وبعد وصول ايهاب وسحر الي مكان هادي
نظر ايهاب لسحر وابتسم ...
اتمني تكوني سعيدة ...
سحر : اكيد حضرتك... لكن ممكن سؤال ؟
ايهاب : اتفضلي طبعا ومن غير حضرتك.....
سحر : فين العميل يااستاذ ايهاب ؟؟؟!!!
صمت ايهاب واطال النظر لسحر ....ثم قال :
اوك ياسحر ... نتكلم بصراحة ؟؟؟!
سحر : ياريت يااستاذ ايهاب .... .
صمت ايهاب قليلا ثم قال : الصراحة مافيش عميل ......
سحر بحيرة : وليه حضرتك قلت ان ميعاد عمل ؟؟!
ايهاب بخبث : لانك رفضي الغذاء معي ....وانا كان نفسي اقرب منك اكتر .....
فشعرت سحر بالاحرج والخجل ثم قالت : تقصد اي يااستاذ ايهاب ..؟؟
ايهاب : بصراحة انا معجب جدا بشخصيتك.. وذكائك .. بالاضافة طبعا لجمالك ....
ازداد خجل سحر وقالت : اشكرك استاذ ايهاب .. لكن انا اسفة ممكن توضيح اكتر!
ايهاب : ابدا محتاج اتعرف علي سحر اكتر....ونقرب لبعض اكتر .....
استاذ ايهاب كلام حضرتك غامض ...
ايهاب : ليه غامض .. انا معجب بكي .. .واحتمال كمان اكون.......وصمت ثم قال ..اكون بحبك.
سحر ونبضات قلبها تزداد وقالت : حضرتك بتقول اي يااستاذ ايهاب؟؟؟؟؟
ايهاب بخبث : انا قلت خلاص .....
فارتبكت سحر .. وقالت لكن انا مرتبطة استاذ ايهاب ......
نظر لها ايهاب بدهشة.. ... مرتبطة .... مرتبطة بمين؟
سحر : انا ورامز مرتبطين من فترة .....
ايهاب ساخرا : رامز ..!!!!واي نوع الارتباط ؟؟!
سحر : هو صحيح مش رسمي .. لكن انا ورامز مرتبطين ومتفقين علي كل شئ.
ايهاب بلوم وتقليل من شان رامز : رامز .. ياسحر.. .... ليه ؟!
سحر : هو اي اللي ليه استاذ ايهاب ؟؟؟!
ايهاب : اقصد ان رامز مش الشخص المناسب لسحر ...
سحر متعجبة : ليه يعني حضرتك ؟؟ رامز بيحبني جدا...
ضحك ايهاب بصوت عالي وقال : بيحبك ...واستطرد قائلا : اكيد .انتي شخصية تتحبي......لكن سحر تحب رامز لا يمكن اصدق ...انتي انسانة مجتهدة وذكية ... وارتباطك برامز هيكون عائق لنجاحك ....
والاهم انتي لية ترتبطتي بشخص مرتبه اتحداه لو بيكفي مصاريفه الشخصية. فكري تاني ياسحر ... هتقتنعي بكلامي..
سحر : استاذ ايهاب انا ... فقاطعها ايهاب ......
ايهاب : اياكي تاخدي اي قرارات سريعة تقضي علي مستقبلك.. فاهمة ياسحر.. فكري وانا في انتظار ردك...
*************************************
وبعد وصول زكريا ومصطفي للمستشفي اسرع الي الاستقبال :
نظر موظف الاستقبال في الدفتر امامه...
فعلا حضرتك .... لكن ....
زكريا يقول لموظف الاستقبال ..ولكن اي حضرتك.....
موظف الاستقبال : انا اسف ... البقاء لله
صعق زكريا ومصطفي من سمع الخبر ...بابا ..... توفي .....
موظف الاستقبال : والد حضرتك وصل في حالة متاخرة.....
وقفا زكريا ومصطفي جامدا في مكانهم ، وزكريا
يراقب مصطفي ويتساءل في نفسه ماذا يفعل ؟؟؟
..كانت دوي المرضي وذوايهم تملأ المكان ... بين صراخ وبكاء ...
دقق زكريا النظر الي مصطفي ... لم يحرّك ساكنا
رفع قدمه بصعوبة و حثثتها على السير نحو مصطفي
بصعوبة وصلت قربه فراي عينيه يملأها الدموع....
وقال . جميلة .. الصدمة هتكون كبيرة عليها.
قال مصطفي وعلينا وعلي الكل يازكريا....
وامسك هاتفه ليخبر ايهاب ...
"الو"
اخيرا حضرتك فتحت الموبيل ...؟؟!
ايهاب : في اي يادرش .. طيب قول مساء الخير....
مصطفي : ايهاب .. بابا .....
ايهاب بلا مبالاة : ماله يادرش ... وقال ساخرا .. اتجوز وضحك ايهاب.
قاطعه مصطفي .... بابا توفي ... توفي في حادث.
ايهاب : انت بتقول اي يامصطفي ...؟؟ازاي ؟؟؟ وامتي؟؟؟
انا وزكريا فالمستشفي .... خد العنوان ....
ايهاب : تمام ....انا فالطريق لكم ......
