#فاعل خير
#بقلمي طيبة الربيعي
البارت السابع
(للكاتبة طيبة الربيعي)
لبست حجاب وشريت الهدوم بالسطح
السطح خيسة
كلت غير يوم انضفة لان تعبت
وصار المغرب
صليت وبديت اسوي عشة
عمتي كالت الولد هيح وقت يطبون للبيت
وسامر يعزل ويجي وية العشة
بعد ما خلصت العشة اخذت فطومة وصعدت
فتحتلهة كارتون كعدت عالسرير تباوع
واني فتحت الثلاجة طلعت نساتل وعصير
خليتهة يمهة
نبأ: فطوم تحبين النساتل
اشرتلي براسهة اي
نبأ: اكلي ذني ومن يخلصن انطيج بعد
كامت باستني(للكاتبة طيبة الربيعي)
شلتهة بوستهة: افيييش، ولج شنو هل جمال، اااكلج
كامت تضحك
رجعتهة لمكانهة
واخذت فوني اراسل روى
دخل سامر
عفت الفون: الله يساعدك
سامر ...مر اسبوع ونبأ شايلة اهلي بالصلوات
تعجبني بنضافتهة وتصرفاتهة
بدون ماكللهة الكاهة محضرتلي اهدومي
وشلون ترتيب وندارة
غراضي ماتضيع بس اسالهة هذا وين
تركض اطلعليا
كدام اخوتي تلبس حجاب وتنتبه علة نفسهة
اذا صدرهة طلع لو شعرهة
يعني بدون ماحاجيهة
كلش مرتاح وياهة
وماشوف منهة شي يوحيلي مامرتاحة وياي
يعني رغم كتلهة مابيناتنة شي بس كدام العالم
ماضاجت واخذت بحجيي وتقبلتة بكل رحابة صدر(للكاتبة طيبة الربيعي)
من انام ماتتعدة حدودهة لو تحاول تتقربلي
ابد
لحد هسه مرتاح من ناحيتهة
وبيوم من رجعت من الشغل
وياي صالح، امي كالت روح بدل وتعال
مرتك حضرت العشة، واني اكول ريحة الاكل هاي
التعط منين، عبالي من الجيران
صعدت لكيتهة شايلة فطوم وتشاقيهة
وفطوم خربانة ضحك
بعدين شفتهة لزمت الجهاز
كمت اضوج اذا اشوفهة تلزم الجهاز
اكوم اشك
لان نور هم جنت ماشوف عليهة شي
وطلعت داهية
طبيت كالت الله يساعدك
سامر: ويساعدج
فطوم ركضت شبكتني
شلتهة بوستهة
سامر: فطومة ماما تصيحج، شوفي شتريد وتعاي
ركضت نزلت
سديت الباب(للكاتبة طيبة الربيعي)
وتقربت علة نبأ
نبأ ...من طلعت فاطمة سد الباب
وتقرب علية
سامر: ويامن تحجين
استغربت شنو مفهمت
نبأ: شنو
اشرلي بعينة عالفون
سامر: ويامن تراسلين
ابتسمت: وية روى
اخذ الفون من ايدي، تفاجئت ليش
بس طخت ابالي، يشك
حقة الصار ويا مو هين
بقيت واكفة مدنكة
خلي براحتة مالومة ولا اضوج بالعكس
سامر ...اخذت الجهاز
صدك تتراسل وية روى(للكاتبة طيبة الربيعي)
روى تكللهة هم رومانسي مثل احمد
نبأ ضحكت وغيرت الموضوع
باوعتلهة مدنكة
شمرت الجهاز عالجرباية ورحت للكنتور
سامر: بعد من ارجع ماريد اشوفج لازمة الجهاز
نبأ: ماشي
نبأ ...انقهرت بس عادي حقة
شفتة ضاج، يمة كلشي ولا يضوج مني
رحت يمة
نبأ: اني اطلعلك فوت غسل
باوعلي
ابتسمتلة، عاف البيدة ودخل للحمام
حضرتلة اهدومة
صاح علية: خاولي خاولي هم
نبأ: ماشي(للكاتبة طيبة الربيعي)
دكيت الباب وانطيتهيا
