#فاعل خير
#بقلمي طيبة الربيعي
البارت السادس
(للكاتبة طيبة الربيعي)
بس بنات خوالي وعمامي باقيات
كعدنة سوالف وضحك
احمد ومرتة نغولة مايكعدون راحة
ثنينهم يبسمرون
شوية وراحو
ضلينة بس اني وياهة وعائلتي وامهة
نبأ ...فطومة اختة اجنن
تستحي هواية ومتكعد يم احد
لاحظت هل شي عليهة
لا ركصت ولا هوست مثل باقي الجهال
من يجروهة تدفعهم بخفة وتضوج
اشرتلهة تجي يمي
اجتي بس بتردد
وكفت كبالي
اخذت ايدهة(للكاتبة طيبة الربيعي)
نبأ: يا حلوة ليش كاعدة وحدج
هزت جتفهة ومالت راسهة، يعني ماعرف
شلتهة كعدتهة بحضني وبستهة
سامر ...اول مرة فاطمة تكعد بحضن غريب
ابد متحب تختلط بأحد رغم صغيرة
والمفروض تكون مرحة
بس اذا احد ضوجهة تكب
شفت نبأ تسولف وياهة
واني كاعد بصفهة وفاطمة تباوعلي
وتبتسم، اموت عليهة
سامر: فطوم شو بعتيني
نبأ ...ضحكت وباوعتلة(للكاتبة طيبة الربيعي)
فطوم ابتسمت وتجت راسهة علة صدري
سامر: هاي هية يعني لكيتيلج البديل، الحمدلله والشكر، ترة لا تشوفيهة عادئة اذا لزكت بيج تلزك
نبأ: خليهة فدوة الكلبهة احلة لزكة
اجوي ماما وعمتي
ام سامر: يلة ماما اخذ مرتك واصعد، واني وعمتك هنا باقين
سامر: خوش، كلي للولد خيطبون بعد تأخر الوقت
ام سامر: يمة عوفهم كاعدين يتعللون برة، شوية واطببهم، يلة انتو صعدو
عمتي اخذت فطوم وراحت
كام سامر اخذ ايدي
سامر: خوش ممثل اني مو
ضحكت: اي(للكاتبة طيبة الربيعي)
اخذني وصعدنة، الغرفة اجنن
انبهرت بيهة
اول مرة اشوفهة
لان اوت البارحة يلة جهزت
لون الحياطين بيض
واللوحات كلوب و ورود حمر
الكنتور ابيض جبير
وميز جوزي عليه مكياجي
منسق وية لون السرير
الفرشة مال سرير بيضة وضخمة
تخبل كلش عجبتني
سامر ...من صعدنة راقبتهة شلون
تباوع للغرفة بابتسامة
هاي لو نور جان عجبتهة؟(للكاتبة طيبة الربيعي)
جان طلعت الف عيب بيهة
بعدني ماخاطبهة تكلي احجزلي بفندق
مستحيل اقضي اول ليلة بعرسي بالبيت
الف الحمدلله والشكر الله خلصني منهة
قفلت الباب دارت علية
سامر: اخذي راحتج طبي للحمام، واني ادخل
وراج عود
دنكت تفرك بيديهة: شكراً سامر
سامر: علة شنو؟
نبأ: علة كلشي، رغم متحبني اتزوجتني وحبيت تساعدني صعب اوفيلك هل دين
جتفت ايدية وانتجيت عالباب: هذا مقابيل السويتي علمودي، نبأ محد غيرج نبهني وخلاني اوعى علة نفسي، نقذتيني قبل اتورط، صح اني ماحمل مشاعر الج بس اعزج هواي صدكي لو ما اعزج مازوجج، بس اريد منج ادارين والدتي وتوفين ماريد جذب لو خيانة ابد(للكاتبة طيبة الربيعي)
باوعتلي: مستحيل اسويهة، سامر اني مستحيل اباوع لغيرك صدكني واذا عالجذب فااني ابد ماعرف اجذب، لو اعرف جان كدرت اجذب عليك واكسبك الية من بالبداية
دنكت مقهورة
تقربت منهة ورفعت راسهة: نباوي عوفي الماضي، الفات مات خل نعيش حاضرنة، يلة طبي بدلي حتة اطب وراج راح انام علة روحي
