#فاعل خير
#بقلمي طيبة الربيعي
البارت الثالث
(للكاتبة طيبة الربيعي)
اعصابي هاجت وضليت اصيح علة روى
سامر: وانتي كل هذا ساكتة! ليش ماحجيتي
روى: مكدرت احجي لان نور تحبك بس ذاكة يهددهة
سديتة وكبل رسالة لنور
"كلي لاهلج راح اجي اخذج نطلع"
خابرتني، كتلهة بسرعة
وسديتة، اخذت السويج ورحت
ايدية يرجفن
معقولة اني مخدوع كل هاي السنين
شياطين الدنيا كلهة صارت براسي
من وصلت اترخصت من ابوهة واخذتهة
طلعت بيهة لمكان فارغ
نزلت ونزلتهة سحل
نور: سااامر شبيييك تخبلت
ضربتهة راشدي ودفعتهة عالسيارة
وجريتهة من ثوبهة(للكاتبة طيبة الربيعي)
سامر: ولج خاااااينة، ساااااقطة
رجعت ضربتهة
وماعرف شكمت اخبص وهية تبجي
طلعت حركة كلبي كلهة
جريت الحلقة من اصبعهة وشمرتهة بعيد
تفلت عليهة: الله يعينة الياخذج علة صلافتج ووقاحتج
كامت تبوس بيدي
نور: الله يخليك سامر اسمعني خل افهمك
دفعتهة: كلشي ينتهي اليوم، والة اندمج والله وبالله
رجعتهة للبيت الطريق كلة تتوسل وتبجي
نزلت خرطت كلشي لابوهة
صار وجهة ينطي الوان
عفتهم وطلعت بس اسمع صياح
رديت للبيت
يومين اني قافل علة روحي
لا اكل ولا شرب(للكاتبة طيبة الربيعي)
ليش مو حبيتج وخليتج ابطن عيني
اااااخ ربي لو ذابحهة وشامرهة للجلاب
اشرفلي، هيج انسانة ماتستاهل تعيش
مو انسانة حية ام راسين
اهلي كامو يتشكون من حالي
وامي تبجي علية
ضليت مسامر وي باكيت الجكاير
صعبة والله صعبة
فصخت الخطوبة
همزين ماكتبت شي باسمهة
بنت الجلب شلون تسفط حجي
وتخدرني بالكلام الحلو
واذا حاجيتهة تذب دموع التماسيح
خرب اهلج شكد ملعبة
ومن يومهة لا فكرت بجنس حواء ولا
حجيت بيهن(للكاتبة طيبة الربيعي)
امي تلح علية اخطب تعاركت وياهة
سدت الموضوع بعد
مرت سنة واني بديت شوية شوية
استعيد نفسي
بس الكلب بعدة ملجوم
بعدة يون
مو عليهة، ابد
علة حبي الهة
ورة فترة سمعت صار بيهة سرطان الثدي
شكد ماكارههة انقهرت عليهة
تستاهل بس لان كلبي طيب
فدواتك ربي تمهل ولا تهمل
وراهة بجم يوم خابرتني تبجي وتطلب السماح
سديتة بوجههة
روى بدت تلمحلي علة شغلة
علة وضع نبأ
واحمد يقرة براسي
تعاركت وياهم
لا نبأ ولا بطيخ(للكاتبة طيبة الربيعي)
كلهن نفس الطينة
شكد جنت احبهة النور
واخاف عليهة احسهة عرضي رغم بس علاقة
لا زواج ولا خطوبة، نيتي جانت شريفة
بس بعد السمعتة
انتزعت من كلبي مثل الدم الفاسد
احمد صارت عندة مشكلة عائلية
وضلت فترة طويلة
ماكدرو يتزوجون
لحد ما قبل جم يوم انحلت
وبعد اسبوعين عرسهم
اجة اليوم، رحنة اني وانمار وكفنالة
ماعندة اخوة بس خوات
ووياي عائلتي هم
وصلتهم للقاعة ورحت لأحمد جبتة من الحلاق
رحنة للبيت بدل وعدل نفسة(للكاتبة طيبة الربيعي)
وزفيناا لبيت اهل رواء دك وركص
بس اني
واهسي طاير حتة مالي نفس اركص
