فاعل خير

بارت 10

#فاعل خير
#بقلمي طيبة الربيعي
البارت العاشر

(للكاتبة طيبة الربيعي)
عيني بالكنتور وايدية يرجفن
حسيت بجرة من ايدي
جرني جر وكفني كبالة
وخنزر بعيني
يمة اول مرة اكون قريبة عليه كل هل قرب
بيناتنة يمكن ثنين سنتيمترات
انفاسة الحارة بوجهي
وانفاسي الي كامت تطلع بقوة
بلعت ريكي
سامر: انتي ليش هيج لحوحة؟!
سامر ...بيومهة كوة نمت
التفكير موتني
وحسيت بروحي ضعيف الى درجة
تخليني امد ايد العازة لعمامي
هواي ساعدوني وزحمة ارجع اعيد الكرة
اليوم كلة اني دايخ(للكاتبة طيبة الربيعي)
وبالشغل وحدي صالح حالتة حالة
كل ماطبلة للغرفة الكا يبجي
اعوفة واطلع
لان ماكدر اوعدة واني ماشايل فلس احمر بجيبي
من رديت للبيت
تعشينة وهاي
امي رادتني
سامر: ها يمة
ام سامر: ماما اخوك راح يموتني، لا ياكل لا يكعد ويانة
مابي روح، كتلك عندي جم فلس جوة ايدي و نباوي والله يوفقهة انشاءلله عدهة ذهب متريدة
قاطعتهة: يمة عوفي البنية، ماخذ منهة شالقصة!
ام سامر: سدمعني يا ماما ليش بسرعة تتهجم، دسمعني، متبيع الذهب الاشترينا الهة، الجابولهيا هدية ممحتاجتة وتحلف بروح ابوهة متريدة ذابتة وتريد تتصدق بي كالت ابدال ماتصدق بي خل نستفاد منة نزوج صالح هم احنة نرتاح وهم هو
عصبتني تحلفتلهة اليوم(للكاتبة طيبة الربيعي)
سامر: يمة موضوع ينسد،ماريد اي احد يفتحة مرة ثانية، مو طرطور ونثية اني اخذ فلوس مرتي وازوج اخوي بيهن، واذا رجعت فتحت الموضوع وياج سكتيهة
ام سامر: سامر انتة ليش هيج؟ يعني حالتنة حالة واخوك صاير خيط وعضم لاياكل ولا يشرب مخلصهة بجي، هية البنية متريدهن ودتريد تساعد ليش قافل
كمت: يمة، حجاية متتثنة، فلوس نبأ مالنة شغل بيهن
وطلعت، صعدت طبيت للغرفة
ماكدر احجي كدام فطيم
من طلعت سديت الباب
تسوي روحهة ممنتبهة
ولج ليش مااعرفج
جريتهة ردت اضربهة
بس كلبي ماطاوعني
تباوعلي ابرائة
نبأ: سامر والله ماقصدي اضوجك، كل الي اريدة سعادة صالح
خطية
نبأ ...عصر ايدي متت(للكاتبة طيبة الربيعي)
سامر: شلون تفتحين الموضوع وية امي؟! شحجيت اني!
