#انتقام_من_يتيمة15
عباس: جنت بالمستشفى كاعد وبالي يم امي اجاني اتصال من سجى ..الو
صوت غريب وخشن:اذا تريد صاحبة الخط اترك بغداد واستقيل من مهمتك اني تفاجأت وكع المبايل مني ومااعرف شحجي رجعت اخذت المبايل وكمت ادك على الرقم ماكو ميجاوب مغلق من صدك انهاريت شنو ومنو وليش ماادري عمي جان واكف ..كالي شبيك اني عطت بوجه وكتله والله اذا صار لسجى شئ ماابقي واحد بيكم ..انداريت على جميل كتله دير بالك على امي ..رجعت للبيت البيت مكلوب كلب صايرة بي مداهمة عبالك وتفتيش رحت للغرفة مالتي لكيت قططع كيكة مفلشة وماعين مكسرة ومكسورة الباب يمكن ..جانت تقاومهم ..اتصلت بأبوها هذا الكلام ساعة ب3باليل رد وكتله تدري وين بنتك كام قلق خطيه اجه للبيت رأسا واني وياه محتارين منين نبلش اندور مرته جانت وياه جانوا كاعدين واني مخبوص بأتصالاتي بجماعتي اجوا يمسحون البصمات ويحققون ..
ابوها:ياربي هالبنيه شنو ذنبها ياربي يتيمة وانظلمت هواي احفضها بحفظك
عباس:امين
مرته :بس لايصير شئ لابنكم شئ
عباس:شنو ابن ..قصدج ..كمت لحيلي دموع بعيوني واني ماادري شصار الي..يعني اني.. طلعت لباب مثل المخبل رجعت ركض ..شوكت لزمت جتف مرة ابو سجى وكمت اهز بيها ..
شلون وشوكت ليش ماكلتلي
مرة ابوها:هي همات متدري اليوم العصر اني شفتها تلعب نفسها سألتها على موعد الدورة مالتها كالت صار كومه ماجايتني ..
عباس:شكد غيبة متعرف اذا هي حامل لو لا ولا اني حسيت اه كلبي واني ااشر على كلبي ..خطية جان وجهها اصفر وجان عندها لعبان نفس كلت هذا تغير بيئة اوو شكد غبي اني طبيت للغرفة واني بس اريد حضنها عرفت ليش الكيكه هاي جانت محظرتلي مفاجأة اه سجى وينج ..بياديرة انت شصاير بيج ياربي ليش هيج والله يتيمة ماعندها احد ياربي احفظها واحفظ ابننا ..لزمت مفاتيح مال سيارة ردت اروح على امي للمستشفى...
سجى: جنت بغرفة ضلمة مااشوف شئ بس الاكل يطب ويطلع واحد جان يطببه ريحته كلش مطيبه ..مدااكدر اتذكر شصار بس اتذكر من كالتلي مرة ابويه اني حامل كلش فرحت والحجية همات فرحت من كتلها كالت اخابر عباس يجي كتلها لا خليها مفاجأة اله بس اتأخر لمن جاه جان عنده شغل واني واكفة وره الباب انتظره سمعت اصوات رجاجيل بدلت ردت اطلع بس اتذكرت من كالي اي رجال متطلعين فبقيت وره الباب اسمع حديثهم اسمع صوت عمه وسناء واسمعه شلون يدافع كل هذا واني قافلة الباب مال غرفة اخاف اطلع وره شوي رحت على الجرباية ابجي ياربي ليش مدوملي الفرحة وره تقريبا نص ساعة الباب اندفعتت ناس ملثمين دخلوا خدروني وماحسيت الا روحي بهل غرفة طببولي الاكل اني مااشتهي بس لازم علمود ابني اكل خطيه شنو ذنبه فكولي الرباط مال ايدي واكلت شوي وانسدت نفسي بعد مالي نفس ..عباس وينك ليش اني هنا مدااعرف ليلي من نهاري بس على الوجبات اعرف انه هذا الصبح لا ن جان اكو جبن ....
عباس:رحت يم امي حالتها استقرت حمد لله زينه ...رحت كعدت يمها
امي:وين سجى يايمه
عباس:يمه سجاوي بالبيت تنتظرج تصرين زينه
امي:امانه سجى خاف عمك الحقود سوالها شئ
عباس:يمه دااحركهم واحرك عشيرتهم يمه خطيه جو المستشفى ميناسبها
امي:اي يروحي دير بالك عليها شوكت تجيب والعب وي طفلكم اذا الله كتبلي عمر
عباس:يمه اروحلج فدوه عمرج طويل ..بست راسها اجاني اتصال من قسم التحقيقات طلعت من يم امي جاوبت
قسم التحقيقات:حضرت الضابط عرفنا الي خطف اامدعوه سجى نبيل
عباس:كول منو
قسم التحقيقات:شفنا تطابق البصمات مع البصمات الي جانت بالبيت المهمة 4582
عباس:شتقصد احنا قبضنا عليهم واعترفوا
قسم التحقيقات:يمكن هناك طلقاء منهم هذا الي عندنا
عباس:اني تخبلت الي جنت خايف منه معقوله خطفوها ..رحت لقسم مال شرطه مباشرة حققت وي الجماعة ماكو جواب اكتشفت انه الاب يحب ابنه لهذا لزمت ابنه وهددته بي اعترف
الاب:احنا ناس على باب الله اجوي جماعة علينا وهددونا اذا منعترف احنا هم الارهابين راح ياخذون شرفنا وابني الجبير هزمت مرتي وبنتي بس هم كامشيهن لهذا اجيت واعترفت جانوا يدزون النا سلاح علمود نبين انه احنا صدك ارهابين والله هذا الي صار ...
عباس:زين تكدر تفسر وجهه واحد منهم
الاب:اي اكو واحد جان يلبس قميص وبنطلون يمكن هذا قائدهم وجانت وياه مرة جانت منقبه مااكدر اشوف وجهها بس هذا نزع لثامه لان صار بي وسخ وهم داينزلون الاسلحة ....
وديته لقسم رسوم الوجه وصفلهم شكله ووجهها كملت الرسمة انطونياها تفاجأت بالي شفته هذا هو نفسه الي وصل سجى واهلها ذاك اليوم رحت لبيت اهل سجى واني الطريق سويته دقايق من السرعة ...
#
