#فاعل خير
#بقلمي طيبة الربيعي
البارت الخامس عشر
(للكاتبة طيبة الربيعي)
لزمت فانيلتي: سامر ماما ماتت
تباوعلي بصدومة وبتوسل
شبكتهة كامت تبجي
اخذتهة هية وامي لبيت اهلهة
فتنة صايرة هوسة
عمهة موجود وعائلتة
ولدهة يبجون والنسوان هم
نبأ فاتت كوة تمشي
بعدهة مامستوعبة
نبأ ...اخذوهة الماما قبل لا الحك اشم ريحتهة
قبل لا الحك اشبع منهة شوف
راح اماني، راحت الجانت محاوطتني بحنانهة
راحت الربتني وتعبت علية قبل لا الحك
اسويلهة شي يفرحهة، راحت بسببنة
بسبب اخوتي
اعصابي هاجت(للكاتبة طيبة الربيعي)
طفرت علة اخوية الجبير اضرب بي
نبأ: انذاااااال موتوهة يلة ارتاحيتوووو، اخذتوو مني امييييي
الله ياااخذكم، الله ينتقممم مننننكم حسبي الله ونعم الوكيل
لكم ليش مو حراااااام
سامر ...شفتهة تهسترت كامت تضرب بأخوتهة
وهمة ساكتين يبجون
جريتهة اريد اهديهة كامت تكمز
روحهة راحت
طفرت علة مرة اخوهة الجبير
ماكدرت اسيطر عليهة بعد
كطعتهة تكطع وذيج بتل كلب تحجي عليهة
فوك ما تواسيهة تتفهم وضعهة
لزمتهة صار مكاتل
اخوتهة كلمن جر مرتة
اخوهة الجبير جر مرتة جر للغرفة
وكطعهة تكطع ويصيح كلة من وراج
خليتيهة تروح غضبانة علية
مأسات مأسات(للكاتبة طيبة الربيعي)
نبأ واكعة بحضني تبجي بجنون
غصت صوتهة كوة يطلع
وامي تواسي بيهة واني خفت ليصير بيهة
شي لا سامح الله، مرن تلث ايام بصعوبة
نبأ ابيت اهلهة قافلة علة روحهة بغرفة امهة
متخلي واحد يفوت
بوقتهة شكد حقدت علة نسوان اخوتهة
واخوتهة طراطير مشو بحجي نسوانهم
من طفت شمعة البيت يلة حسو علة ارواحهم
اليوم الرابع رحت اجيبهة هية وامي
للبيت، قبل لاتطلع اندارت علة اخوتهة
نبأ: حوبة امي وحوبتي وراكم وراكم، ان شاء الله عمركم متتهنون ولا تضوكون طعم الراحة
اوووف دعوتهة حيل ثكيلة
وجوههم كامت تطي الوان
ونسوانهم يتشاورن بيناتهن ويعوجن
بحلوكتهن، اخذتهة وطلعت
بس شنو، جسد بلاية روح
مايعة بيدي
خفت عليهة وعالطفل
يومين اقنع بيهة تاكل ولو لكمة
معاندة وصعب اضغط عليهة وهية بهل حال
بس باليوم الثالث وكعت
اخذتهة للمستشفى(للكاتبة طيبة الربيعي)
شدولهة مغذي، والطفل نازل لازم ترتاح
والا يصير عندهة اسقاط
شفت الوضع صار جدي
حرت شلون اتصرف
اجيتهة بكل الطرق ومااجت
اربعة ايام سهران وياهة بالمستشفى
من رجعت عافيتهة شوية طلعتهة
وبديت اغصبهة عالأكل
تبجي وتتنحس حيل
بس ماعفتهة وياهة وياهة
واشوفهة ترتاح من فطوم تكعد يمهة
وفطوم مداريتهة رغم صغيرة بس تعاملهة
حلو، اخوتهة ماكو احساس
ورة فترة باعو البيت وانطوهة حصتهة
بس حصة امهم همة اخذوهة، نبأ دعت عليهم
وماحجت شي بعد، حتة ماعارضت من اخذو
حصة امهة، الهدوء البيهة حيل مخوفني
وهاملتني كلش(للكاتبة طيبة الربيعي)
عاذرهة المرت بي ودتمر بي شي ابد مو هين، يعني اخوتهة من لحمهة
ودمهة وهيج وياهة، ماتعتب عالغريب
ماتوقعتهم واطين لهل درجة
مر شهر، طول هاي المدة محروم منهة
ومن ضحكتهة، وصلت لدرجة ماتحمل بعد
وقررت اطلعهة اخليهة تغير جو شوية
مقبلت، ضوجتني
سامر: نبأ وتالي؟ حرام تسوين هيج ابطنج روح، امانة ربج هاي هاملتهة وهاملة نفسج، عبالج والدتج ترتاح من تشوفج تسوين هيج؟ والله دتعذبيهة ارحميني وارحمي حالج
نبأ ...دعيت من كل كلبي، يا اخوتي
يا من لحمي ودمي متتهنون بعمركم
لا دنيا ولا آخرة(للكاتبة طيبة الربيعي)
ماعندي غير هل كلام
اوف يا يمة رحتي ودمرتيني
انتهيت بعدج يا يمة
انتهيت
كلامة صحيح، داعذبهة
ماما تتمنى سعادتي، طول عمرهة
تحارب الي يحاول يخطف الضحكة من حلكي
بس هل شي مو بيدي، هل شي بكلبي
انزرع الحزن والهم والحقد بكلبي
حزني وهمي علة امي
