#انتقام_من_يتيمة9
سجى:بديت اعرف امه زين وارتاحيتلها جانت تحجيلي عن ولدها وخاصة عباس جانت تكول هو حنين وحباب بس اني ماشفت هالشي منه ابد جانت تحجيلي على جناينها واني كمت احجيلها على امي الله يرحمها وعلى مرة ابوية وعلى الكل بس خطيبي ماحجيتلها شئ عنه ولا سوالف لقائي بولدها حبيتها كلش وحسيتها فعلا بمقام امي جنت اصوم لامي كل ثنين وخميس جانت تكول ياريت جانت عندي بنيه مثلج ...جنت احجيلها على سوالف حسوني اخوية طانت تضحك عليها ومرة جنت احجيلها مااشوف الا هو طب علينا جانت عيونه تختلف عن كل مرة اشوفهن بي حسيت على روحي لابسه تراك وشعري ممغطى خفت لايسوي شئ ماصدكت شلون خلصت منه وطلعت لبست شال ويلك طويل فوك التراك علمود لايكول دااغري ومن هاي السوالف الي زرف كلبي بيهن امه علمتني انه هو يحب يسبح اول مايجي لهذا حضرتله لحمام وكالتلي صبيله غده رحت كملت الغده وصبيته اله جان ساكت وهادئ يمكن هذا الهدوء ماقبل العاصفة ردت اغير غرفتي بس خفت يحجي عليه لهذا بقيت كلشي بمكانه بغيابه جانت الخدامه تشتغل بس شغلها مايعجبني اني بطبعي مرتبه لهذا كمت اشتغل وارتب وراها ....
عباس:كملت غده جابتلي الجاي وشربته واني اباوع عليها جانت مرتبكه وتفرك بأيديها ..وره مااخذت الصينية وطلعت امي حست عليها
امي:عبيس يمه شدعواك هيج مبنجها لبنيه ليش هيج تخاف منك ولك اول ماشافتك تغيرك وصفر لونها حتى حجي من تحجي وياي ترجف عليكيفك وياها
عباس:يمه شعليه اني هي هيج
امي:لاولك شحلاتها كبل لاتجي
عباس:يمه شبيج اطلع من البيت واخلي الج والها
امي :على كيفك وليدي شحجينا شمالك
عباس:يمه مجاه جميل لو جلال محد جاه
امي:بس هم جوي اي سلام وطلعوا يمه مشتهية اشوف ولادهم والله احب صوت الجهال بالبيت
عباس:شلج بيهم يوم عوفيهم
امي:والله يوميه اعاين على مرتك بلكي يصير عندها لعبان نفس شئ علمود يفرح كلبي ويصير عندي جاهل منك يترس البيت
عباس:يمه شبيج اروحلج فدوه ان شاء قريب يمه يصير عندج ....يالله من رخصتج اني طالع اريح جسمي ..واني واادطلع طبت هي جان بأيدها دوه امي ضليت بالباب اراقب بيها .
امي:رحم الله والديج يمه يوم الي اشوف عندج حاهل يشبهج وحلو مثلج
سجى:تسلمين يمه
عباس:تعاي لغرفتي عود من تخلصين
سجى:ضليت صافنه شيريد مني ....اكلني الخوف اكل رحت غسلت مواعين وصعدت ليفوك واني كلش خايفة ومرعوبه منه
عباس:لمحت خيالها بالباب وواكفة فتحت الباب هي فتحت عيونها بكاملهن ياهل عيون الماادري ليش يذوبني ...شبيج طبي
سجى:طبيت واني ميته خوف ورعب شيسوي شيريد
عباس:انزعي لشالج ..هم فتحت عيونها شبيج متسمعين انزعي لشالج ..كامت تنزع بي نزعته ..لزمت الي لابسته فوك التراك ..هذا شنو انزعي ..نزعته وهي ترجف ..نوبة الاخرى من اجي لاتمثلين دور العفيفة الشريفة كدامي وكدام امي ولج انت لو تنصاغين ذهب مااتقربلج ولااباوع عليج وج انت زبالة وهاي حراكاتج ودور الخايفة على امي بطليهن ولج لو ماالفلوس انت هيج تسوين ...كامت تبجي واني وي كل دمعة تنزلها روحي تموع وكلبي يرجف اخر شئ لزمتها من ايدها وطلعتها من الغرفة ....
سجى:ليش يحجي وياي هيج ليش اني شسويتله وليش يتهمني بشئ اني ماالي ذنب بي طلعني من الغرفة ورحت للحديقة المسبح الي ورة البيت يجنن مرات من اضوج اروح يمه اشكيله همي وضعفيوره ساعة طبيت للبيت رحت لغرفة امه لكيتها كاعده تباوع تلفزيون
الحجية:هايمه شنهي زوجج وين
سجى:نايم يمه خطيه تعبان
الحجية:يمه مانمتي وياه
سجى:لا مجايني نوم
امي:تعاي تعاي اكعدي بصفي لعد كعدت بصفها باوعنا شوية اخبار ومحاضرات دنية اني جنت نعسانة كمت اغفي غفيت على الكرسي وماادري بروحي ...