نبأ بابتسامة: ماشي
نبأ ...اوف من تقرب ورفع راسي
عبالك بحلم مو بعلم، طلعت بجامة وخاولي
من الكنتور ودخلت للحمام
توني فتت ردت انجبح علة راسي
همزين لحكت اجلب بالمغسلة والحايط
نزعت البدلة خليتهة علة صفحة
وخضيت جسمي وفتحت شعري
غسلتة ومسحت المكياج(للكاتبة طيبة الربيعي)
نشفت لبست البجامة وطلعت
جان سامر متمدد عالسرير وبيدة الفون
شافني كام: نعيماً
ابتسمت: الله ينعم عليك، دير بالك الكاع يمزلك جان وكعت
سامر: ااه؟ خاف من الشامبو
نبأ: لا توني فتت واتزحلكت همزين لزمت المغسلة
سامر: شكرا عالتنبيه، هسه اشوف القصة شنو
سامر ...طبيت الحمام صدك يمزلك
خرب هاي موكعين شمع
هاي سوالف امي
تعلك شمع بالحمام علمود ريحتة
تبقة طيبة، سبحت وناسي مامدخل هدوم
اندكت الباب(للكاتبة طيبة الربيعي)
نبأ: سامر نسيت ملابسك
فتحتة ومديت ايدي
سامر: عاشت ايدج راح من بالي
نبأ: تريد عشة جوعان؟
سامر: لا اني شبعان اريد انام، اذا جوعانة اكو دجاج ضوي وكباب بالثلاجة اليمج
نبأ: لا اني شبعانة مثلك واريد انام، بس عبالي انتة جوعان
سامر: خوش(للكاتبة طيبة الربيعي)
بدلت وطلعت
دخلت للحمام وطلعت شايلة اهدومي
علكت القاط والبدلة
واني تمددت
سامر: من تخلصين طفي الضوة
نبأ: ماشي
نبأ ...طفيت الضوة ورحت تمددت بصفة
بسرعة غفة باوعت لوجهة
ملامحة تخبل
عبالك طفل ونايم
ولا اشبع من شوفتة بس تعبانة
نمت
سامر ...كبل شمرت نفسي بسابع نومة
ميت من التعب، كعدت علة صوت طكطكة
فكيت عيني وكمت(للكاتبة طيبة الربيعي)
لكيتهة فاتحة الكنتور ماعرف شتسوي
سامر: صباح الخير
نبأ ...كعدت من وكت غسلت ونزلت
كلهم نايمين
باوعت الساعة بالسبعة ونص
فزيت من لكيت فطومة وراية
شلتهة: حياتي ليش كاعدة
تفرك بعينهة: اريد مي
بستهة: افييش مو تدللين
شربتهة مي خلت راسهة علة جتفي
صعدت واخذتهة وياية
نومتهة بمكاني وغطيتهة(للكاتبة طيبة الربيعي)
وتوني داطلع اهدوم لكيتهة بصفي
فاطمة: ماريد انام اريد اكعد يمج
نبأ: براحتج قلبي، هسه بس اطلع اهدوم ونكعد
اشرتلي براسهة اي
داطلع اهدوم جان اجاني صوت سامر
درت عليه: صباح النور
سامر: شو كاعدة شعندج
نبأ: مجايني نوم، فطومة همينة مجايهة
سامر ...من سمعت فطومة فزيت من شفتهة
واكفة بصف نبأ
ماشفتهة قزمة
بس من رفعت راسهة وضحكت وكفت كلبي
سامر: ولج ليش مانايمة
ضحكت ومالت راسهة(للكاتبة طيبة الربيعي)
نبأ ...طلعت الهدوم وخليتهم عالميز
ثوبي الابيض مال صباحية عرسي
ودشداشة سامر
شلت فطومة وصعدت عالسرير
سامر ...رجعت خليت راسي عالمخدة
شفتهن صعدن ثنينهن
فطوم كعدت بحضن نبأ وتغطت وياهة
سامر: شو ماخذة راحتج لج كومي نامي جوة
فاطمة مدت بوزهة: معليك
سامر بصدمة: ااه(للكاتبة طيبة الربيعي)
نبأ ضحكت: خليهة عادي
سامر: والله عمي خوش، ثنينجن علية