نزلت حضرت السفرة
الولد كلهم كاعدين
ولؤي يساعدني
نبأ: حبيبي لوشي ماكو داعي اني ارتبة روح اكعد انتة
لؤي: لا يابة ماعندي شي
نبأ: روح حبيبي اني اذا احتاجيت اصيحك
لؤي: هاا متأكدة؟
نبأ: وداعتك
راح لؤي درت لكيت سامر واكف
سامر: نبأ ميصير تكليلة حبيبي
باوعتلة مستغربة: ليش
سامر: ميجوز نبأ، بعد لتعيديهة
نبأ: ماشي
وراح، يا يوم يغار علية🙈
ياا شيغار، سكتي يمعودة هذا كلة من باب الاصول
مو مهم، المهم يمي وكدام عيني اشبع بشوفتة
سامر ...من سبحت وخلصت(للكاتبة طيبة الربيعي)
نزلت سمعتهة تحاجي لؤي وتكلة حبيبي
ضجت، مو غيرة بس مايجوز
وانوب من تحجي تتموع
هية طبيعتهة هيج
دخلت حاجيتهة، ماحجت شي بالعكس
هذا اليعجبني بيهة ماتلاسن وتسمع الكلام
كعدنة نتعشة، يخبل اكلهة
هاي الايام كلهة احس بنفسي ملك
اكلهة ونضافتهة
واشوف والدتي مرتاحة هواية
ورة العشة سوتلنة جاي
وكعدت ويانة
اخوتي يحبونهة خاصة لؤي
اشوفة يحب يسولف وياهة
وهية هم تسولف ويا وتضحك
يعني لو هاي نور جان سوت السوتة نبأ؟
لا والله ماعتقد(للكاتبة طيبة الربيعي)
امي راحت وصاحتني
دخلت لغرفتهة كلتلي اكعد
خفت بس لا عرفت بالاتفاق البيناتنة
سامر: ها يمة خير
ام سامر: يمة هاي البنية وردة وكلش مرتاحتلهة وراضية عليهة شفت شلون الله رزقكك ببنية علة كد حالك وطيبة وخلوقة، يمة لاتجرحهة بحجاية لو بفعل ترة يتيمة والاهم خوش انسانة
ارتاحيت
سامر: اي يمة صح كلامج
ام سامر: بس مو هذا موضوعنة، داشوف اخوك صالح راسة بالجهاز اربعة وعشرين ساعة، نبهة خل يلتفت لدروسة والله كريم يلحك علة هاي السوالف
سامر: اي اني هم ملاحظ هل شي، لا انشاءالله احاجي ومايكون الة خاطرج طيب
ام سامر: الله يرضة عليك حبيبي
بوستهة وطلعت
اتصلو بية جماعتي يجوني للباب يسلمون ويرحون
طلعت سلمت ولحيت عليهم يطبون
بس كالو مستعجلين
من راحو مريت عالاسواق
جبت حلويات ومن هل سوالف
ورجعت، حطيت نص بالثلاجة لاخوتي
والنص الثاني اخذتة
لنبأ، فتت لكيتهة نايمة وفطوم كاعدة يمهة تباوع كارتون
خليت الغراض بالثلاجة
حجيت بصوت ناصي
سامر: فطومة تعاي شوفي شجبلج
اجتني كلهة فضول(للكاتبة طيبة الربيعي)
فاطمة: شنو؟
شلتهة ونزلت
طلعت جبس وحلويات
وعصير خليتهن بجيس صغير
واطيتهيا
شلتهة ووديتهة يم الولد
سامر: جبت حلويات اذا تردون، ذنيج بالثلاجة
صالح: سامر اريد احاجيك
سامر: تعال
طبينة لغرفتهم
سد الباب هو
اني واكف
سامر: ها ولك شكو
صالح: كتلك علة هاي البنية الوياي
سامر: اي؟
صالح: اريد اتزوجهة
سامر: اي مو كتلك دتخرج وانروح نمشيلك عليهة
دنك: مو اخوتهة عرفو تحاجيني، ولازميهة مشبعيهة كتل(للكاتبة طيبة الربيعي)
رفعت حاجبي بعصبية
سامر: واني مو كتلك لاتحاجيهة بالجهاز!
