وصل احمد للمستشفي وهو ملهوفا علي جميلة. وكلما اقترب من الاستقبال تزداد ضربات قلبه ويتسأل هل هي بخير .؟ هل اصابها مكروه ؟؟ واذا كانت بخير فلما هي بالمستشفي؟؟؟؟ كل هذه التساؤلات تسيطر علي ذهنه .... وبمجرد ان اقترب من موظف الاستقبال .
السلام عليكم .....
موظف الاستقبال : وعليكم السلام ورحمة الله .. خير حضرتك
احمد بلهفة : من فضلك يا بني . بسال عن بنت اسمها
جميلة احمد ابو اليزيد.
موظف الاستقبال : ايوة يافندم هي بغرفه 104الدور الرابع.....
ذهب لاحمد للاسانسير فهو غير موجود .. فصعد السلم مسرعا .. وعندما وصل غرفة جميلة . استقبله زكريا . بابا حمد لله علي السلامة .
احمد ودقات قلبه تتصارع : الله يسلمك يابني .. جميلة طمني عليها ....
زكريا : اطمن يابابا . هي نايمة ... لكنها بخير اطمن يابابا.
احمد وهو يلتقط انفاحكيلي يازكريا اي حصل بالتفصيل.؟؟!!
وقص زكريا علي والده ما حدث .....
فبكي احمد .وقال ام الغالية تقتل ليه كده؟؟ والطفل المسكين ذنبه ايه ؟؟؟!
رد زكربا للاسف يابابا انعدمت الاخلاق خلاص ..
خلاص بنعيش وسط الكذب والنفاق والخيانة والغدر.
احمد : فعلا يابني .. لكن جميلة .. ذنبها ايه تعيش القصة المرعبه دي يابني ......
صمت زكريا وابتسم وقال في نفسه .. جميلة عاشت فصص مؤلمة . ياريت اقدر احكي لك يابابا ..
طيب وهي حالاتها ايه يابني طمني عليها .؟؟!
الحمد لله ... اطمن . ولم بستطع زكريا ان يخبر ه انها فقدت النطق من اثر الصدمة .
واستيقظت جميلة .. فوقعت عينيها علي ابيها..
بابا ..... وبكت واسرع اليها احمد واحتضانها ابيها بعطف . وقال
حمدلله علي سلامتك يا جميلة .. وبكي احمد وبكت جميلة....وبكي زكريا من فرحته .
وقال :' جميلة نطقت .. الحمد لله الحمد لله .. حمد لله علي سلامتك ياجميلة ...الحمد لله ياجميلة ...
جميلة نطقت يابابا ....
فاندهش احمد ... قصدك ايه يابني ؟؟!
زكريا : اصل جميلة من اثر الصدمة فقدت النطق..... والحمد لله ..رجعت بالسلامة ... ...
فاحتضانها احمد وبكي حمد لله علي سلامتك يابنتي.الف شكر لك يارب .. الحمد لله . الحمد لله... .
خلاص ياجميلة بابا مش هيبعد عنك تاني ...
ولا هتبعدي عن حضنه وبيتك تاني يا بنتي.....
نظر زكريا والدموع تتسابق علي خديه وقال في نفسه ياريت كان من الاول يابابا ... ياريت .....
----------------؛؛--؛-----؛-----------
اتصل مصطفي باايهاب ليخبره بما حدث ..
"الو " ايوة يامصطفي ... فينك يااستاذ ؟؟
مصطفي : انت اللي فينك ؟؟ ولا كانك عايش معانا ؟؟؟!
ايهاب : تقصد ايه ؟؟؟
مصطفي : اقصد انك ولا بتسأل ياايهاب !!!!
ايهاب : يوووو ..لخص يامصطفي حصل ايه...... .
مصطفي : اختك .....
ايهاب : اختي مين ؟؟؟؟؟
مصطفي في حيرة : اختك جميلة !!! انت عندك كاام اخت ؟؟؟؟!
ايهاب : مالها يا مصطفي ؟؟؟؟؟
مصطفي : اختك فالمستشفي ... وفقدت النطق ...
ايهاب :ليه حصل ايه ؟؟؟
مصطفي : جدة جميلة وابن خالتها اتقتلو .. وجميلة كانت موجودة وقت ارتكاب الجريمة ...
ايهاب : ومين القاتل ؟! تخيل ياايهاب ... القاتل يبقي ابن خالتها قتلها بغرض سرقة دهبها وابن خالتها اتعرف عليه قتله .
فقال ايهاب ضاحكا ومقتلش جميلة ليه؟
مصطفي مستنكرا : اعوذ بالله يااخي !!!! في اخ يتمني الموت لاخته.؟؟!!
ايهاب وهو يضحك : هو انا اتمنيت انا بسال بعني ازاي هي نجت ..
مصطفي ابدا استخبت تحت السرير لغاية ما انتهي من جريمته وسرق الدهب وهرب...
ايهاب : طيب واي المطلوب مني ؟؟؟!
مصطفي: مندهشا اي المطلوب منك ؟؟!
