#فاعل خير
#بقلمي طيبة الربيعي
البارت الخامس
(للكاتبة طيبة الربيعي)
من راحو صليت وشكرت ربي
اولاً لان جمعني بالانسان الأحبة
بعد عناااء طوييييل
وحيخلصني من ظلم اخوتي
ماما حجت وية عمي سألني
كال اذا موافقة هذا هو
كتلة موافقة ماريد اتزوج صديقهم
صديق اخواني الي طلب ايدي
ثاني يوم دز عمي علة اخوية الجبير
موافق بس كال امي ترجع
واذا مرجعت ماكو زواج
ماما كالت ارجع ليش لاء
البيت بيتي(للكاتبة طيبة الربيعي)
من راح توسلت بيهة
كالت لا ماما ماعوف البيت الهن
اني اعرف شلون اربيهن
سكتت، شحجي بعد
مدام هذا اختيارهة هذا هو
بس اذا صار شي مرة لخ اخذهة يمي
وخلي شيصير خل يصير
بنفس اليوم دزلي سامر رسالة
سامر ...حاجيت امي وكتلهة البنية اعرفهة
من ايام الجامعة وذاك اليوم من طلعت شفتهة
فرحت لان نويت اتزوج
وراحت، من رجعت كالت ماشاءالله عرفت تختار
اي يا يمة اليدري يدري والمايدري كبضة عدس
ثاني يوم دزيت رسالة لنبأ
"من يردون الجواب كليلي"(للكاتبة طيبة الربيعي)
نبأ ...يا يوم الفرحة مواسعتني
دزيتلة "انشاءلله"
محبيت اكلة وافقو، هسه يكول شبسرعة
يردون يخلصون منهة
ورة كم يوم كتلة موافقين
وماما اتصلت بأمة وخبرتهة
يعني اخوتي صح ميردوني
ويردون يخلصون مني
لان لا سألو عليه ولا حتة نطقو شيشتغل
وين عايش وين كذا(للكاتبة طيبة الربيعي)
بس عمي راد يسأل حجيتلة كلشي
وكتلة جان وياية بالجماعة وخوش ولد
كلهم يعرفو
كال هذا هو مدام انتي تعرفي الله يسعدج ويا
بدينة بالتحضيرات والله يخليهة روى واكفة وياية
نسوان اخوتي حتة مباركلي
الله ينتقم منهن ماكول غير حسبي الله ونعم الوكيل
احضر وبكلبي سعادة ممعقولة
عبالك جنت بسجن وصدر عفو عام
هلكد احساسي حلو هسه
سامر مقصر الفلوس الانطاهن لأمي كفن وزايد همينة
بيناتنة رسائل ومرات يتصل بية
يخبرني شكو ماكو ويسألني همينة شسوي وماسوي
اذا محتاجة شي او لا(للكاتبة طيبة الربيعي)
كلش حبيت اهتمامة بية
رغم اعرفة ميحمل مشاعر الية بس يكفيني
اهتمامة ويكفيني راح اصير زوجتة
يبوو شكد فرحانة
عقدنة وسوينة خطوبة
طلعت اجنن غير انسانة
روى ودتني لمركز مال تنضيف
نضفولي وجهي وجسمي
خاصة حواجبي من حفيتهن
انكلب شكلي 180 درجة
روى: لج مكموعة وين جنتي ضامتة هل جمال
ضحكت: ماعرف اني وحدي مصدومة
من دخل سامر كلبي فزلة(للكاتبة طيبة الربيعي)
جان لابس بنطرون مال قاط نيلي
وويا قميص وردي فاتح ورباط ماروني
يخبل يخبل
عقدلنة السيد وصرت زوجتة رسمي
عافونة وحدنة واني كلبي ميت عليه
المفروض احس بخوف بس لان اعرف
بالاتفاق بيناتنة
ولان احبة واموت بي احس بالامان يمة
سامر ...ماحبيت اقصر عليهة بشي
ردت افرحة واكسر خشوم اخوتهة ونسوانهم
انطيت امهة هل قاسمة الله وكلت لأمي خل
