#انتقام_من_يتيمة 5
قفلت الغرفة مااسمع الا صوت الجرس منو يجي معقولة الشيخ نسى شئ رحت فتحت الباب تفاجأت هاي انت
سناء:اي اني اجيت اشوف امك
عباس:كم مرة كتلج لاتجين لهنا
سناء:مو وحدي اجيت اخوك ويايه هو وجهاله
عباس:مو جهالج علساس
سناء:اجيبك اجيبك عباس لو اخر يوم بعمري ولك انت الي تعديت حدودك وابوك راح ضحية لاتخليني اروح امك همات
عباس:ردت اضربها بس صار بوجهي اخوية جلال
جلال:عفية عليك يالنشمي طلع حركتك بمرة
عباس:اسكت انت المرة ياخايس
جلال:اجيت اشوف امي وخر غاد
عباس:بيتي يتعذرك اطلع انت والي وياك
جلال:جهالي بالسيارة ردت اجيبهم يسلمون على بيبيتهم بس عرفت انت شنو
عباس :روح من احسن مااجيب المسدس وافرغه براسك...
جلال:اسكت لك لاتشوف روحك علينا ادري بيك حاطط عينك على مرتي
عباس:شكد وسخ انت ومرتك ال... استغفر الله اطلع من بيتي دااطرد بي واجت وراي سجى تركض وتعيط الحكوني اني جمدت بمكاني الكل تفاجئ وضل يباوعلها وهي جانت لابسه فستان عنابي وياه شال كريمي اني اختاريته الها طبعا من دانعقد ..
سجى:بعد معافني بالغرفة وحدي فكرت انتحر بعدين اتذكرت انه حرام سمعت اصوات جوه ذولي ناس يتعاركون وياه مبين عليهم طيبين واكيد راح يوكفون وياي نزلت جوه عليهم واني اعيط الحكوني ....
عباس:شنزلت انت اصعدي
سناء:شنو هاي يازبالة لامها من الشارع ولك انوب زبايل تلم
عباس:انت معليج اسكتي
جلال:شتسكت وانت نزلت رؤسنا وجماله جايبها للبيت وينامي خل تشوف بكرها شديعمل شديسوي
سناء:لا هذا امر مينسكت عنه هسه اخابر بابا...وفعلا خابرت عمي وعمي كال اكعدوا بالبيت هسه اجي ونتناقش نزل الجهال جلال وطببهم لغرفة امي وهي لساها نايمه طبت سناء نيمتهم وكعدنا ننتظر عمي عمي جان عنده شغلة بأربيل لهذا مااتأخر علينه ساعة وهو بالبيت صار كعدنا حجينا
عمي:شسالفة يالولد
جلال :اخوية الجبير الي الكل تحلف براسه لام دعاره لبيت امي
سناء:يابه يمكن عاش بأربيل ونسى الي ربينا عليه
عباس:كاموا يحجون واصوات تنزل واصوات تعلى اني ساكت ومنزل راسي مااعرف شكول لان بس اتمنى انه اكوم املخ هاي البنيه.. اخر شئ صاح بيه عمي وكالي انت صدك ماتستحي وكام يحجي حجي صاعد نازل
عباس:عمي كافيكم عاد المرة مرتي واني متزوجها
سناء:عزه العزاني تزوج انت ودعارة يالمتستحي
عباس:من حركت دمي هاي الي تحجين عليها مرتي مرتي
عمي: ولك انت الي يتمننك الاف النساوين تزوج دعارة
عباس: مو دعارة واصلا شريفة... ياربي شدااحجي بيني وبين نفسي
عمي :شنو الي يثبت عائلتها وين وليش كامت تصيح من شافت بنتي وزوجها
عباس:اولا اهلها اعرفهم وتكدر تسأل عنهم ثانيا مريضة ولهذا كامت تصيح من شافت هذولي
سناء:والله يالله انوب مخبله علينا عمي:دخلتلها ياولد اخوي
عباس:وشنو السالفة ليش تدخلون بحياتي من ذاك اليوم لليوم ماكلمتوني هسه جايين تحاسبوني اني حر حر
عمي :اريد اكلم البنت
عباس:لا متكلمها
عمي:شنهي ترد كلمتي ياابن سعود
عباس:عمي هي تعبانه ومتكدر تحجي وياكم
عمي:جا خبرني دخلتلها لو لا
عباس:لا عمي مادخلتلها لحد هسه ...احجي وماادري عندي ثقة بروحي وبيها ليش هيج اني ماادري
عمي :جا بعد باجر اجيب شيوخ من العشيرة واروحن اسأل عليها وعلى اهلها ونجي ونسويلك العرس و نشوف اثباتك ياولد سعود
عباس:شدخل العشيرة انت شداتحجي عرسيش تريد تسوي
عمي:شنهي ولد سعود جا اخليك تتزوج سكاتي وانت الي بقيت من عندنا مامتزوج وانت امان عندنا باجر راح ادز النسوان وي صكر وبعد باجر اجيب الزلم ونشوف شراح تطلعلنا
عباس :الي تشوفه عمي ....بيني وبين نفسي شراح اسوي لازم اشوف حل شلون اذا جانت مو بنيه شلون اذا اهلها حجوا عليها وره مطلع عمي وجلال ومرته شفت بعيون سناء الشماته والانتقام مني طبعا الكل يكرهني لان ضابط ويردون عليه الزلة ... بس اني مراح افوت شئ لازم اتنال جزائها هاي الفوك صعدت ليفوك وفتحت باب الغرفة لكيتها حاطه راسها بين رجليها وخاتله بالزويه اول ماطبيت ضلت واكفة وترجف سحبتها من ايدها وردت اكتلها بس منظر عيونها شلني شنو هالبراءة شنو هالعيون
كعدت على الجرباية وهي كبالي واكفتها واني لازم ايد وحده منها وتحاول انه تفلتها .......احجي اسمعج انت شنو قصتج
سجى:اني بريئة والله الله يخليك عوفني ..عوفنييي
عباس:ضغطت اكثر على ايدها وهي تحاول تنزع ايدي ....شدااكول احجي اسمعج
سجى :الي شفته جان خطيبي لاعشيق ولاشي
عباس:كالتلي خطيبها احس ماادري شصاربيه كمت مااكدر اضربها على وجهها اخاف احد يشوفها عصرت ايدها حيل وكرصت زندها كامت تعيط من الوجع وتكمز مثل الطفل الي دايتعاقب
سجى: عوفني الله يخليك عليك الله والله مامسوية شئ الله يخليك
عباس:ماكدرت اسوي شئ زايد بعد بيها عفتها وطلعت ...نزلت يم المسبح وافتريت هاي مخطوبه لالا شنو هالجذب شخطبها لعد ليش اهلها عافوها اذا صدك وليش خطيبها ماشفته ولااجه لالا داتجذب .....هسه عمي شلون يردون دليل واثبات منين اجيب اهلها يوو اهلها هسه يطلعولهم جذبه خل اشوف رقم ابوها ...خابرت لبغداد رقم ابوها مسجل بالسجلات الي عدنه خابرته كتله بنتك اتزوجتها وسترت عليها لهذا اي واحد يسألكم كلوله متزوجه ضابط بأربيل ابوها انصدم وكام يبجي ويشكرني وماادري شحجى اشياءات بس عقلي مو وياه عقي كله اريد اشوف شلون اخلص روحي من البلية الي وكعت بيها ...