المطلوب انك تكون مع اختك وتطمن عليها .
ايهاب : طيب .. طيب .. هتصل بابابا واطمن ...
مصطفي وهو ليس علي علم برجوع والده : بابا ياايهاب مسافر ... وزكريا معها طول الوقت...
ايهاب : خلاص هتصل بزكريا .... في حاجة تاني ؟؟
مصطفي : لا ياايهاب .. مافيش اي حاجة ....عن اذنك سلام .....
ايهاب : سلام يادرش......
وانهي مصطفي حديثه مع ايهاب وهو مندهش من رد فعله......
وقال في نفسه : عمرك ما هتتغير ياايهاب ... طول عمرك جاحد.....لا حول ولا قوة الا بالله....
وفي نفس اللحظة رن هاتف مصطفي ...
"الو" خير يازكريا . طمني !!حصل حاجة؟!
زكريا : لا لا ابدا اطمن .. لكن جميلة الحمد لله اتكلمت ...
مصطفي بسعادة : حقيقي يازكريا الحمد لله ..كده هتخرج خلاص .......
زكريا : ان شاء الله بابا بينهي اجراءات الخروج....
مصطفي :وبابا رجع بالسلامة ..
ايوة رجع علي المستشفي . .كان هو السبب في ان حميلة تتكلم وتنطق ...
مصطفي : الحمد لله .. حمد لله علي سلامتهم ..
خلاص يازكريا نتقابل عند بابا .. ان شاء الله
زكريا : ان شاء الله يا مصطفي .... .
-------------------------------------
هايدي .. ياهايدي
نعم ياماما .... تعالي يا حبيبتي عايزة اتكلم معاكي..
هايدي : اتفضلي يا ماما ......
عفاف : تعرفي طبعا طنط هناء ....
هايدي : ايوة ياماما .. خير في حاجة ؟؟؟
فابتسمت عفاف وقالت : خير يا حبيبتي .. ابنها عماد طالب ايدك .. قلت لها اني هكلمك وارد عليها .. اي رايك ؟؟؟
هايدي : لا طبعا .....
عفاف : ليه ياهايدي القرار السريع ده؟؟؟!!
هايدي :اسفة ياماما .. انا لا يمكن افكر في الارتباط في الوقت الحالي...
عفاف : وليه لا يا هايدي ؟؟؟؟
هايدي : انا لسة فالجامعة .. لما اخلص دراسة ابقي افكر ..
عفاف : طيب يا بنتي .. احنا بس نتفق بالكلام .. لغاية ما تخلصي .ده شاب محترم ومهندس وماشاء الله ماديا ممتاز . وغير اخلاقه...
هايدي باصرار : اسفة يا ماما من فضلك بلاش تضغطي عليا...
عفاف : طيب ياهايدي .. علي العموم فكري تاني وممكن نتقابل معهم في النادي وتتكلمي مع الولد يمكن رايك يتغير ..
هايدي : ابدا ياماما .. لا يمكن اغير رايي عن اذن حضرتك...
ودخلت هايدي غرفتها واتصلت بشريف ....
ايوة ياشريف ...
شريف : معاكي يا حبيبتي .. وحشتيني موت ...
هايدي : وانت كمان وحشتني جدا . كنت عايزة اشوفك واتكلم معاك...
شريف : اسف يا حبيبتي مشغول جدا ... لكن اول ما اخلص هتصل بكي ياقلبي ...
هايدي : اوك يا شريف انا في انتظار مكالمتك ....
مع السلامة يا شريف...
شريف : مع السلامة يا حبيبتي ...
*** ***********************
وبعد انهاء اجراءات خروج جميلة من المستشفي..
اسرع بها احمد وزكريا الي منزله ....
احمد : اتفضلي ياجميلة ... اتفضلي يا حبيبتي ...
حمد لله علي السلامة يا بنتي .. .
جميلة : الله يسلمك يابابا .
احمد : يالا ادخلي ياجميلة ارتاحي شوية ..
جميلة : حاضر يابابا .. ودخلت جميلة غرفتها .....
زكريا : طيب يابابا هتحتاج مني حاجة ..؟!
احمد : شكرا يابني ....تعبت معانا ..
زكريا : لا يابابا انا تحت امرك... وحمد لله علي سلامة جميلة السلام عليكم ....
احمد : وعليكم السلام ورحمة الله وبركاته
ودخل احمد ليتوضا ويصلي ويشكر الله علي نجاة بنته ....
وبمجرد ان انهي ركعتي الشكر فسمع جميلة وهي تصرخ فاسرع اليها....
أنت تقرأ
جمالي سبب شقائي - الكاتبة أميره أحمد
Romanceجميع حقوق الملكية تخص الكاتبة أميره أحمد ** الملخص ** هل الجمال نعمة أم نقمة ؟؟؟!! ما أصعب أن تخسر طفلة طفولتها وتكبر قبل الأوان !! ويصبح جمالها سبب شقاءها وتعاستها ولكن كل ما مرت به اضاف اليها واكسبها شخصية متميزة وقوية . ولكنها دائما تشعر بالقلق و...
