وبعدها بدقائق رن جرس منزل الخالة وفتحت جميلة ولكنها صدمت بمن يقف امامها.....
مسااااااااء الخير ياجميلة ..
جميلة وهي متجمدة في مكانها : مساء النور .......
...اية مافيش اتفضل .؟؟!
جميلة ونبضات قلبها تتصارع من الخوف : اسفة انا لوحدي .......
فضحك ايهاب وقال : لوحدك !!!! وهو انا غريب انا اخوكي ....
جميلة : عارفة لكن اسفة خالتي مش موجودة......
فامسك ايهاب بيدها ودخل واغلق الباب...ووقف يدقق النظر في كل ركن في المنزل..... وجلس والتفت اليها قائلا:
انتي بخيلة يا جميلة ....
جميلة : لا طبعا لحظة واحدة....ودخلت جميلة المطبخ وهي ترتجف ولكنها تبدو متماسكة امامه....
فقام ايهاب ودخل وراءها .... ففزعت ووقع من يدها ما كانت ستقدمه له...
ياااه للدرجة ..... ياجميلة انا اخوكي ......
وامسك بيدها واخرجها من المطبخ وجذبها واجلسها علي الصالون..وقال لها:-
جميلة .... انا عايز ننسي اللي فات ..وتفتكري انك اختي .... وانا اخوكي الكبير....
فنظرت له في صمت ......
فابتسم وقال : صحيح مبروك علي الجامعة .وبالتوفيق يارب.....
ردت جميلة :- شكرا
فقام ايهاب وجلس بجانبها .... ففزعت واسرعت وافقة..
فجذبها ايهاب للجلوس.... بقول لك ننسي اللي فات ..
فردت جميلة ... لا يمكن انا اسفة......
فغضب ايهاب وقال لها .... انت فاكرة نفسك اي ..حتي انتي اصلا .......... وصمت ونظر في الارض ثم قال :
كنتي هتكوني سبب اني اقولك كلمة تجرحك....فحاول الاقتراب منها .....فابتعدت وفتحت الباب ...وقامت بطرده .......
فنظر اليها بغضب ....... وخرج وهو يتوعدها .....
**************************************
ذهبت هايدي لشقة شريف....
حبيبتي وحشتيني ... وحشتيني جدا.
هايدي : وانت كمان ياشريف... وحشتني اكتر
شريف : احكيلي عاملة اي من غير حبيبك.....
هايدي:- انا من غيرك ولا حاجة ....
فاحتضانها شريف....
وبعد مرور وقت ليس بقصير .. قصت عليه هايدي..خبر زواج عفاف فضحك وقال. ..... كده افضل ... .
فردت هايدي .... ليه افضل ؟؟؟!
شريف : طبعا ياحبيبتي .. في الحالة دي هي تضطر تكون معه كتير....وبكده خروجك هيزيد وهتكوني علي راحتك اكتر......
فابتسمت هايدي وقالت : فعلا ياحبيبي .المهم ياشريف ..... هتكلم ماما ؟؟؟!
شريف : اكيد طبعا ... لكن اصبري علي ....
هايدي : يعني امتي ؟؟؟؟!
شريف : حبيبتي .... مش كتير اطمني
هايدي : اكيد ياشريف ..... انا خايفة حد يعرف حاجة ...
شريف : اطمني ياحبيبتي .... اطمني .....
هايدي : انا بقولك ياشريف لاخر مرة .... اوعي تتخلي عني ....
شريف : حبيبتي عيب ..... انتي مراتك امام ربنا ....
انسي بقا ولا كل مرة هقول نفس الكلام......
*************************************
ذهب مصطفي الي زكريا ..فاستقبله زكريا .... اتفضل يادرش ... اي النور ده.
مصطفي : انا قلت لازم اسلم عليك قبل مااسافر ......
زكريا : انت خلاص خلصت كل اوراقك.....
مصطفي : ايوة الحمد لله........
زكريا : والله يامصطفي ... هتوحشني ....
مصطفي : وانت اكتر يازكريا ...... جميلة اي اخبارها.؟؟؟
زكريا : الحمد لله بخير.....
مصطفي : كنت عايز اسلم عليها ...... قلت اخدك معايا... اي رايك ؟؟؟
زكريا : اكيد طبعا .... وانا تحت امرك ..لحظة اتصل ابلغها .
واتصل زكريا بجميلة ليخبرها بحضروهم. ..
فردت جميلة ....
"الو""
ايوة ياحبيتي انا زكريا ..... طمنيني عليكي...
فبكت جميلة....