شكو بنفسهة تشتري
ماريد اسمع ناقصهة شي(للكاتبة طيبة الربيعي)
امي طبعا عبالهة بيناتنة قصة حب
ودائما تنطيني نظرة صفح وتضحك
انمار زعل وكطع الاتصال بية وبأحمد
شكد حاجيتة وكتلة البنية مو من نصيبك
كال لا انتة جنت حاط عينك عليهة من زمان
بالله هذا شحجي ويا
عفتة براحتة من يعرف غلطة عود يجي
من شفت نبأ بالخطوبة الصراحة انبهرت
بجمالهة، هية حلوة بس طالعة غير
طلعو كلهم وضلينة بس اني وياهة
جانت لابسة فستان احمر مخصر وبي شغل حلو
وشعرهة تسريحة بسيطة
كلشي بيهة بسيط
اشوفهة مدنكة صايرة حمرة وتفرك بيديهة
ضحكت: مبروك(للكاتبة طيبة الربيعي)
بصوت شبه مسموع: الله يبارك بيك
سامر: شلونج
نبأ: الحمدلله وانتة
سامر: الحمدلله، شلون راح اضلين مدنكة
رفعت راسهة، ماشاءلله راح احسد البنية
لا انوب يروح يصير بيهة شي ويطلع علية صيت الفكَر
سامر: طالعة حلوة
نبأ: تسلم، انتة همينة طالع حلو
ضحكت: ليش تقلديني
نبأ بكل عفوية: لا مو قصدي
سامر: اشاقيج، يلة اني رايح، اذا تحتاجين شي خابريني
نبأ: ماشي(للكاتبة طيبة الربيعي)
كمت كامت وياية
مشيت للباب وهية وراية
قبل لا اطلع درت عليهة
شفتهة متفاجئة
سامر: نبأ خابريني عود
اشرت براسهة اي: انشاءلله
نبأ ...يمة كلبي نبضاتة يصيحن بأسم سامر
ومن كلي خابريني انتهيت، يبعد العمر كلة
اخابرك ليش لا
خلصت شغلاتي رتبت نفسي وسبحت
وطلعت تعشيت
كلشي مماكلة
رجعنة البيتنة علمود السمعة عيب يخطبوني
من بيت عمي وبيت ابوية موجود
بس محتكيت بنسوان اخوتي حاولت اجنبهن
مالي مزاج للعرك(للكاتبة طيبة الربيعي)
اتصلت بية روى حجيت وياهة شوية
وادور اتصلت بسامر
دكتين تلاثة جاوب
سامر ...ردت احاجيهة علمود الخطوبة
ماريدهة اطول اعرفهة وتعرفني ماكو داعي
انجر وانعر بيهة
سهرت وية الولد دك وركص وسوالف وضحك
من رديت للبيت سبحت وشغلت التلفزيون
انتظر منهة اتصال
دكت، جاوبت
سامر: الو(للكاتبة طيبة الربيعي)
نبأ: الو، هلو سامر شلونك
سامر: الحمدلله، شلونج انتي خوما سمعوج حجي
نبأ: لا ابد
سامر: ها زين، اكلج نبأ ماريد الخطوبة اطول، خل العرس الاسبوع الجاي مادام التحضيرات جاهزة
نبأ ...تفاجئت، احلة فترة هية الخطوبة
وجنت ناوية اكسبة الية بهل فترة
بس يلة مدام هو حاب هيج ماكو اي اشكال
هو يأمر واني انفذ
نبأ: تماما مثل متريد
سامر: خوما ضجتي
نبأ: لا ابد ليش اضوج
سامر: من حق كل بنية تعيش فترة خطوبة حلوة، بس تعرفين وضعنة شنو(للكاتبة طيبة الربيعي)
نبأ: لا سامر صدك ماضوج، ولان اعرف الوضع شلونة عادي ماعندي مشكلة، انتة اليعجبك سوي اني علية انفذ
سامر ...والله هاي البنية عجيبة
نور جانت طلباتهة اوامر رغم شايفة
واهلهة كلة اتكيت واماكن راقية
