#انتقام_من_يتيمة14
عباس:رجعت لمهمتي والمهمة الي بلشنا بيها شاكين بجماعة اخذنا نراقبهم واني كمت ادقق كلش عليهم توليت المراقبه خفت لااظلم من جديد فمااعتقلت مباشرة فعلا شفت ناس مسلحين تطب وتطلع عندهم وبعد فترة من المراقبة وتأكدنا اعتقلناهم جانت عائلة بس مابيها بنات واني الي اعرف جانوا بنات لان سجى حجتلي عنهن ..اخذناهم واعترفوا حصلنا على ترقيات بس اني قلبي مامطمئن احس ماسوينا شئ والمهمة سهلة ومالكينا مقاومة منهم لهذا قلبي بقى ممطمئن رجعت بعد شوق دفعني لسجى ولامي جانت سجى مسويتلي كيكة بمناسبة ترقيتي فرحنا دردشنا وكلبي بي نغزة ماادري شنو هي ممرتاح ابد وره يومين من اجازتي قررت اخذهم لبغداد بعد مااتحمل فراكهم ولااتحمل بعدهم وبما انه الخطر زال اجرت بيت غير الي جنت ساكنه بس قريب وفعلا جهزنا جنطنا ورحنا لبغداد الفرحة بعيون سجى اتمنى ادفع الدنيا لاجلها ...
امي جانت كاعده بالصدر وسجاوي ليوره امي تعبت من الطريق لهذا سجى فرشتلها ليوره ونامت واجت هي بالصدر اني ماصدكت استغليت الفرصة واخذت ايدها وكمت ابوس بيها الطريق كله ..الخدامة رجعناها للمكتب ونطيناها فلوس اخوتي بلغتهم راح نروح لبغداد عارضوا بس ميهموني بس الغريبه سناء مدخلت ولاسوت مشكلة عجيبة مو من عوايدها ....ببغداد البيت الي اجرته حلو طابقين طبت سجى خطيه رغم تعب السفر بس كامت تنضف بي ساعدتها وكملنا لليل تعشينا ونمنا تعبانين ..كعدنا ثاني يوم..همات تريكنا سجى نضفت الي بقى اني رحت لشغلي وكتلها ماتفتح الباب لاي احد جاين اهلها داكين بالباب ومافاتحتلهم ولاطالعه عنواني عرفوا مني دايما اخبار سجى اول باول اوصله الهم اتصلوا بيه وينك ماوينك كتلهم بالشغل وسجى بالبيت خابرت على سجى تفتح الباب فتحتها واني رجعت ب2الضهر للبيت اهلها جانوا جايبين اكل وجانوا منتضريني اتغديت وكملت واني بهاي الفتره كله الخوفه الي بكلبي مبطلت عني ليش مااعرف دائما تسألني سجى شبيك مااحجيلها اغير الموضوع علمود لاتقلق .....مر اسبوع على كعدتنا بغداد وبيوم اتأخرت ورجعت للبيت ساعة ب10الكل نايم وهدء رحت لغرفة امي خطيه نايمة رحت لغرفتنا اني وسجاوي هستوني داافتح الباب مال غرفة اندكت الباب ودكة قوية رحت داافتح لكيت عمي بالباب ..عمي حياك شجابك بهل ليل ..اني لساني بزي مالتي..دفعني وطب وراه ولده حتى ماسلموا عليه وسناء وياهم وجلال وجميل كلهم فد طبه ملوا الصالة اني متفاجئ ...شكو شصاير عمي ..
عمي: وينها هالساقطة وينها عباس:منو عمي على شنو ...
عمي:ولك سنين واني انتظر منك تزوج وتاليها تتزوج عاهرة يبن سعود عاهرة ..تف عليك وعلى الشوارب الشايلهن
عباس:عمي مرتي عفيفة وطاهرة ومو مثل متكول
عمي:جا شتفسر الفيدو الي شفنا
عباس:يافديو ...
سناءفتحت مبايلها وطلعت الفيدو الي بسببه اسأت الضن بشريكة عمري وحبيبتي اني تخبلت هذا اصلا بس الشرطه تكدر تمسك بي ..
سناء:مو بس هذا حتى سجلها بالشرطه محبوسه بسبب الدعارة وهاي ..
عباس:سناء داتحجي ولزمت زندها ولج هاي اشرف منج وج انت الساقطه العاهرة والكح..ة ولج انت الي مايصونج شرف
عمي:ولك تهين بنتي وتهينها كدامي وكدام اخوتها لاوالله منك صاحي وجماله من وره وحده فاسقة ياعبيس لو تكتلها لو احنا نكتلها ..على كلام عمي امي طلعت لان صوت صياحهم جان عالي وطبتهم عاليه .اني ركضت مسكت امي لتوكع ..
امي:عباس يمه شصاير
عباس:يمه افتراء على مرتي يمه يردون يكتلونها
امي:سجى بنتي يمه سجى ...وكعت امي على هالكلام كمت اعيط عليهم هم شافوا امي هيج طلعوا وعمي واخواني اجوي وشالوا امي وديناها للمستشفى حالتها خطرة هذا كله الكلام واني ماادري بسجى وره ساعتين استقرت حالة امي اجاني اتصال من سجى ...الو
#