عباس:كعدت ب4
العصر
البيت هدوء ونضيف فتحت الباب مالت غرفة امي امي نايمه وهاي نايمة على الكرسي جان الجو حلو لابارد ولاحار ربيعي رحت يم المسبح افتريت احس المسبح متغير احس بي شئ يختلف ماادري شنو بس شئيختلف عن كل مرة احس الريحة والجو يختلفن بي ماادري شدااحس وليش هيج دااحس بس شئ غريب وبنفس الوكت حلو خابرت جلال وجميل كتلهم باليل جيبوا جهالكم امي تريدهم ضليت ساعة كاعد يم المسبح وطبيت لكيت امي كاعده وسجى لساها نايمة امي كالتلي خطيه هاي ركبتها راح تنكسر تعال شيلها حطها هنا اجيت اكعدها اشرتلي عوفها تعبانه شلتها نفسها صار قريب عليه حطيتها بصف امي وخرت خصلات شعرها عن وجهها شكد بريئة ضليت اباوع على وجهها نسيت امي وسيت العالم ماحسيت الا امي دغتني انه اغطيها غطيتها امي كالتي خابر يجبون اكل من المطعم صايمة لبنية قصدها على سجى .....خابرت رجعت على امي جانت تمسد بشعر سجى ...كتلها راح يجون اخوتي وجهالهم كيفت كمنا نحجي بصوت ناصي علمود لاتكعد اذن المغرب امي كامت تكعد بيه
امي:سجو يمه بنتي سجاوي ....كامت تتكلب وتاخذ كلبي بحركاتها اللا ارادية بعدها مغمضه وحجت..
سجى:يمه خليني انام شوي احضنيني يروحي اريد ادفه اشو بارده ...امي كامت تضحك وتباوعلي كالتلي شبيك مخلي بنتي بردانه كوم صيح الخدامه خل تجيبلها لبن ..كيتلها حاظر يمه بصوت عالي وغاضب
سجى: سمعت صوته بالغرفة فزيت باوعت عليه عيونه متتفسر صاح على الخدامه وره شوي جاببتلي لبن وتمر كمت اخاف حتى دعاء الافطار معرفت شلون اكوله اشرب واباوع عليه ..وره شوي اندكت الباب..اني فزيت
الحجية: ابو المطعم جاب الاكل يمكن روح جيبه منه عبوس يمه ..عباس طلعت واني كلي نار اشتعل غضب على ماادري شنو اخذت الاكل من الدليفري وحاسبته انطيته للخدامه علمود تحظره والله يالله صرت اني خدام لوحده استغفر الله ...
رجعت مطبيت لغرفة امي صعدت فوك صليت ونزلت اتعشى يم امي لكيتها ماكو كمت اصيح بالبيت .. اجتي تركض علية سجى
سجى: خير شكو
سحبتها من زندها امي وين يالناقصه ..بدت تبجي.. جاوبي سجى :بره يم المسبح ..
دفعتها للكاع وطلعت يم امي لكيتها كاعدة على الكراسي البره وتتفرج على المسبح ووجهها سعيد
امي:شبيك يمه شبيك تصيح
عباس :يمه شعندج هنا شبيج بيج شئ تعاي خل اطببج
امي:لايمه الماي الرايح والجاي باالمسبح يونس على كولت سجاوي ..اني محبوسه بهل غرفة اريد اشم هوه الجو زين عمت عيني عليها سجاوي صارلها اسبوع تطلع بيه بالبيت تكول تفررني بمول وكل غرفة احجيلها عنها الا ان كل ليله نجي نتعشى هنا ...كعدت بصفها ..يمه صعدتي ليفوك .
امي:اي ياعيني صعدتني هي والخدامه وفررتني على البيت والتعديلات الي مسويتهن بي يمه مرتك دره وذهب مصفى الله يخليها الك ويرزقك بالجهال منها كون عليها عيونهم وبياضها اني ضحكت من صدك عيونها حلوة ..
امي:يو هاي وينها سجى ولك طبت بعد ماطلعت الاكل راح يبرد كوم كوم صيحلها
عباس:يمه عوفيها جوعان شنو تاكلين انت
امي:زلاطات سوتهن الي سجاوي ..دكوم دكوم صيحلها البنية صايمه
عباس:كايم يمه كايم.... طبيت ليجوه هي متقرفصه على روحها وكاعده تبجي انت كومي كومي اكلي ..كامت وعيونها تصب ..وين غسلي يالله روحي ..غسلت واني اراقبها طلعنا سويه امي كاعده وتبتسم النا ياربي يخليكم يالغالين تعالوا اكعدوا اكلت واني اكل وعيني عليها مااكلت
امي:سجو يمه دكلي يعيني اشو ماتاكلين
سجى:مالي نفس يمه
امي:ولك عبيس شسويت للبنيه جانت مثل الورد تاكل شسويتل الها
عباس:شبيها يوم هسه تاكل خنزرت الها اكلي يالله اكلي ...