وحقدي علة اخوتي
نبأ: ماريد، اطلع انتة، تغيير الجو مو لأمثالي
سامر ...كاعدة عالجرباية تحجي ومدنكة
واني واكف اعصابي هاجت
سامر: نبأ، كومي بدلي خل نطلع، يلة حبيبتي وناخذ فطوم همينة
نبأ: ماريد لتضغط علية
وتمددت تريد تنام
سامر بعصبية: نبأ كومي، هاي آخر مرة
نبأ ...اوف يا سامر دعوفني بحالي
مجاوبتة(للكاتبة طيبة الربيعي)
محسيت الة واجة جرني كومني
نبأ: داكلك عوفني مالي حيل اسوي شي سامر ليش تضغط علية
سامر ...كامت تبجي، واني نقطة ضعفي
عيونهة من تبجي
شبكتهة
وتمددت بصفهة، تبجي واني اواسي بيهة
واستمرينة علة هاي الحالة بالأشهر
روى جابت رحنة باركنالهم
ومن يومهة بدت نبأ تتحسن شوية شوية
عمهة الله يحفظهة دائما يسأل عليهة
ومرات يجيب اخبار اخوتهة بس هية متريد
تسمع شي عنهم، بدت تتحسن ورجعت
نبأ النادرة بس مو نبأ التضحك وية الهوة(للكاتبة طيبة الربيعي)
الحمدلله الله مكني وكدرت اسد الدين
وصالح مرتة حبلت
ونباوي بيهة بنية
حاير شسميهة، اريد نباوي هية تسميهة
كون هيج اسم حلو مثل اسمهة
دخلت بالشهر الخامس
اريدهة تغير جو ومدام عندي جوة ايدي
جم فلس حجزت فندق بأربيل
اخذ العائلة كلهة، وويانة احمد وروى وابنهم
اخذتهم لأربيل
ونستهم وخاصة نبأ وفطوم
ثنينهن فرحانات
نبأ بدت ترجع للحياة
ورجعتني وياهة، حيل تأثر بية هاي البنية
حيل، ولدت مريتي بنية كَمر
وقررت اسميهة كَمر ونباوي موافقتني الرأي
هية طلبت اسميهة ماقبلت هية تسميهة
واختاريتلهة اسم على مسمى(للكاتبة طيبة الربيعي)
بنيتي كبرت صارت سنتين وبدت تمشي
وتصيح ابا واما
حرام اذا نتفهم شي منهة
اما وابا والباقي تفال
ماحجيلكم عالشكار
نفس عيون نبأ بس حنطية
وماخذة من سماري شوية
بيوم رجعت من الشغل العصر
مادري شبية راسي واحس بلعبان نفس
يمكن تسممت من اللفات الجبتهن من الشارع
ماتوب اني، جنت اكل عادي ميأثر
بس هسه شكلهة أثرت هواي
طبيت للبيت اسمع صوت
صوت ابد مو غريب(للكاتبة طيبة الربيعي)
صوت الانسانة الخانتني
صوت الانسانة الاشوف ابليس وماشوفهة
ماستوعبت الة لمن طبيت للهول
وشفتهة كاعدة وية نبأ وامي ومرة صالح
وبحضنهة بنتي
نبأ ...سامر رغم اهمالي ونفسيتي التعبانة
متركني، اشوفة دائما يحاول يخفف عني
ويطلعني من الكئابة الآني بيهة
ونجح بهل شي، حبيبي ربي يوفقة ويفتحهة بوجهة
من عالي سماه، ولدت بنوتة
ماخذة مني ومن ابوهة
والاهم ماخذة من سمار سمورتي
الفرحة مواسعتني
بس بيهة نقص(للكاتبة طيبة الربيعي)
تمنيت ماما وياية بهل لحظة
بلحظة الولادة من اتألم ومن تجي تواسيني
وتنسيني كل الألم، كبرت بنوتي
وحياتي وية سامر سعيدة بشكل
اخوتي ماريد اسمع اخبارهم ابد
بس خبر واحد
اسمع بيهم متعلعلين وحوبة امي وحبوتي
موكعتهم، ذرة من الرحمة بقلبي مبقت عليهم
من زمااان يأذوني
بس من أذو امي
هذا هو ذبيتهم بالزبل
بقيت علة تواصل وية نور
تحسنت وتوضفت ذابهة نفسهة عالشغل
كلش متغيرة، للأحسن يعني
رغم بالبداية جان قلبي يلعب منهة
بس ثبتتلي تغيرت ونيتهة حسنة
وبيوم سامر بالشغل كالعادة
كالت بنفسي اشوف كَمر(للكاتبة طيبة الربيعي)
واريد اشوفج مشتاقتلج
عزمتهة، كلت العمتي كالت عادي
بس كون سامر ميعرف
ابد مابضني يرجع من وكت
وابد مو من عوايدة
من شفتة فات دمي نشف
يباوعلي ويباوع لنور
واني اباوع العمتي واباوعلة
يمة بساعتهة تمنبت اشوف الموت
ولا هل شوفة
سامر: هاي شتسوي هنا؟
كمت
كامت نور: اعتذر اني اترخص
سامر: لحظة لحظة
باوعلي: هاي شتسوي هنا؟
بلعت ريكي(للكاتبة طيبة الربيعي)
حلكي يبس مكدرت انطق بحرف واحد
ام سامر: البنية جاية تشوف صديقتهة يمة
سامر بعياط: صديقتهة شنو!
