#فاعل خير
#بقلمي طيبة الربيعي
البارت السادس عشر والأخير!
(للكاتبة طيبة الربيعي)
سامر ...كلشي بداخلي هاج
شلون اضم علية وانوب نور
نور الساقطة، شبية طرن واخلي مرتي
تصادق وحدة ملعبة والله اليعلم شعندهة جاية
نور مصيبة داهية من جوة الجوة
اثق بالكافر وماثق بيهة
جريتهة جر وطلعتهة برة وامي تصيح وراية
سامر: حجاية ورد غطاهة، قسما بالله يا نور اذا طلعتي بطريقي لو بطريق نور مرة ثانية اشوهج والله
وسديت الباب، طبيت فاير
كبل فوك وامي تعيط وراية
سامر: يمة لحد يدخل!
طبيت للغرفة وسديت الباب
نبأ ...كاعدة وكبالي كمر تلعب(للكاتبة طيبة الربيعي)
صافنة عليهة، مع الأسف امج هيج قلبهة طيب
مع الأسف، انشاءلله مطلعين علية
انتزع حب سامر من قلبي بلمحة البصر
مو الة يكون السبب خيانة، اهمال او عنف
حتة الحب يختفي، ممكن كلمة تمحي هل حب
وتحذفة من القلب بدون وعي
دخل محمل علية
بس مو بكد ما قلبي محمل عليه
دخل يعيط ويغلط ويفشر
واني مدنكة
مو خوفاً او رهبتاً
داريد الم الكلمات واجمعهن بجملة
تنهي كلشي بيني وبينة
وتبقة كَمر فقط
باوعتلة: طلكني(للكاتبة طيبة الربيعي)
سامر ...دمي محترك حرك
السوتة بية مو شوية وتعرف شكد اكره
الجذب والضم، محذرهة مو مرة ومرتين
هواي محذرهة هوااااي
من كالت طلكني رفعت حاجبي
سامر: وفوكاهة انتي ام الراهي!
نبأ: لا بالعكس، اني الممنونة، عرفت قيمتي شنو بعد الجذبة الي عيشتني بيهة، طلكني وكلمن يشوف طريقة
فركت وجهي
كمت اروح واجي
استغفرالله ربي واتوب اليه
صعب الموقف صعب
لا اكدر اطبطب علة ظهرهة واسامحهة عالجذبة
العيشتني بيهة، ولا اكدر اعوفهة واني احبهة
وتضل ام بنتي وعشرة عمر بيناتنة
نبأ: سامر كولهة وخلصني، طلكني ووديني البيت عمي(للكاتبة طيبة الربيعي)
باوعتلهة
باوعت الكَمر
رجعت باوعتلهة: لخاطر كَمر ماراح اطلكج
عفتهة وطلعت من البيت كلة، رحت للكاظم عليه السلام
زرت ودعيت، بجيت لحد ما عيوني غوشن
ضليت بالحضرة للمغرب
تغديت اكلت لفات ورجعت للبيت
البيت سنطة
فتت لكيت امي والولد بالهول
وجوههم ماتتفسر
سامر: سلام عليكم
كلهم ردو السلام إلا امي
سامر: شلونج يمة(للكاتبة طيبة الربيعي)
باوعتلي بجدية ودارت وجههة
رحت بوست راسهة دفعنتني
استغربت مو لهل درجة
بس كلامهة صدمني
ام سامر: روح صالح مرتك وجيبهة، والله العتب مو عليك العتب عليهة من دارتك ووكفت وياك بالحلوة والمرة
سامر: شنو روح جيبهة، وينهة مو فوك؟
صالح: اجة عمهة اخذهة هية وكَمر
باوعتلة مامصدك
شلون وشوكت
ام سامر: شلون تكللهة ذبيتي روحج علية، هاي جزاتهة لان حبتك، يتيمة ومكسورة الجناح وكسرتهة بحجايتك، صرت انتة واخوتهة والزمن عليهة، مع الاسف عليك
طلعت من الهول، واني لحد الآن مصدوم