باوعلي: مو بيدي والله احبهة
سامر: شنو فلمك انتة؟ مو تعرف اذا انلكفت يصكطونهة؟ هو انتة لو تحبهة ماتحطهة بهيج موقف
صالح: بقت سنة وحدة ونتخرج اثنينة، يعني ماضل شي مو مشكلة اذا خطبتهة هسه واتزوجنة ورة التخرج
سامر: وشلون ازوجكياهة واني ماشايل فلوس زواج صالح؟
دنك: شسوي لعد شلون اخاف لاينطونهة لغيري
صفنت عالكاع، منيلي فلوس اني
يادوب مطلع مصرف البيت
وفلوس عرسي كلهة انصرفت مابقة شي
باوعتلة: يعرفون انتة المحاجيهة؟
صالح: يعرفون محاجيتني بس ميعرفوني منو هية مامطية بية كدامهم
سامر: لوصتهة وتريدني احلهة مو؟
اشرلي براسة اي
جريت حسرة: اشوف هسه شكد ضل بالقاصة والله كريم(للكاتبة طيبة الربيعي)
صالح: خوية والله مو بيدي، يعني لو ماحبهة واخوتهة كاشفينهة ماحطك بهيج موقف
سامر: ميخالف يصير خير
طلعت ادخن وافكر
منين اجيب، القاصة بيهة عشرين مليون
وخالهن لراس الشهر اجيب بضاعة
طلعت افتر حسيت بنفسي مخنوك
صعبة من يطكك العوز
صعبة وبس اني شايل البيت
هو هم حقة يحب ويتزوج
فلوس زواجي يادوب جمعتهن
وبالدفرات
دك جهازي، نبأ
مالي خلك احجي، عفتة يدك
ضلت ادك ضوجتني
غلقتة، اخذت فرة اخيرة ورجعت
الساعة بالدعش
طبيت للبيت سنطة
صعدت فتت للغرفة شفتهة كاعدة
كامت مفزوعة: ضل بالي عليك وين جنت
نبأ ...صعدت انام حسيت بتعب
من كعدت ملكيت سامر
استغربت، نزلت جانت عمتي تصلي
والولد مطشرين واحد بالغرفة واحد بالهول
وصالح بالمطبخ(للكاتبة طيبة الربيعي)
بس سامر ماكو
نبأ: صالح تعرف سامر وين راح؟
صالح: مادري طلع
صعدت انتظر
صارت بالدعش الة وهو ماكو
ادك عليه ميجاوب
اخير شي كام يكلعلي مغلق
يعني غلقة، كلبي وجعني ياربي رجعة بالسلامة
بقيت اكل بروحي
لحد ما انفتحت الباب
كمزت خايفة عليه
سامر: شكو شبيج
نبأ: خفت عليك
سامر: ماكو داعي
طفة الضوة واتمدد
واني واكفة مثل الفزاعة، مبين صاير شي
ترددت احاجي لو لا
اخاف ليعصب ويضوج(للكاتبة طيبة الربيعي)
علويش احشر خشمي بكلشي
بس ماريدة يضوج😔
تقربت تمددت علة صفحتي وهمست
بأذنة
نبأ: سامر اكعد خل احجي وياك
سامر ...روحي طافرة ماردت احاجيهة
من تمددت اريد انام همستلي
سامر: نامي اريد انام
نبأ: شبيك ضايج شصاير؟
درت وجهي عليهة: لاتدخلين بكلشي، شي ميخصج لتحشرين خشمج بي
نبأ ...من دار علية شكلة معصب
ونبرة صوتة تخوف خفت
كلامة أذاني حسيت بفشلة
سحبت روحي لمكاني علة كيف
وتغطيت
نبأ: اسفة
سامر ...درت وجهي
كالت اسفة، انقهرت عليهة(للكاتبة طيبة الربيعي)
بس ماريدهة تدخل بية ضايج فرحان ميت عايش
ماريدهة تدخل
نبأ ...بالكوة نمت الفشلة جابتلي الأرق
فعلا مو من حقي ادخل، والولد خلفالله عليه اتزوجني
وخلاني يمة برغم ممجبور بية ولا من واجبة
يتحمل مسؤوليتي واني مو بكلبة
كعدت الصبح جان بعدة نايم
حضرت اهدومة ونزلت لكيت عمتي كاعدة
صبحت عليهة وسويت ريوك
هية تسولف واني ملتهية علة سوالفهة
بس فكري كلة بسامر
اتمنة يحبني مثل مااني احبة
اتمنة...