نبأ: والله والله اسفة ماقصدي اكسر حجايتك، بس انقهر علة صالح خطية، واني ممحتاجة لا فلوس ولا ذهب يكفيني انتة دتصرف علية ومعيشني احلة عيشة، والله كلشي ماريد بس اساعد صالح
سامر ...كلامهة ريحني، يعني مرتاحة بالعيشة
رغم ماطلعهة ولا اجيبلهة شي غير الحلويات
راضية ومقتنعة بالعندهة
خففت لزمتني بس بقيت لازمهة
سامر: آخر مرة هاي يا نبأ، اذا سمعت بالسالفة مرة ثانية اجي احاسبج الج اتخبل عليج
اشرتلي براسهة: هذا هو ماعيدهة بعد
عفتهة: باجر سويلنة هاي الاكلة السويتهة ذاك اليوم، مال معكرونة
نبأ ...فرحت من طلب مني اسويلة
يعني اكلي يعجبة
نبأ: تدلل من عيني
باوعتلهة: نبأ(للكاتبة طيبة الربيعي)
نبأ: ها
سامر: بعد لتبجين من اتعصب عليج، اعزج هواي صدكي ومن تكسرين احجايتي اضوج لان تهميني، والا ماهتم ولا احاسبج
يمة بلحظتهة عبالك صار عندي جناحين
وكمت اطير
والي شكلي هل جناحات احجاياتة
سامر ...صارت حمرة دنكت راسهة
هههه
نبا: ماشي
ثاني يوم حاجيت صالح
وكتلة تدبر انشاءلله بس ارجع عيني بالشغل
نوكف علة حيلنة سوة حتة نجمع هل قاسمة الله
ونروح نخطبهة
شفتة فرح وكام باسني وتشكر مني
كتلة لاتتشكر(للكاتبة طيبة الربيعي)
بس الاريدة منك ماتضعف كدام مرة
ولا تتبطر عالنعمة
هاي امكانيتنة الحمدلله ناكل ونشرب
ومستورين
كال والله لان احبهة وصارلنة سنين سوة
كتلة الله كريم تدبر
رجعنة من وكت طكنة الجوع
واليوم اريد استراحة تعبان
وبالي مشوش
جبت معلبات وحلويات
وببسي وسفن
من وصلنة طبينة من باب المطبخ
واشوف نبأ لابسة دشداشة نص ردن
وحجاب ماكو
شعرهة شايلتة بس نازلة جم خصلة
خرب رباطج(للكاتبة طيبة الربيعي)
صالح دنك راسة وطلع
خليت الجياسة عالعلاكة
سامر بعصبية مرعبة: تعاي وراية
نبأ ...الليل كلة صافنة بوجهة وافكر بالكالة
معقولة بدة يحس بية؟
بدة يميل الي شوية؟
ولو قليل؟
بقيت اليوم كلة ادندن وانضف
عمتي حجت وياية كتلهة حاولي مرة لخ
هو يسمع كلامج مني يتحسس وحقة بهل شي
كالت ارجع افتح ويا الموضوع اليوم واشوف
توة صار المغرب
صليت ودخلت للمطبخ اسوي عشة
سامر وصالح ميجون الة هسه
حفظت الوقت اليجون بي
يعني اني من اخلص العشة يلة عود يسدون المحل
ولؤي ووائل طلعو وية جماعتهم
ميرجعون همة والعشرة
المطبخ حار كلش ومن اكلي اموت من الحر
عمتي كالت عمة نزعي مادام الولد كلهم برة
وميرجعون هسه(للكاتبة طيبة الربيعي)
اني لبست دشداشة خفيفة وشلت شعري
وبديت اسوي عشة
وماحس الة وباب المطبخ انفتحت
من الهبطة انزلكت رجلي بالكاع
لا بية اتحرك ولا بية احجي
شفت سامر وجهة كام ينطي الوان
صالح خطية بسرعة دنك وطلع من المطبخ
من كلي تعاي وراية انهد حيلي
يااا يووووم الحكي البنتج عالسريع
عفت الخاشوكة
دخلت عمتي
ام سامر: يا عمة مادري بيهم يردون من وكت، يلة مصار شي صالح اخوج مدام مو بالقصد
باوعتلهة خايفة: عمة سامر كلي تعاي وراية، كلش عصب عفية كليلة(للكاتبة طيبة الربيعي)
ضحكت: شبيج انخلستي، هسه يرزلج وينبهج متعيديهة، ميسويلج شي عمة لتخافين روحي
كل باية اصعدهة اتشاهد علة روحي
وصلت للغرفة
الباب مفتوح
شفتة خال ايدة ورة ظهرة يروح ويجي
دخلت بلعت ريكي
نبأ: مبقة شي عالعشة ويصير
سامر: سدي الباب
احش نفسي انثولت
نبأ: ها؟
سامر: سدي الباب!(للكاتبة طيبة الربيعي)
يمة يمة عيونة حمر صارن
سديت الباب وتقربت منة غمضت عيني بقوة
شوية وحسيت شعري انجر
فكيت عيني بشهكة
ولزمت ايدة الي جانت مجلبة بشعري
صك علة اسنانة: ولج اني شمنبه عليج، اكص شعرج هسه واخليج كرعة!
