جمالي سبب شقائي - الكاتبة أميره أحمد

الفصل العاشر

اتصل أيهاب بزوجته ............

نعم خير ياايهاب . .

ايهاب بغضب : هو فين الخير يا هانم؟؟!!!!

عفاف : انت بتتكلم كده ليه ؟

ايهاب : ابن اختك ياهانم بيعمل اي مع هايدي لوحدهم ؟

عفاف : اي ده ؟ اي الكلام ده ؟ شريف ابن خالتها. وبعدين اتاخر عندنا . طلبت منه يفضل للصبح . وبعدين انا واثقة في اخلاق هايدي وشريف كويس .

ايهاب ساخرا : واثقة !!!حاضر ياهانم انا هيكون لي تصرف تاني عن اذنك وانهي المكالمة .

فنظرت عفاف لهاتفها وقالت : اووووف هتفضل قرفني لغاية امتي ؟؟ واتصلت عفاف بهايدي لتفهم ما حدث ....

" الو " ماما حبيبتي . عاملة اي ؟

عفاف : الحمد لله يا هايدي.. ممكن اعرف ايه حصل؟

هايدي : ابدا ياماما انا اتفاجات بزيارة بابا ... وطبعا حضرتك عارفة ان شريف كان موجود...

عفاف بغضب : وشريف ليه اتاخر كده ؟ كان المفروض خرج بعدي ..؟؟

هايدي : وانا اي ذنبي ياماما .. انا صعب اطلب منه انه يمشي ..

فتنهدت عفاف بصوت مرتفع وقالت : عارفة ياهايدي لكن بابا اتصل ومكبر الموضوع ..

هايدي بقلق : تفتكري هيعمل اي ياماما ؟؟!

عفاف : ولا يهمك منه ياهايدي . المهم فين شريف ؟

هايدي : شريف خرج ياماما ...

عفاف : طيب يا حبيبتي خدي بالك من نفسك عندي مشوار واحتمال اتاخر ...

هايدي : حاضر ياماما براحتك ... وانا لو سمحتي هخرج للنادي .

عفاف : اوك يا هايدي .. خدي بالك من نفسك ... .

وبمجرد انتهاء المكالمة بين هايدي ووالدتها قامت هايدي بالاتصال بشريف .....

شريف حبيبي انا ساعة واكون في النادي....

شريف : نادي اي يا حبيبتي .. انا في انتظارك يا قلبي ....

هايدي بارتباك لا ياشريف تعالي النادي احسن ......

شريف مازحا : : حبيبتي لازم تسمعي كلام زوجك . انا في انتظارك...

فضحكت هايدي وقالت : خلاص يا حبيبي انا فالطريق .. لايمكن اقدر ارفض لك طلب ابدا ......

شريف : تسلمي ياعمري .. انا في انتظارك علي نار ....

******************************************
اما ايهاب فاشعل سيجارة ..فكلما شعر بالضيق عكف علي التدخين بشراهة .. ولكنه قرر مواجهة عفاف ..
فذهب اليها قبل انتهاء وقت عملها ...
وبعد وصوله ظل واقف ينظر اليها في صمت والغضب يملأ قلبه .....

عفاف : ايهاب !!! خير في اية تاني ؟؟؟!!

ايهاب والغضب الذي كان يسد شعبه مع ذلك الهواء خرج فجاءة اندفاع مصبوبا عليها وتحدث بقسوة :

لازم تعرفي ياهانم ان بنتي لازم تعيش معايا.

عفاف ساخرة : علي اساس انك هتحافظ عليها .. لايمكن حد هيحافظ علي هايدي غيري ..

ايهاب بغضب : علي اساس انك كده بتحافظي عليها . لما تكون هي وابن اختك لوحدهم ..

عفاف : اوووووف قلت لك الف مرة انا بثق في هايدي وفي اخلاقها وفي تصرفاتها جدا . وبثق في شريف جدا جدا

ايهاب بعصبية : انا لا يمكن هسمح لهايدي تفضل مع ام مستهترة .

