جمالي سبب شقائي - الكاتبة أميره أحمد

الفصل العشرون

نظرت هايدي لحاتم واطالت النظر.

فقال .. اتكلمي ياهابدي تقبلي تكون بنتي ....صدقني .. عمرك ما هتندمي ياهايدي. ...

فنظرت له وابتسمت وقالت...

ايوة .. اقبل ...... انا اهم حاجة عندي ان ماما تكون
سعيدة.......

حاتم : مش ماما ... بس ياهايدي ... واني هعمل المستحيل لاسعادك ....

فقامت هايدي واخذت يد عفاف وقبلتها وقالت ...ماما .... انا اسفة اذا كنت ضايقتك......
الف مبروك ياماما .... والتفت الي حاتم وقالت ..

....الف مبروك لحضرتك.........

عفاف : الله يبارك فيكي ياحبيبتي اهم شئ عندي انك تكوني فعلا موافقة يابنتي

هايدي : طبعا ياماما .. موافقة يا حبيبتي ربنا يسعدك ...

فقال حاتم .. تمام اي رايكم نحتفل بالمناسبة السعيدة ديه

قالت عفاف ... موافقة طبعا..

فردت هايدي .. انا اسفة .. اتفضلو احتفالو ولو هتكتبو
اكتبو... أنا ممكن اخرج بعد اذنك ياماما مع صديقة لي ونسهر شوية...

فردت عفاف .. موافقة ياحبيبتي ابقي طمنيني عليكي.

هايدي : حاضر ياماما ...... عن اذنكم.

وانطلقت هايدي مسرعة الي سيارتها لتذهب الي

شريف.

*************************************

ايهاب حبيبي وحشتني....

ايهاب : انتي اتجننتي ياسحر انتي في الشركة..

سحر : اتجننت علشان بحبك...

ايهاب : يووووه ماينفعش الكلام ده ياهانم هنا...

وفي نفس اللحظة طرق رامز باب مكتب ايهاب ...

قال ايهاب ..... اتفضل

فدخل رامز...... ونظر لسحر التي يبدو عليها الارتباك..

ايهاب : خير يا رامز .....

رامز وهو يحدق بسحر : ابدا حضرتك .. كنت .....

وقاطعه ايهاب محادثا سحر...اتفضلي ياسحر واياكي تنسي كلامي ..اللي حصل ده ما يتكررش تاني فاهمة ...

فردت سحر ..... حاضر حضرتك ..عن اذنك..

والتفت ايهاب لرامز ...

خير يا رامز ...... كنت عايز اي؟؟؟

مد رامز يده وقال .. اتفضل استقالتي...

فابتسم ايهاب ... وامسك قلمه .قال بصوت عالي....

موافق... اتفضل.....

وخرج رامز من مكتب ايهاب حزين ....وقال في

نفسه : حتي ما اهتم يسال ليه ؟؟؟؟؟

واقترب من سحر ..وقال سحر .. انا عايز اقولك حاجة

يمكن يكون مش من حقي لكن علي الاقل كان في

سنين حب واحلام بنا ......

قالت له سحر .... اتفضل ..

رامز : اوعي تنخدعي باسم الحب ...في بنات كتير بتنخدع باسم الحب وبيضيع مستقبلها...اللي بيحب بجد بيحافظ علي حبيبه حتي من نفسه.....

فردت سحر... تقصد اي بالكلام ده ؟؟؟ ممكن افهم!!

رامز : ولا حاجة دي نصيحة من شخص حبك بصدق...
عن اذنك .. وذهب رامز لمكتبه ليسلم عهدته ويترك
عمله. هاربا من سحر ...هاربا من حبها ..من احلامه التي اصبحت كابوس ....

اتصل ايهاب بسحر علي هاتف المكتب.....

سحر من فضلك تعالي.....

سحر : حاضر يااستاذ ايهاب....ونظرت لرامز ودخلت لايهاب....وقالت :

تحت امر حضرتك ...........

فقام ايهاب من مقعده واقترب منها وهمس باذنيها...
انا اللي تحت امرك يا حبيبتي ..حقك عليا ... انا غلطت بحقك ....

فسقطت دموع سحر.........

فمسح ايهاب دموعها وقال ........

حبيبتي ...... حقك عليا ...اي رايك نتغدي مع بعض.....

فنظرت له في صمت.....

*******************************************
واخذ حاتم عفاف وذهب بها لشقته وهو سعيد بموافقة هايدي علي زواجهما ...وبعد وصولهما ...

نظر لعفاف وقال :
ياااه يا حبيبتي .. انا سعيد وفي غاية السعادة
ان هايدي وافقت ......

