ومع مرور الايام لم تصبح جميلة مجرد فتاة تراهن عليها طه مع اصدقاءه بل احبها ...اصبحت محبوبته وتبادلا الاحاديث بسعادة والضحك ايضا ....
اصبح لا يتوقف عن التفكير الا بشأنها....
وكلما تقابلا كانا يخطفان النظرات المتبادلة بدون ان يعلم كلا منهما حقيقة الاخر ....
وتوالت الايام والاشهر ....
وتقابلا طه وجميلة في الجامعة ..
فاسرع طه الي حبيبته
صباح الخير ياجميلة ...
فخفق قلب جميلة .. فهي لاول مرة تشعر بهذا الشعور . وتتدافق ضربات قلبها وتتراقص فرحا وقالت :
صباح النور يا طه..
طه: طمنيني اخبارك ؟؟؟
ابتسمت جميلة وقالت تمام الحمد لله ....وانت ؟
فرد قائلا ... مادام جميلة بخير اكيد انا بخير...
فنظرت جميلة في الارض خجلا.. فقال طه لتخفيف خجل جميلة...
تعرفي ياجميلة انا كان لي بنت عمة اسمها جميلة....
فضحكت جميلة وقالت : وانا كمان كان لي ابن خال اسمه طه.
فنظر اليها وقال طه.... معقول نكون متشابهبن كده..
وصمت لثواني وقال .. جميلة ... ممكن اعرف اسمك بالكامل ؟؟؟؟
جميلة : اكيد طبعا ليه لا !!! انا جميلة احمد ابو اليزيد.....
فنظر اليها وقال مرددا جميلة احمد ابو البزيد....
فردت جميلة ... ايوة
فقال طه ... ممكن اعرفك بنفس ؟!!!
جميلة : مش فاهمة تقصد اي يا طه ؟؟!!! انا طه محمود عز الدين علي....
فنظرت له جميلة وقالت ... طه محمود عز الدين !!!
فابتسم طه وقال .. ايوة يا جميلة .. انا طه ابن خالك
محمود.....
فانتفضت جميلة وصدمت وكيف لا وخالها اول شخص طعنها ودمر لها حياتها .فسقطت دموع جميلة وذهبت مسرعة من امامه...
واسرع طه خلفها مناديا جميلة .... جميلة.... فاسرع اليها ..وامسكها من يدها .. وقال ..
ليه ياجميلة ..؟؟!
فبكت جميلة وهي تنظر اليه ولم يكن لديها رد علي سؤاله ..... ولكنها تلوم قلبها .. لما احبه .. ولماذا تعاندها الحياة .. ولما .. ولما ....
فقطع طه سيل أسئلتها لنفسها : ليه ياجميلة ... ليه الدموع..
فتماسكت جميلة وقالت : طه من فضلك لازم استاذن ....
طه :لا ياجميلة .. تعرفي طول عمري بتمني اشوفك...
جميلة .. انا ..... ونظر في الارض وصمت ..
فذهبت جميلة وتركته.......تركته وقلبها يبكي ...وتقول لنفسها
معقول انت ياطه ... معقول احبك انت ؟؟؟؟
اما طه فاستمر واقفا في مكانه.....ويتسال بحيرة ليه ياجميلة.؟؟؟!ليه دمعتك ؟؟؟ وليه هروبك ؟؟؟
ياااااه ياجميلة .. معقول نتقابل ؟؟؟انا كنت بتمني بس اشوفك في المنام.......
وفي اليوم التالي لم تذهب جميلة الي الجامعة...هروبا من حبها ...
وظل طه يبحث عنها ..... واستمرت ايام لا تذهب للجامعه هروبا من طه ..فهي احبته .... ولا تستطيع مواجهته.....وعندما علم زكريا بغيابها عن الجامعة...
قلق عليها وذهب لبيت خالتها ليطمئن عليها......
وعندما فتحت الباب ...
جميلة : اهلا ... اتفضل حضرتك ....
زكريا : عاملة يا حميلة ؟؟؟ الحمد لله ... بخير.. مش بتروحي الجامعة ليه ؟؟
جميلة : لا عادي ... حضرتك عرفت ازاي.؟؟
روحت لك الجامعة عرفت انك داخلة في اسبوع مش بتروحي . قلت لازم اطمن عليكي..
جميلة : ابدا كنت تعبانه شوي..
فنظر اليها زكريا وقال .. هتخبي عليا ياجميلة
فبكت جميلة.... فقام زكريا وجلس بجانبها.....
طمنيي مالك ياجميلة...
وقصت عليه جميلة ما حدث ...
فابتسم وقال : سبحان الله بعد السنين دي كلها ...
