبأ تبجي وروى تسكت بيهة
سامر: السلام عليكم
روى: وعليكم السلام
نبأ مسحت دموعهة وماباوعتلي ولا ردت السلام
سامر: خير نبأ شبيج، صاير شي؟
روى: لا ماكو شي، نورت اشتاقينالك
سامر: نوركم والله اني هم مشتاقلكم
كعدت بصف نبأ(للكاتبة طيبة الربيعي)
سامر: شبيج نبأ كليلي محتاجة شي صاير وياج شي
باوعتلي بنظرة
كلهة حزن وقهر وهزت براسهة لا
ورجعت دنكت تلعب بيديهة
روى: سامر نور بعد شوية وتخلص محاضرتهة، اذا تريد روح انتظرهة
سامر: لا انتظر هنا عود، كليلهة سامر اجة خل تجي من تخلص
روى: ماشي
سامر: نبأ
نبأ: ها
سامر: شبيج، هاي اخر مرة اسألج، خاف انمار مضوجج
نبأ: لا مابية شي
تحجي بخنكة، انقهرت عليهة
باوعت الروى تباوع عليهة بقهر
سامر: شنو سالفجن شصاير
روى: ماكو شي لتشغل بالك، نبأ تعبانة من الدراسة وامهة مريضة لهذا السبب مقهورة
سامر: سلامتهة ماتشوف شر، خاف محتاجة شي الله عليج احجي(للكاتبة طيبة الربيعي)
نبأ: لا سلامتك
كامت: من رخصتكم بدت محاضرتي
وراحت، بس راحت باتجاه الحمامات
انقهرت عليهة لان يتيمة الاب، وامهة الوحيدة
التحن عليهة، اخوتهة زمايل يمشون بحجي نسوانهم
ومشوفيهة الويل، دائما اتعاطف وياهة
رحت اشوف انمار
كلي مامسويلهة شي والله
ضاج وانقهر
وكال ورة الدوام احاجيهة
شفت نور ورجعت لشغلي
من تخرجت رحت خطبتهة
واهلهة وافقو بس شروطهم تكسر الظهر
بيت وحدهة واسجلة باسمهة
ويردونة مأثث باثاث فاخر(للكاتبة طيبة الربيعي)
بس ماحجيت شي، وبديت اجمع اكثر
لان الفلوس طلعت ماتكفي مطالبهم
وبيوم كلت احاجيهة، بلكت يخففون شوية
اني هم رجال علة كد حالي
بس ماتقبلت كلامي وضاجت
نور: يعني اني ماستاهل ادللني
سامر: حبيبتي شلون مادللج، بس مو هيج، يعني حبي الج مايكفي؟
نور: حبيبي غير طلبات اهلي بعد، ميخالف انتة كون نفسك ونتزوج ممستعجلين
سامر: شلون ممستعجلين نورة، ترة صارلي هواي منتظر تتخرجين، اريدج يمي بعد مليت
نور: ميخالف حبيبي هانت
وبدت نور تتغير، وطلباتهة كثرت
يعني قبل جنت اشوف الحب بعينهة
هسه ماشوف غير الطمع(للكاتبة طيبة الربيعي)
واسمع بس الطلبات التكسر الظهر
يومية تريد طلعة ولاماكن راقية وحيل غالية
بدة العرك بيناتنة، واني طكت روحي
ضليت اشتغل بكل قوتي
احبهة ورايدهة بالحلال
يعني هو هذا اليريد الحلال هيج؟
لو باقي بس علاقة هواي اشرفلي
رجع نفسة الرقم يدك
واني ماجاوب
ماعندي وقت اصلا
بس بيوم دك بثنتين بالليل واني بعز نومي
جاوبت اريد اطلع حركة كلبي
سامر: وتالي! وتالي! تحجين انتي منو لا اكلب الدنيا فوك راااسج!
سدتة، شمرتة ورجعت اريد انام
اجتني رسالتين
"نور متحبك بكدي، اني علمودك سامر نور متستاهلك"
"اذا متصدكني فتش جهازهة، رااقبهة، ترة هية هواية حذرة ومتبين، دير بالك سامر دير بالك"
سديتة طار النور من عيني(للكاتبة طيبة الربيعي)
وقررت اروح للشركة واعرف الرقم تابع المن
الرقم تابع المرة
ومن عرفت العنوان وكف شعر راسي
بيت اهل نبأ!
معقولة نبأ!!!