فقلق زكريا وقال : جميلة ... مالك ياحبيبتي..؟! طمنيني
فاستمرت جميلة فالبكاء ...ولا تستطيع ان تنطق بحرف واحد ...
زكريا.. خلاص اهدي انا ومصطفي في الطريق لكي..
وبالفعل اسرعا زكربا ومصطفي للسيارة وذهبا الي جميلة...وعند وصولهم فتحت جميلة الباب وارتمت في حضن اخيها زكريا...
فقلق زكريا ونظر اليها مصطفي بتساؤل .....
زكريا : طمنينا حصل اي؟؟؟!
فنظرت جميلة لمصطفي وقالت وهي تبكي ..
لا ابدا ...افتكرت حادثة جدتي ....
فقال مصطفي ... لا حول ولا قوة الابالله...
لكن زكريا ... لم يصدق هذا....ودخلا مصطفي وزكريا وجلسا....
مصطفي.: انا قلت اسلم عليكي قبل ما اسافر ...
جميلة وهي تمسح دموعها بيديها : يعني خلاص حضرتك مسافر.....
مصطفي : ايوة ياجميلة .. هنركب الفجر ان شاء الله ...
جميلة : توصلو بالسلامة ....
مصطفي : الله يسلمك يا حبيبتي ... خدي بالك من نفسك...
جميلة : حاضر .....
ووقف مصطفي . انا لازم استاذن ..فقامت جميلة واحتضنها مصطفي ..فقال له زكريا : انا هوصلك يامصطفي ...
مصطفي : لا لا خليك مع جميلة يا زكريا خد بالك منها....وذهب مصطفي .....
ونظر زكريا الي جميلة وقال لها ....
حصل اي يا جميلة احكي...
فبكت جميلة وقصت عليه ما حدث .......
**************************************
حبيبي .. لازم امشي اتاخرت ....
حاتم : خليكي ياعفاف ....
عفاف : اسفة ياحاتم .... هايدي اكيد وصلت ....
حاتم : حاضر ياحبيبتي ... تعالي هوصلك.....
ووصلا حاتم وعفاف و لكن هايدي لم تصل..
عفاف : حاتم الوقت اتاخر وهايدي مش موجودة. ..
حاتم : اطمني ياحبيتي .... اكيد علي وصول...
وانتظرا وصول هايدي .... وهايدي لم تصل..
عفاف بخوف شديد : لالالا كده كتير ... انا قلقانه عليها وتليفونها مقفول ....
حاتم ولم يقل عنها قلقا : ياحبيبتي اهدي ان شاء الله خير......
ومر الوقت واصبحت الساعة الثالثة صباحا ولم تصل
هايدي ومازال هاتفها مغلق
عفاف : لا انا هتجن وبعدين ياحاتم .... اعمل اي؟؟!
فابتلع حاتم ريقه بصعوبه وقال : حبيبتي اهدي .. تفتكري تكون عند مين؟؟؟
عفاف : مافيش غير صديقة دائما عندها .....
حاتم : اتصلي بها ..واساليها عليها...
عفاف : الوقت متاخر........
حاتم : حبيبتي مافيش حاجة اسمها الوقت متاخر .. في ضرورة
وفعلا اتصلت عفاف بصديقة هايدي.....
"الو" مين حضرتك؟؟
عفاف : اسفة حبيبتي قلقتك انا والدة هايدي..هايدي عندك.؟؟!!
صديقة هايدي : هايدي ... لا ياطنط....
عفاف : اخر مرة كانت معاكي امتي ياحبيبتي .....
صديقة هايدي : انا معرفش حاجة عن هايدي من شهور ياطنط...
فردت عفاف في دهشة .. ازاي ياحبيبتي ؟
هي مش كانت عندك وفضلت عندك لتاني يوم .؟؟
صديقة هايدي : لا محصلش ياطنط ... هايدي اخبارها انقطعت عني من شهور...
عفاف : اسفة ياحبيبتي ... واغلقت عفاف الهاتف وهي تنظر لحاتم. في حيرة...........
أنت تقرأ
جمالي سبب شقائي - الكاتبة أميره أحمد
Romanceجميع حقوق الملكية تخص الكاتبة أميره أحمد ** الملخص ** هل الجمال نعمة أم نقمة ؟؟؟!! ما أصعب أن تخسر طفلة طفولتها وتكبر قبل الأوان !! ويصبح جمالها سبب شقاءها وتعاستها ولكن كل ما مرت به اضاف اليها واكسبها شخصية متميزة وقوية . ولكنها دائما تشعر بالقلق و...