وسالها . انتي حبتي طه ياجميلة؟؟
فارتبكت جميلة وقالت .. لا لا لكن المفاجاءة كانت صعبه.
فابتسم وقال وليه الدموع ؟؟
جميلة : ابدا افتكرت خالي واللي عمله...
زكريا : جميلة .....
جميلة : نعم مع حضرتك....
زكريا وهو يمسح علي راسها بحنان : من بكرة تروحي جامعتك... فاهمة !!
جميلة والدموع تملأ عينها : حاضر ......
زكريا : وابقي طمنيني عليكي ....
جميلة : ان شاء الله ... حاضر .....
فقام زكريا واقفا وقال : طيب ياجميلة ... محتاجة حاجة ؟؟
جميلة : لا شكرا ..... ربنا يخليك....لكن.....
*******************************************
دخلت سحر علي ايهاب في مكتبه وهي غاضبه
ايهاب .....
نظر اليها ورجع نظر مرة اخري في ملف علي مكتبه.
وقال ...... نعم .. خير !!!
سحر : انا زهقت ولازم تلاقي حل .....
نظر اليها بعدم اهتمام ... وقال . حل لاية؟
فردت غاضبة حل لعلاقتنا ...هفضل كده لغاية امتي؟؟!
فقام واقفا وقال لها ... اظن انك موافقة علي الوضع ده من الاول.....
سحر : ياايهاب افهم انا فعلا بحبك ... ووافقت وانا علي امل انك تغير رايك...
ايهاب : انا اسف ... جواز لا ....وبعدين انتي ناقصك اي؟؟؟
سحر بانفعال : ناقصني اكون زوجة ولها بيت ...
ايهاب : طيب ما الشقة باسمك ياسحر .... عايزة اي تاني ...
سحر : ايهاب لازم تعرف ان في الوفت الحالي لازم اكون مراتك ......
فضحك ايهاب وقال ساخرا ...تصدقي اني اترعبت من نظرتك .....
سحر : ايهاب ..... اناا حامل ......
فغضب ايهاب .. ... .وقال حامل !!!!
سحر : ايوة انا حامل......
فادار وجهه وقال .... من مين ياسحر؟!
سحر وسؤاله نزل عليها كالصاعقة : من مين ؟؟؟ تقصد اي ياايهاب؟؟!!
ايهاب : سؤالي واضح .... حامل من مين...؟؟؟
سحر غاضبة : انت اكيد اتجننت .... فصفعها ايهاب علي وجهها ..وقال : لما تتكلمي معي اتكلمي بادب...
وعندك خيارين ياسحر ...الحمل تتخلصي منه لاني مش هعترف به .اوهتختفي نهائي انتي واللي في بطنك...
سحر : ايهاب ... انت بتقول اية؟؟؟؟
ايهاب بقسوة : انا قلت خلاص .... اتفضلي اخرجي بره الشركة .هنتظر اتصال بان الحمل خلاص
او اتحملي نتيجة غلطتك ..اتفضلي يالا ... وسحبها من ذراعها واخرجها خارج مكتبه واغلق الباب
وفي نفس اللحظة رن هاتف المكتب
"الو"
ايوة استاذ ايهاب ...
ايهاب : خير يامتر ....
محامي الشركة : اسف عندي خبر مش كويس ....
ايهاب : هو اليوم باين من اوله ...خير ... قول ....
محامي الشركة:
الشركة غير قادرة على الوفاء بالتزاماتها أمام الدائنين
ايهاب : انت بتقول اي يامتر ؟ ومعناه اي
المحامي : للاسف الشركة هتقوم بتصفية كل أملاكها وحساباتها البنكية لتسدد أكبر قدر ممكن من الالتزامات وبعدين تخرج من سوق العمل.
ايهاب وهو لا يصدق : تقصد إفلاس شركتي وليه وانت فين يااستاذ.....
المحامي : اسف ده اضطراب في أحوال شركتك المالية، للاسف حضرتك اصبحت غير قادر على الوفاء بالتزاماتك المالية وتعذرت عن سداد ديونك .....
فاغلق ايهاب الهاتف وجلس علي مكتبه ...
أنت تقرأ
جمالي سبب شقائي - الكاتبة أميره أحمد
Roman d'amourجميع حقوق الملكية تخص الكاتبة أميره أحمد ** الملخص ** هل الجمال نعمة أم نقمة ؟؟؟!! ما أصعب أن تخسر طفلة طفولتها وتكبر قبل الأوان !! ويصبح جمالها سبب شقاءها وتعاستها ولكن كل ما مرت به اضاف اليها واكسبها شخصية متميزة وقوية . ولكنها دائما تشعر بالقلق و...