شكد لحو علية الشباب بس احمد مالح
يعرف بعلتي شنو
وصلنة للبيت طبينة بعد ما النسوان تسترت
متفقين اني اسوق
صعد روى وصعد هو
سامر: يابة مبروك عروستنة، مانشوفج شطالعة اليوم؟
ضحكت: الله يبارك بيك عيني
احمد: اسكت لك شنو تشوفهة، وروح كل ميت اخليك تحلم تشوف شكلهة بالعرس
سامر: دصبرلي، نتراهن؟
احمد: علة عزيمة معدلة
سامر: خوش
شغلت السيارة اريد اطلع فززتني روى
روى: لاا اوكف(للكاتبة طيبة الربيعي)
سامر: ها خير
روى: حتجي نبأ لحظة، بس تلبس حجابهة
باوعت بخزرة من المراية لأحمد
اشرلي ميخالف
ركزت عيني ليكدام
استغفرالله ياالهي
عوزي نكد اني
شوية وانفتحت باب السيارة
وصعدت
نبأ: سلام عليكم
احمد: وعليكم السلام، شلونج نباوي
نبأ: الحمدالله انتة شلونك
اخذ ايد روى باسهة: افييش اليوم عريس لحد يحاجيني
ضحكت، شلون شغلة هاي
نبأ: شلونك سامر
سامر: بخير، ها اطلع؟
احمد: توكل
شغلتهة وحركت
حسيت الطريق طويل(للكاتبة طيبة الربيعي)
ماحس براحة ونبأ بصفي
رغم البنية ماسمعت حسهة بس اتذكر كل الصار
مزاجي تعكر بالزايد بس ماريد انغص الفرحة
عليهم، خاصة احمد وروى يستاهلون الخير
وصلنة للقاعة
أحمد اخذ روى ونزل
استلموهم دك وركص كدام البوابة
طفيت السيارة
نبأ: سامر
سامر: ها نبأ
نبأ: بعدك ضايج مني
باوعت علة ايدهة
تفرك بيهة
باوعتلهة مدنكة
رجعت باوعت ليكدام ومتجي ايدي عالباب
ومرجع راسي ليورة
سامر: يلة نزلي
نبأ: اسفة
سامر: علة شنو؟
نبأ: كلشي
سامر: نزلي نبأ
حسيتهة باوعتلي
فتحت الباب ونزلت
نزلت ودخلت وراهة
ورة العرس زفيناهم للفندق
احمد قبل لاتخلص الهوسة شاورني
أحمد: عود وصل نبأ للبيت خطية اخوتهة زمايل مايجون(للكاتبة طيبة الربيعي)
باوعتلة بخزرة: شنو ابتليت بنبأ اني، ترة اعرف انتة وروى وين تردون توصلون، انسة احمد لتخربهة بيناتنة
احمد: شبيك يول والله مو هيج، بس البنية خابرت اخوهة وكللهة مشكلتج محد بينة فاضيلج شبيك انتة صاير ماتتحاجة
سامر: دطب طب، اوصلهة عود
احمد: نباوي، يلة تعاي سامر يوصلج
نبأ: لا ماكو داعي حاخذ تكسي
احمد: دمشي ويا بابا وين تاخذين تكسي بنية وحدج ودنيا ليل، ام عيون الحلوة مامستعدين نفرط بيج
خجلت: اشكركم
ودعت احمد وطلعت
وهية تمشي وراية
صعدت، صعدت هية هم
شغلت وطلعت
اخذت الجهاز واتصلت بصالح
سامر: صالح انتة وصلهم وخفف السرعة ديربالك، يلة باي(للكاتبة طيبة الربيعي)
سديتة، والطريق كلة سنطة
ساعة بالتسعة ونص
دك جهازهة
نبأ: اي جاية
اسمع صوت عياط رجال
الصوت عالي
نبأ: شبيك تعيط جاية، اي والله
ورة مسدتة وصلنة
منتظرهة تنزل
نبأ: سامر
سامر: ها
نبأ: لا ماكو شي، شكرا تعبتك وياية
اشرتلهة براسي عود عادي
نزلت، شفتهة طبت يلة حركت
واستمرت الايام ماكو شي جديد