ضحكت
نبأ ...نومتهة بحضني غفت
وسامر شفتة مغمض
نزلت للفراش وحاولت اغفة
بس ميصير انام بعد مبقة شي ويكعدون
ماما وعمتي
اباوع لفطومة تنطي شبه لسامر
بس بيضة
اخوتة كلهم بيضان بس هو اسمر
بس احلة واحد بيهم😍
شفت سامر كام
باوعلي: نايمين؟(للكاتبة طيبة الربيعي)
نبأ: اي، دشداشتك عالميز
سامر: عاشت ايدج
سامر ...والله عمي من اول يوم
وهيج فطنة، عجبتني
منظرهن ثنينهن يخبل
متفاجئ بفطوم اول تالي ترتاح لغريب
وانوب نامت بحضنهة
وثنينهن بيض بس اني مبين بالفراش اجلح
طبيت غسلت وبدلت
طلعت تعطرت
سامر: نبأ
فكت عينهة: ها
سامر: مو تنسين الفراش لاتخلين امي تشوفة
نبأ: اي اعرف
شفتهة صارت حمرة(للكاتبة طيبة الربيعي)
هههه شبيهة هاي علة كلشي تخجل
بس اني شلون راح اتحمل قريبة مني
وماتقربلهة، يعني حتة لو ماحبهة
بس صعبة وهية حلوة وبيضة
تنكرط كرط واني رجال شاب
خرب عرضك سامر عود هذا اول يوم
هاي هية وكعت الحجاية بالبلوعة
فتحت الباب ونزلت
شفت صالح كاعد
سامر: ها ولك شو ختلات(للكاتبة طيبة الربيعي)
ضحك وكام باركلي
غمزتلة: منية سعيدة الحظ
صالح: بنية وياي بالكلية
باوعتلة بجدية: تحبهة لو...
صالح: لا احبهة، واريد اخطبهة بس اخلص
سامر: انشاءلله تدلل صلوحي، بس كون تاخذ الشهادة وتشتغل تدلل
صالح: تسلم خوية ماتقصر
فززتني هلهولة امي
كمت بوستهة بيدهة وبراسهة
باركتلي وسألتني اذا كلشي تم
كتلهة تم، اجتي عمتي باركتلي
بوستهة براسهة
ام نبأ: الله يحفظك ويسترك ياابني ويشوفك ايام حلوة مثل اخلاقك وكلبك
سامر: الله يخليج عمة(للكاتبة طيبة الربيعي)
راحن صعدن لنبأ
واني وصالح كعدنة بالهول
اجوي اخوتي وائل ولؤي
هم باركولي وكعدو
نبأ ...من طلع فرشت فراش بالكاع
وشلت فطومة
شلت الفرشة شمرتهة بالحمام
وفرشت غير وحدة، حمرة
ورجعت فطومة عالسرير
لبست الثوب مكيجت وعدلت شعري
دخلو ماما وعمتي
باركولي ويصنفن علية(للكاتبة طيبة الربيعي)
ام سامر: خالة شو من اول ليلة سمنتي
امي ضحكت: عيني غير ابنج الفاعل
ام سامر: وبنتج المفعول به
ضحكني خرب، هاي شنو
بس من عمتي كالت وين النشيان
وجهي صار اصفر
نبأ: مو الفرشة بالحمام
باوعتلي بعدين ضحكت
ام سامر: شبيج عمة راح تموتين، عزة هاي فطيم شتسوي هنا
عبالي نايمة يم اخوتهة
نبأ: الصبح من طلعت اجتني عطشانة وغفت علة جتفي، جبتهة يمي(للكاتبة طيبة الربيعي)
ام سامر: والله فطوم ابد مترتاح لأحد ولا تندمج وية احد غيرنة، بس الظاهر ارتاحتلج
ام نبأ: شلون فطوم هية اجنن
اندكت الباب
فتحتهة عمتي
لؤي: سامر يكول يلة ريوك جوعان
ام سامر: يلة يمة اجينة
طفيت الضوة علة فطومة
ونزلنة
الريوك حاضر بس طكيت بيض
عمتي مقبلت بس اني لحيت كتلهة اني اريد اسوي
اجة لؤي اخذ مني السفرة وكال اني راح افرش
حبيبي فدوة الطولة شلون حباب وسخي
