#انتقام_من_يتيمة 3
فتحت الباب وجان يطلع محمد
سجى :محمد شجابك هسه... بعدني ممكملة وجان يعصرني بين يديه اني دفعته وسديت الباب خفت جانت بحلكة ريحة مطيبة مااعرف مال شنو حجى حجي ممفهوم وهددني اذا مفتحت الباب راح يسوي شئ وضل يدك بالباب اخاف انهزم للبيت لان اكيد مرة ابوي راح تحجي عليه لهذا ضليت بالحوش خايفة واسمع صوت محمد وره شوي اسمع صوت خشن يحجي وياه وبعدين ماسمعت شئ هدئت وطبيت للبيت لكيت مرة ابوية حاضنة جهالها وكاعدة واستلمتني شكو وشصاير كتلها ماكو بس صوت الهوى واحنا توهمنا كامت تباوعلي بشك اني تلافيتها وطبيت للغرفة مالتي ماادري شنو شراح يصير ياربي استرني ...
عباس:ساعة ب12بليل اسمع صوت بباب بيت ابو سجى شفت ولد يدك طلعت اشوفه حاضن بنتهم كلش انغثيت منهم وماعرفت منو هذا الرجال بس عرفت انه لازم اعتقل ابوها واخلي يعترف بكلشي بس هذا الولد كام يدكك بالباب ضوجني طلعت عليه جان الظلام كلش قوي ماكدرت اشوف وجهه بس حجيت وياه وكتله نريد انام كافي روح منا كام يحجي انه انت معليك تقدمت عليه ردت اضربه اشتميت بحلكه ريحة شرب كرهت بيت الجوارين كلش وزاد انتقامي اكثر وكلت لازم اعتقل ابوهم واستفسر منه كلشي هذولي مو بس مهربين ذولي دعاره لزمت الود وطلعته راس الفرع جان يصيح ويقاوم بس بنيتي اكبر من بنيته وكدرت اطرده طلع عنده سياره ركب بيها وغادر ...رحت خابرت انه يحظرولي محظر انه اعتقل ابو سجى وفعلا ماطولوا الصبح جابولياه ورحت دكيت بابهم طلعتي سجى بس عيونها متغيرة حمر طبعا من الشرب دفعتها رجعت ليوره ووكعت للكاع..كولي وين ابوج اعترفي
سجى:والله موهنا انت شرايد عوفنا
عباس:ردت اضربها واضرب تغليسها وجذبها بس مع الاسف هي مره
دخليت للبيت وي الشرطه الي وياي جانت مرة ابوها نايمه صحيتهم كلهم صحيح ميصير ندخل بيوت بيها حريم بس ذني مو حريم ذني دعارة ...فتشنه البيت ماكو ابوهم ولازم اعتقله هذا خاف يهرب وذني ماعندي دليل عليهن انهن دعارة دااطلع وسجى لساها بالكاع مدده ولافة روحها اعتقلتها على انها دعارة وعندي دليل تصوير الكامرات وخليت جماعتي يراقبون البيت للعصر اجه ابوهم خابروا اعتقد وسلم نفسه وبدينه نحقق وياهم على بيت ابو احمد وشنو علاقتهم مااعترف ابد ولايقبل يعترف لهذا رحنا على سجى وجبت شرطيات ثنين وبدوا يعذبوها وهم مااعترفت وحجت بس انه الها صداقة ببناتهم اني تخبلت مهمتي راح تفشل لليل اجه واحد ومرة ابوسجى ودفع كفالة وطلعهم اني تهسترت لان ماعدهم دليل ضدهم ويحقلهم يطلعوهم بس سجى وهي داتطلع وكفتهم وكتلهم انتوا صدك دعارة ابوها كال احترم نفسك كلشي نسوي الاالشرف لاتقترب علينا بي طلعتله لابوها تصوير البارحة تخبل عيونه ضلت تشب نار وراح وضربها لسجى ضرب وهي مادافعت على روحها اكيد حست بذنب او يمكن تعبانه من ضرب الشرطيات ابوها عافها وطلع وكال سوو بيها الي لازم اني ماصدكت طببناها بالسجن وهي مغمى عليها مارفلي جفن الها ولا اتحرك كلبي عليها ..مر اسبوع ومحد اجه سأل عليها ولااحد شافها واحنا يوميه تحقيق وياها بس للاسف لاتحجي ولاشئ ولازم نطلعها لان ماكو ضدها اي شئ فقط سجن اداب ولزمت وطلعتها جانت كوه تمشي حسيت انه ظلمتها جانت دنيا مغرب من طلعت خابروني بالبيت امي مريضة ولازم اروح لاربيل اجلت المهمة واخذت اجازه اهمشي امي .....