مستحيل، هاي نبأ الفقيرة
تغار من نوووور
نور صديقتهة
خرب شهل مصيبة
رجعت بليل ورة الشغل
راسي مسطور سطر
حاجيت نور ووراهة طبيت سبحت
وضليت متردد
اخابر لو لا(للكاتبة طيبة الربيعي)
خابرت، ماكو جواب
دزيت رسالة
"حاجيني، عرفت انتي منو"
ماكو جواب
بليل ب12 اجتني رسالة
"منو اني"
"نبأ"
مجاوبت بعد
اربعة ايام ماكو
اريد اعرف ليش تسوي هيج
ليش ونور صديقتهة
ماشفتهن تعاركن بيوم
شنو الفلم
نبأ تحبني؟
واني اكول ليش رفضت انمار
شكد حاول وياهة ترفض ترفض
بس ردت اعرف شنو غايتهة
وليش تخرب بيني وبين نور وهية صديقتهة
وبيوم دزيتلهة رسالة
"اذا ماجاوبتيني اجي البيتكم واحجي كلشي لأخوتج"
دزت "لا سامر الله يخليك، هذا هو بعد مادزلك"
"ليش تشككيني بنور، شنو غايتج نبأ"
"لان نور تخونك، ومن زمااان، هذا هو مدام(للكاتبة طيبة الربيعي) ممصدكني بعد مادزلك وعد بس لتحجي شي لأحد الله يخليك"
"راح اخابرج جاوبي"
خابرت مجاوبت
"سامر الله يخليك هذا هو، بعد ماحجي ولا ازعجك"
"اذا مارديتي اجي البيتكم والله، ردي"
خابرتهة جاوبت
سامر: الو
اسمع بس صوت انفاسهة
سامر: نبأ حاجيني، ليش سويتي هيج، شمسويتلج نور
مجاوب
عصبتني: تحجين لو شلون!
نبأ: شحجي
سامر: شو انبلع السانج هسه، احجيلي ليش سويتي هيج شمسويتلج نور
كامت تبجي
سامر: اهو، ولج انتي شكد خاينة نور شكد تحبج وتعزج، ليش ماتريدين سعادتهة، ليش هيج انانية
بس تبجي
سامر: ولج اذا ماتحجين اجيكم والله
نبأ: كافي سامر بعد ماحجي مالي دخل، بس والله كل الكتلكيا صحيح، صدكني، واني اقرب وحدة الهة اعرف كلشي، ماريدك تبقة مخدوع
سامر: اريد اشوفج(للكاتبة طيبة الربيعي)
نبأ بصدمة: شنو
سامر: اشوفج شبيج انطرشتي، اريد احاجيج وجه الوجه
نبأ: لا عفية سامر والله ماكدر، كتلك هذا هو بعد مازعجك
سامر: نبأ آخر مرة، طلعي من حياتنة، ترة اوصل كلشي لنور
نبأ: وصل، خليهة تعرف، انتة تعرف شي واني اعرف شي
سامر: حذرتج بعد، اجي لاهلج واخرطلهم كلشي
وسديتة، بعد ابد مادكت
بس المشاكل بيني وبين نور كثرت
ساعة سوالف حب ساعة عرك
ماشفت شي عليهة(للكاتبة طيبة الربيعي)
بس كلبي يشك مادري ليش نبأ زرعت هل شك بية
وحقدت عليهة لان هية سبب الدمار بيناتنة
وبيوم رجعت دزتلي
"سامر والله مداكدر اسكت، والله تخونك والله"
ماجاوبتهة
بس فورت دمي
وحلفت الة اتوبهة
طلعت روحي
بديت اراقب بيتهم
واشوفهة شوكت تطلع واطب
ماطلعت وحدهة بس مرة
ودخلت البيت جيرانهم(للكاتبة طيبة الربيعي)
وبيوم طلعت وحدهة
دكيتلهة هورن
جان الشارع يصوصي
ماندارت علية ابد
مشيت بصفهة
سامر: نبأ
شافتني جفلت
نبأ: عفية سامر شتسوي هنا
سامر: تعاي صعدي خل احاجيج
كامت اطكطك
نبأ: عفية روح والله اذا اهلي شافو يموتوني
سامر: راح تخليني انزل وصدك افضحج، صعدي!
كامت تتوسل
بالأخير صعدت
مشيت بالسيارة طلعت لمكان فارغ
نبأ: عفية سامر ابوس ايدك رجعني، والله اهلي يموتوني
طفيت السيارة
وباوعتلهة: يلة احجيلي، شنو فلمج انتي ليش ماتحلين عني!(للكاتبة طيبة الربيعي)
كامت تبجي
سامر: لاتعوين، ترة وصلت عندي لهنا والله، اريد اموتج بيدية بس كوة لازم روحي، كليلي ليش تغارين من نور، ليش مو صديقتج!