ونبأ؟
نبأ غير
تختلف
الله ينطيهة علة كد نيتهة
سامر: انتي هم الج رأي نبأ، من حقج تبدين رأيج
نبأ: رأيي من رأيك، ماريد شي سامر اني، المهم انتة موجود كلشي ماريد
فرحتني حجايتهة(للكاتبة طيبة الربيعي)
البنية هاي علة كد ايدي
صدك فقيرة ومالة الله
سامر: يلة نباوي اروح انام تعبان، سلميلي عالوالدة
نبأ: تمام، يوصل انتة همينة سلملي
سامر: يوصل، تصبحين علة خير
نبأ: وانتة من اهل الخير
نبأ ...استمرت الاتصالات بيناتنة وماكو شي
جديد عادي طبيعي
بس الحجي الاسمعة من نسوان اخوتي
يسم البدن، واني ساكتة ماريد مشاكل
اريد بس اخلص واروح
سوينة حنة وبدخلة سامر كلبي ينخطف
اويلي سامر شسويت بحالي
ليش هلكد احبك
لانك انسان راقي وجميل
احبك بجنون(للكاتبة طيبة الربيعي)
ماريد غير اكون يمك واصبح يومية بوجهك
سامر اسمر وطويل بعيون سود
وشعر اسود، لحيتة تخبل مرتبة
هو مرتب حتة شخصيتة حلوة
ثكيل ورزن
بس بحدود
يعني مو عقدة ابد
بيوم الحنة ابد محجينة
اني التهيت وهو همينة ملتهي
اجة يوم العرس اسعد يوم بحياتي
رغم اعرف مراح يصير شي بيناتنة
بس يكفيني راح انام علة مخدتة وعلة ريحتة
اخذني اخوية الوسطاني للصالون وراح
ومناك اجتي روى(للكاتبة طيبة الربيعي)
صبغت شعري احمر بيتنجاني
كلش حلو لاكلي
خلتلي مكياج بارز بشكل رغم بساطتة
سوتلي تسريحة الظفيرة كلش بسيطة ونازكة
وخلتلي ورد صغاار ناعم ابيض
البدلة بالبيت البسهة اخواني مقبلو
ههه مابيهم خير بس بالغيرة والتحكم
رجع علينة اخوية اني وروى
ماما وبنات عمي من شافوني انبهرو
وماكللكم عالمديح من ماما
القرد بعين امة غزال
طلعتني حورية من الجنة
لبست البدلة من الظهر مثل القيطان
وظهري كلة طالع(للكاتبة طيبة الربيعي)
باردان دانتيل ومن الصدر همينة
تجي من الخصر لجوة دنفشة
بورود بيض صغاار مثل البشعري
شكلتلي البركع روى علمتهة ام الصالون
وبدة البجي امي وروى مكابلات بعض
بالله هسه امي اوكي
زين روى قابل مراح اشوفهة بعد هههه
خرب هاي لان حامل هواية متأثرة
انترس بيتنة معازيم
دك وركص كعدوني البنات
وبدن يهزن
بس روى كاعدة بصفي
نحجي اني وياهة وصوت الديجي عالي
يعني محد يسمعني(للكاتبة طيبة الربيعي)
روى: شوفي من صبرتي شلون الله رزقج
نبأ: الف الحمدلله والشكر، لج روى متتصورين الفرحة البداخلي، معقولة صار سامر من نصيبي؟؟
روى: والله يا نبأ تريدين الصراحة، ابد مجنت متوقعة هل شي، بس ربج سبحانة يقول للشي كن فيكون، ربي يسعدكم انشاءلله وتشوفون كل الخير
نبأ: تسلمين روى والله ماعرف شلون اشكرج، لو ما وكفتج وياية مجان تحقق حلمي
روى: انجبي قابل اني شسويت، مدام حبج الة طاهر ونضيف الله ميضيعة ولا يهني وية غيرج
ورة ساعة اجتي الزفة
البنات اتسترن
