جمالي سبب شقائي - الكاتبة أميره أحمد

الفصل الثالث

صفية بعد انتهاؤها من تحضير السفرة :
محمود يا محمود يالا يا حبيبي انا حضرت الاكل .

محمود في ارتباك حاضر .. حاضر .. وخرج محمود ولكن وجهه شاحب وعلامات الارتباك تظهر عليه .
صفية : محمود مالك ؟؟ فيك اي ؟؟؟
محمود ونبضات قلبه تكاد تفضح امره :
لا ابدا انا مرهق بس من الشغل ومحتاج ارتاح شوية .
صفية : طيب يا حبيبي تعالي الاكل جهز وبعدها ادخل ريح براحتك .
فابتسم لها محمود ابتسامة باهته . وذهب للسفرة.
صفية : جميلة.... شهد يالا يا طه الاكل ياولاد .
اسرع طه وشهد وكانهم يتسابقان .. اما جميلة فكانت حزينة او خائفة من شيئا ما.. ..
صغية : جميلة حبيبتي مالك حد زعلك فبكت جميلة بصوت خافت وقالت عايزة ماما..... نظر اليها محمود بترقب خوفا ان تنطق بحرف وتعلم زوجته بما فعل بجميلة واسرع وحملها وانطلق بها..
صفية : محمود انت رايح فين ..؟؟!
محمود : لحظة يا صفية اشوف جميلتي زعلانه ليه.........
وبعد ان اصبح بمفردهما قال لها :
جميلة ... تعرفي ان خالو بيحبك وبيلعب معاكي .
فنظرت اليه جميلة ببراءة وهي لا تدرك ما فعل خالها بها.
محمود : حبيبتي انا كنت بلعب معاكي علشان تبقي مبسوطة فاهمة يا جميلة ..
ردت جميله بس اللعبه ديه وحشة يا خالو ...
محمود : خلاص مش هلعبها معاكي تاني ... ها لسة زعلانه .
جميلة : لا يا خالو وابتسمت ببراءة .
تنهد محمود ارتياحا : طيب اوعي حد يعرف باللعبة ديه وانا هجيبلك لعب كتيييييير .ويالا علشان ناكل وننزل ننشتري اللعب .. مواففة
هزت جميلة راسها بالموافقة . فحملها وانطلق ليسرع الي زوجته وابنائه..... لتناول الغداء.
وبعد الانتهاء من الغداء اخذ جميلة ليشتري لها العاب كما وعدها .....

ورن جرس الباب
صفية : اهلا منال وحشتيني يا حبيبتي تعالي نورتي
منال وهي تحتضن صفية بحب : واانتي اكتر والله يا صفية ومش بتيجي عندنا .
صفية : اسفة والله انتي عارفة الوقت وكمان اخوكي بيرفض خروجي
منال : اااااه انتي هتقوليلي علي محمود .المهم اخبارك اي معاه ؟
صفية : والله يا منال مش عارفة بيكلمني كويس لكن احساسي بيقولي انه لسة بيعمل علاقات .
منال : اوووووف انسي بقا محمود اتغير وبقا يحبك وبيحب بيته واولاده
صفية : والله ده احساسي يا منال .صحيح الكلام اخدنا استني نشرب حاجة انتي اخديني فالكلام .. فضحكت منال .وامسكت بذراعها لالا فين بس جميلة وحشتني موووت واحمد هيتجنن عليها
صفية : ربنا يحفظهالكم يارب بس جميلة مش هنا.
نظرت منال في قلق ...
صفية : جميلة مع محمود اخدها يشتري لها العاب .
منال : ليه كده والله عندها كتير ...
صفية : اولا ده خالها يعني في مقام ابواها وهما علي وصول. وفي نفس اللحظة فتح محمود الباب .....

جميلة : ماما ماما وارتمت جميلة في احضان امها وبكت...........

-------------------------------------------

يعني اي يابابا انا مش فاهم قصدك.
احمد ( والد جميلة ) قصدي ان جميلة اختكم حتي لو كنتم رافضين زواجي

زكريا : بابا لو سمحت ممكن تدخل فالموضوع ..
فتجاهله والده ونظر لايهاب وقال :
ايهاب لازم تفهم انت واخوك انكم بتعاملو البنت وحش وديه طفلة . كل اللي بطلبه اهتمو باختكم وحافظوا عليها انا مش هعيش لغاية ما اشوفها زيكم في بيتها .
رد زكريا في مضص حاضر يابابا في حاجة تانية حضرتك؟؟؟
نظر احمد لاولاده مستغربا من موقفهم العدائي لجميلة الصغيرة.وقال :
لا اتفضلو وفكروا كويس ... وانا بقولكم هي اختكم برضاكم او بدونه . .....
نظر ايهاب لزكريا وانطلقا.....
بينما جلس احمد يسترجع شريط ذكرياته بعد وفاه امهم .