بقلم بنت الهواشم
(((((ظابط_وانتقام_من_يتيمة)))))
.. بارت 1+2
سجى: اني عمري 18سنة طولي عادي حلوه عيوني رصاصية بيضة وجسمي متناسق مخطوبة لابن عمي محمد مامكملة دراسة لحد الثالث متوسط وبعدها مارحت اعدادية لان امي الله يرحمها توفت وابوية اتزوج ومرت ابوي صار عندها ولدين وجنت اني لازم اربيهم ماعندي اخوان من امي بس اني جنت مدللة ابوي وامي بس من تزوج ابوي مرة ثانية صرت نكرة لهذا وافق زوجته ومخلاني اكمل دراسة واجه عمي ونهى عليه ابنه عمره 21سنة طالب اداب وصار النا اسبوعين من انخطبنا ومن يكمل محمد دراسة نتزوج عندنا جوارين حبابين وخلوقين بناتهم بكدي اروح ازورهم ويجون يزروني رغم معارضة زوجة ابوية بس هن يحبني ويوم من الايام واني رايحه ولابسة صاية واخوي الصغير عمره 5سنين وياي داازور صديقاتي بيت جوارينا انصدمت بشخص طول بعرض اني استحيت منه ودكيت الباب مال جوارينا وهو اجه وفتحها وكالي ماكو احد سافروا وصافن ويخزر بيه ..
اني تفاجأت وخفت واخذت اخوي لصغير ودرت وجههي ورجعت للبيت مالتنا بسرعة ليش ماكللي صديقاتي من سافرن ووين سافرن ؟؟ومنو هذا
عباس :اني عمري 28سنة طويل وضخم ومعضل شعري اسود ولحية وشوارب عندي وممتزوج لان بحكم شغلي وحكم حياتي مااحب ارتبط بأي امرأة لان اني شكاك وعندي اخوة 2 اصغر مني متزوجين اني ساكن بأربيل اني ضابط طيران بس اني هنا مستأجر جديد البيت الي ساكن بي مشتبه بيهم لهذا طلعوا بليلة ضلمة واني سكنت بدالهم علمود المهمة يم مطار بغداد واحنا ودانزل الغراض مال بيت شفت بنية بس سبحان الي خلقها شنو هالجمال اني خفت لتكون شريكه لهذا لحكتها وكتلها سافروا اريد اشوفها راح تتصل بيهم او تروح عليهم وخزرتها علمود تعرف اني ضابط يمكن عرفت لان انهزمت بسرعة لبيتهم عرفت سكنها وجوارين المشتبه بهم وبديت اراقب بيها وبعائلتها فردا فردا ...... .....
حياة
انتقام_من_يتيمة 2
عباس:جان شغلي بالمطار ومراقبة بيوت المنطقة الي ساكن بيها عجبني اراقب بيت جوارينا عرفت عنهم كلشي ويوم من الايام دااطلع وسمعت جوارينا يصيح لان سيارتهم عطلانه رحت كتله تحتاج مساعدة هو كال لا شكرا اني خابرت راح يجون ياخذونه بس تكدر توصلنا لراس الشارع بطريقك اذا تكدر طبعا اني كيفت لان ردت اتقرب الهم اكثر واني واحجي وياه عرفت اسمه ابو سجى وهو محاسب وردت بنفس الوقت اتقرب لعائلته بلكي يعرفون شئ عن الجماعة لان هم بصفهم ساكنين صاح اهل بيته وطلعت مرة تقريبا عمرها بالاربعين يمكن هاي مرته وطلعت البنية الي شفتها يمكن هاي هي سجى بس شنو هالثكل شنو هالاناقة وجانت شايله ولد صغير وبصفها ولد عمره تقريبا اربع سنين شنو هاي البنيه مطلكه لو شنو المهم ماهمتني اهم شئ عندي انه الكه الجماعة بالطريق كمت احجي وياهم الا ان جبتها على الجماعة طبعا خفيت هويتي كضابط وكلتلهم اني اشتغل حارس للسجن
عباس:والله البيت الي اني مستأجرة اهله مااعرف وين ولازم انطيهم الاجار بس ماادري وين الكاهم
ابو سجى:يااا بيت ابو سلطان والله مانعرف عنهم شئ اصلا مجانت علاقتنا قوية بيهم بس سجاوي جانت وي بناتهم سويه بابا سجى متعرفين عنهم شئ
عباس:يحجي الرجال واني عني على هاي ام عيون الرصاصية على ترابي مااعرف دوختني ومصدكت ابوها سألها علمود اشوفها تحجي
سجى:لابابا والله ماادري
عباس:شنو هالكلاوات ...بيني وبين نفسي
ابو سجى:هنا هسه يجي الولد وياخذنا
عباس نزلوا كلهم واني عني على سجى واراقبها شكيت بيها لابعد الحدود تكون وياهم شكل عيونها وشكلها مو راحة ...نزلوا ضليت اراقبهم اجه ولد يطلع عمره بالعشرينات اخذهم وراح واني وره شوي مشيت وراهم نزلوا بيت مرتب سجلت العنوان يمي وطلعت للمطار لشغلي كملت ورجعت لكيت بابهم لساه مقفول استغليت الفرصه خابرت واجوي نصبولي كامرات المشكله ماكو جوارين غيرهم هنا لان منطقة شبه مهجورة لهذا حطيتهم بعقلي وخاصة بنتهم ....
سجى:طول الطريق واحنا وي هذا غريب الاطوار وهو مشال عينه عليه كلمن اباوع للمراية الكاه يباوعلي عيونه تخوف لهذا ضليت مدنكة ومارفعت راسي تمنيت لو بابا ماركب وياه لان احس بي مو راحة وصلنا اجه محمد اخذنا لبيتهم جانوا عازمينا اني ومحمد منحجي لان اني من النوع الخجولة ومحمد احسه ميريدني بس شنو الي جبره ماادري ...اتغدينا وسولفنا محمد صاحلي للغرفة مالته اني استغربت بس مرت ابوية كالت اصعدي شوفي شيريد عيب تردين تبقين يمنا اسمعي كلامه ماادري شنو قصدها بس حسيت اكو خطأ صعدت للغرفة مالته جان لابس بس شورت وفانيلة اول مادكيت الباب وكال اتفضلي فتحت الباب ورأسا سديتها ونزلت جوه واني ميته خجل وخوف نزل وره شوي محمد وعيونه حمر بس باوعت عليه نزلت راسي هو محجى شئ بس طلع وسد الباب اني مااعرف شسوي احس عيون العائلة كلها عليه رجعنا لبيتنا ساعة ب4 اول مارجعت ذبيت روحي ومنظر محمد مدايفاركني كلش خايفة من عيونه واجت ببالي عيون الولد جوارينا كمت اخاف اكثر مرت الايام واني اشتاق لجوارينا الي هن صديقاتي والمشكلة ماعندي تلفون علمود اخابر احد يعرفهن فد يوم دنيا الليل وبابا جان رايح لبيت جدي لان جان مريض اسمع الباب تندك ب12بليل خفت كلش مرت ابوية اجت لغرفتي من خوفها بس ممبين عليها وكالت متسمعين الباب كومي افتحي اني ارتبكت واخاف اردلها طلب رحت فتحت الباب وجان يطلع .....