كعدنة نتريك سوالف وضحك
ناس طيبين ومالة الله(للكاتبة طيبة الربيعي)
اباوع السامر فدوة اروحلة شلون رزن
وشخصية، شبعت بس بشوفتة
للعصر ماما راحت اجة اخوية عليهة
ومشة اليوم طبيعي
عمتي كلش حبابة وطيبة
سوالفهة اتضحك
مر اسبوع
بالسبعة مالتي اجوتي نسوان اخوتي وية امي
باركلي بس من ورة خشمهن اكيد
وروى حبيبتي مقصرت ونستني بسوالفهة
الحلوة
روى: بربج هية هاي مرة اخوج ماخذهة؟ من سلمت عليهة بشرتهة جكتني
ضحكت: لج سكتي لتسمعج
روى: يمة باع ذيج جنهة سحلية، ليش هيج ضعيفة عفية شنو متاكل، وانوب زركة خرب حظي، الكتلني اخوتج حلوين وشكران اففف امدة حظي ليش محد بيهم خطبني شناقصني(للكاتبة طيبة الربيعي)
نبأ: يمة منج، مو متي علة حمودي شو هسه صار ميعجب
روى: يمعودة هذا العندي اجلح، بس فديتة اموت بيه كلة رومانسية، بليل يصير مهند
ضحكت، مجوز
ورة مراحو بديت انضف
لان انتبهت البيت رغم مرتب
بس الوصاخة مدحوسة
من شفت الولد كلهم برة
وسامر بالشغل
اتخذتهة فرصة، صعدت لبست دشداشة
وشلت شعري ونزلت
جبت المكناسة الكهربائية(للكاتبة طيبة الربيعي)
وبديت اكنس
شو هاي طفت
باوعت لكيت عمتي يم الواير
ام سامر: عمة اني مو كتلج عوفي الشغل هسه بعدج عروس
نبأ: لا عمة فدوة والله ماعندي شي اسوي ضايجة
ام سامر: الله يبارك بيج انشاءالله، والله ظهري يوجعني مابية انضف الهول جبير
نبأ: ولا يهمج عمة هسه اني انضفة
باستني وكعدت
شكلت الواير وبديت اكنس
ورة مكنست مسحت الكاع
من خلصت من الهول(للكاتبة طيبة الربيعي)
رحت لغرفة الولد
هوسة ومكلوبة كلب
طلعت الملابس الوصخة
خليتهن بالحمام
طبعا فطوم تفتر وراية
كلسع تكلي تعاي يمي
نبأ: حياتي هسه اجيج بس اخلص
تفتر وراية ههههه
فدوة الكلبهة
نضفت فراشاتهم(للكاتبة طيبة الربيعي)
نكتتهة وشلتهة صفطتهن وخليتهن فوك الكنتور
بعد مامسحتة لان جان كلة تراب
مسحت الكنتور والميز
نضفت البلي والتلفزيون
رتبت اقراصهم وخليت كلشي بمكانة
فتحت الشباك علمود تتهوة الغرفة
خلصت غرفتهم
دخلت الغرفة عمتي
مرتبة تخبل
مابيهة شي
طلعت
نبأ: عمة عندج ملابس يحتاجن غسيل؟
ام سامر: لا عمة ملابسي كلهن نضيفات، بس اهدوم الولد وصخة، يلبسوهن منا يشمروهن مناك
نبأ: تمام
شغلت الغسالة(للكاتبة طيبة الربيعي)
وبديت اغسل اهدوم واشر
نضفت الحمامات كلهة
نضفت الدرج
وفوك اكو غرفتين يم غرفتنة
وحدة بيهة غراض قديمة
والثانية بيهة الحصة
يتبع...🌺
اكيد اول احداث تكون بطيئة لانها توصف الشخصيات والاماكان واكيد المشاعر بأول الطريق
اصبرولي حبايبي❤
أنت تقرأ
فاعل خير
Romanceليس بيدي ان كانت حيلتي بقلبي لم اتمنى يوماً رؤيتك حزيناً أعتذر لكوني أحببتك بقوة شديدة، بهوس ولم اتعلم كيف أن أحبك بطريقة بسيطة أعتذر لكون حبي لك فاق الفؤاد وفاقني ... الجزء الأول بقلمي #طيبة الربيعي