نبأ: بروح ابوك سامر لتسويلي شي وداعة ماما معبالي تجون من وكت
حلفتني بالغالي
واني روحي شايطة
شافهة مفرعة خرب رباطج
جريتهة للميز
طلعت مكص وصدك نويت اكصة
كامت اجر بروحهة مني وتبجي(للكاتبة طيبة الربيعي)
نبأ: لا بروح ابوك ساامر بداعة كل عزيز علة كلبك الله يخليك لتكصة
كصيت خصلة وشمرتهة هية والمكص
وجريت نبأ من ركبتهة
سامر: شايفة اذا لكيتج مفرعة كدام اخوتي؟ مابقي شعرة براسج
دفعتهة ونزلت
بس بقة بالي يمهة
صح ضجت والمفروض ابد ماتذب الحجاب
وتعرف احموينهة طابين طالعين
بس ماتدري بينة نرجع من وكت
حتة امي ماتدري(للكاتبة طيبة الربيعي)
سامر: يمة غير تنبهين عليهة
ام سامر: لك ماما متدري واني الي كلتلهة تذبة خطية ماتت حر، المطبخ حار وادور تكلي والنار تصلي
سامر: ليش حار مو خاللكم مبردة صغيرة
ام سامر: عاوية ابني متنطي برودة بس هوة وحار همينة
رحت للمطبخ اشوف المبردة شبيهة
فحصتهة مابيهة شي، بس هو صدك الجو حار
واذا المي حار ماتطي هوة بارد
انوب مانزلت طكني الجوع
ام سامر: زعتلهة مو
سامر: لا يابة شالقصة قابل زعطوطة هية، صاعد اشوفهة
هستوني اريد اصعد الدرج
شفت فاطمة نزلت ركض علية
تضرب برجلي(للكاتبة طيبة الربيعي)
فاطمة: ليش بجيتهة لييييش
كامت تبجي
اجيت اشيلهة دفعتني وتبجي
سامر: ولج شبيج ليش تبجين
ركضت لأمي اسمعهة تكللهة بجة نبأ
ضربهة، وين ضاربهة خرب ضميرج
صعدت اشوف شنو القصة فاطمة شدراهة مو نزلت
فتت للغرفة شفت نبأ كاعدة عالجرباية وتبجي
تفاجئت، هاي صدك تحجي؟ هو اني شسويتلهة
لو ضاربهة شتسوي
سامر: عود صدك تبجين لان كصيت خصلة من شعرج؟
نبأ ...شكد انقهرت مو لان كص شوية من شعري
لان اذاني بلزمتة ومفكرني متقصدة اطلع هيج
والنبي مادري ولا اعرف بيهم يرجعون هيج وقت
كعدت ابجي طلعت قهري كلة بالبجي
دخلت فطوم شافتني ابجي
تريد تحاجيني واني غصة ابلعومي مابية اجاوبهة
شوية وسمعت صوت سامر(للكاتبة طيبة الربيعي)
ولا اريد ارفع راسي شبية اني نسيت يكدر يشوفني
لو داخلة للحمام ومطلعة حركة كلبي هناك احسن
سامر ...مارفعت راسهة
تقربت: نبأ، مو احاجيج
اسمع شهكاتهة تحاول تحبسهن
عبالك طفلة وتبجي
ضجت من نفسي
هية امي الكايلتلهة اخذي راحتج
شعليهة هية
خليت ايدي علة جتفهة: نبأ، كومي مو احاجيج، ااه؟ شو ضارتني بعرض الحايط مو احجي؟؟
شالت راسهة بس منزلة عينهة
بوية وجههة صاير خريطة(للكاتبة طيبة الربيعي)
الخشم احمر العيون حمر خدودهة حمر
والمي الينزل من خشمهة قضية ههههه
جريتهة علة كيف كومتهة
وكفت كبالي منزلة راسهة وتناشغ
مديت ايدي جوة حنجهة رفعت راسهة
اجت عيني بعينهة
عبالك طفلة، عيونهة كلهة برائة
سامر: يعني تبجين لان تعصبت عليج لو لان كصيت شوية من شعرج؟
اشربت براسهة لا