نور ماسمعت اخبارهة بعد وماريد اسمع اصلاً
ورة اسبوع تقريباً رحت زرت احمد وروى
روى مادري شبيهة ضايجة
سامر: خير روى شبيج
روى: لا مابية(للكاتبة طيبة الربيعي)
احمد: ضايجة علة نبأ
سامر: شبيهة
احمد: اخوتهة متعاركين وياهة ومطرديهة، ماخذة امهة ورايحة البيت عمهة، خطية هل بنية مظلومة الله لاينطيهم شلون اخوة ماشايف هيج والله عمري وحياتي ماشايف مثلهم بشر
استغربت: وليش متعاركين وياهة، اكيد مسوية شي
روى: لا يمعود شتسوي هاي الفقيرة، بس لان اجتي العرسي، كوة قنعت اخوهة الجبير وبالدفرات، هم حاجين براسة ومن يومهة مسوين البيت جحيم عليهة خاف جان عايز
احمد: وعمهة بيتهم صغير الرجال يادوب معيش عائلتة
خطية انقهرت عليهة
نبأ فقيرة
ولو خوفك من الفقير(للكاتبة طيبة الربيعي)
سامر: الله يساعدهة
ورة جم يوم اتصل بية احمد وكال تكدر تجي
كتلة ليش كال روى تريد تحاجيك
كتلة خوش بس اخابر صالح يبقة بالمحل
ابدالي اجي، من اجة صالح رحت
سامر: ها روى خير
روى: اسمعني يلة تحجي، نبأ
سامر: اهووو مانخلص احنة من هاي السالفة؟!
روى: دسمع هسه، البنية والله فقيرة ومظلومة، جاييهة خطابة ورافضة بس هل مرة اخوتهة ناوين يجبروهة تتزوج
سامر: واني شعلية
روى: يااخي حس، البنية تحبك ليش هيج كلبك قاسي، ياهو اليجيهة ترفضة حرام عليك
سامر: هو شنو القاسي روى، احد جبرهة تحبني
روى: ليش انتة من حبيت نور احد جبرك؟
عصبتني: لجيبين سيرتهة!(للكاتبة طيبة الربيعي)
روى: ميخالف خلي تولي، بس نبأ مالهة ذنب شمسويتلك البنية، فوك ما فطنتك قبل لتتورط، ياهوة اليجيهة ترفضة رغم عيشتهة وية اخوتهة جحيم
سامر: كليلي المطلوب مني شنو
روى: حس بيهة سامر، حرام عليك
كمت: اني اترخص، ولهنا بعد ماعندي حجي وياكم
احمد لزمني: لك سامر ليش هيج صاير، اكعد خل نتفاهم
سامر: شتفاهم احمد شتفاهم، كتلكم عوفو الموضوع مامجبور بيهة اني، لحد يجيبلي طاري جنس حواء واصلة لزردومي ترة
روى: خلاص سامر مثل متريد، بس البنية دتخرب حياتهة بسببك، تريد تخلص من اخوتهة بس مو بالزواج من غيرك، تحبك حب فضيع مشايفة بنية توفي خمس سنين لشخص حبتة ومبادلهة ولا حس بيهة(للكاتبة طيبة الربيعي)
عفتهم وطلعت، شلون شغلة هاي
شنو خمس سنين شنو بطيخ
ماعرف راسي افتر فر
ورة جم يوم اتصلت بية روى تبجي
وتكول حرام عليك والله نبأ منتهية
وعايشة بالذل، صح عمهة طيب وممخليهم محتاجين
بس صعب تعيش عالة علة احد
تبجي وتكلي عالاقل لخاطر الصداقة
الخاطر الايام القضيناهة سوية بالجماعة
كتلهة لحد يدخلني معلية اني وسديتة
بس ضا بالي كلة مشغول بهل سالفة
ضليت بالاسبوع بس افكر
افكر وافكر وافكر
صح شنو ذنبهة حبتني(للكاتبة طيبة الربيعي)
وشنو مجبوريتهة تبقة علية
رغم تعرف ماكو امل مني
يجوز عدهة امل يجوز لا
