#انتقام_من_يتيمة11
تفاجأت دم طلع منها شنو القصه كمت افر براسي جانت هي مدده بالكاع وتبجي بلا ملابس كمت افتر داير مدايرها واني متفاجئ نزلت الغطا من على الجرباية شمرتها عليها وطبيت اسبح للحمام شنو هاي البنية شصاير شكو ليش هيج استغفر الله معقولة ظلمتها لالا اني مستحيل اخطأ وخاصة بحق النسوان طلعت من الحمام جانت متلفلفة ومغطية راسها بالجرجف نزلت للمسبح جوه ارتاح واني افكر بيها ظلمتها اني لالا مااخطئ اني بالنسوان حالها حال اي وحدة بالشارع معقولة كالت الصدك من حجت على خطيبها لا لا ابوها ليش مصدك بيها لعد اخ عباس لعد شنو الدليل الي هسه ضهر الك لالا عباس شلون يربي دلني الطريق ارجوك ياربي كمت ابجي بصوت خفت الخدامة تحس عليه او امي تسمع..وره شوي طبيت للبيت دورت الخدامة ماكو راجعت روحي اليوم اجازتها ياربي دخيلك ضلمتها لهل بنية وياي صعدت ليفوك وره ساعتين من التفكير وعقلي وكف حتى امي نسيتها مارحتلها طبيت للغرفة لساها متلفلفة بالجرجف والفلوس والهدوم مطشره شسويت اني ...رحت عليها كشفت راسها جانت نايمه كمت احرك بيها بهدوء بأيدي كعدت كامت ترجع ليورة وتبجي بجيها وصوتها حتى عياطها هادئ ..رحت كعدت كبالها ولزمت جتفها لاتخافين طبي اسبحي واريد احجي وياج
سجى:والله مامسويه شئ والله ...
عباس:كومي اسبحي هسه ..
كامت وهي متلفلفه بالجرجف وكوه تمشي ياربي شوسويت سامحني ..راحت على الكنتور تطلع ملابس ..لزمت ايدها ..طبي اسبحي اني اجيبلج ..راحت بدون متجادل او اي شئ بس دموعها تصب من كل مكان ...سبحت نطيتها الملابس من وره الباب واني منتظرها ومنتجي على الحايط ..طلعت وشعرها مبلل وعيونها حمر من البجي ...اخذت ايدها ورحنا لغرفة ثانية من الغرف الموجوده جانت مابيها اثاث بس كرسين ..ككعدتها على واحد والثاني جبته وحطيته كبالها وكعدت عليه ...اديها جانت بس تفرك بيهن وراسها منزلته وبس تبجي عيونها تصب دموع من كل مكان ...
عباس:احجيلي قصتج اسمعج ..
سجى:باوعت عليه واني دموعي تصب وقهري وكلبي يريد ينزرف يس لازم احجي وابرر ملازم اسكت ...اني ..اني ..جنت مخطوبه ..لأبنن عمي ..وجان ..وجان ...هو ..هو ..يريد..يتقرب الي ...بس ..اني ..ماقبلت ...اكثر ..من مرة ..حاول ...استغل...روحت ابوية لبيت جدي ...هو وعمي ..واني ..جنت وحدي بالبيت وي مرة ابوية ...جان يعرف ...اني الي..اف..فتح الباب ...لهذا هو ...اجه بالليل وحظني ...بس اني ..دفعته ...وهو خاف ...وانهزم ..ماادري شصار بي ...بس اني ..اني وكعت بأيدك ..وطلعتني ..عار على اهلي ...واني باب البيت ماطالعته ...لو حاجية وي ولد ...اني والله محجيت وي احد..وهو الجبان من عرف انه مسألة شرف جذب على ابويه وكاله ..جنت مسافر ..اننوب الحظ وكعت بأيدك مرة اخرى ...وتجيبلي تهمة وره وحده ..واليوم الخدامه جانت تريد تطلع..وامي نطتني فلوس وكالتلي انطيها ..والباقي الج ...وانت عبالك ..عبالك ..جنت وي ..ولد ...احجي واني اشهك