رجعت للبيت ساعة 10 جانت كاعدة يم باب بيتهم هزيت بأيدي من شفتها جان برد كلش قوي وهي كاعدة بباب البيت اكيد اهلها مااستقبلوها حقهم كح...ة هاي شيستقبلون الله واعلم وي منو لايصه روحها ...
رحت للبيت جهزت جنطي لان ب3اطلع وره ماكملت اتذكرت السويج نسيته بالسيارة كله من وره هاي الغبره طبعا موعد مال طيارة محصلت لهذا راح اروح بالسيارة رجعت علمود اخذ السويج جانت الساعة ب1شفتها ماكو كلت اكيد واحد اجه اخذها متتفوت وجمالة وحدها لاكفيل ولاشي اخذت لسويج ونمتلي نص ساعة وبعدين اخذت الجنط وحطيتهن بالخانة اليي وره اتعاجزت افتح الصندوق لان بارد الجو و انطلقت لاربيل ...
الطريق تقريبا 6ساعات بما اني ضابط مااخضع لاي تفتيش او دوخة راس بس اطلع الباج يفتحولي السيطرة وهم الممنونين رجعت للبيت مشتاق لامي رحت حضنتها وجانت حالتها تعبانة كلش انقهرت عليها وماكو احد يمها بس الخدامه لان اخوتي وره الضهر يالله يجوها تخبلت عليهم لان اني عايفها امانة يمهم ردت انتظرهم وارزلهم هم ونسوانهم الجايفين الي ميستحون يمشون وره كلام نسوانهم اجت الخدامة عليه واني فاير...... وكالتلي افتح صندوق اطلع حقيبه..
نطيتها المفتاح وناسي اني ممخلي اي شئ بالصندوق ..
وره شوي سمعت عيطه من الخدامه خفت لااكو شئ طلعت وكتلها شبيج اشرت على الصندوق رحت شفت شنو انصدمت بالي شفته هاي شتسوي هنا معقولة ميته ....
سجى:بعد ضرب الشرطية الي احس عضامي تكسرن لليل اجه اخو مرة ابوية وهي مرة ابويه دفعوا الكفالة وطلعونا بس دااطلع والولد الي ماتوقعته يوم يطلع ضابط ذب تهمة علية اني ضليت اباوع اله ولابوية بصدمة مااشوف الا ابوية اجه وكام يضرب بيه ومافهم السالفة ولافهم شئ مني وذبني وطلع ضليت اسبوع يقدمولي الاكل مااكل الاشوي بس علمود اصبر روحي ابوية مااجه سأل عليه ولااي احد طلعت من السجن وصلت دنيا مغرب اخذت تكسي رجال جبير بالعمر وصلني وكتله ماعندي فلوس تقبل حالتي عباله شو شصاير بيه ميهمني اهمشي ارجع لبيتنا وابوية ابررله دكيت الباب طلع ابويه ذبلان وتعبان طلعت وراه مرة ابوية وكام يحجي عليه وحجي ومرته تزيده كتله بابا الله يخليك والله جان محمد كال ابويه اصلا كتله لمحمد وكلت بلكي اطلع غلطان بس محمد كال اني ماجنت بغداد اصلا ومحمد فسخ خطوبته بيج طببته مرته وكالتي ام المصايب كح..ة بعد لاترجعين امج ماتت انت هم متي وياها انت وامج نفس الطينه معرفت اتربيج اني كلش انقرت ضليت بباب بيتنا ابجي الاان اجه هذا الي دمر حياتي هو ومحمد الله لاينطيهم برد الجو كلش وشفت لسويج مال سيارته موجود ردت اطب بسيارته ادفه بس ماكدرت وراها فتحت الصندوك مال سيارته وسيارته جانت من النوع العالي تمددت ونمت وماادري بعد شصار الا ان سمعت عيطه فوكاية مرة سودة ولابسه لبس مال خدم