ودخل حبيبي(للكاتبة طيبة الربيعي)
اويلي فدوة اروح الطولك والعطرك
دنكت استحي اباوعلة
اوف الخوف لابسني لبس اليوم
شجاني
امة تهلهل وتهوس وروى ابد مسكتت
كمت اني
اجة باسني براسي وكعدنة
طبعا يهلهلون واني راسي مسطور بريحتة
لو ما عيب جان شميتة ونمت
بس فشلة، حسيت بحلكة يم اذني
سامر: يمعودة شبيج ترجفين فضحتينة
يمة كلبي يريد يوكف من الخجل
محجيت شي
شوية ولبسوني الكبوس
نكمل العرس ابيتهم
اعرف ماعندة امكانية يسوي بقاعة
واني كلشي ماريد يكفيني البدلة اللابستهة
يكفيني هو بخير ويمي(للكاتبة طيبة الربيعي)
سامر ...من شفتهة بالحنة كمت اصلي
على محمد وال محمد
بداخلي طبعاً لان جمالهة مو طبيعي
وين جنت عنج يا نبأ
بس بعدني ماحمل مشاعر تجاهج
وماريد شي يطور بيناتنة
وبيوم العرس
انصدمت اكثر واكثر
مو طبيعي جمالهة، وصابغة شعرهة
طالع يخبل
مشايفة اني هواي مرتين يمكن
واول مرة انتبه عليه هيج طويل وثخين
من كعدت بصفهة باوعت ليديهة
ترجف رجف
شاورتهة انكفخت ريحتهة التخبل بوجهي
ياريتني ماشاورتهة ولا تقربت هل قرب
امي اشرتلي يلة
اشرتلهة علة راسي يعني الكبوس لنبأ
لبسنهة البنات(للكاتبة طيبة الربيعي)
اخذتهة وكمت
لزمت ايدهة
هلاهل وهوسات
امي كلش فرحانة خبصتني كلسع تكلي
ولك عرفت تختار
نبأ ...زفونة للبيت، اصدقائة مقصرو بالدك والركص
دخلنة وهو وياية
كعد شوية وبعدين طلع وية جماعتة
والبنات اقربائهم ذبن لحم
روى خبصتني كلسع تكول
لو ما حامل
تريد تكوم واني الزمهة
أحمد حذرني اذا تريد تركص ماخليهة
للعشرة سترتني روى كالت احمد راح يدخل وية سامر
يريد يباركلج(للكاتبة طيبة الربيعي)
شوية ودخلو
احمد باركلي
احمد: لك سامر اضرب اليوم صباحي
شكد استحيت، احمد من نوع ابد ميستحي
ميانتة قوية خاصة وية سامر
سامر ...بالعشرة احمد كلي اريد ابارك لنبأ
كتلة كل لروى خل تتستر حتة ندخل
احمد: جا غير مرتك شنو تتستر
سامر: مرتي بس مو مرتك
احمد: من هسه تغار عليهة، اضرب عمي شتريد نباوي بعد حصلتك يلة ارتاحت
سامر: خاب ماتنجب
دخلنة واحمد اكيد مايكعد راحة
ضحكني خرب شكلة، مايدري اني جفاف اليوم
احمد: ها شو تضحك، لج نبأ خبصني كلسع يكلي شوكت يرحون اريد اختلي بيهة
خرب وجهة، باوعتلة مصدوم
والله ماحاجي(للكاتبة طيبة الربيعي)
نبأ ...من كال هيج احمد متت من الخجل
معقولة؟ مو كال مابيناتنة اقتراب ابد
باوعتلة يخنزر بأحمد
سامر: يلة مو باركتلهة امشينة
سامر ...جريتة وطلعنة، خرب اهلك
هسه عبالهة صدك حاجي هيج
لل12 خلص العرس
دخلنة اني واحمد
يتبع...🌺
حبايبي اعرف الاحداث بطيئة
بعدهة الاحداث القوية مجاية
اصبرو وياية الصبر حلو❤
أنت تقرأ
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