سامر: غير نعرف الجواب شنو
نبأ ...بس اجت عيني بعينة نسيت السوا
نظرتهة دافية مبين قلقان علية
لمستة حرجتني بس فرحت
نبأ: ماكو شي
سامر ...ابتسمت(للكاتبة طيبة الربيعي)
سامر: ترة انتي مو طفلة نباوي، المفروض تتفهمين ساعة عصبية من شفتج مامتسترة واخوي شافج ضجت، يعني انتي افتهميهة غير مرتي، حتة لو مابيناتنة شي هاي الغيرة طبيعية ترة
نبأ ...يمة فدوة اروح لغيرتك اذا هيج
بس اني حساسة وخاصة منة
لان احبة واي تصرف منة احسبلة الف حساب
دنكت العب بيدي: اي اعرف، اسفة مجنت اعرف ترجعون هيج وقت ووائل ولؤي ميرجعون هسه طالعين وية اصدقائهم، لو ادري مانزعة والله
ضحكت: شبيج راح تموتين، يلة ماصار شي بس مرة ثانية انتبهي
نبأ: انشاءلله
سامر: راح اجيب فطوم حاجيهة عمي هدت علية تكلي ليش بجيتهة
ضحكت: سودة اعلية، هية اجتني بس منتبهتلهة
سامر: ديلة لعد غسلي وتعاي
نبأ: ماشي
دخلت غسلت وجهي وطلعت
شفتة ينتظرني
نزلنة سوية دخلنة للهول شفت عمتي
كاعدة وبحضنهة فطومة تبجي(للكاتبة طيبة الربيعي)
ام سامر: يا يمة شمسوين البنتي ليش تبجي
نبأ: فطومة، ياا حياااتي لويش تبجين
مغطية راسهة بحضن عمتي وتبجي
جريتهة وشلتهة
غطت راسهة بجتفي
نبأ: فطومة عمري مابية شي لتبجين، باعيني مدابجي اني
سامر: عمي والله امكانيات، باع الدلال من الطرفين واحنة شبينة مانعجب
ضحكنة اني وعمتي
ام سامر: عيني حتة مرة لخ ادير بالك متزعل جنتنة، يلة ماما فطوم كافي حبيبتي
نبأ: اني اخذهة واصالحهة فوك
اخذتهة وصعدت(للكاتبة طيبة الربيعي)
طلعتلهة حلويات
توقف البجي بس بعدهة تناشغ
كعدت ابوسهة واشاقيهة
لحد ما ضحكت، فدوة الكلبهة
بنيتي هاي
نامت بحضني شلتهة وديتهة لفراشهة
توني اريد اصعد صاحني سامر
سامر: نبأ تعاي
نزلت باية
نبأ: ها
سامر: باجر ترحين وية امي تخطبن البنية لصالح، تحاجيهة وتفهميهة الوضع شلونة خوش؟ لتجذبين عليهة بحجاية وحدة، يعني اذا سنحتلج فرصة تحاجيهة
نبأ: ماشي من عيني
سامر: وينهة فطوم
نبأ: نامت وديتهة بفراشهة
سامر: ها خوش، حضريلي الحمام اريد اسبح
نبأ: ماشي(للكاتبة طيبة الربيعي)
صعدت حضرتلة الحمام دخل يسبح
رجعو الولد ردت اصبلهم عشة كالو ماكلين ميريدون
رجعت للغرفة لكيت سامر متمدد ومغمض عينة
لبست بجامة وطفيت الضوة
من سمعت انفاسة استقرت يعني نام
تقربت اباوع بوجهة واكول لنفسي
هم يحن كلبك علية ويحس بحبي الك
بستة بخدة تلمست لحيتة
بس كلبي علة ايدي ليفز ويحس علية
ابتعدت ونمت بصفحتي واباوعلة
ماريد غير راحتك وياية
مرتاحة هيج مدامك يمي وياية
ثاني يوم وصلونة هو وصالح لبيت اهل البنية
دكينة الباب رحبو بينة مرة وبنية
بس مو هية حبيبة صالح لان الشوفنياهة بالصورة
مو نفسهة، عمتي حجت وية المرة وكالتلهة
صالح يحبهة من زمان بس اخو مقبل يجي يخطبهة