كامت تاكل شوي شوي
امي:شبيك هيج تخوف البنت على كيفك وياها ..اني من صدك تعصبت كمت من على الاكل وين اروح صعدت للغرفة فتحت المبايل تصفحت شوي ماكو ساعة تقريبا وجرس الباب اندك نزلت داافتح شفت ماكو احد رحت لغرفة امي لكيتهم كاعدين ...يمه ذولي اخوتي يمكن ..باوعت على سجى كومي البسي شئ مستور
سجى:كمت واني عبالك بنت شارع لا الشارع جوز اشرف مني بتعامله وياي رحت للغرفة لبست فستان عسكري لونه وشال خردلي نزلت ليجوه جانوا اخوته ثنينهم موجودين وجهال وياهم ونسوان اخوته ..اني نزلت مبتسمة اخوته اكلوني بالنضرات وخصوصا الشال ضارب على عيوني واني بيضة سلمت على الكل بوست نسوان اخوته جانن موذاك الكد حلوات ومو بيض مثلي ولاعيونهن مثلي امه صاحتلي كعدتني يمها وي احفاذها كمت اشاقيهم والعبهم وي امه هو ماانتبهت عليه وعلى نضراته لان اخاف منه ...
عباس:استقبلت اخوتي امي كالتلي طلعني للصالة طلعتها وجهال اخوتي 3 من جلال 2ولد وبنيه وجميل عنده ولد كعدوا يم امي وفرحانه بيهم وره شويه نزلت سجى اية من الجمال باوعت على اخوتي فاتحين حلكهم عليها باوعت على سناء عيونها تريد تطلع من كثر الغيرة اني ابتسمتلها بس هي ماالتفتت عليه بالعكس فاتت من يمي مدنجة سلمت على نسوان اخوتي واني اباوعلها اريدها تجي يمي علمود اضمها من عيون اخوتي انوب امي صاحتلها وكعدتها يمها اباوع عليها وي الجهال عبالك وحده وياهم تمنيت لو اروحاحضنها ومااخلي الناس يباعولها وره شوي امي ماادري شكالتلها فراحت للمطبخ اني ماصدكت رحتت وراها كتلهم خاف تحتاج شئ
جميل:اي عيني حقك لاتخليها تتعب
سارة:معليك انت ..
جلال جان بس يباوع مجانت عنده اي كلمة وياي وسناء عيونها كلها حقد وانانية ...
سجى:رحت للمطبخ احظر الفواكه عمتي كالت جيبيلهم لان الخدامه متعرف دااجيب الصينية من الخانة الفوك مال كاونتر مااشوف الا شخص لزك بضهري ومد ايده دايجيب الصينيه التفتت راسي لكيته هو نفسي صار قريب من نفسه غمضت لان اكيد راح يحجيله شئ موزين
عباس:طبيت للمطبخ شفتها تحاول تجيب الصينية لزكت بيها ومديت ايدي اجيب الصينية التفتت عليه وراها غمضت عيونها ردت ابوس شفايفها الي مااكدر اقاومهن بس دخلت علينا سناء وخرت رأسا..
سناء:محتاجه شئ حبي سجى
سجى :لاشكرا ممحتاجة
عباس:اباوع على سجى الخجل كاتلها عمري ماشفت هيج شئ من اي مرة واباوع على سناء بس تخزر اضطريت اغيضها لسناء او بالاحرى حبيت اقترب من سجى راحت على الثلاجة رحت وراها هي داتطلع ماعون الفواكه اني مديت ايدي من وره خصرها كامت تتنفس قوي عبالك جانت تركض حطيت حنكي على جتفها ...حبيبتي اني اشيلها عنج ثكيلة عليج ..فتحت عيونها الي مااعرف الوانها اشرتلها بعيوني على سناء يعني لان سناء موجوده اني هيج دااسوي هي غمضت عيونها ودنجت ليجوه اخذت صحن الفواكه اجت كامت تفرغه اني كمت المس ايديها باوعت للباب مال مطبخ وراها سحبت ايدها ..اشرتلها بعيوني انه تبقيها ..اشرتلي على باب المطبخ مافهمت قصدها
سجى:سناء راحت تكدر تاخذ راحت ...
عباس:صدك فشلتني واني مثل الماصدك بوجودها .خجلت وطلعت اصلا نسيت على شنو اني بالمطبخ ورايه جابت الصواني مال فواكه من نصت كبالي داتحطهن نزل الشال وبين شوي من ركبتها بس هي تلافت الوضع اني تخبلت وتمنيت اكوم الها واحركها حرك ....
#