ورة مخلصت الريوك(للكاتبة طيبة الربيعي)
صعدت اكعدة
لكيتة كاعد والفشلة جان يبدل
وبس بالملابس الداخلية
يبووو سديت عيني بيدي
نبأ: اسفة اجيت اكعدك
سامر ...كعدت الصبح من طب الضوة بعيني
هاي منو فاتح البردة!
اكو غيرهة!
استغفرالله ربي استغفرالله
كمت غسلت وطلعت دك جهازي
رقم غريب
ماجاوبت لان روحي طافرة وبالي
مشغول بموضوع صالح
شو جاي ابدل طك خشمي دم
تفاجئت اول مرة هاي شنو السبب
دخلت غسلت وحطيت اكلينكس
دابدل دخلت نبأ
من شافتني شهكت وحطت ايدهة علة عينهة
لعد اذا شفتيني امصلخ شتسوين
سامر: عادي ماصار شي، خلصت
نبأ ...وخرت ايدي انتبهت عليه خال(للكاتبة طيبة الربيعي)
كلينكس بخشمة والكلينكس متروس دم
ركضت عليه
نبأ: عزةةة هاي شنو
سامر ...شو هاي ركضت تتلمس وجهي
سامر: ماكو شي
نبأ: بلة، عزةة سامر هذا دم، شصار ليش
نبأ ...كلبي وكع عليه
وخر ايدي وحجة بنبرة حادة
سامر: مو اكلج ماكو شي ليش تلحين!
باوعتلة متفاجئة: اسفة مو قصدي
سامر: لا كل شوية وجفصتي واعتذرتي، لتلحين ولتدخلين شكم مرة اعيدهة اني!
دنكت: بعد ماعيدهة، الريوك جاهز
سامر ...راحت هية واني بدلت ونزلت
صبحت وبست راس امي
شفتهة ترتب السفرة
ماباوعتلي
بس مبين انقهرت
استغربت صالح ماكاعد
سامر: شنو صالح كعد لا؟
ام سامر: لا والله كعدتة قبل شوية مقبل يكعد يكول تعبان يريد انام، شبي خشمك ماما ليش بي دم
سامر: ماكو شي حجية طك دم قليل
نبأ ...نزلت الدمعة من عيني(للكاتبة طيبة الربيعي)
مسحتهة بثوبي قبل لا ادخل المطبخ
بديت اودي الاكل للسفرة
كلت العمتي ديبدل هسه يجي
شوية ونزل، اذا باوعتلة لو حجيت افقد
السيطرة واطك بالبجي
شفت عمتي تلمست وجهة
ام سامر: يا يمة اسم الله، روح للمطبيب خاف عندك تورم لاسامح الله لو شي خطر
سامر: لا يمة شالسالفة اول مرة هاي يجوز مجروح جرح بسيط، نبأ
من كال اسمي التفتتلة بكل لهفة
اموت علة اسمي بلسانة
نبأ: ها
سامر: روحي كعدي صالح كليلة ماريد اتأخر
نبأ: ماشي
رحت كعدتة مقبل
صالح: لحد يكعدني بعد اريد انخمد!
شفتة معصب، طلعت(للكاتبة طيبة الربيعي)
نبأ: نعسان خطية ميكدر يكوم
سامر ...شنو نعسان شنو بطيخ
كمت وصلت للغرفة فتحت الباب وفتت
يتبع...🌺
أنت تقرأ
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