عفاف بنفس الغضب : وانا لا يمكن هسمح ان هايدي تفضل مع اب حياته كلها نزوات .....

فنظر ايهاب اليها وحمل سجائره وذهب في طريقه للخارج وقال في نفسه :

حاضر ياعفاف هانم .....

.................... ..................... .. .......

واستقبلت جدة جميلة القبلة للصلاة وعند سجودها

اقترب منها ابن ابنتها بالتبني . وطعنها بالسكين ...
فقلقت جميلة وعند خروجها من غرفتها شاهدت الموقف .فكتمت انفاسها .. واستمر يطعنها وصديقه للتاكد من وفاتها .. وفجاءة خرج لهم وليد ....

انت ليه بتضرب جدتي ؟ ..

فنظر سيف لصديقه ثم التفت لوليد : انت تعرفني ؟؟

وليد غير مدرك بخطورة موقفه : ايوة اعرفك . انت سيف ...

فامسك به سيف وطعنه ووليد يحاول النجاة ولكن للاسف لم يتمكن بالنجاة......
اما جميلة فاختبات تحت السرير وكتمت جميلة انفاسها حتي لا يقتلها سيف....

وبعد ان قتل سيف وحسين جدتها ووليد . سرقو دهب جدتها وهربوا .

اقتربت جميلة من جثث جدتها ووليد وهي ترتعش ..

وخرجت مسرعة الي الشارع .. وجلست علي رصيف المنزل.

جارة جدتها : جميلة ... مالك يا بنتي ؟؟!جميلة .. ردي يا بنتي؟؟!

تنظر جميلة وهي تبكي وتحاول النطق ولا تستطيع..

فاشارت جميلة بيديها لجيران جدتها للمنزل ....

فذهبوا واذا بالدماء في كل مكان ووجدوها ملقاه علي سجادة الصلاة .. وبجانبها وليد الذي يبلغ من العمر ثماني سنوات ....

فاتصلو بالشرطة وتم معاينة المنزل ...

واخذوا جميلة فهي الشاهد الوحيد .....

اتصلت الشرطة بوالد جميلة لتخبره بما حدث ولاستلام جميلة..فصعق أحمد من سماع الخبر ..واسرع بالاتصال بزكريا ...

"الو" بابا حضرتك عامل اية؟ طمني ...

وقاطعه احمد . مش مهم انا .. المهم جميلة..

انتفضت زكريا .. جميلة ؟؟! خير يابابا ؟!!

اختك يازكريا وصمت احمد وبكي.....

بابا .. من فضلك اهدي ... مالها جميلة ؟!! من فضلك طمني ؟؟؟!

احمد وهو منهار : جدة جميلة ووليد ابن خالتها اتقتلو .......والشرطة اخذت جميلة لانها الشاهد الوحيد..طمني يا بني .....

زكريا ودقات قلبه تتصارع من هول ما سمع : حاضر يابابا . حاضر .. وانهي المكالمة واسرع كالمجنون ...

*****************************************
في قسم الشرطة .....

الضابط ممدوح ضابط نشيط وهو المسئول عن قضية قتل جدة جميلة .

الضابط : جميلة حاولي تتكلمي وتحكي لي بالتفصيل حصل اية : ....

جميلة تبكي و لا تستطيع النطق .... ولكنها تحاول وتحاول بلا جدوي....

الضابط محاولا تهدئتها فهي الشاهد الوحيد ..
وهي التي رات الجريمة بكل تفاصيلها...

ممدوح : طيب ياجميلة .. عندي حل كويس .. .
اي رايك تكتبي اسم القاتل... موافقة.

فهزت راسها بالموافقة ..... فاعطاها الضابط

ممدوح ورقة وقلم ......

وبالفعل كتبت جميلة ... اسم سيف ...

الضابط ... سيف مين ياجميلة؟؟؟؟؟

كتبت جميلة ابن خالتي نعمات .... ومعه صديقه .