عباس:ليش محاجيتلي بليلة العرس انج بنيه
سجى :كمت ابجي اكثر والله حاولت ابرر الك بس انت ما خليتني احجي اي شئ
عباس: غمضت عيوني وحضنت كف ايديها وعصرتهن ...الله يخليج سامحيني ... سجى:من كال سامحيني ماادري شصار بيه .بكلبي اكول واباوع على وجهه شسامح على شنو على ابوية ..على صوت تفكيري وسمعه هو على شرفي ..على حياتي الي ضاعت واهلي الي ماادري شصار بيهم على شنو اسامح كمت ابجي بصوت عالي
عباس:بس اهدئي الله يخليج لاتبجين الله يخليج اهدئي ....انوب زاد بجاها ...حظنتها وعيوني كامت تبجي وياها وهي كامت تضرب بيه وبصدري بس اني مستمر بحضنها...كتلها اريد اكفر عن اخطائي وياج شلون انت أمريني واني اصير الج خادم ...الله يخليج كافي بجي ...والله اني اسف ...الله يخليج كافي ..قاطعني صوت امي ..عباس يمه عباس ..سجى يمه وينكم ..اتذكرت امي ماشايفها من الصبح ..
مسحت دموعي بست راس سجى وهي تبجي مابطلت بجي ... نزلت على امي ركض ...هايمه شلونج شلون كدرتي تطلعين تعاي يروحي لغرفتج ..
امي:يمه وينك اليوم ماشفتك بعدين هاي عيونك ليش حمرة
عباس:من النوم يوم جنت نايم احس روحي تعبان يوم اقريلي على راسي ..كعدتها لامي بالصالة وحطيت راسي بحضنها يمه اقريلي ..
امي:اسم الله يمه شبيك ..اكلك وين سجاوي اشو ماكو ..عباس:يمه خطيه هي هم تعبانه
امي:خطيه الله يساعدها انوب هاي الخدامه اليوم اجازتها وخلت الشغل كله عليها وهي ماتقبل على شغل الخدامه الا كون هي تنضف
عباس:اي يوم خطيه دقريلي اقريلي اروح الج فدوه ..
كامت امي تقرالي وره شوي اباوع على الساعه ب2 راسي يوجعني جوعان وجماله ممتريك انوب امي لازم تاكل علمود موعد الدوه ...
عباس:يمه هسه راح اطلبلج غده صحي لان سجى تدرين..ماكملت كلامي نزلت سجى وجهها باسم ومرتبه كأنه مصاير شئ شنو من كلب عندج تحملتي كل هذا وتاليها هيج تنزلين كان ودي اروح احضنها واضل ابوس بيها ...كمت عدلت كعدتي واني بس اباوع عليها وعلى ملامحها عيونها وارمه من البجي ...اجت باست راس امي تمنيت لو اكدر ابوسها اني همات بس ماباوعت لوجهي ...
سجى:اسفة امي بس اشو تمرضت ونمت هسه اسويلج غده عندنا سمج اسوي واجيبه
امي:اي والله سجاوي مشتيهيته عاشت ايدج ...
عباس:اي والله فدوه اذا تكدرين تمن احمر وياه ...واني هيج حجيت بس اريدها تباوعلي
سجى:دنكت ومشيت كتله ماشي..
جهزت الغده تغدوا وصليت وصعت للغرفة عزلتها ونضفتها ولميت فلوسه خليتهن على الميز و ضليت ابجي وافرغ قهري ...
اجه هو سويت روحي نايمه ..
عباس: امي خطيه تعبانه خليتها تنام رحت يم المسبح دقيقه واول مرة مااطول يم المسبح رجعت صعدت للغرفة احاول افتح الباب بس متردد اسمع صوت بجيها بكلبي دخلت سوت روحها نايمه على الجرباية اني دخلت وياها على الجرباية وحضنتها من وره ودفنت راسي بركبتها...اسف يروحي .