ماعرف، احمد وروى ماجابو سيرتهة كدامي بعد
ولا حجو بيهة
بس اني ماعرف شبية
اريد اعرف شصار وياهة
اذا مو لخاطر حبهة الية
لخاطر صداقتنة علة كولة روى
اربع سنين ماشفت منهة شي
وحسهة ميطلع حتة من ننجمع
هادئة ورزنة وعفوية
ماعرف اذا وراهة مصيبة
بس الملعبة مبينة(للكاتبة طيبة الربيعي)
ولو نور ماشفت منهة شي
بس محد وصلي حجي علة نبأ
ولا فد يوم سمعت عليهة شي موحلو
قررت اشوفهة واحاجيهة
حاجيت روى
سامر: دبريلي شوفة وياهة
روى فرحت: يعني شلون
سامر: لتفرحين، بس احاجيهة
روى: ماشي، اني بس احجي وياهة واشوف وضعهة شلونة انطيك علم
اليوم الثاني كلتلي
روى: كوة قنعتهة مالهة خلك، كتهلة اني واحمد ناخذج نريد نطلع ضايجين، باوع اني انزل اجيبهة الك واروح وية حمودي(للكاتبة طيبة الربيعي)
سامر: خوش
احمد: مالي خلك اطلع
سامر: لك لاتنسة العزيمة
احمد: ترة ماشفتهة، لمحتهة
سامر: لا شفتهة لاتكوم تمضرط
روى: لا شافني صراحةً
احمد: ولج اني رجلج
روى: ميخالف حياتي اني وية الحق
ضحكت عليهم، يتناكرون هواي
بس بسرعة يتصالحون
رغم الصار اذاني
بس افكر واكول لو هسه متزوج نور
هم جان هيج فرحان ومرتاح وياهة
الحمدلله الله مابلاني بيهة لو بخلفة منهة
ثاني يوم طلعنة تلاثتنة
احمد وروى بسيارتة واني بسيارتي
طبكنة بالركن(للكاتبة طيبة الربيعي)
دنيا ظهر ماكو احد الشارع يصوصي
روى نزلت، اني كاعد واراقب الباب
روى دكت الباب، شوية وطلعت نبأ
سلمن وتحاضنن ومشن باتجاهنة
من تقربن شوية انتبهت علة نبأ صايرة مدري شلونهة
وجههة تعبان وداير مداير عيونهة سواد خفيف
اول مرة اشوفهة هيج
نبأ حلوة بعيون رصاصيات كبار
وبيضة حمرة، بس هسه
ماشوف غير زومبي
صدك زومبي
شفتهة وكفت وحجت وية روى
رادت ترجع روى جرتهة
حجن شوية، باوعت علة سيارتي
ورجعت باوعت علة روى
شوية واجني(للكاتبة طيبة الربيعي)
نزلت
سامر: السلام عليكم
نبأ بخوف وقلق: وعليكم السلام
دنكت ماباوعتلي
روى: يلة عيني اخذو راحتكم، سامر من تخلصون اتصل بأحمد مو تنسة
سامر: انشاءلله
روى رادت تروح لزمتهة نبأ
روى شاورتهة، وراحت
سامر: يلة صعدي
باوعتلي ورجعت دنكت
يتبع ...🌺
حبايبي اني ماحب ادخل بتفاصيل مملة
اعرف اكتب قصص قصيرة وقصص طويلة
بس مو كل قصة ترهم تكون طويلة او قصيرة
كل قصة والهة معناهة الخاص ولذتهة
اكو قصص تصير مملة اذا تطول
واكو العكس
مثل قصة "إختلاف" طويلة وتفاصيلهة حتة اني ماحس مملة
عكس "نياط القلب" مثلاً، قصيرة واذا دخلت بتفاصيل واجر بيهة تصير محلوة
ماعرف رأيكم شنو بس هذا من وجهة نظري
صوتو وعلقو حبايبي فدوة علمود مركز القصة
وتعليقاتكم تحفزني وتسويلي واهس بالكتابة وبالنشر السريع
قرائة ممتعة❤
أنت تقرأ
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