الة بعد التخرج وهم حتة يلحك يكون نفسة
المرة مثل التفاجئت، كالت المفروض يجي
ويدك الباب ينطينة علم يريدهة(للكاتبة طيبة الربيعي)
مو بالختلات شنو ذنبهة بنتي ابوهة واخوتهة
دارو عليهة عبالهم عندهة شي جبير ويا
عمتي خطية تحجي وكلبهة نار
كلتلهة مندري احنة بس ابني لا ليلة ليل
ولا نهارة نهار بس يريدنة نجي نطلب ايدهة
المرة كالت يصير خير، احاجي ابوهة واخوانهة
وانشوف شنو رأيهم، بس امهة مبينة حبابة
حتة كالت اني ادري بيهم بس محجيت
وحذرتهة متحجي ويا بالفون
لحد متصير القسمة، عمتي اعتذرت منهة
وكالت شباب شنسويلهم
حجيت وية البنية كتلهة صالح من سمع بالصار
وياج الي هسه مخبلنة صاير اعصاب ومقهور
خطية كامت تبجي كتلهة لتبجين انشاءلله
يصير من نصيبج مدام تحبون بعض وبنية زواج
مبينة حبابة وطيبة، كلش فقيرة حتة من تحجي
صوتهة كوة ينسمع، كالت يريدوني لابن عمي(للكاتبة طيبة الربيعي)
واني ماطيقة اذا زوجوني لغير صالح اموت نفسي
كتلهة ابد لتفكرين بهل شي ابد، ادعي وصلي الله
سبحانه يقل للشي كن فيكون، بيوم وليلة يسطرهم
ويخليهم يوافقون، قبل لنطلع خابرت علة سامر
كتلة يلة خلصنة، تونة صعدنة
صالح حجة بلهفة
صالح: هاا وافقو؟
ضحكنة
ام سامر: شبيك ماما شنو الناس مرايدين بنتهم يوافقون بدقيقة، انطي صبر تحاجي ابوهة وتردلنة جواب
خطية رجع الدم بوجهة بس خايف لا ابوهة ميوافق
بليل عالعشة اجت عيني علة سامر
شفت الدم من خشمة نازل
شهكت: عزة سامر خشمك
عمتي كامت تحجي عليه(للكاتبة طيبة الربيعي)
هامل نفسك ومتروح للطبيب تشوف شبيك مابيك
بيومهة اني بقيت اندك براسة
لحد ما عصب
سامر: ولج كاافي اروح ارووووح
نبأ: حبيبي غير علمودك
انصدمت بالكلمة الطلعت مني
وشفتة فك عينة متفاجئ
يمة تمنيت بلحظتهة خرسة ولا عندي السان يحجي
نبأ: اسفة مو قصدي
سامر: ماصار شي
ومن يومهة سامر يتجنبني
من احاجي ميباوعلي وعلة كد الحاجة
حتة مكام يكعد بالغرفة هواية
بس من يبدل لو ينام
انقهرت وحزت بداخلي
ليش مديتقبلني
شنو البية معاجبة(للكاتبة طيبة الربيعي)
ماعرف ...
سامر ...من كالت هل حجاية
انصدمت، مبينة طلعت منهة لا ارادي
ماريد اضعف بكلامهة هذا وتعاملهة الحلو
اعرف بكلبي ماراح يهواهة
كمت اجنب الكعدة وحدنة
علة كد الحاجة، ماريد أاملهة علة شي مموجود
ردو لوالدتي خبر
كالت ميقبلون حاولت افهمة ابوهة قافل
حاجيت عمامي واخذتهم ورحت
واخذت صالح وياي
صارت مشاددات بالكلام
بس بالأخير ابوهة كال انطيهة الك
بس اذا فد يوم اجتني زعلانة
انسة تردلك
صالح من الفرحة كام باسة وتشكرة
الرجال شفتة تفاجئ
اخوتهة كاعدين علة اعصابهم
فشلنة الله يطيح حظك
من رجعنة للبيت رزلتة(للكاتبة طيبة الربيعي)
سامر: اثكل لك بابا اني شحجيت وياك!