نبأ: والله ماغار منهة، تخوونك دااكلك
جريتهة من ركبتهة بجت بصوت عالي
سامر: ولج انهيج والله اذا جبتي سيرتهة علة السانج، اطيح حظج واذبج للجلاب!!
دفعتهة: احجي يلة! اذا تخوني اطيني دليل
نبأ: والله وروح ابوية تخونك بس مابيدي دليل، وية زيد تذكرة الولد الويانة
سامر: ولج هاي لان حاطة عينج علية تلفقين بالكلام عليهة
نبأ: مو هيج صدك
رجعت تبجي
سامر: كافي راح اضربج، كافي، جيبيلي دليل واصدكج(للكاتبة طيبة الربيعي)
نبأ: منين اجيبلك
سامر: طبج طوب لعد، لادزيلي بعد هل مرة راح افوتهة مرة ثانية اكلب الدنيا علة راسج
رجعتهة وطلعت للبيت
استمرت الايام عادي
بعد ماسمعت شي من نبأ
وعرفت كلامهة كلة جذب
لان مادزتلي اي دليل
ونور ماعدهة شي ماشفت شي عليهة ابد
شكد راقبت فتشت كلشي ماكو
جمعت فلوس واشتريت قطعة صغيرة
100 متر(للكاتبة طيبة الربيعي)
وكتلهم هاي امكانيتي وورة الزواج اسجلهة باسمهة
مارضو وصار حجي هواي
بس بعدين ابوهة كال هذا هو
مادام تكتبهة باسمهة مو مشكلة
بس تبنيهة مو تضل هيج
كتلة اكيد
بس الله يرزقني ابنيهة
وبدينة نحضر للعرس
بس اني الفار بعدة يلعب بعبي
وبيوم رجعت نبأ دزتلي
"مكدرت احصل علة دليل، بس جر لسان روى، صدك راح تعرف كلشي منهة"
حاجيت احمد، كلي صدك تحبك
لان عركتي وية روى علة هاي السالفة
كتلة غير تكلي(للكاتبة طيبة الربيعي)
كال ماردت تصير مشاكل
المهم كتلة اريد احاجي روى
حتة اطفي الشك البكلبي
واتوبهة النبأ
حاجيت روى
سامر: روى كليلي قبل لا ارتبط بيهة واكون عائلة، شنو السر الضاماتة علية
روى: ماكو شي سامر، ليش شسامع
سامر: ترة نبأ حجتلي كلشي، اريد اعرف منج حتة اصدك
روى: عزةة شحجتلك
سامر: هااا يعني اكو شي
روى: سامر لتورطني اني مالي دخل فدوة
سامر: احجي روى ترة اذا بعدين عرفت اكلب الدنيا عليجن وانتي اولهن!
روى: ماكلك غير كلام نبأ صحيح، فدوة سامر لتورطني
انصدمت: يعني نور صدك تخوني؟
ورى: اي
سامر: روى ريحي كلبي ويجيبيلي دليل، لخاطر الخوة اعتبريني اخوج وساعديني
روى: كتلك ماريد ادخل واسوي مشاكل(للكاتبة طيبة الربيعي)
سامر: صدكي ماجيب سيرتج، لا انتي ولا نبأ بس احجيلي وجيبيلي دليل
روى: شوف سامر، راح اساعدك لان انتة ولد طيب وتستاهل كل الخير، نور جانت انانية من حبتك، نور عنادا بنبأ انطتك مجال
سامر: شلون
روى: نبأ الي جانت تحبك، وتذكر من جانت تبجي وانتة اجيت؟ جانت تبجي علة حبهة الك، تنقهر من تشوف نور تخونك وتبقة ساكتة، مااكلك نور متحبك، بس قبل جانت عدهة علاقة بزيد، زيد كرايبهة من بعيد، ومن جانت بالخامس اعدادي هية ويا علاقة، ودازلتة صور بدون حجاب ومن صارت علاقتهة بيك كام يهددهة اذا مستمرت ويا يفضحهة وينشر صورهة، وهية من يومهة ويا تخاف تعوفة ليفضحهة، كايللهة من تتزوجون امسحهن واعوفج، صدك نبأ(للكاتبة طيبة الربيعي) هية الحبتك من كل كلبهة ورغم تشوفك وية نور، تحبهة وعلاقتك بيهة قوية، بقة عدهة امل يجي يوم وتحس بحبهة الك، وترة هية لان تعرف بسالفة نور بقت تحبك لان تعرف بيهة متستاهلك
الصدمة صارت صدمتين
وفاء الماحبهة، وخيانة الاحبهة
يتبع ...🌺
أنت تقرأ
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