الضابط : اكتبي يا جميلة صديقه ...

فكتب جميلة بانها لا تعلم اسم صديقه..

فامر الضابط بالذهاب فورا لمنزل خالتها نعمات

وذهبت قوة بالفعل الي منزل نعمات....

وبعد اقتحام الشقة وتجمع الجيران ونظراتهم تتسال عما حدث :

الضابط ممدوح : فين سيف ؟؟؟؟!

نعمات : سيف !!! مش عارفة ؟؟ ليه خير ؟؟ حصل ايه؟؟

الضابط ممدوح : سيف اقتل امك وابن اختك وليد .....

فصعقت نعمات ولا تستطيع تصديق هذا

وهجمت القوة داخل المنزل وانتشرت القوة

في كل مكان حتي سطح العمارة ... .

وبالفعل وجدوا كيس اسود وقامو بفتحه .

فاذا بداخله قميص سيف ملطخ بالدماء ...

الضابط ممدوح : قولي فين سيف ؟؟؟؟.

نعمات : صدقني مش عارفة .. وبكت وقالت

ليه ياسيف .؟؟ تقتل جدتك ؟؟ وازاي قدرت تعمل كده ؟؟؟!!!!

فنعمات لا تصدق ما سمعته وتكاد ان تجن ..وتبكي بصوت مرتفع وتقول :

قتل امي ..امي .. لا لا يمكن سيف يقتل جدته .

واي السبب ؟؟ ووليد الطفل ليه يقتله .. فانهارت
نعمات فصدمتها كبيرة .صدمة سماع خبر قتل امها .وصدمة قتل وليد ابن اختها ... والصدمة الكبري ان ابنها هو القاتل.

فقامت الشرطة بالبحث المكثف عن سيف وصديقه
المجهول.

ووصل زكريا لقسم الشرطة .. .ودخل للضابط المسئول.

السلام عليكم .. وعليكم السلام .. انا شقيق جميلة .

الضابط وهو لا يلتفت اليه . جميلة تم تحويلها للمستشفي ....

زكريا بقلق : ليه .. حصل اي لها..؟!

الضابط وهو مشغول بالملف الذي امامه : لا لكنها من اثر الصدمة فقدت النطق .

وذهب زكريا مهرولا الي جميلة ولا يصدق ما يحدث لها.ووصل للاستقبال . من فضلك . ... نعم ..

وصلت لكم بنت من قسم الشرطة؟؟

موظف الاستقبال : اية اسمها ؟؟

زكريا والقلق يكاد ان يقضي عليه : اسمها جميلة احمد ابو اليزيد..

موظف الاستقبال : ايوة ..

زكريا بتوسل : من فضلك فين غرفتها ..؟؟!

موظف الاستقبال : لا للاسف ممنوع اوصيلك لها..

زكريا بحيرة : ليه ؟؟! خير !! حصل اية لجميلة طمني من فضلك :

موظف الاستقبال : هي بخير لكن حفاظا علي سلامتها ...

وحاول زكريا زيارة اخته ليطمن عليها . .ولكن تم الرفض نهائيا ....
-----------------------------------

بعد وصول هايدي للشقة التي تجمها بشريف ...

وبعدين ياشريف هنفضل كده كتير؟؟

شريف : حبيبتي اطمني خلاص انتي مراتي ادام ربنا
اصبري ننهي دراستنا ....

هايدي : طيب اي المشكلة لو ارتباطنا وبعد
انتهاء دراستنا نتجوز . انا هموت من الخوف ياشريف...

شريف : يوووووه ياهايدي هنتكلم كتير في الموضوع ده؟؟؟

هايدي ودموعه تنهمر علي خديها : شريف انا خايفة وقلقانه ؟؟

فاقترب منها شريف وقال : من اي بس ياحبيبتي ؟؟

هايدي : نفترض بابا وماما عرفوا هنعمل اية .؟؟؟

شريف : واي هيعرفهم ياهايدي .؟؟ حبيبتي اطمني تفتكري اني ممكن اتخلي عنك ؟؟ لا يمكن ياحبيبتي ..