سجى:انفاسه ذبلني ..مااكدر اقاومه ردت افلت منه بس ايديه قوية استسلمت اله وغمضت عيوني ماحجيت شئ جان يحجي ويعتذر الى ان نمنا ماكعدنا الا ب8..
عباس:كعدت ب8 وشلون نومه حلوه كمت ابوس بركبتها الا ان كعدت ..اسف حبيبتي كعدتج بس لازم انشوف امي ساعة ب8
سجى: كام يتغزل بيه بس اني مادرتله بال خايفة منه ومااريد احجي وياه ...ضل يومين نفس طريقته يتعامل وياي ومن انضف ياخذ مني اداواة التنضيف ويمسح ويبتسم الي واني متجاهلته لان اخاف منه ومن انام يجي ينام بصفي.. بس اليوم راح انام يم امي بالكاع اني متعوده انام فعلا امه نامت اني فرشت بالكاع ونمت وره شوي اجه جان يلعب بالمبايل بالصالة ...اشو هذا اندحس بصفي وهم حضني اشرتله بعيوني امك نايمه ..مااهتم وابتسملي وكالي لاعبالج تهربين مني باس كصتي لان جنت دايره وجهي عليه وجسمي دايرته صفح وهو حاضني يامحله حضنه اني سويت روحي ضايجه ودرت وجهي دفن راسه بركبتي ونمنا ....
عباس:كعدت الصبح متكسر جسمي ممتعود انام بالكاع بس تهون لخاطر سجاوي لو بس تبطل تتجاهلني وتكول سامحتك للضحى اجاني اتصال ارجع لبغداد رحت كتلها لامي لازم ارجع لبغداد واني اباوع على سجى ومانزلت عيني عليها ..
صعدت ليفوك احظر جنطتي اجتي وراي ...وضلت واكفة بالباب وتفرك بأيديها ..باوعت عليها واتقربت الها وطببتها وسديت الباب مال غرفة وحصرتها بين الحايط وبيني ...رفعت ايد وحده منها حطيتها على كلبي وضليت لازم ايدها واني قريب عليها كلش وهي منزله راسها ..هذا كام يدك الج شوكت تقبلين اعتذاري والله راح اطك من القهر ..رفعت راسها باوعتلي ...
سجى:اريد اشوف اهلي ابوية واخوتي
عباس:نزلت ايدها وانداريت من عنها ...روحه لبغداد ماكو ماالج تواصل وي اهلج اذا يردوج هم يجون ماشي ...ماسمعت صوت منها انداريت عليها ليكيتها مندنكة وتبجي رحت يمها حضنتها ..الله يخليج هسه ابقي يم امي واني الكه يوم واجئبهم الج مو تدلل سجو بس لاتكليلي اريد اروح لبغداد ..وج سجى والله احبج والله
سجى:عو ..عو فني ..واني ابجي ...
عباس:شنو مراح نودع بعضنا راح اروح يمكن شهر مااجي ...التفتت لجانب ...يعني ميهمج غيابي ...اشرت براسها يعني اي ...عفتها وكتلها روحي عني لان احس روحي راح اطك ...كملت جنطتي رجعت لبغداد بديت شغلي واني بالي يمها ويم امي اتخابرني الخدامه دائما وتنطيني اخبارهم ...وكضيت ثلاثة اسابيع واني بالشغل الا ان العصر اتصلت عليه الخدامه وكالتلي ماما وكع من على الدرج اني اتخبلت كلت بس لا امي لان هي هالايام داتصعد درج داتصعدها سجى حاولت استفسر من الخدامه منو وشصار بس الشبكة انكطعت اخذت اجازة راسا ورجعت مباشرة للبيت الي بأربيل ساعة1بالليل ...