عفاف : الحمد لله يا حبيبي ..كنت مرعوبة انها تصمم علي الرفض ... لكن الحمد لله..

حاتم بثقة : طبعا لازم تغير رايها ... عندك شك في قدراتي ...

فضحكت عفاف وقالت ... لا طبعا انا اقدر...

حاتم : كده خلاص يا حبيبتي تقدري تيجي عندي وتقعدي معايا باليوم والاثنين وبالاسابيع كمان .. هايدي موافقة ....

عفاف : لا ياحبيبي مش للدرجة ..... يوم اتنين ممكن ...لكن صعب هايدي تقعد لوحدها بالايام والاسابيع....

حاتم مقتنعا : عندك .... وقطع حديثهما اتصال من هايدي...

عفاف في قلق : هايدي حبيبتي .. خير في حاجة.....

هايدي : لا ياماما اطمني ... هو حضرتك فين؟؟؟؟

عفاف : انا سهرانة مع عمك حاتم و مش هتاخر عليكي...

هايدي : لا لا لا ياماما خدي راحتك ... انا بستاذنك مش هرجع علي البيت .....

ردت عفاف .... يعني اي ياحبيبتي.....

صديقتي شيماء مصممة افضل معها ... اصل هي لوحدها.

عفاف : طيب يا هايدي تعالو عندنا وخدوا راحتكم ....

هايدي : بليز ياماما ... وافقي ...

عفاف بضعف : خلاص ياحبيبتي لكن خدي بالك من نفسك .. ولو في اي شئ اتصلي بي علي طول....

هايدي : حاضر ... تسلمي يااحن ام.......

واغلقت هايدي الهاتف ..ونظرت لشريف وقالت :

حبيبي ... ماما واففت .........

شريف : كنت خايف ترفض واتحرم من حبيبتي ......
انتي وحشااااااني جدا....

هايدي : وانت ياحبيبي .... لكن انا زعلانه منك .....

شريف : حبيبتي انا .... زعلانه مني .. لا يمكن اسامح نفسي.

هايدي بدلال : ايوة زعلانه منك ياشريف .....

شريف معاكسا لها : حبيبتي .... قلبي .. ليه بس؟؟؟

هايدي : لانك ما اتصلتش بي طول اليوم ....

شريف : كنت مشغول ياقلبي... انتي عارفة لازم اثبت وجودي في شركة بابا ...

هيدي : ايوة ياشريف ... وهتكلم ماما صح !!!!!

شريف : اكيد ياقلبي وانا اقدر ابعد عنك ..انتي روحي ياهايدي .... روحي فاهمة؟؟

هايدي : فاهمة يا حبيبي ... وبتمني اليوم اللي هتكلم ماما فيه..وابقي مراتك ياشريف....

حبيبتي انتي مراتي فعلا خلاص......

وافترب منها وقال .. هو احنا اتفقنا علي اية؟؟؟؟

فضحكت هايدي وقالت .. اننا ننسي كل شي واحنا مع
بعض ونفتكر.... فنطق شريف معها في نفس اللحظة .

حبناااا فضحكو واحتضانها شريف.....

*************************************

جميلة ....

نعم ياخالتو ... انا معاكي

خالة جميلة : ممكن اقولك حاجة ؟؟؟

نظرت جميلة في ترقب وخوف ان تتطلب منها ان تترك البيت .... وقالت بصوت مرتجف ...

اتفضلي ياخالتو......

وائل ابن جارتنا اللي في الدور الثالث .. شافك وعجبتيه

ووالدته طلبتك مني.... اي رايك..

فالتقطت جميلة انفاسها وابتسمت وقالت...

حبيبتي انا لسة في جامعة....

الخالة : عادي يا جميلة هو موافق تكملي تعليمك ....
هو محاسب في شركة .....

جميلة : اسفة ياخالتو حقك علي انا لا يمكن افكر في ..الارتباط في الوقت الحالي.....

الخالة : طيب فكري يابنتي .....

جميلة باصرار : اسفة ياخالتو ........

الخالة : براحتك ياجميلة .... علي العموم دي حياتك وانتي حرة فيها .....وكان نفسي اطمن عليكي..

جميلة وهي تحتضن خالتها اطمني ياخالتو .... الجامعة اهم هو ده مستقبلي الحقيقي .....

الخالة : طيب ياجميلة .... انا عندي مشوار ومش هتاخر عليكي.

جميلة : اتفضلي ياخالتو .....

وبعد انصراف خالتها بدقائق رن جرس منزل الخالة...

وفتحت جميلة .. ولكنها صدمت بمن يقف امامها .........