صالح: شبيك خوية شمسوي، غير فرحان راح اخذ الاحبهة
ام سامر: شسوة يمة
سامر: طفر عالرجال يبوس بي والزلم كلهة كاعدة
نبأ ...خربنة من الضحك اني وعمتي
واني محاسة علة نفسي صوت ضحكتني فضيحة
شفت سامر خزرني واشرلي اطلع
يمة عفت كلشي وكمت
صعدت حجيت وية ماما
كالت مشتاقتلج تعاليلي
كتلهة بس اخذ شور سامر واجي
من صعد سد الباب وعاط بية
سامر: ولج شنو هاي ضحكتج!
نبأ: مادري محسيت علة نفسي اسفة
سامر: نبأ لا كلسع انبهج علة شي اني، انتبهي علة روحج ترة دجفصين(للكاتبة طيبة الربيعي)
نبأ: اسفة متنعاد، من نبهتني علة غير شغلات مو بعد معدتهن؟ مدام نبهتني عالضحكة بعد حاخذ بالي
باوعلي صفح
نبأ: سامر وديني لأهلي باجر، ماما تريدني واني همينة مشتاقتلهة صارلي هواية مرايحة
شفتة باوعلي متفاجئ
سامر: وشكد تضلين؟
نبأ: يومين تلاثة، والله مشتاقتلهة
سامر: يصير خير
نبأ: يعني تاخذني؟
سامر: كتلج يصير خير ليش تلحين
نبأ: خلاص اسفة
ثاني يوم قبل ياخذني(للكاتبة طيبة الربيعي)
شفت ماما عبالك سنين مشايفتهة
نسوان اخوتي كالعادة حجيهن المسموم
ولسانهن المتبري منهن
اخوتي سلمو عادي
ولا عبالك اختهم
الله يهديكم انشاءلله
بتت اربعة ايام
لان ماما مريضة وكتلة السامر محتاجتني
بس شنو مرن علية بجحيم
مشتاقة السامر، ومشاكل نسوان اخوتي متخلص
واني ساكتة لخاطر ماما
يسمعني حجي علة انو عاكر والي هسة محبلت
منقهرت لان اعرف مصاير شي بيني وبينة
بس انقهرت لان كامن يعيرني(للكاتبة طيبة الربيعي)
واعرف سامر مستحيل يتقبلني كزوجة
اليوم الخامس مي كالت روحي يمة
ميصير تعوفين بيت عيالج
وماريد مشاكل بينج وبين اخوتج
كتلهة ماشي
اجيت اخابر سامر حتة يجيبني
اخوية الجبير فاجئني كال اني اخذج
بستة وتشكرت منة
اخوية الجبير اسمة سعيد
رغم قساوتة
بس احسة يختلف عن باقي اخوتي
بي شوية حنية
بس ميبينهة هواية
مرااات اشوفة يحن، اعرف بمرتة هية التحركة
المهم وصلني وراح(للكاتبة طيبة الربيعي)
فطومتي ركضت علية تبوس بية
وتكلي بعد لتروحين
وعمتي خطية كالت البيت مو حلو بدونج
مونستني
نبأ: اعتذر عمة والله لان مشتاقة الماما ومريضة جانت محتاجتني
ام سامر: عمة براحتج صدك جذب، بس لان تعودنة عليج والولد يكومون يكعدون شوكت ترجع نبأ وشوكت اجيبهة يا سامر
ضحكت: والله اني همينة بس اريد اجي اشتاقيتلكم
كالت روحي ريحي وتعاي نحجي
صعدت توني دخلت
حسيت بأحد جرني من ورة الباب

يتبع...🌺