كَمر كمزت وكامت تبجي
اخذتهة شلتهة
سامر: شنو صديقتهة! نبأ داسألج هاي شعندهة هنا!!!!
مرة صالح اخذت كَمر مني
لان كمت ارجف ماكدر اشيل نفسي
نور: نبأ معليهة اني اجيت اشوفهة
تقدم يأشر بيدة بعصبية
ووجهة صار ميتفسر
سامر: لاتخبليني نبأ!!!!! مو احاجييييج!!!
نبأ: سامر الله يخليك اهدأ واسمعني
سامر: شسمع! شسمع!!! يلة اسمعج احجييي!!!!
نور: سامر داكلك نبأ معليهة اني الأجيت
سامر: انتي انلصمي مالج شغل! مو احاجيج انتي!!!!
دنكت ماعرف شحجي
ماعندي شي احجي
سامر: امشي ولي طلعي، واذا سمعت صوتج لو شفتج قريبة اكلب الدنيا فوك راااسج
ام سامر: علة كيفك ماما(للكاتبة طيبة الربيعي)
نور: سامر حرام عليك طلبت السماح الف مرة، الله يسامح انتة ليش مدتتقبل اعتذاري
كام يفشر عليهة ويغلط
واني القط اكل لساني
اجة جرني من ثوبي
سامر: آخر مرة اسألج، من شوكت تحاجيهة؟
انهضمت من حركتة
نبأ: من زمان
جرني اكثر وعاط بوجهي
متت ردت اوكع
سامر: من شوكت!!!!!
نزلت دمعتي: من جنت حامل بكَمر
دفعني عمتي عاطت بي
بس ولا كأنو احد كدامة
تهستر
نور: ليش تحملهة ذنب مالهة دخل بي
سامر: ولجن ثنينجن نفس الطينة، حرام لفيتج ابيتي والله اكبر حرام(للكاتبة طيبة الربيعي)
انصدمت بكلامة
كمت اخربط بالحجي
نبأ: سامر شبيك
سامر: سدي حلكج حجاية وياج بعد ماعندي،وانتي امشي ولي طلعي هاي آخر مرة اشوفج بيهة هنا
نبأ: سامر اذا اني اكبر حرام ليش تزوجتني
جوابة جان صاعق
سامر: تذكري وحطيهة ابالج زين، انتي الشمرتي روحج علية من لفيتج عبالي ادمية طلعتي حالج حال الساقطة الواكفة يمج
ام سامر: ساامر!
فكيت حلكي
ممستعوبة السمعتة
اباوعلة متفاجئة
مقهورة
مكسورة(للكاتبة طيبة الربيعي)
كلي الآم ووجع
هل جملة غيرت كلشي بية
طفت آخر شمعة بداخلي
يمكن اليسمعة يكول عصبي ميقصد
وميحس بألي يسوي او يكولة
بس بوقت العصبية يطلع الكلام الحقيقي
أصبح داخلي مظلم كظلام الكحل الأسود، كقلب الظالم، كالحبر الأسود، تدمرت آخر قطعة بنيتها في داخلي، آخر قطعة بنيتها بوجع قلبي، آخر قطعة من أجل حبك، تهدمت ...
مر شريط ذكريات حبي لك، سهر الليالي بذرف الدموع وتهشم القلب، عجزت على معرفة كسبُ قلبك لينير ما انطفأ من قلبي ...
هنتني يا سامر كدامهم(للكاتبة طيبة الربيعي)
هنتني ودست علة كرامتي بكل قوتك
هل جملة كفيلة بأن تحطم الجسر الي
بنيتة بدم قلبي علمود يوصل قلبك
مع الأسف ...
عفت كلشي وأخذت بنتي وصعدت
يتبع...🌺
منطاني قلبي انزللكم بارت واحد
واريد تحليلاتكم وارائكم حبايب
مو بس كملي اريد تعليقات اتونس عليهة
تسويلي واهس😢
أنت تقرأ
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