صعدت للغرفة اتأكد، ماكو لا هية ولا غراضهة
ولا غراض كَمر، اخذت السيارة ورحت البيت عمهة
دكيت الباب فتحلي ورحب بية
بس شكلة مايطمن(للكاتبة طيبة الربيعي)
عم نبأ: خير سامر شصاير بيناتكم، ليش بنيتي زعلانة
سامر: عمي سوء تفاهم مادريت يكبر لهل حد، اذا ماتصير زحمة عليك اريد احاجيهة
كام: هسه اصيحهة
اجة كال متريد تجي
عم نبأ: عمي الشغلة مبينة حيل جبيرة
كمت: عمي من رخصتك اني اشوفهة، لاتشغل بالك نحلهة بيناتنة
عم نبأ: الله يهديكم ويصلح بينكم، تعال
رحت ويا البيت صغير، شلون اعوفهة هنا
حتة لو نويت اخليهة ترتاح جم يوم
مو مال ابقيهة هنا ابد، اوف يا سامر
من تعرف مالهة احد ويتيمة ليش تجرحهة
حتة لو غلطت، هسه انتة مو تغلط وتسامحك
وصلني للغرفة وكلي فوت
دخلت شفتهة كاعدة وبحضنهة كَمر
فتت وسديت الباب
كامت(للكاتبة طيبة الربيعي)
سامر: شلون اطلعين بدون شوري
نبأ ...متحملت ابقة
ماريد هذا هو اريد كلشي ينتهي
هو اصلاً انتهة شبقة
خابرت عمي كتلة تعال اخذني
ودعت عمتي رغم لحو علية اكسر الشر
وابقة ونحلهة بيناتنة بس اني رفضت
وكلت العمتي كلشي انتهة بعد
وطلعت وية عمي، الطريق كلة
الجملة ترن براسي، يعني تشوف حبي الك
مذلة النفسي؟ اني شمرت روحي عليك؟
لان حبيتك ووفيتلك من اعماق قلبي؟
يلة هو حظي كعد وية اخوتي حتة يكعد وياك يا سامر
كلت العمي اريد اطلكَ واريدلك تشوفلي شقة
ايجارهة يناسبني(للكاتبة طيبة الربيعي)
ضاج وكال غير تفهميني شكو
كتلة بيناتنة عمو ماحب احجي بيهة شي خاص
شأكلة اكلة زوجي وحبيبي هاني كدام الكل
وكلي انتي شمرتي روحج علية
وانتي ساقطة حالج حال نور
اشوفهة حيل واكفة
كال هذا بيتج عمي ماكو تكعدين وحدج
كتلة لا عمو اريد اكون نفسي نفسي
اشكرك متقصر
مقبل، اقنعة بعدين بس اطلك
قلبي ممرود، تأذيت من الناس الي احبهم
لو اعدائي جان رحمو بحالي
وين رحتي يا يمة وعفتيني بين الينهشون بلحمي
معقولة هذا سامر الحبيتة، المتت علمود اصير
من نصيبة؟ راسي كام يفتر
بليل سمعت صوتة يمنة
عمي اجاني كلي يريدج(للكاتبة طيبة الربيعي)
لح علية كتلة ماريد ولا اريد اشوفة
من طلع متحملت بجيت
اوف يا ربي ارحمني وارحم بحالي
مالي غيرك معين
من دخل كمت
مسحت دموعي
ماريدك سامر روح
نبأ: ليش اجيت
تقرب: لمي غراضج يلة ترجعين وياي
نبأ باصرار: مارجع، طلكني
سامر ...بدة صبري ينفذ
باوعتلهة بجدية
سامر: ماكو طلاك، يلة دااكلج
نبأ: واني داكلك طلكني
تقرب جرني وخنزر بعيني
سامر: انتي شبيج! داكلج طلاك ماكو! يلة بسرعة لمي غراضج(للكاتبة طيبة الربيعي)
دفعتة: مستحيل ارجع وياك، لهنا وانتهة كلشي سامر لتكبر الموضوع اكبر من ما هو جبير، طلكني وروح شوف حياتك بعيد عن الانسانة الشمرت روحهة عليك
سامر: ادفعيني ولج!
نبأ: طلكني!