وذهب ايهاب وهو سعيد لوفاة ابيه
سعيد لوفاة سند جميلة.... انتهي كل شئ ياجميلة.
وعندما وصل للمستشفي .. اسرع باكيا الي اخواته.
مصطفي .. زكريا .. الكلام ده حفيقي...
فنظر اليه زكريا والدموع تملأ عينيه. ولم يرد عليه.
فرد مصطفي .. للاسف . البقاء لله....
وبالفعل لقد توفي من كان سند لجميلة .. توفي والدها
لتصبح وحيدة في هذه الدنيا ...وانتهت مراسم
العزاء .. وانتهي معها كل شئ...
فجلست جميلة في غرفتها تبكي .. لقد فقدت الام والاب وفقدت كل شئ ....
مصطفي يسال ايهاب وزكريا .. جميلة . هتعيش مع مين. ؟؟
رد ايهاب .. اكيد انا طبعا..
فنظر زكريا اليه وقال ... لا طبعا ...جميلة هتفضل هنا .......
قال ايهاب بدهشة ... ليه لا طبعا ؟؟
زكريا بعصبية : من غير ليه ياايهاب؟؟؟؟انتهينا خلاص .... فاهم ياايهاب....
ايهاب : براحتك ... خلاص .....
استاذن . لاني مرهق ومحتاج ارتاح....
قال مصطفي .. اتفضل ياايهاب....
وانطلق ايهاب... ونظر مصطفي لزكريا وقال
ليه كان ردك صارم كده يازكريا...؟!!
قال زكريا... لا لكني ......
وفجأة سمعا صوت من غرفة جميلة . فانطلقا مسرعان اليها..........
*************************************
بعد انتهاء اليومين ورجوع هايدي الي منزلها استقبلتها بحرارة :
هايدي حبيبتي ... وحشتي ماما مووت..
هايدي : وحضرتك ياماما وحشتيني جدا جدا ...
عفاف وهي تمسح علي وجه هايدي : احكيلي ياهايدي عملتي اي؟؟؟؟ وكنتي سعيدة؟؟
هايدي : جداجدا ياماما ... كنت في غاية السعادة....
المهم حضرتك ... طمنيني . اي اخبارك. ؟؟؟
عفاف : الحمد لله يا حبيبتي .... مادام حبيبة ماما بخير ...
هايدي : اكيد انا بخير......
عفاف : ودراستك ياهايدي طمنيني ....
هايدي : اطمني ياست الكل ... اكبد طبعا كانت المذاكرة اول اهتمامتي .......
عفاف : الحمد لله ياحبيبتي. ... بالتوفيق يارب...
ورن هاتف المنزل .....فقامت عفاف بالرد وقالت متعجبة :
والله .. شريف !!! كنت فين يااستاذ ؟؟؟؟؟
شريف : اسف ياطنط . انشغلت بالمذاكرة حضرتك عارفة اخر سنة......
عفاف : ربنا معاك ياشريف ...
شريف : هي هايدي موجودة يا طنط ؟؟
عفاف : ايوة هي معاك. ...
هايدي : هاي شريف..... .
رد شريف .... .وحشتي شريف ..........
فابتسمت هايدي.. واخفضت صوتها ...وانت كمان اكتر ....
شريف : بجد ياهايدي ...؟؟؟
هايدي : اكيد طبعا ياشريف.... ....
شريف : يبقي بكرة في ميعادنا ... اتفقنا يا حبيبتي. .؟؟؟
هايدي : اكيد طبعا .... حاضر ياشريف. ..
..........هايدي ... ياهايدي ..
حاضر ياماما... سلام ياشريف ...بكرة ان شاء الله.....
سلام يا حبيبتي....
هايدي : ايوة ياماما .. خير
عفاف بتردد : حبيبتي .. في خبر لازم تعرفيه....
هايدي : خير ياماما ؟؟؟ قلقتيني...
عفاف : جدك يا حبيبتي ... البقاء لله...وطبعا لازم تكلمي بابا .....
هايدي بلا مبالاة : امتي ؟؟ وازاي ياماما؟
عفاف : توفي في حادث يا حبيبتي ..... لازم تكلمي بابا...
هايدي : طبعا ياماما .. اكيد . هكلمه حالا.....
وفي نفس اللحظة . رن الهاتف.
فردت هايدي .. "الو " مين حضرتك ؟؟
انا عمو حاتم ... انا زميل ماما في العمل...هي موجودة ؟؟
هايدي : ايوة لحظة واحدة ....
حاتم : اكيد انتي هايدي !!!
هايدي : ايوة انا هايدي ...
حاتم محاولا التقرب منها : ماما حكت لي عنك وعن جمالك كتير..
هايدي : شكرا حضرتك اتفضل ماما مع حضرتك واعطت هايدي لعفاف الهاتف.........
أنت تقرأ
جمالي سبب شقائي - الكاتبة أميره أحمد
Roman d'amourجميع حقوق الملكية تخص الكاتبة أميره أحمد ** الملخص ** هل الجمال نعمة أم نقمة ؟؟؟!! ما أصعب أن تخسر طفلة طفولتها وتكبر قبل الأوان !! ويصبح جمالها سبب شقاءها وتعاستها ولكن كل ما مرت به اضاف اليها واكسبها شخصية متميزة وقوية . ولكنها دائما تشعر بالقلق و...