هايدي : بجد ياشريف ؟؟!

فتنهد شريف وقال : طبعا ياحبيبتي اطمني .اطمني خالص ...هايدي انا بحبك .. ولا يمكن اقدر ابعد عنك فاهمة ياحبيبتي......

هايدي : وانا كمان بحبك ياشريف .. بحبك جدا...

شريف : يبقي خلاص .. وانا وحبيبتي مع بعض ننسي الدنيا كلها.كل اللي نفتكره هو حبنا .. اتفقنا ياحبيبتي .. اتفاقنا يا حبيبي ..
فاقترب منها وجذبها الي صدره بقوة وعانقها بحرارة شديده جدا ...

*******************************************

ورغم محاولات زكريا لرؤية جميلة باءت بالفشل .

فجلس علي مقعد قريب منه واتصل بوالده ..

احمد : زكريا طمني يابني ..

زكريا : جميلة بخير يابابا اطمن ..

احمد : هات اكلمها يابني...

زكريا : لا اسف جميلة نامت علشان ترتاح ..

احمد : طيب يابني هي فين ؟؟؟

زكريا محاولا تهدئته :

اطمن يابابا هي معايا . اطمن حضرتك ..

خد بالك منها يابني . .وانا ان شاء الله علي وصول لاطمن عليها.

زكريا : توصل بالسلامة يابابا . خد بالك من نفسك..... وبعد أنتهاء المكالمة اسرع زكريا لمدير المستشفي ....وطرق الباب

المدير : اتفضل.. خير حضرتك...

انا شقيق جميلة احمد محولة من قسم الشرطة ..

المدير : خير اي المشكلة .؟؟

زكريا : عايز اطمن عليها .. وقالو لي انه ممنوع حفاظا علي سلامتها.

المدير. ايوة جميلة الشاهدة في جريمة قتل....

زكريا : ايوة ..

المدير : فعلا هو ممنوع حفاظا علي سلامتها..

ولكني اختي . ومعي بطاقتي الشخصية ..

المدير : حاضر . واتصل بموظفة الاستقبال . واذن لزكريا بزيارة جميلة.
ودخل زكريا .. جميلة حبيبتي .. طمنيني عليكي ...

فبكت جميلة . واحتضنها زكريا .. اهدي يا حبيبتي ...واتكلمي .. فجميلة تحاول ولا تستطيع النطق .....وكل ما تستطيع فعله هو البكاء ... البكاء فقط..

فرن هاتف زكريا.. ايوة يامصطفي ..

مصطفي : طمني يازكريا . اي اخبار جميلة ؟؟ واية تم ..؟؟
زكريا : جميلة فقدت النطق يا مصطفي ... .

مصطفي : لا حول ولا قوة الا بالله ...انا فالطريق يازكريا وان شاء الله خير.....

وفي نفس اللحظة حضر الطبيب . مساء الخير .....

زكريا : مساء النور يادكتور .. ممكن تطمني علي جميلة؟

الطبيب : اطمن جميلة بخير ..

زكريا بقلق : ازاي يادكتور وهي فقدة النطق ..

الطبيب : اطمن فقد النطق مؤقت اثر الصدمة ..

زكريا : يارب يادكتور ....

الطبيب : ان شاء الله خير ...

*******************************************

وبعد البحث المكثف عن سيف وصديقه . تم القبض عليهما.....

وكان لابد من عرضهم علي جميلة لمواجهتها بهما....

واخذهم الضابط ممدوح لعرضهم علي جميلة .......

وبعد وصولهم للمستشفي . طلب الضابط مقابلة جميلة

لعرض المتهمين عليها ........

وتم عرضهم . ولكن جميلة لم تتحمل روؤيتهما فصرخت

ثم فقدت الوعي .....