سامر: ضلي، طلاك ماكو ترجيعن ورجليج فوك راسج!
عفتهة وطلعت
سامر: عمي انطيهة مهلة جم يوم، اذا مارجعت اجرهة البيت الطاعة
عم نبأ: عمي كول يا الله
سامر: عمي هية الغلطانة وفوكاهة تتعزز، حاجيهة خل تعقل وترجع وياية(للكاتبة طيبة الربيعي)
عم نبأ: يصير خير عمي يصير خير، جم يوم والله يفرجهة
طلعت عبالك عفت روحي وراية
مرتي وبنتي
ماعرف منو الغلطان
يمكن ثنينة غلطانين
امي حجتلي كلشي
وليش نبأ رجعت تحاجي نور
تندمت لان تسرعت بالحكم وأذيتهة بحجايتي
والله ماجنت قاصدهة ابد
مرن اربعة ايام علية بصعوبة
كل ما اخابر عمهة يكلي اصبر
لحد مابيوم خابر كلي ماتريد ترجع
طلكهة عمي الظاهر جارحهة جرح جبير
تخبلت شنو اطلكهة، رحتلهم روحي طافرة
سامر: وينهة خل احاجيهة
عم نبأ: سامر ابني طلكهة نبأ تعبانة ومتريد ترجع، يا عمي يتيمة وماكدر اغصبهة ترجعلك، لاتصير انتة والزمن عليهة(للكاتبة طيبة الربيعي)
سامر: عمي مرتي واحبهة واريدهة، شلون اطلكهة واعوفهة هية وبنتي
عم نبأ: بنتك تضل بنتك وشوكت متحب تاخذهة تعال اخذهة، بس نبأ عوفهة حيل مجروحة منك وبس لو اعرف ليش جان ارتاحيت
شكد ردت حاولت مارضت ترجع
دمرتني ومنا اني الدنيا طالعة من عيني
قررت اروح احاجيهة ضروري
واذا مارضت أحرمهة من كَمر والله
رحت لبيت عمهة دكيت الباب
وتفاجئت من هية فتحتة
نبأ ...محاولاتة فشلت مقابيل جرح قلبي
تأذيت وتألمت بفراكة(للكاتبة طيبة الربيعي)
وانقهرت لان وصلنة لهل مواصيل
فكيت جرح حاولت اخيطة بحبك
كلشي بحياتي طلع جذبة
جذبة حلوة بس فضيعة
عمي شكد حاول رفضت
وكتلة اذا ثكيلة عليك عمي كلي
كلي لتحجين هيج ابد بس لان الولد
يحبج واريدج، هههه عمو اليدري يدري
والمايدري كبضة عدس
بيوم عمي طالع ومرة عمي وثنين من بناتهة
بالسوك، وبنتهم الجبيرة الموضفة بالدوام
وبس اني وبنات عمي الثانيات بالبيت
اندكت الباب واني الجبيرة
خفت عليهن يفتحنة وهنة ماشاءلله
حلوات وينخاف عليهن، اني بالله سالفتي سالفة
فتحتهة وانصدمت بسامر(للكاتبة طيبة الربيعي)
صراحةً خفت ليجبرني ويرجعني
بس صدمني شكلة، تعبان وصاير يخوف
ههه صدك متحس بقيمتي الة لمن تخسرني
وراح اخسرك يا سامر، مثل ماخسرتني راح اخسرك
نبأ: تفضل شرايد؟
سامر: نبأ كسري الشر ورجعي وياي، مشتاقلكم
نبأ: لتضحكني واني بالباب عيب
سامر: ليش هيج صرتي، الحجيتة بذاك اليوم مالي قصد بي ابد وتعرفين كلش زين شكد احبج واعزج
نبأ: متوهم حضرتك
سامر: آخر مرة هاي يا نبأ اطلكج واحرمج من كَمر والله
شفتة صار اعصاب(للكاتبة طيبة الربيعي)
تهدد وتهدد
عشت علة تهديداتك
وجنت اطيعك بكل حجاية
بس هل مرة لا
كافي ادوس علة نفسي وابريك
كافي مو حتة الله ميرضاهة
نبأ: سامر اني جنت مجرد فاعل خير مريت بحياتك وهسه اجة الوقت الي لازم اطلع منهة بعد، اني مجرد فاعل خير الك بس شر الي، فاعل خير خسر كلشي لخاطرك، بس مع الأسف طلعت متستاهل، روح والقلب داعيلك، ماكلك مراح اتأذة
بس اهون من اعيش بذل واتحمل اهاناتك، الله وياك والقلب داعيلك(للكاتبة طيبة الربيعي)
سامر ...كلامهة قهرني وكسر خاطري
حجت هل حجي وعيونهة مغوركة
سدت الباب واني ضليت واكف
كل كلمة ترن بأذني رن
بس مادعت علية مثل مادعت علة اخوتهة
فعلاً خسرت انسانة مستحيل تتعوض
اطلكنة وكلمن راح بحالة
وبقت كَمر وسيلة اتواصل من خلالهة لنبأ
بس حرمتني من شوفتهة، من آخذ بنتي ماشوف نبأ
متطلع ولا تقابلني
روحت جوهرة باهضة الثمن نتيجة لساني
الماعرفت اتحكم بي
نبأ ...ﺍﺻﻌﺐ ﻣﻮﻗﻒ ﺑﻠﺤﻈﺎﺕ ﺍﻟﻮﺩﺍﻉ
ﻣﻦ ﺗﺸﻮﻑ ﺍﻟﭽﻨﺖ ﺗﺒﻨﻲ ﺗﻬﺪﻡ
ﻭﻣﻦ ﺗﻘﻮﻱ ﮔﻠﺒﻚ ﻭﺍﻧﺖ ﻣﺠﺮﻭح
ﻣﺎﻣﻬﺘﻢ ﺗﺒﻴﻦ...ﻭﺍﻧﺖ ﻣﻬﺘﻢ
ﻭﻣﻦ ﺗﺒﺘﺴﻢ ﺑﺲ ﺑﺪﺍﺧﻠﻚ ﻧﻮﺡ
ﺍﻟﺪﻣﻮﻉ ﺍﺑﺎﺏ ﻋﻴﻨﻚ ﺳﻜﺘﻪ ﺗﻠﺘﻢ
ﺗﻀﻄﺮ ﺗﻤﺸﻲ ﻟﻜﻦ ﻭﺍﻧﺖ ﻣﻜﺴﻮﺭ
ﻋﺰت ﻧﻔﺴﻚ ﺗﺒﺮﺭﻟﻚ ﺃﻟﻬﻢ
ﻭﺭﺍﻫﺎ ﺗﻌﻴﺶ ﻟﻜﻦ ﮔﻠﺒﻚ ﻳﻤﻮﺕ
ﻭﺍﺣﺴﺎﺳﻚ ﺍﻟﻄﻴﺐ ﻳﺒﺪﻱ ﻳﻔﻬﻢ
ﻭﻣﺎﺗﺤﻠﻢ ﺑﻌﺪ ﺑﺎﻟﻌﻨﻚ ﻳﺮﻭﺡ
ﻭﻣﺎﻣﺴﻤﻮﺣﻠﻚ ﻳﻮﻣﻴﻪ ﺗﻨﺪﻡ
ﻛﻞ ﺟﺮﻭﺣﻨﺎ ﻭﻛﻞ ﺍﻟﻤﻌﺎﻧﺎﺓ
ﻣﻦ ﻣﺎﻭﺭﻯ ﺍﻟﻨﺎﺱ ﺍﻟﺒﻴﻬﻪ ﻧﺤﻠﻢ
وونتقل الى نهاية الجزء الأول من قصة "فاعل خير"
أنتظروني بالجزء الثاني
ما هو مصير نبأ وسامر؟
اترك الساحة مفتوحة الكم اتركون العبرة الي فهمتوهة من خلال هل قصة
هل فترة حتكون استراحة الية كلش داتعب وعندي امتحانات، ادعولي حبايبي وانشاءلله بس ارتاح واريح بالي انزللكم الجزء الثاني
اشوفكم بخير ولتنسون ارائكم تهمني❤
أنت تقرأ
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
